Healthy with Nemo

الوضع ده من أحسن الحركات اللي ممكن تدخلها في روتينك لو حاسس إن الحوض ناشف أو الحركة فيه محدودة، خصوصًا لو بتقعد فترات طويلة خلال اليوم.

الفكرة هنا إننا بنشتغل على Hip Mobility وبالذات الـInternal وExternal Rotation، وده ممكن يساعدك تحسن حركة الحوض وتقلل الإحساس بالشد حوالين الجلوتس والمنطقة الداخلية للفخذ.

ثبت في الوضع 60 ثانية لكل ناحية، وخد نفسك بهدوء. متحاولش تنزل لأقصى مدى بالعافية؛ ادخل للمدى اللي جسمك سامح بيه وخليه يتحسن تدريجيًا مع الاستمرار.

تحسن دوران الحوض بيفرق معاك في حاجات بسيطة بنعملها كل يوم زي المشي والانحناء والقعدة، وكمان في التمرين زي السكوات والدخول في المديات العميقة بشكل أريح وتحكم أفضل.

والله يا أبطال المرونة مش إنك تجبر جسمك يوصل لمكان مش جاهزله. المرونة الحقيقية إن المدى يزيد تدريجيًا وتعرف تتحكم فيه من غير ألم ولا تعويضات.

جربها يوميًا أو 3–4 مرات في الأسبوع لمدة 60 ثانية لكل ناحية، وبعد كام أسبوع قارن المدى والحركة بنفسك.

استراحة محارب✨

Homemade hits different🤎☕

القيمة الغذائية الدقيقة لكل 100 جرام شيدر طبيعي:
السعرات(الطاقة): 400 إلى 403 سعر حراري. البروتين: 25 جرام.
الدهون الكلية: 33 جرام (منها حوالي 21 جرام دهون مشبعة).
الكالسيوم: 720 ملليجرام (يغطي حوالي 72% من الاحتياج اليومي).
الصوديوم: 620 إلى 650 ملليجرام.
الكربوهيدرات: أقل من 1.3 جرام (شبه خالية من اللاكتوز بسبب التعتيق).