Amira Visa Events

بالنسبة لأسعار الخدمات ديالنا :

💡البحث عن مؤتمر حسب مجالك
عملية البحث وحدها عندها سعر معين لكن انت مبدأيا تخلص مبلغ رمزي حتى نمدولك تواريخ المؤتمرات وانت تخير الي يناسبك في حالة ما ناسبك المؤتمر والتاريخ تكمل مبلغ البحث باش نعطوك موقع المؤتمر
في حالة ما انا ملقيتلكش حتى مؤتمر هنا نردلك دراهمك
لكن في حالة لقيتلك مؤتمر يناسبك ونتا رفضتو لا تسترجع هذاك المبلغ لأنو يعتبر حق تعبي فالبحث

💡بعد عملية البحث تأتي عملية تسجيلك فالمؤتمر
راح نوريلك حقوق التسجيل فالمؤتمر الموجودة في موقعهم يعني راح تكون مصداقية تامة ما راح نزيد عليك حتى دورو. فهذ الحالة تحب تسجل روحك اذا عندك بطاقة فيزا
اذا ما عندكش انا نسجلك بالمبلغ نفسو الي طالبينو بلا منزيد عليك مع حق تعبي أكيد !

💡 قبل مرحلة التسجيل كاين مرحلة اسمها نتفاهمو مع المنظمين تاع هذ المؤتمر نتفاهمو على طرييقة استلام الدعوة والشكل تاعها وموقعة من طرف شكون ..والخ وخصوصا نتأكدو من طريقة استرداد المبلغ الي هدرت عليها فالمنشور الي قبل هذا

هذو هما المراحل كلهم بعدها تتحصل على الدعوة تاعك وتروح تحط ملف الفيزا ❤️

بالنسبة رسوم التسجيل في المؤتمر (يحددها كل مؤتمر حسب البلد والمجال).
ليكن في علمكم انو احيانا اسعار التسجيل فالمؤتمر راهي غالية

نرافقوك حتى بعد حصولك على الدعوة وإذا احتجت تعديل أو استفسار نساعدك مجانًا

وبإذن الله راح تكون كاينة شفافية وصدق في كل الأمور حتى تتحصلو على الدعوة تاعكم

مذا لو رفضولك الفيزا بالرغم من انو عندك دعوة رسمية من هذيك البلاد :

في هذه الحالة لازم قبل ما نطلبلك الدعوة الرسمية من المؤتمر نتفاهم مع المنظمين ونطلب منهم توضيح اذا رفضولي الفيزا هل نسترجع الدراهم الي سجلت بيهم فالمؤتمر او لا؟

كاين بعض المؤتمرات نعم يردولك المبلغ اذا عطيتهم دليل بلي الفيزا ترفضت

كاين البعض منهم يخلو الدراهم عندهم ويطلبو منك تسجل في مؤتمر ثاني مرة اخرى يعني تبقى مسجل دائما في مؤتمراتهم الدولية

وكاين الي يعطوك نسبة يدروهالك مثلا يردولك 70% فقط من المبلغ

وهذ الأمور باش نعرفوهم لازم نتواصلو مع المنظمين ونديو من عندهم المعلومات اللازمة قبل التسجيل ؟

نقدرو نتواصلو بكل المنظمين من اي مكان ونتحدثو معاهم بأي لغة انجليزية اسبانية اطالية فرنسية يعني نوفر خدمة الترجمة لكم

وكل خدمة نوفروعها عندها سعر خاص بها ! مرحبا بكم كامل ❤️

نقطة مهمة لازم تعرفوها
في هذا المجال كاين بزاف ناس تعطي دعوات مزيفة أو وهمية، يكتبولك اسمك على ورقة ويردوها دعوة وهي ما عندها حتى قيمة لا عند السفارة ولا عند المنظمين
وممكن هذ الورقة المزيفة تحطك في موقف انو القنصلية تعطيك موتيف 12 يعني تبقى مرفوض دايما بسبب التزوير

لكن عندي أنا، الخدمة مختلفة تمامًا:

نسجلك في موقع المؤتمر الرسمي باسمك الحقيقي.
الدعوة تجيك مباشرة من الجهة المنظمة (موثقة، فيها شعار وتوقيع الجهة).
وإذا حبيت تتأكد، تبعث إيميل للمنظمين،
ونزيد نبعثلك الايمايل لي وصلتني فيه الدعوة باش تتأكد و نعطيك موقع المؤتمر
كل شيء يتم بشفافية كاملة وما نعطيكش ورقة حتى نكون متأكدة بلي اسمك تسجل فعلاً في الحدث.
ثقتكم هي رأسمالي وهدفي نخليكم تطلبو الفيزا براسكم مرتاح ومطمئن

كيف تتم الخدمة؟
أولاً: انت تختار الدولة اللي حاب تسافر لها وتعطينا مجال العمل او النشاط اللي تقوم به.

ثانياً: نبحث لك على مؤتمر أو فعالية تكون مناسبة لمجالك، وهذا مهم بزاف لأن:

لازم الدعوة تكون مرتبطة بنشاطك المهني.
هكذا تزيد فرصة قبول ملف الفيزا.
القنصلية تشوف بأنك رايح لهدف واضح وجدي، مش مجرد سفر.
ثالثاً: نسجلك باسمك في الفعالية ونتكفل نحصل لك الدعوة الرسمية.

رابعاً: نرسل لك الدعوة بصيغة PDF رسمية فيها كل التفاصيل اللي تحتاجها لتقديم طلب الفيزا.

وللمصداقية نعطيك ايمايل صادر من المؤتمر مباشرة يعني منعطيكش مجرد ورقة وفقط !

وإذا احتجت مساعدة إضافية، نرافقك خطوة بخطوة.

دعوة رسمية هي وثيقة تصدر من جهة منظمة لمؤتمر أو اجتماع أو فعالية دولية، باسمك، تؤكد فيها أنهم يستقبلوك عندهم.

السفارات تعتبر هاد الدعوة دليل قوي على أنك ماشي رايح للسياحة فقط، بل عندك هدف واضح للسفر، وهذا يزيد فرص قبول الفيزا.

أنا نضمن لك:

دعوة رسمية باسمك.
من مؤتمر حقيقي ومفتوح للتسجيل.
وفي مجال تخصصك.

راك حاب تسافر إلى بلد أو دولة معينة وتحتاج تقوية ملف الفيزا الخاص بك؟
نوفر لك دعوات الرسمية حسب البلد الي تختاره لحضور مؤتمرات دولية، اجتماعات، وفعاليات متنوعة في مجالك.

علاش الدعوة الرسمية مهمة؟
لما تقدم على الفيزا، السفارات تطلب إثباتات تثبت هدفك من السفر فالدعوة الرسمية المعترف بها تعطي ملفك قوة وثقة أكبر وتسهّل الموافقة على طلب الفيزا

كيف نساعدك؟

نوفر لك دعوات المؤتمرات أو الفعاليات المناسبة لمجالك.
نسجل اسمك في المؤتمر ونحصل لك على الدعوة الرسمية.
نرسل لك الدعوة لتستخدمها مع ملف الفيزا.
ندعمك خطوة بخطوة لضمان تجربة سهلة وناجحة.

كل اللي عليك تتواصل معنا ونتولى الباقي.

بسم الله الرحمن الرحيم 🤲

نفتتح مشروعنا الجديد Amira visa Events الهدف منه توفير لزبائننا الكرام الدعوات الرسمية في دول مختلفة لدعم ملف الفيزا الخاص بكم

نؤمن بأهمية الشفافية والاحترافية نشالله نكون عند محل ثقتكم ان شاء الله بداية موفقة لنا ولكم

شكراً لكل من راح يدعمنا في هذي الرحلة ، ونتمنى نكون عند حسن ظنكم