EsraaGamal

✨ شعرك دهني؟ 7 عادات هتفرق معاك جدًا!

لو شعرك بيدهن بسرعة وبتحسي إنه بيفقد شكله بعد يوم واحد، جربي النصايح دي:

💚 1. اغسلي شعرك وقت الحاجة فقط الغسيل اليومي ممكن يحفز فروة الرأس تفرز دهون أكتر.

💚 2. ركزي الشامبو على الفروة وسيبي الرغوة وهي بتنزل تنظف باقي الشعر من غير فرك قوي للأطراف.

💚 3. ابعدي عن المياه السخنة المياه الفاترة أفضل لأنها ما بتحفزش إفراز الزيوت.

💚 4. ما تلمسيش شعرك طول الوقت لمس الشعر باستمرار بينقل الزيوت والأوساخ من إيدك لفروة الرأس.

💚 5. استخدمي بلسم على الأطراف فقط تجنبي وضع البلسم على الجذور عشان ما يزودش الدهون.

💚 6. نظفي الفرشاة والمشط بانتظام الفرشاة المتسخة بترجع الزيوت والأتربة لشعرك كل مرة.

💚 7. اختاري شامبو مناسب للشعر الدهني وابعدي عن المنتجات الثقيلة أو الزيوت على فروة الرأس.

💚 8. لازم تعملى سكراب للشعر مره كل ١٥ يوم علشان تنضفى الشعر كويس

✨ مش كل الدهون حاجة وحشة!
الهدف إنك توازني إفراز الزيوت، مش تمنعيها تمامًا.

💬 قوليلي... شعرك بيدهن بعد كام يوم من الغسيل؟ يوم؟ ولا يومين؟ 👇

كلنا عايزين نتيجة سريعة...

لكن الحقيقة إن البشرة الصحية مش بتيجي من استخدام منتج مرة أو مرتين.

السر الحقيقي؟

الاستمرار. 🩷

حتى أبسط روتين، لو التزمتي بيه، حتشوفي فرق مع الوقت.
حتى لو روتين من البيت بحاجات طبيعية 👌

✨ العناية بالبشرة أسلوب حياة، مش حل مؤقت.

ايه أكتر خطوة ملتزمة بيها في روتينك اليومي؟

بشرتك هتفضل تفرز ف حبوب طول مانتى بتعملى كده!🙅🏻‍♀️

-تنامى بالمكيب
-استخدام فيتامين للشعر مكوناته فى بيوتين بنسبة عالية
-بتاكلى سناكس كتير ولب وشيبسيات وحاجات من دى
-استخدامك لسيروم اسكوربيك اسيد بشكل غلط !!
-بتشربى قهوة كتير فاليوم
-مش بتغيرى كيس المخدة باستمرار
-مش بتنضفى بشرتك كويس بالغسول
-بتلعبى ف بشرتك ب ايدك كل شوية
-مرطب تقيل فالصيف
-مش بتنضفى المسام كويس
-بتنامى الفجر وتصحى الصبح بدرى🙂
-مش بتعقمى موبايلك وشاشته وتيجى تحطيه على ودنك ي هلا بالبكتريا🥲🙆🏻‍♀️
-بترجعى من برا ومش بتغسلى بشرتك كويس من الصن بلوك والاتربة !!
-ابليكتور السيروم مباشرةً على البشرة بينقل بكتيريا
-زيت الشعر او لوشن الشعر بينزل على اورتك حبوب من هنا للصبح🙂🙆🏻‍♀️

-لو مش بتعملى كل ده وبردو فى حبوب راجعى روتينك كويس ولو منطقة الذقن فيها حبوب عنيدة راجعى طبيبك النسا🤍📌