Permanent Makeup by Anie

🙏🏼Տե՛ր Աստված, երբ սիրտս ծանր է ու հոգիս հոգնած, երբ չեմ գտնում ճանապարհը և մոլորված եմ, Դու եղիր իմ լույսը ու իմ հանգիստը։ Տուր ինձ ուժ՝ դիմանալու այն ամենին, ինչը չեմ կարող փոխել, և իմաստություն՝ հասկանալու այն, ինչ Դու ես ուզում ինձ սովորեցնել։ Հեռացրու իմ վախերն ու տագնապները, լցրու սիրտս խաղաղությամբ ու հույսով։ Թող ես զգամ Քո ներկայությունը նույնիսկ ամենախավար պահին։ Տե՛ր, մի՛ թող ինձ մենակ իմ մտքերի մեջ, բռնիր ձեռքս և առաջնորդիր ինձ դեպի լույսը։ ԱՄԵՆ:

__________________
🙏🏼❤️‍🩹

Հարգելի՛ հաճախորդներ,

Ցանկանում եմ հիշեցնել, որ պերմանենտ շպարի վերջնական արդյունքը գնահատվում է միայն կորեկցիայից հետո։

Առաջին պրոցեդուրայից հետո պիգմենտի պահպանման աստիճանը յուրաքանչյուրի մոտ անհատական է և կախված է մաշկի տեսակից, օրգանիզմի առանձնահատկություններից և հետխնամքի ճիշտ պահպանությունից։

Մինչև կորեկցիան միջինում՝

Չոր և նորմալ մաշկի դեպքում պիգմենտը սովորաբար պահպանվում է մոտ 60–80%։
Խառը և յուղոտ մաշկի դեպքում՝ մոտ 40–60%, քանի որ յուղարտադրությունն արագացնում է պիգմենտի թուլացումը։

Կորեկցիան պարտադիր փուլ է, որի ընթացքում լրացվում են պիգմենտի կորուստները, հավասարեցվում են գույնն ու ձևը, և միայն դրանից հետո կարելի է գնահատել աշխատանքի վերջնական արդյունքը։
Կարևոր է հասկանալ, որ նույնիսկ կորեկցիայից հետո արդյունքի պահպանման տևողությունը կախված է ոչ միայն մասնագետի աշխատանքից, այլև Ձեր մաշկի առանձնահատկություններից և հետխնամքի կանոնների խիստ պահպանությունից։ Եթե հետխնամքի ցուցումները չպահպանվեն, պիգմենտի պահպանությունը կարող է նվազել նաև կորեկցիայից հետո։
Խնդրում եմ ուշադիր հետևել բոլոր ցուցումներին, քանի որ միայն մեր համատեղ աշխատանքի շնորհիվ կարող ենք ստանալ բնական, գեղեցիկ, հավասարաչափ և երկարատև արդյունք։

Յուրաքանչյուր մաշկ յուրահատուկ է, և պերմանենտ շպարը 100% նույն կերպ չի պահպանվում բոլորի մոտ։ Այդ իսկ պատճառով կորեկցիան համարվում է ոչ թե լրացուցիչ ծառայություն, այլ պրոցեդուրայի անբաժանելի և պարտադիր փուլ։