Eat Smart-Dr.Merna Magdy

الحالة بتيجي تحلفلي إنها كانت ملتزمة بنسبة ١٠٠٪؜ ف الدايت بس مخستش
أبدأ أسالها عملت إيه خلال الفتره اللي فاتت
الاقي النوم مش منتظم
والماية مش بنشربها ملهاش نفس
والمشي ١٠ دقايق مش بنعملة
ومواعيد الوجبات مش ملتزمين بيها احسن حاجة
وف النص كدة لقت حد جايب رنجة مقدرتش تقاوم فكلت منها بس ده عادي مش بيزود ف الوزن😅😅

وشربنا بيبسي دايت مهو مكتوب عليه دايت فمش بيزود ف الوزن برضة🙆🏻‍♀️

جماعة التفاصيل البسيطة اللي مش مهمة بالنسبالك خلال اليوم هيا دي اللي بتخليك مش بتخس
النقنقة خلال اليوم اللي انت شايفها دي لقمة مش دي يعني اللي هتزودني أحب أقولك انه لما تجمعهم خلال اليوم هتلاقي انه هو ده اللي مزودك ف الوزن🤦🏼‍♀️
والبيبسي الدايت بيتخن🤌🏻

عشان حبايبنا اللي تعبانين بسبب زيادة وزنهم وعايزين يخسو بس الظروف المادية مش ألطف حاجة
انا هعملهم خصم كبير جدا ويكون مناسب لظروفهم
وأي عروسة فرحها قرب ومحتاجة انها تخس والظروف المادية مش مساعداها فانا هبدأ أتابع معاكي For free♥️

أنا عموماً مبسوطة بالفرق اللي حصل ف إسبوعين 🙉❤️❤️
وده لمجرد انها غيرت ال lifestyle بتاعها بس من غير حقن🤷🏻‍♀️
وكمان بنعالج مقاومة الإنسولين اللي مخزنة دهون كتييير🫠
يعني الموضوع مش مقتصر ع إنه عندك كرش مضايقك
جسمك بينبهك وانت مش واخد بالك🤌🏻

من الشخصيات اللي حقيقي سعيدة إني موجودة في نفس المكان معاها ❤️

د. عزت كرومر…دكتور نسا وتوليد ليه سنين طويلة من الخبرة واسم كبير في مجاله ومن الناس اللي الواحد بيتعلم منهم كتير بمجرد وجوده وسطهم🥰

وحابة أعرّفكم كمان بـ مركز اللورد – Lord Polyclinic
المكان اللي بيضم أكتر من تخصص طبي…وبيجمع مجموعة من الأطباء في مكان واحد.

هسيبلكم صفحة المركز هنا ولو حابين تعرفوا أكتر عن د. عزت أو باقي التخصصات الموجودة في المركز تابعوا الصفحة ❤️👇🏻

إزاي نحمي أطفالنا من دخول الحضّانة؟ .. ما بين الأسباب الممكنة والأمور القدرية] 👶💙
بعد ما عرفنا يعني إيه حضّانة وأسباب دخولها، ييجي السؤال الأهم لـ كل ام
"هل أقدر أحمي طفلي وأمنع دخوله الحضّانة؟"
🟢 1. أمور في إيدينا (نستطيع الوقاية منها بالتزامنا):
❤️المتابعة الدورية المنتظمة أثناء الحمل:
❤️اكتشاف أي مضاعفات مبكراً (زي ارتفاع ضغط الدم، أو سكر الحمل، أو مشاكل المشيمة) والسيطرة عليها يقلل جداً من فرص الولادة المبكرة أو تأثر الجنين.
الضبط الدقيق لسكر الحمل وضغط الدم:
الالتزام بالعلاج والمتابعة يمنع هبوط سكر المولود بعد الولادة أو حدوث مشاكل في التنفس.
❤️العلاج المبكر لأي التهابات أو إفرازات مجرى الولادة:
❤️علاج التهابات الجهاز البولي أو التناسلي لدى الأم يقي من نزول مية الولادة مبكراً ويحمي الطفل من العدوى البكتيرية.
❤️تجنب الولادة القيصرية الاختيارية المبكرة:

❤️أخذ حقنة اكتمال الرئة
تحت إشراف الطبيب في حالات توقع الولادة المبكرة للمساعدة في نضج رئة الجنين.
🔵 2. أمور قدرية (خارجة عن إرادتنا وواجبنا التعامل معها بحكمة):
🙏العيوب الخلقية أو المشاكل الجينية المفاجئة.
🙏انفصال المشيمة المفاجئ أو طوارئ الولادة غير المتوقعة.
🙏التوأم أو الحمل المتعدد (غالباً يحتاجون رعاية خاصة ورصد في الحضّانة لفترة قصيرة).

👈 رسالة د. عزت لكل أم وأب:👍👍🙏🙏❤️❤️❤️
الحضّانة مش "عقاب" ولا "تقصير"، هي وسيلة أمان ورعاية مركزة سُخرت للحفاظ على صحة وسلامة أغلى ما لديكم. التزامك بالمتابعة الدورية يقلل المخاطر لأقل درجة ممكنة، وفي حال احتجناها، نكون على أتم الاستعداد لاستقبال مولودك بأمان. ❤️
د. عزت كرومر – مركز نبض الحياة للنساء والتوليد👍👍
📍 سمالوط - برج اللورد الطبي
📞 للحجز والاستفسار: 01015089201

لو عملت دايت ومخستش تبقي دي الأسباب👇🏻
🛑أنا عايزة أوضح حاجات احنا فاكرين انها هتخسسنا لكن هي بالفعل بتتخنا:

أول حاجة هي إني أكون باخد سناكس كل شوية عشان أخس
جسمي مش بيحرق الدهون عشان يخسسني جسمي مش فارق معاة اني اخس هو بيحرقها عشان يطلع منها Energy فلو انا شخص بياكل كل شوية اكيد جسمي مش هيسيب مصدر الطاقة الجاهز ويسيبة ويروح يحرق من الدهون المتخزنة ف جسمي

أول أكلة الناس بتاكلها لما بتيجي تعمل دايت هو الشوفان
بفطر شوفان … الشوفان دة مليان كارب وبيعليلك السكر ف الدم وبتعلي الانسولين ع عكس لما تفطر بوجبة مليانه ببروتين ودهون صحية

كمان فية ناس معتقدة انها بتاكل فاكهه بس طول اليوم فهيا كدة مبتاكلش
أحب اقولك انه الفاكهه اصلا عبارة عن نشويات🤷🏻‍♀️
العصاير بتعلي سكر الدم جدا اكتر من الفاكهه
وبس كدة

لو حابب تبدأ متابعتك معايا ❤️
📍 متابعة في العيادة داخل {مركز دكتور عزت كرومر}
الأحد من ٣ ل ٨ مساءاً
📲أو متابعة أونلاين من أي مكان
ابعتلنا رسالة على الصفحة وهنوضحلك كل التفاصيل🥰

تعالو كدة بصو معايا ع مقاومة الانسولين
وإزاي نزلت من 4.3 ل 1!!!🙈🙈🙈🙈🙈🙈
وال fasting insulin بقت 5.6
الحالة دي كانت خايفة جدا من انها تمنع السكريات وكان بالنسبالها دي حاجة صعبة جدا انها تعملها بس دلوقتي بقي دة إسلوب حياة🥰
يبقي كدة الموضوع مش مجرد ورقة دايت نمشي عليها
إحنا بنرجع هرمونات الجسم تشتغل طبيعية تاني زي ما ربنا خلقها❤️
الحالة دي كانت وزنها ٧٨.٥ خست ل ٦٨.٥❤️
مفيش شطارة وحلاوة بعد كدة🙈🙈🙈🙈🙈

بعيداً عن الشغل
بس أنا فيه حالة من الحالات اللي معايا
جت المرة اللي فاتت وكانت معاها اختها
المرة دي جت هيا واختها واختهم التالتة
جاية بتقولي إنه من كتر كلام أختها اللي بتتابع معايا عني فهيا جاية مخصوص عشان تشوفني وتتعامل معايا
فالواحد ممتن للمحبة اللي بشوفها منكم وللتفاصيل البسيطة اللي بتحصل خلال اليوم❤️✨
خليكو انتو كمان كدة شوفو التفاصيل البسيطة اللي بتحصل ف يومكم واتبسطو بيها❤️
ومتنساش تنظم أكلك و
تهتم بصحتك عشان هيا غالية قوي وهتندم لو معملتش دة بدري ولحقت نفسك❤️

الحالات وهيا مشخصناها ووخداها تحدي معايا😂😂

التخسيس مش معناه تجويع ولا حرمان ولا إن حياتك كلها تبقى محسوبة بالجرام

أوقات حاجات بسيطة جدًا في يومك هي اللي بتفرق في النتيجة 👇🏻

١-متستعجلش النتيجة
مش كل ما خسيت أسرع يبقى أحسن. المهم تنزل بشكل صحي وتعرف تحافظ على اللي وصلتله.

٢- الميزان وقف؟ متقلقش
ثبات الوزن مش معناه إن مفيش نتيجة. ممكن جسمك يكون بيتغير ومقاساتك بتقل حتى لو الرقم ثابت.

٣- متخليش الميزان هو الحكم الوحيد
خد مقاساتك وصور لنفسك كل فترة، لأن أحيانًا التغيير الحقيقي بيبان في اللبس والمقاسات قبل الميزان.

٤- سهّل على نفسك الالتزام
لما الأكل المناسب يكون موجود قدامك والاختيارات المغرية مش متاحة طول الوقت، هتلاقي الالتزام أسهل بكتير.

٥- احتفل بأي تقدم حتى لو بسيط❤️
نزلت كيلو؟ مقاسك قل؟ بقيت بتتحكم في أكلك أكتر؟
كل دي خطوات تستاهل تفرح بيها.

٦- متستهونش بحركتك اليومية
مش لازم تعيش في الجيم المشي، طلوع السلم، الحركة في البيت… كل ده بيتجمع ويفرق.

٧- متجريش ورا كل دايت جديد
مش معنى إن نظام نفع مع حد إنه هيكون مناسب ليك. المهم تلاقي طريقة تناسب جسمك وروتين يومك وتقدر تكمل عليها.

٨- متاخدش أي حاجة للتخسيس من نفسك
دواء أو مكمل نفع مع غيرك مش شرط يكون مناسب ليك، خصوصًا لو عندك أي مشكلة صحية أو بتاخد أدوية تانية.

٩- لو عندك ترهلات، متعاقبش نفسك بالأكل
شكل الجسم بيتحسن مع الوقت، ومع التغذية المناسبة والحركة وتمارين المقاومة تقدر تشتغل على تكوين جسم أفضل.

١٠- متفضلش طول اليوم جعان عشان وجبة واحدة
نظّم أكلك بالشكل اللي يناسب يومك ويخليك شبعان وقادر تكمل من غير ما توصل لمرحلة الجوع الشديد.

١١- خلي الخضار صاحب أساسي في طبقك
بيزود حجم الوجبة، وبيساعد على الشبع، وكمان بيمدك بالألياف والعناصر الغذائية المهمة.

١٢- الدهون مش عدوك
زيت الزيتون والمكسرات والأسماك وغيرها ممكن تكون جزء من نظامك، لكن زي أي حاجة… الكمية هي اللي بتفرق.

١٣- نام كويس
لما نومك يبقى ملخبط، التحكم في الجوع والشهية ممكن يبقى أصعب. فالنوم مش رفاهية… ده جزء من رحلتك.

١٤- أهم حاجة… متعيش طول عمرك في دايت❤️
اتعلم تاكل اللي بتحبه من غير إفراط، واختار أكلك بذكاء، وخلي اللي بتعمله حاجة تقدر تعيش بيها مش مجرد كام أسبوع وتخلص.

وفي الأخر افتكر 👇🏻

مش مهم تخس أسرع واحد…
المهم تخس بطريقة تقدر تكمل عليها وتحافظ على نتيجتك❤️

📍 المتابعة أونلاين أو في العيادة
للحجز والاستفسار ابعتولنا رسالة على الصفحة 💌