OrthoBetic

أكتر نموذج بزنس مكيفني في البلد دي (لدرجة بفكر بصورة جادة أعمله) هو البزنس موديل بتاع محلات (كوخ الشاي) .. للناس الماعارفين دي سلسلة محلات صغييييرة تشبه الفود ترك (لا بجد صغيرة المحل مترين x مترين) .. بتقدم حاجات مخصصة خفيفة (شاي .. نسكافيه .. كيك .. ساندوتش .. زلابية .. عصير) .. المهم حاجة تاخدها معاك وانت ماشي ..

العاجبني في النموذج دا إن دايما أسعاره رخيصة جداااا لدرجة لا تقارن بالمطاعم (بدون مبالغة مثلا الوجبة في المطعم ب 30 .. في كوخ الشاي بتكون ب 7) ..

وعشان تعرف البزنس دا ناجح لأي درجة محلات كوخ الشاي القلتها ليك فاتحين 75 فرع في دولة واحدة .. وناس السعودية بيعرفو سلسلة (بارنز) .. ديل فاتحين 900 فرع في السعودية بس ..

قعدت فترة أفكر البشر ديل بيكسبو كيف .. لو بيبيع الشاي ب 1 والكيكة ب 2 والساندوتش ب 7 .. فلقيت ان صاحب المحل بيكسب بسبب حاجتين:
1. بيبيع كتير .. لان الوجبات خفيفة ورخيصة فهو حبيب الشعب .. اي زول عايز ياكل او يشرب شي بيجي ياخد منه.

2. مصاريفه في البزنس قليلة .. تلقا المحل كله قايم على نفرين بس .. واحد في المحل جوا بيجهز الطلبات .. وواحد بره بيجري يوصلها للزباين الواقفين بعرباتهم ويلم القروش.

حالياً مخي بقا ماشي لفكرة (كيف ننفذ فكرة زي دي بس نعملها بأسلوب مميز يشبهنا؟)
وبناء عليه بالتعاون مع متخصصين آخرين بقينا شغالين على دراسة جدوى لفكرة المشروع دا .. وكيف يتعمل بصورة ناجحة ومربحة.

فلو انت حابب انك تدخل مجال المطاعم الخفيفة .. وتعمل بزنس (فود ترك متخصص) يكون حقك انت .. فأكتب لي "مهتم" وأنا حأديك إستمارة تسجل فيها وأول ما نخلص دراسة الجدوى حنرسل ليك تفاصيلها.

المشروع دا صراحة لو ظبط .. حيكون مكسب رهيب ونفس الوقت يحل مشكلة الوجبات بسعر مخفض للناس.

+ هل في براند سوداني حيكون مناسب مع الفكرة دي؟

😌💰
#بزنس

كونوا على الموعد

محاضرة مميزة مع السفير الملكي لؤي محمد بعنوان
{كيف اغير النتائج من خلال سستم E-WORLD في نهاية الشهر ؟}

على منصة الزووم التاسعة مساءاً يوم الاثنين الموافق 30/3/2026

برعاية شركة رائد الخير

مهم