KAYAN

شعرك كل جمالك ..بعبر عن شخصيتك وهو البديك الثقة وبحسسك انك ملكة في عصرك عشان كدا لازم تهتمي بيه تغذيك وشرب الموية كتير وزيوتك ومرطب شعرك وضفائر الامان بتحمي شعرك وبتحافظ على الترطيب والزيوت واكيد اكيد عشان نحن بنتهم بالتفصيلة دي عملنا ليك كيان بزيوت غنية بالفيتامينات والخلايا الجزعية وكمان عملنا ليك بخاخ الانبات

@الشعر الأفريقي جميل بطبيعته… لولتو ضيقة ومسامته عالية فبيحتاج عناية خاصة.
بنمو ببطء شوية لأنو التجعيد بخلي الزيوت ما توصل للأطراف بسهولة.
عشان كدا لازم ترطيب مستمر وزيوت مناسبه وترطيبها عميق وتصفيف لطيف بدون شد.
وكل ما نهتم بيهو، لولتو تبقى أرتب ولمعته تزيد.
شعرك الأفريقي قوة وهوية… بس محتاج حب ورعاية ✨💛Ãsrär Ibrâhím

مساج الشعر بفيد الفروة شديد… بزيد تدفّق الدم، وبيقوّي الجذور، وبيساعد في نمو الشعر.
كمان بخفف التوتر وبيخلّي الزيوت الطبيعية تتوزع بصورة أحسن.
الطريقة الصحيحة:
بأطراف الأصابع… بحركات خفيفة دائرية لمدة 3–5 دقايق.
ما تضغطي شديد عشان ما تضعفي الجذور.
دقيقتين مساج يوميًا… فرق كبير في صحة شعركÃsrär Ibrâhím

اختبار المسامية بسيط شديد… جيبي خصلة شعر ونزّليها في كباية موية.
لو نزلت سريع دي مسامية عالية، لو وقفت في النص متوسطة، ولو طفت فوق منخفضة.
الزيوت المناسبة؟ العالية بتحب الزيوت الثقيلة زي الخروع وجوز الهند.
المتوسطة يناسبها كل الزيوت تقريبًا، والمنخفضة تحب الزيوت الخفيفة زي اللوز والأرغان.
اعرفي مساميتك… واختاري الزيت البريح شعرك ✨💛Ãsrär Ibrâhím

معرفة مسامية شعرك ما رفاهية… دي أساس العناية الصح.
لما تعرفي مساميتك، بتعرفي شعرك محتاج شنو بالظبط: ترطيب؟ زيوت؟
المدة البحتفظ بيها الترطيب
الزيوت المحتاج ليها
الزيوت الممكن تتراكم علي فروة الرأس
المسامية بتسهل عليك اختيار المنتجات وتوقف هدر الزمن والمال في حاجات ما بتنفع.
وبتعالج مشاكل الجفاف والتقصّف من جذورها.
افهمي مسامية شعرك… وبتستمتعي بنتايج واضحة وملموسة ✨💛Ãsrär Ibrâhím

الفرد صحيح بخلي الشعر ناعم، لكن ضرره كبير… بضعّف الشعرة، بجففها، وبيسبب تقصّف وتساقط مع الزمن.
غير كده بيفقد الشعر قوّته الطبيعية وبيخليه حساس لأي حرارة أو صبغة.
البدائل الأحسن: ستايلات الحماية، الترطيب العميق،، وتمليس حراري خفيف بدون تكرار.
حافظي على شعرك، القوة أهم من النعومة اللحظية.
جمالك في صحته… ما في فرده✨Ãsrär Ibrâhím

ستايلات الحماية ما بس شكل… دي سر قوة الشعر ولمعانه.
بتحفظه من التكسر، وبتقلل الاحتكاك، وبتخلي الترطيب يمسك في الشعر أطول.
أحلى ستايلات للحماية: الضفاير، الكونروز، البافات، الكعكة، والبوب السوداني.
جرّبي الستايل البريحك وخلي شعرك يرتاح من العجن اليومي.
جمالك في عنايتك… وستايل الحماية أول خطوة ✨💛
Ãsrär Ibrâhím

السلفات مهم لشعرنا، بدي الفروة تنظيف عميق وبزيل الدهون الزيادة.
لكن برضو عندو ضرر، بجفف الشعر وبيسبب تقصّف.
الحل: نستخدمه مرة كل أسبوعين بس.
وباقي الأيام نستبدلو ببدائل خفيفة ولطيفة على الشعر.
حافظي على توازن شعرك… نظافة بدون جفاف ✨💛Ãsrär Ibrâhím

KAYAN
براند سوداني مختص للعناية بالشعر الأفريقي… صنع بحب وعناية للطبيعة لولتنا ونسيج شعرنا.
منتجاته طبيعية 100% ومختارة بعناية عشان تقوّي الشعر، وترطبه، وتظهر جماله الحقيقي.
من الزيوت للأعشاب… كل منتج معمول ليدعم صحة الشعر بدون كيماويات قاسية.
كيان ما بس براند .... هو عنايه وهويه وجمال افريقي أصيلÃsrär Ibrâhím