Eat Smart-Dr.Merna Magdy

انا مفيش حاجة بتفرحني قد المسدجات دي
حقيقي براڤو عليكو 😍😍😍😍😍😍😍😍

لو قولتلك إن مشكلتك مع الجوع مش نقص إرادة
لكن نقص بروتين؟

أغلب الناس بتحاول تاكل أقل علشان تخس.

لكن دكتور تيد نيمان ف كتابة (P.E)
بيقول إن الجسم عنده هدف مختلف:

لما تكون وجباتك مليانة دهون وسكريات ونشويات، لكن بروتينها قليل

الجسم يفضل يطلب أكل أكتر وأكتر في محاولة للوصول لاحتياجه من البروتين.

فممكن تلاقي نفسك:
أكلت بيتزا
وكلت حلويات
وشربت قهوة

ومع ذلك مازلت بتفكر في الأكل وانك جعان
مع انة وجبة بسيطة غنية بالبروتين هتخليك شبعان لساعات.

فكرة P:E Diet لدكتور تيد نيمان باختصار:
✅ زود بروتين
✅ خلي الخضار أساس طبقك
✅ قلل الأكلات اللي مليانة بالكاربوهيدرات والدهون و قليلة البروتين

الفكرة مش ف إنك تاكل أقل ع قد ما انك تاكل بطريقة متخليكش جعان طول الوقت 😊

هقولك ع حاجة هتوفر عليك وقت كبير ‎
‎مفيش حاجة اسمها دايت من غير حرمان
‎فية حاجة اسمها دايت متوازن

‎ lifestyleلانه ال
بتاع حضرتك كلة بيتغير

‎ياما بتعمل 🛑
low calorie diet
فتتحرم من كميات كبيرة

‎يإما🛑
Hormonal approach
فهتتحرم من انواع معينة من الاكل

‎ف كل الاحوال هتتضحي
‎القرار اللي ف إيدي أخدة انا هقرر اضحي بإية
‎معنديش اختيار اني اوصل لحاجة من غير حرمان
‎مفيش دايت من غير حرمان❌

تصبحو ع خير♥️

🛑إزاي أخس من غير ما أقلل سعراتي ؟!
إحنا طول عمرنا متبرمجين ع إنه أنا عشان أخس محتاج أقلل أكلي فإزاي أعمل نفس النتيجة من غير ما أقلل أكلي

تعالو نعمل مقارنة ما بين نظام السعرات ونظام الهرمونات
ال Hormonal approach( النظام الهرموني )
هو إني بشتغل ع تنشيط هرمونات الحرق نظام الهرمونات بيشتغل ع إنه أخليك شبعان طول الوقت بنعمل activations لحاجة اسمها lipolysis ( حرق الدهون )
الانسولين بيمنع حرق الدهون
كان فيه دكتور لمادة البايوكيمستري بيقول جملة كدة
إن غاب الانسولين إلعب ي lipase😅
ف غياب الانسولين بيطلع ال lipase هو ده المسئول عن الحرق وده بيحصل عن طريق الصيام المتقطع ولما أجي افطر مكلش حاجة فيها كاربوهيدرات ونعمل حفلة انسولين ونخلية يعلي جدا ف الدم لكن ناكل بروتين ودهون
والدهون تكون بكمية محسوبة
فنرد علي سؤال إزاي أخس من غير ما أقلل سعراتي إيه علاقه السعرات بالكلام دة
هو انه احنا هنشغل ال lipolysis وهنقلل الانسولين فهيطلع ال lipase هتحرق الدهون وده بيعلي معدل الحرق جدا ع عكس نظام السعرات بيعملك
Metabolic adaptation
يعني حرقك بيقل جدا جدا🤷🏻‍♀️

وبفكرك متنساش التحدي اللي نزلناة نخلصة عشان نبدأ واحد غيرة مع بعض🙈♥️

هنعمل مع بعض challenge ( تحدي) ١٤ يوم للناس اللي نفسها تبدأ ومش عارفة وكل ما تيجي تبدأ بتبوظ الدنيا تاني
واللي هيبدأ معانا يكتب ف كومنت إنه هيبدأ وبعد اسبوعين عرفنا وصلت لإية🙈🥰
١-أول حاجة هنمنع سكريات تماماً والعصاير سواء اللي بنشتريها من السوبر ماركت او اللي بتتعمل ف البيت
مش هنعمل أي حاجة فيها pure sugar خالص
ومش هنجيب اي حاجة فيها سكر يعني مش هنجيب مثلا كورن فليكس ونقول انا محطتش سكر هو كدة كدة فية مش هنجيب اي حاجة فيها سكريات ولا هنستخدم سكريات

٢-تاني حاجة مش هناكل اي حاجة ف كيس بمعني
مش هناكل شيبسي-بسكوت…الخ ممنوع اي حاجة مصنعة ومحطوط عليها مواد حافظة

٣- تالت حاجة هنبدل اللبن بالكريمة
بناخد معلقة او معلقتين

٤ - رابع حاجة مفيش حد معندوش خمس دقايق فاضية ف اليوم
نتمرن فيهم اي حاجة عايز تمشي ..تجري ..تتنطط كل يوم لمدة ١٤ يوم

خد ميزانك ومقاساتك مش الهدف انك تخس مع انه انت كدة كدة هتخس ١٠٠٪؜
لكن ال cravings والشراهة للأكل هتقل جدا
متنساش تعرفنا ف الكومنتات او برايڤت بعد ١٤ يوم وصلت لإية🙈♥️

🔺مقاومة الأنسولين والصيام المتقطع 🔺
لية مفروض نفهم مقاومة الإنسولين لأنة ٦٥٪؜ من الناس عندهم مقاومة انسولين وهما ميعرفوش ودة نتيجة الاكل الغلط والكتير

طب إيه هو اصلاً insulin ؟!
ال insulin ده بيطلع لما بناكل
أي أكلة باكلها بتعلي insulin ف الدم …إيه المشكلة إنه insulin يعلي ف الدم هو إني بزود فرصة إني أخزن دهون أنه ده الهرمون الاساسي ف جسمي ف إنه يخزن دهون
فلو أنا شخص طول النهار باكل فأنا جسمي طول النهار بيبقي فيه insulin
وظيفة الinsulin كمان إنه ياخد الأكل ويروح يودية للخلية
سواء كبد .. كلي..إلخ
بياخد الأكل ويدخلة جوة الخلية ويديها energy
فلو أنا باكل طول الوقت هيفضل يخرج إنسولين من البنكرياس ويدخل الاكل جوة الخلية لحد ما الخلية تكتفي وتقفل بابها ومتفتحش تاني لل insulin
لمًا الخلية تقفل ومتفتحتش ل insulin فدة إسمة
مقاومة انسولين
طول مانا صايم مفيش insulin بيتفرز بلاش ال سناكس طول الوقت لانه ف الحالة دي بيخرج insulin ونفضل ف الدايرة دي

عدوك الاساسي ف مقاومة الانسولين (النشويات )
نقدر نمشي ع نظام الصيام المتقطع والاشهر هو اني باكل٨ ساعات وبصوم ١٦ ساعة

صباح الخير أو مساء الخير أي إن كان الوقت اللي بتقرأ فيه البوست🥰
أنا بس محتاجة أوضح كذا نقطة
🔺أول حاجة
ف التغذية فية مدارس كتير جداً
أنا المدرسة اللي أنا بستخدمها الحقن والأدوية مش جزء منها
أنا ف طريقة شغلي بساعدك ف إني أغيرلك ال lifestyle بتاعك عموماً
هل الحقن والأدوية بتجيب نتيجة !! آه بتجيب نتيجة مؤقتة وإنت بتفرح وتتبسط بس لو مش ماشي ع نظام غذائي صح هتبوظ الدنيا تاني من الأول
فأرجوك متجيش تفرض عليا رأيك وتتعب نفسك وتتعبني ع الفاضي
حضرتك حابب تاخد حقن وأدوية روح للدكتور اللي ماشي بالمدرسة دي وكلهم شاطرين جداً♥️
🔺تاني حاجة
متجيش كل شوية تسألني عن المشروب السحري اللي بينزلك ٢٠ كيلو ف الشهر
بكل هدوء لو مش ماشي ع نظام غذائي ومظبط طريقة أكلك فمفيش حاجة هتخسسك غير إنك تدعي بقي😅🤷🏻‍♀️
🔺تالت حاجة
حضرتك بتيجي تسألني عن كذا حاجة وأنا بفهمك بس الأغلب جاي يفرض ثقافتة عليا
فأنا مش فاهمه حضرتك جايلي لية لما إنت فاهم قوي كدة
فمش عارفه هل السؤال بيبقي غرضة إنك فعلا محتاج تفهم ولا محتاج تفتح مجال للجدال والكلام بدون أي هدف
لو محتاج تفهم فأنا تحت أمرك
أما لو للجدال فأنا حقيقي معنديش وقت لكدة
وبس كدة
شكرا 🙏🏻♥️

في رسايل كدة بتخلي الواحد يبتسم للموبايل وهو بيقراها..رسايل بتقول إن التعب والالتزام وراهم نتيجة تفرح🙈♥️
البطلة دي نزلت بالسكر التراكمي (HbA1c) من 5.9 لـ 5.7 نتيجة التزامها واصرارها ♥️
شكراً على ثقتك وكلامك اللي بيدي طاقة تخلي الواحد يكمل وهو مبسوط فخورة بيكي جداً♥️♥️♥️✨

تعال أقولك إيه الصح وإيه اللي الناس حفظاه وخلاص🤷🏻‍♀️

❌اللحوم الحمراء بتعلي الكوليسترول وبتؤدي إلي سرطان القولون

✅أولاً مفيش مشكلة ف اللحوم الحمراء وعمرها ما كانت بتسبب السرطان و٦٠ ٪؜ من الكوليسترول الكبد بيصنعة أصلاً
لكن مشكلة اللحوم حاجتين
لو هي لحوم مصنعة زي
(السجق…البرجر…اللانشون…البسطرمة…اللحمة الباردة) بيبقي محطوط عليها مادة اسمها النيترات المادة اللي بتخلي لون اللحمة أحمر دي بتتحول مع الوقت ل Nitrosamines ودي مسببة للسرطانات
عشان كدة ال WHO حاطة اللحوم المصنعة من أكتر اسباب السرطانات

❌لو هو أكل صحي كُل براحتك يعني اي وقت تجوع كُل فاكهه زي مانتا عاوز كُل خضار

✅مفيش حاجة اسمها كدة حتي لو كان الأكل صحي ممكن يزود وزنك ممكن يعمل دهون ممكن يأثر ع صحتك

🛑ودي مجرد بداية لكمية معلومات غلط منتشرة جدًا🛑