Safy kamel Makeup artist

ميكب خفيف من غير جليتر 🥰

كانت طالبه لوك سيمبل 🥰✨

اخف وارق ميكب هتشفوة 😍

رائيكم 💥✨

ياريت كل عروسه حاجزه او ناويه تحجز او فرحها قرب او حتى بنت عاديه تركز فى البوست ده اوى 👇👇

بالصدفه بقلب فى انستجرام لقيت فيديو فيه البنوته ديه و الميكب ده
حرفيا تنحت قدام الفيديو شويه و خدت كام اسكرين عشان أوضح كام حاجه بس ...

اولا الميكب مش سسسسسسسسحر ابدا عشان يداري كل عيوب البشره الفظيعه ديه زى 👈 نتؤات ، حفر ، تجاعيد ،حبوب بارزه او حيه ، الخ

الميكب ممكن يدارى 👈 هالات ، آثار حبوب ، يكبر شفايف ، يوسع عيون ، احمرار حبايه ، غير كده لا

بلاقى عرايس كتيييير جايه و بشرتها فعلا مبهدله و معتمده ان الميكب هيدارى كل عيوب بشرتها ديه و لو قعدت فهمتها الكلام ده بتحسسنى انى مبفهمش حاجه و العيب عندى

ارجوووكم عاوزين بشرتكم تبقى برفيكت يبقى لازم تعالجى قبل ما تفكرى تدارى

👈اولا اعرفى نوع بشرتك كويس و هاتى الغسول المناسب ليها

👈لو مفيش امكانيه ل غسول يبقى صابونه طبيه ع الاقل و داومى عليها

👈 عندك اسمرار او بشرتك مجهده من الشمس اعملى اسكرابات طبيعيه ف البيت بلاش اللى فى المحلات ده عشان والله بيأذى مش بيفيد و الحبيبات اللى فيه بتوسع مسام البشره اوى

👈 بلاش وااااااااااااكس ولا فتله ولا شمع قبل الفرح ع الاقل اسبوع و اعملى شيفينج

👈ممنوع تنضيف عميق للبشره تماما قبل الفرح على الاقل ب ١٠ ايام

👈مشى تلج يوميا ع بشرتك صبح و ليل عشان تقللى المسام و تساعديني اثبت الميكب خصوصا فى الجو ده

👈 ممنوع تماماااااااا المضادات الحيويه بتاعه الحبوب اقسم بالله بتبهدل الميكب و تخليه يفصل لازم لو بتعالجى بشرتك توقفى العلاج تماما قبلها مش اقل من ١٠ إيام

👈مفيش حاجه اسمها فتحينى ابدا بشرتك بشره بنى ادمه طبيعيه مش عروسه لعبه يعنى لازم تطلعى ب لونك او نغمق درجه لو فى عيوب كتير فى البشره عشان نحد من ظهورها

👈استعملى مرطب Nolver من الصيدليه يوميا هيفرق معاكى اوى
بس المرطب كريم مش جل

👈التجاعيد و العلامات التعبيريه ده شئ طبيعى بحت فى البشره انتى مش بلاستيك الميكب ممكن يقلل شويه منها ب تكنيك معين لكن مش هيداريها نهائى

بالله عليكى يا عروسه اهتمي اوى ب بشرتك عشان تساعدى انى اقدر اساعدك يكون يومك جميل أن شاءالله

كل عروسه معايا انا مدياها التعليمات ديه كلها و ياريت قبل اى خطوه يا عرايس تكلمونى تسألوني افضل ♥️