Dr.Doaa Elbaradey

علاج التصبغات 👈
العلاج هيختلف علي حسب النوع
و درجه التصبغ بتعتمد علي السبب و طبيعه الجلد و بالتالي استجابته للعلاج مش واحده 👀
يعني مثلا اشهر اسباب التصبغات : الكلف ..النمش..اثار حب الشباب .اثار من التعرض المستمر للشمس وحمات

⏪العلاج بيبدا من معرفه السبب و الحفاظ من الشمس

⏪كريمات تفتيح و تقشير بارد و ليزر دي برده من طرق العلاج ع حسب بروتوكول الطبيب المعالج

⏪الصبر و الانتظام في العلاج مهم جدا 💪

⏪واقي الشمس والترطيب مهم جدا 🌞

⏪و اهم حاجه استجابه كل حاله بتفرق يعني مينفعش استخدم علاج جاب نتيجه مع بنت خالتي 😂 أو اي حد علي
اساس انه هينفع من نفسي من غير إشراف طبيب
د.دعاء البرادعي
01142007503

العنايه بشعر الاطفال بالذات البنات 🧑

👈أولا شعر المولود بيتبدل بعد فتره والشعر الكتير اللي بيقع في الاول ده طبيعي لأن بيطلع مكانه شعر أقوي لا تقلقي .

👈 عادى أن في طبقات قشره كتيره علي شعر المولود الجديد 👶
الحل إنك عند سن ست شهور تحطي كل يوم بالليل علي شعر البيبي طبقه من زيت الزيتون أو أي زيت مخصص للأطفال وهتسيبيه علي شعره ليله كامله والصبح بالفرشاه الناعمه أمشط كويس هتلاقي القشره بتلين و بتطلع معاكي وبعدين اغسلي كويس بالشامبو...وكرري العمليه دي كل يومين.. ومتقلقيش القشره دي بتختفي مع الوقت غالبا قبل نهايه العام الأول وبتبقي نتيجه زياده نشاط الغدد الدهنيه...

👈الام تغير وضعيه نوم الطفل كل فترهعشان نومه في وضعيه واحده واحتكاك الرأس بالسرير هيزود التساقط وينحله من ناحيه واحده من الخلف أو الجانبين

👈مفيش حاجه اسمها أن حلق الشعر المجعد أو الخشن هيطلعه اكثر نعومه وكثافه لأن الموضوع وراثه وجينات..

👈بلاش غسيل الشعر بالصابون العادي
لازم نغسل الشعر بشامبو مخصص للأطفال ويكون مصنوع من مواد طبيعيه خالي من الكيماويات...ومش بنغسل كل يوم حوالي مرتين او تلاته في الأسبوع فقط

👈 لو الطفل شعره كثيف ومتشابك ممكن نستعمل بلسم بعد الشامبو وممكن تعملي حمام زيت لو الشعر جاف مره في الأسبوع..أدفي الزيت وأدهن بيه الشعر كويس وألفه بفوطه لمده نص ساعه وبعدين اغسله

👈 بلاش نسرح الشعر وهو مبلول لأنه بيبقي في أضعف حالاته في الوقت ده لازم ننشفه الأول ونسرح بالراحه ومن غير عنف

👈اختاري فرشاه ناعمه أو مشط خشبي واسع ومخصص للأطفال...وطبعا ممنوع حد يستعمل أدواته او هو يستعمل ادوات حد منعا للعدوي و مشطي شعره علي الأقل مرتين يومياومن كذا إتجاه لتنشيط الدوره الدمويه.

👈صففي الشعر بدءا من الأطراف واطلعي بالتدريج لفوق ده هيقلل التشابك والتساقط كمان...

👈 لو هتستعملي السشوار للضروره ميبقاش علي درجه حراره عاليه ويكون علي أقل سرعه عشان ميؤذيش الشعر

👈قص أطراف الشعر المقصفه للبنات كل شهر ونص من حوالي ٢ سم مفيد جدا.و بنقص للولاد كل شهر...وطبعا أدواتهم تبقي خاصه بيهم وناخدها معاهم الصالون سواء الفوطه أو المقص أو المشط أو ماكينه الحلاقه.
👈لو البنوته هتنزل حمام السباحه يبقي تبل شعرها الاول وتدهن زيت زيتون كطبقه عازله وتلبس كاب الشعر وبعد ما تطلع تشطف شعرها علطول بالميه والشامبو عشان تحميه من اثار الكلور الضاره.

👈ياريت نستعمل ميه فاتره في غسيل الشعر وليست ساخنه.

👈بلاش كريمات فرد أو صبغات أو حنه او بروتين أو كيراتين.الحاجات دي ممنوعه

👈كذلك ممنوع استخدام الجل وكريم أو سبراي التثبيت

👈طبعا بلاش تشدي الشعر جاامد للخلف أو تربطيه بعنف لان ده هيؤدي الي تساقطه باستمرار وتقصفه وكمان ممكن ينحله جامد من عند الجبهه

👈خلي الضفيره بالليل وبالنهار اعملي ديل حصان سايب او تسريحه بسيطه تسمح بتهويه الشعر...

👈التعرض المباشر لأشعه الشمس فتره طويله تؤذي الشعر وتزود جفافه

👈 وطبعا الغذاء الصحي المتوازن المليء بالخضار والفاكهه مع شرب الكثير من الماء من أساسيات العنايه بالشعر.

👈وأخيرا الشعر ده نعمه من عند ربنا....لازم تعلمي ابنك أو بنتك اننا نتقبل شكله أيا كان طبيعته أو لونه أو طوله ...الشعر الناعم نعمه والشعر المجعد نعمه برضه....بلاش نخليهم طول الوقت ناقمين علي شكلهم وبيسعوا لتغييره.ولو بصينا لأطفال كتير حرموا من نعمه الشعر بسبب مرضهم هندرك فعلا قيمه الشعر أيا كان.
د.دعاء البرادعي
01142007503

ليه الفطريات مش تستجيب للعلاج ؟ 🤔
​الاستخدام العشوائي للكورتيزون بيخفي الالتهاب مؤقتاً لكنه بيضعف مناعة الجلد ويخلي الفطر يتوغل أكتر.
​عدم إكمال الكورس: توقيف الدهان بمجرد ما الشكل يتحسن، قبل القضاء التام على الفطر​العدوى الذاتية: الفطر ممكن ينتقل من مكان في جسمك
​تطور سلالات مقاومة نتيجة سوء استخدام الأدوية
​كيف نتعامل مع الحالة المزمنة؟ ✅
​التشخيص الصح أولاً: لازم زيارة طبيب جلدية لعمل مسحة أو فحص بالمجهر للتأكد إنها فطريات مش نوع تاني من الإكزيما.
​
​الاستمرارية: العلاج ممكن يستمر من 4 لـ 8 أسابيع، وممنوع نوقفه من دماغنا.
​النظافة الشخصية: * غلي الملابس والفوط وكيّها
​الاستحمام بصابون مضاد للفطريات وتنشيف الجلد كويس جداً (الفطريات بتعشق الرطوبة).
​عدم مشاركة الأدوات الشخصية نهائياً.
د.دعاء البرادعي
اخصائي الامراض الجلديه
01142007503