Dr / care

#5 مقاومة الانسولين

- دلوقتي عاملت التحليل وطلع عندى مقاومة الانسولين فعلا الخطوة الجايه مفروض تكون ايه ؟! 🤔

- هنا يوجد عده اساطير 😅 الاهم تدفع الفيزيتا يا غالى

- هتروح لدكتور =
بس كده انت حلك تأخد جلوكاجون ( عكس الانسولين)
- خسيت براڤو 👏🏼
- بنكرياسك تضرر 👀 سكرك بقى اعلى من الاول 🙄
- مش مهم الاهم خسيت 😌
- مشكلة الانسولين تفاقمت داخلين فسكر تراكمى 👀

- بعدين بقى فالليله دى 🤦🏻‍♀️
- بص انسى كل اللي فات ده انت حلك الجهاز السحرى لتفتيت واختراق الدهون من الاخر 😌
- خسيت و رجعت تخنتهم انى اسف 🙃

- نجرب اللى بعده يا استاذ انت حلك البرشام الخارق لنسف الدهون ايوة هو ده سلاح المرحلة القادمه 🔫
- خسسك ودخلك المستتشفى علقت محاليل صحتك فالنازل ؟!👀

- طب نجرب الابر الصينية بص بقى ده الحل اللي هيجيب من الاخر
- بتقول ايه فتح نفسك اكتر وبقيت تأكل الاخضر واليابس 🤔

- اتفضلى يا استاذة تحاليلك وورقتك انتِ طاااالق
اقصد حالتك عجز الطب عن حلها 🙃

- هنا تبداء وصله من الاكتئاب ولوم النفس انتى السبب يا هانم لو بتهتمى بيا من الاول مكنتش بصيت لبر 🥴

‌بنعالج ولا بنمرض؟!

الاطفال : هنا مش بيكون الخطر ف إحتمالية الاصابه بالسكرى فسن مبكر بس ؛ الاسوء انه بيأثر على هرمونات النمو

الجين بيتطور ف وفر على نفسك واولادك مشاوير دكاترة كتير محدش بيحب يشوف طفل تعبان 😔💙

/

4 #مقاومه الانسولين

ازاى اعرف عندي مقاومة ولا لا؟! 🤔
- لو لاحظت الاعراض دي ممكن نعمل تحليل بسيط يعرفنا درجة المقاومة وصلت لفين

• زيادة محيط الخصر

• زيادة ملحوظة اسفل البطن .

• بتحس بتقل ووخم بعد الاكل .

• زوائد جلدية .

• الشواك الاسود حول الرقبه .
وده بيظهر علي هيئه خط من التصبغات اسفل الرقبه

- الفكره هنا لما بتزيد التهابات جسمك وهنا بتكلم عن الداخليه اللي بتزيد بسبب المكررات

‌تقدر ترجع لسلسلة لماذا نمرض لو مش قرأتها 🙄
حقا الاهتمام لا يطلب 🤭

المهم يا سيدى الفاضل جسمك بقى فى خلل وده ادي انه بقى يهاجم نفسه بطرق مختلفة و عرفنا بردو فحلقه ليه استجابه اجسامنا مختلفة لنفس المعطيات ؟!
فايتك كتير يا صديقى نرجع للحلقات السابقه 😍🤝

- الفكرة هنا ان مقاومة الانسولين تعتبر من الاسباب الرئيسي لظهور تصبغات الجسم

- طيب تفتكر كده هيختار اماكن ايه علشان تحس بيا والمشكلة تطلع للنور ؟! 🤔

√ ‌الاماكن الحساسه
لان سمك طبقه الجلد بيكون رقيق فيها وسهل التأثر .

√ ‌اماكن تراكم طبقات الجلد الكثيفة
لانها تتكون من كذا طبقه فوق بعض
زي الركبه و الكوع .

√ ‌اماكن الانثناء فالجسم
كبين مفصل اليد و و غيرها .

- وهنا نقدر نستوعب ان النظام الهرمونى للانثى معقد وبيحدث به تغيرات اكتر بكتير من الرجل ~بالتالى بيكون التأثير مضاعف اكتر

و يجاوبنا على تساؤل ليه بجيب اغلى غسول ومنتجات عنايه بالبشرة ويطلعلى حبوب واخوكى يغسله بصابون بريل ويبقى بينور 😂 طلع فى تفسير علمى يا شباب 🤝😂👏🏼

/

#3 مقاومة الانسولين

- سؤال من العيادة = الحقينى جسمى بداء يقاوم الانسولين هو انا كده بقيت سكر نوع تانى 😳 ؟!

• خلينا مبدأيا ندرك ان طول ما انت مقاومه انسولين بأي مرحلة من مراحلها او سكر نوع تانى
فده بنعتبره عرض مش مرض بمعنى يمكن علاجة .

- الحاله الوحيدة اللي لابد نتعايش مع الامر هو سكر النوع الاول .

👀 حوار مع صديقى البنكرياس :

• تأكل نشويات اكتر من احتياجك

• فتزيد حلاوة وسكر الدم يعلى وانت كده كده مسكر 🤭

• يا استاذ بنكرياس من فضلك عايزين تديلنا شويه انسولين يخففونا حلاوة شويه 🙈 سكرنا عالى

• الانسولين خلص و سكرنا لسه عالى نعمل ايه 👀

• سالخير 👏🏼يا فرعونا الصغير عم الناس و......
البنكرياس = اخلص عايز ايه من غير تطبيل 😅

• شويه انسولين بس كمان.

• استنى كده 👀 الحقوناااااا اغيثوناااااا ده بيأكل تانى

• يا دي الكسوف يا استاذ ايدك معانا شويه انسولين بس كمان 🙄

- بعد تكرار العمليه مراراً وتكراراً وتكراراً و مراراً .......

من كتر ضغطك علي بنكرياسك كفاءته فالشغل بتقل
* مش كفايه انا مضغوط هيبقى انت كمان عليا *🤦🏻‍♀️

فيقل الانسولين وسكرك يفضل عالى
و هنا احنا وصلنا لسكر نوع تانى .

- لحد ما من كتر الضغط يجيب اخره ويقول طب مش لاعب ويقف مفيش انسولين بالمرحلة دى تحديدا احنا وصلنا لسكر نوع أول .

وهنا مفيش اي تدخل علاجى فبنأخد حقن الانسولين بعد كل وجبه.

جسمك هنا فقد القدرة على اصلاح نفسه بنفسه
ولابد نتعايش مع الوضع الجديد...

- كتر الضغط بيولد الانفجار كونو رحماء بأجسادكم فالصحه غالية 😔💙

/

٢ # مقاومة الانسولين

يعنى ايه مقاومه للانسولين؟! 🤔💭

- بص يا سيدي الفاضل علشان مش نكلكع الامور ببساطة جسمك لما بتأكل بيبداء يهضم الاكل
يمتص المغذيات و يرميها للدم يوزعها
و يحول الباقى لطاقه تروح للخلايا يملاها فتأخد طاقه تتحرك وتعمل كل انشطة يومك 🏃🏻‍♀️👣 .

• امتى جسمك يبداء يقاوم شغله الطبيعى؟!

- تبدأ تأكل اكتر من احتياجك = يفرز انسولين يخفض سكر الدم لمستواه الطبيعي ؛ اخدت احتياجى من الطاقه .

الباقى اروح فين ؟! 🥺

‌مبدهاش بقى نلم الرجالة و نروح للعمدة (الكبد) 🤭
فيحول الزيادة فالطاقة ل جليكوجين
• اللي بيخزن على هيئه دهون حشويه .

- مع تكرار العملية المضاعفات بتزيد هنا يبداء الجسم يقاوم شغله يجي الانسولين يخبط علشان يدخل يا اهل الدار 👀👏🏼
يلاقى الباب مقفول ☠️

بس كده ✋🏻 هو الاهتمام مبيطلبش الم دهونى ونروح بيوتنا الكتير تساع من الحبايب الف 😌 .

وورينى هتلاقى طاقة منين تتحرك بعد الاكل 🤷🏻‍♀️
- و ده نقدر نلاحظه بسهوله فظاهرة التقل بعد الاكل
واحساس عايز انام 😴🥴

الانسولين = افتحولى الباب ده
الخلايا = ماما قافلة بالمفتاح 🙈😂

• نستكفى بهذا القدر كى لا اطيل عليكم جعلنا الله واياكم خفاف الخطى ❤🤭

ونتقابل الحلقه الجايه مع معلومات اهم 🙈💙

ايه علاقه مقاومة الانسولين بتصبغات الجسم؟! وازاي اعرف درجة المقاومه عندي ؟! وهل ده معناه ان وصلت لمرحلة السكرى نوع تانى ولا لا؟! وايه تأثيرها على متلازمه الايض؟!

- الموضوع كامل الدسم ومحتاج كذا حلقة دومتم جميلات فكل حالاتكم 😍❤

/

#1 مقاومه الانسولين

- يعنى ايه انسولين؟!
هرمون بيفرز من البنكرياس لمعادلة معدلات سكر الدم بعد ما نأكل اي وجبه.
- هل فى اكلات معينه بترفعه ؟!
اينعم طبعا عندنا عامل بنسميه جلايسمك اندكس
Glycemic index
بمعنى مقدار رفع سكر الدم وده بيختلف حسب النوع والكمية
بشكل عام نقدر نقول :

√ ‌ان الدهون وهنا بتكلم عن الصحية 😏
شايفك ياللى فرحت 😂 مش بترفع سكر الدم

√ ‌ولا البروتين 🙄
بس لحظه هنا الكميه هتحكم لو اكلناه بنسب كبيرة بيرفع سكر الدم 🤷🏻‍♀️ فالكميه هنا تفرق يا عزيزى

√ ‌نجي بقى للكينج وحش الكون الكربوهيدرات 😂
هنا نقدر نحدد كام نقطة

• اولا هل نوع الكارب ده بسيط ولا معقد

سمعه افكارك والله ما حد معقدنا غيرك 🤣🤣🤣
معقد بمعنى مصنوع من حبه الكاملة او زي ما بنسميها منتجات الحبة السمراء كل ما هو اسمر رائع اكيد 🤭🙈💙

• ثانيا فاكرين لما قولنا جلايسمك اندكس!
كل ثمرة ليها معدل مختلف فى ارتفاع معدل سكر الدم و هنا نقدر نحط قانون ان كل ما زادت الالياف الصلبة وقل السكر والماء فبيقل المعدل .

- هنا هصدمك بمثال كلنا بنحبه البطييييخ
ده معظمه مايه يا دكتور انتى بتقولى ايه 🙂!!!
نهدي بس هو فعلا معظمه مايه و ده معناه سكر اكتر والياف اقل
وده مش معناه مش نأكله لا خالص بالعكس لانه من فاكهه الصيف المحببه لانه مليئ بالمايه بس نعتدل 🤭

- يعنى مش لسه تبقى ضارب طبق محشى وانسولينك فالسما وتجى تهضم بالبطيخ ده مايه يعنى 🤦🏻‍♀️
هنا جسدك يستغيث اغيثونااااااااااااا ☠️

• ثالثا الكميه
نسبة احتياجك = مقدار الطاقة اللي بتبذلها فيومك العادى .
طيب المعدل ده لو فى خلل نعمل ايه 😃
قدامك حل من الاتنين ملهومش تالت
يا تقلل نشوياتك يا تزود حركتك غير كده هيبداء جسمك يخزن الزيادة على هيأت شحوم فتزداد كتله وجاذبية طبعا 😌💜💜💜
دومتم قمرات فكل حالاتكم 😍

/

2 # الصحة أغلى ولا المرض ؟!

كتير بيقول الاكل الصحى غالى 🤷🏻‍♀️
ومش واخدين بالهم أن المرض أغلى 🥺

- لقيمات من نصائح كفيلة بتحويل طعامك من غير صحى لصحى ... 😌🤝

1- استبدال الزيوت المكرره ( زيوت الطعام) ~ بالزيوت الطبيعة زى سمسم او زيتون او جوز الهند.

2- استبدال الدهن النباتى والزيوت المهدرجة ~ بالزبد الطبيعى .

3- استبدال السكر ~ بالمحليات الطبيعة كالعسل والتمر.

4- استبدال ملح الطعام ~ بالملح الصخرى / بحرى.

5- استبدال الدقيق المكرر ( الابيض) ~ بدقيق حبة القمح الكاملة او الشعير .

6- استبدال البان الحيوانية ~ الالبان النباتيه ك حليب جوز الهند و حليب اللوز .

- احذر منتجات الصويا!!!

/

#1 الصحة أغلى ولا المرض؟!

ربنا سبحانه جعل لاجسامنا قدرة عظيمة على اصلاح نفسه بنفسه الجسم كل اللى محتاجة شويه وقت للتعافى واتباع الخطوات التاليه لإستعادة صحتك 😌🤭

1 - نقلل التهابات :
‌√ زيوت مكررة √ سكريات √جلوتين √ البان معلبه.

2 - نقلل شوارد حره :
‌√زيوت مهدرجة √ دهون نباتية
‌√ مبيدات الاكل غير العضوي والحاجات المسرطنة

3 - نقلل كورتيزول : 🥺
‌√ ننام كويس بإسترخاء فغرفة مظلمه عدد ساعات كافى
‌√ نخف ضغط وتوتر ونزود ڤيتامين سى

4- زود مغذيات كبرى طبيعة : 🌿🍃
‌√ كربوهيدرات √ دهون صحية √ بروتين
‌ومش ننسى الخضراوات والفواكه مليانه معادن وڤيتامينات

5 - نزود المعادن والڤيتامينات اللى بنسب منخفضة فجسمك .

و اهم خطوة نتعلم من وشوشنى مش ننسى نسلم تقاريرنا و نستمتع بحياة الصحة 💙🤝😂

/

#4 لماذا نمرض ؟!

- معادلة تفاعل اي خلل فجسمك =
مسبب (جينات) + محفز ( عادات) = نتيجة ( مرض)
و كلنا عارفين لو اختل احد طرفي المعادلة لن يؤدي لوجود نواتج اللي هي الامراض 🤷🏻‍♀️

- ده بيفسر ليه ممكن نفس الاشخاص يأكلو نفس الطعام و يكون رد فعل تأثير اجسامهم مختلف .
تزيد الالتهابات فيبداء تتأثر الحلقه الجينيه الاضعف اللى بتختلف من شخص لاخر

- فتسبب لشخص نحافه وشخص اخر سمنه وشخص اخر امراض مناعيه وهنا مناعه الجسم بتبداء تهاجم نفسها فتتسبب فأمراض جلدية ك إكزيما و تصبغات و غيرها.....
او امراض الغدد كأشهر مثال نشاط او خمول الغدة الدرقية .

- كما ان النظام الهرمونى للانثى ليه تأثير اكثر بعكس الرجل بسبب التغيرات المستمرة .

مش قولتلك يا صديقي ننام بدري كانت كل مشاكلنا اتحلت 🤦🏻‍♀️
نفهم من كل ده ان اول ما نلاقي junk food او اي طعام او عادات بتحفز التهابات اجسامنا نعمل ايه يا شلبى

هروووب سريع هروووب سريع 🤭

/

#3 لماذا نمرض؟!

سمعت قبل كده عن متلازمة الايض ؟!

- ف بداية كل امراضك ومشاكل حياتك بتدخلها بنفسك لجسمك و جسم اولادك بدون ما تشعر .

- طب يا دكتور ايه مسببات الالتهابات لجسمي ؟
دي حدوتة تانيه اكثر رعبا مما قبلها بس نقدر نحط الخطوط العريضة حاليا ورقة وقلم ومعايا يا ست الكل

- يتربع علي رأس القائمه فاكرني هقول السكر يا صديقي صح 😁
لا لاء هو السكر فعلا سئ بس بيأخد المركز التاني فالقائمة الاسوء من السكر لجسدك

- زيوت الطعام ( الزيوت المكررة) ودي حدوتة فكروني نحكيها بالتفصيل يا صديقي فحلقة اخري .

- يأتي فالمركز الثالث الدقيق المكرر او كما يسمي الدقيق الابيض

- ثم المركز الرابع يحتله الملح المكرر ايوة هو ملح الطعام اللي فبيوتنا انت فهمت صح 🤝

- بالاضافة للالبان ودي حدوتة تخوف وعليها جدل كبير فعالم التغذية زي بالظبط
التخسيس مشكلة هرمونات و لا سعرات ؟!
طب هل المشاكل الجلدية ناتج التهابات داخلية و نقص ڤيتامينات و لا مجرد إختلاف طبيعة جينات ؟!
مساءكم سعيد نكمل الحلقة الجايه 🤭☕💙

/

#2 لماذا نمرض؟!

لو مديرك مش مقدر شغلك هتكمل شغل؟! 🤔

- اجسامنا بتتأثر بعاملين الجينات ( المسبب) ، عادات (المحفز)

- يعني يا صديقي لو ورثت جين لمرض معين و إتبعت اسلوب حياة صحي مش هيحفز عمل الجين بالتالي مفيش مرض 🤷🏻‍♀️

- لحظة لاحظ ان قولت اسلوب حياة صحي مش اكل صحي بس!
أولهم يا صديقي ننام بدري زي ما بداءنا فأول الكلام 🤭 .

- الاهتمام طلع بيطلب عادى يا شباب 😂🤝
هنا جسمك بيقولك قدر تتقدر اللي اعرفه العناصر الغذائية التاليه :
- احماض امينيه
- احماض دهنيه
- ڤيتامينات
- معادن

- بالاضافة للكربوهيدرات كمصدر للطاقة
بس لحظة هنا اقصد الطبيعة زي الارز او قمح الحبة الكاملة ☺.

غير كده بيرد جسمك عليك اتصرف ازاي اوديهم فين يا فوزي 😀

و هنا بداءت رحلة شيف البيتزا و عاشقة المكرونه 🥴
لخلينا اخوات احسن مفيش نصيب 😒

مساءكم سعيد ☕💙

/

#1 لماذا نمرض؟!

- انا ليه مبخسش طب اتخض علي نفسي ولا لسه شويه 😂
الأڤر ثينكينج هيموتنا يا معتز مش يغمضلنا جفن غير لما نجمع الخيوط وننكد علي نفسنا 🙂🤝

تعالا اقولك ما هو مكنش ينفع نسهر يا معتز 🤷🏻‍♀️

- الفكرة ان جسمنا ليه طريقة عمل معينة ربنا سبحانه انعم علينا بيها فحضرتك جيت لعبت فإعدادات النظام واصبح في خلل فنظامك الصحي
هنا بالظبط بداءت الحدوتة .

مساءكم سعيد نكمل الحلقة الجايه 🤭
جلعنا الله واياكم من خفاف الخطى 💙

/

تسائل بومبا يوما ما قائلا :
- تيمون ليه مع اننا بنأكل نفس الاكل انت معصعص وانا ملظلظ 🤔

/