Euskal Zine Bilera

Aurtengo edizioaren sari banaketa ekitaldia ospatu dugu gaurko egunari itxiera emateko. Euskal Zine Bilerako Urrezko antzarra zein bestelako sariak eman ditugu Ikusgarri Zine aretoan.

🏆 Film onenaren saria, Aitor Gametxo Zabalaren “Geratzen den hori” lanarentzat izan da, 49. Euskal Zine Bilerako Urrezko Antzarra eta 3.000 euroko saria eskuratuz.

🏆 Zuzendaritza onenaren saria, Elene Mengyu Larrinaga Bilbaoren “Hogeita bat” filmarentzat izan da, 1.600 euro eta Zilarrezko Antzarra.

🏆 Gidoi onenaren saria, Aitor Arruti eta Izaro Arrutiren “Mintzo zen” filmak eraman du, 1.600 euro eta Zilarrezko Antzarra.

🏆Esperientziaren Cikautxo saria, Aitor Arruti eta Izaro Arrutiren “Mintzo zen” filmarentzat izan da, zilarrezko Antzarra eta 1.000 euroko saria jaso dute.

🏆 Benito Ansola saria, Aitor Gametxo Zabalaren “Geratzen de hori” filmarentzat izan da., Zilarrezko Antzarra eta 500 euroko saria jaso du.

🏆 Ikusleek astean zehar emandako botoen bidez erabaki dute EITB Ikuslearen sariaren irabazlea Aitor Gametxo Zabalaren “Geratzen de hori” izatea, batez beste 5etik 4,39 puntu lortuz. Hortaz, berarentzat Zilarrezko Antzarra eta 750 euroko saria.

Lehiaketako sarietaz gain, honetan ere Euskal Zinemaren Begirada saria eman diogu Jose Ramon Soroizi, euskal zinemari eta telebistari egindako ekarpen zabalaren aitortza gisa.

Azkenik, eskerrik asko 49. edizioa posible egin duzuen zinegile, ikusle, babesle eta lagun guztioi, eskerrik asko Maite Larburu gala girotzeagatik, gora euskal zinea!

Lekeitioko Udala

Amaiera eman diegu Sail Ofizialeko lehiaketaren filmen proiekzioei✨

Eskerrik asko gerturatu zareten guztioi, plazerra izan da zuekin batera euskarazko zineaz gozatzea.

Gogoratu arratsaldean Irati Gorostidirekin solasaldia eta ondoren Sari Banaketa ekitaldian izango dugula.

Gero arte!

Lekeitioko Udala

Aurten hainbat kolaborazio berri ditugu: Hedapen programara batu zaizkigu Caniche Argitaletxeko kideak eta Artium museoa.

📽️Abenduan EZBko filmen emanaldi bana egingo dira Ibarrangeluko Iturribide etxean eta Artium museoan bertan.

Ondo etorri EZBko familiara!

Lekeitioko Udala Artium Museoa l Museo Artium Caniche

Aurten ere gurean Zinegin jaialdiko bi filmen proiekzioa izango dugu. Era berean, zinegin jaialdian Euskal Zine Bilerako filmen hautaketa izango dute.

Animatu proiekzioetara!

Lekeitioko Udala Zinegin Festibala

Gaur jaialdiari hasiera eman diogu Ikasle Goizarekin, HARROBIA proiektuaren baitan.

Ikasleek, euskal zinemagintzaren ertzak barrutik ezagutzeko aukera izan dute EZBrari hasiera eman dion zuzeneko podcast saioarekin. Gaizka Izagirrek gidatutako saioan Mikele Landa eta Jone Arriola zinegileak izan ditugu elkarrizketatu, eskerrik asko gurera etortzeagatik!

Proiektuaren helburu nagusiak, EZB ezagutzera ematearen bidez gazteak zinemagintzara hurbiltzea eta interesa piztea dira. Horretarako, 14 eta 17 urte bitarteko ikasleekin bi ardatzez osatutako lanketa egiten dugu, ikastetxeetan garatzen diren lan saioekin; eta, bestetik, Ikasle Goizean gauzatu dugun elkargunearekin.

HARROBIA proiektua Taupa euskaltzaleen mugimenduarekin batera elkarlanean egindako proiektua da.

Lekeitioko Udala Taupa Euskaltzaleen Mugimendua

Atzo8-ren helburua, euskal zinearen ondare materiala zein ez-materiala bildu, zaindu eta zabaltzea da. Zine-Labekin lankidetzan, ekimen honek euskal zinemara bi ikupegitik hurbiltzea proposatzen du:dimentsio materiala esploratzea eta memoria aldarrikatzea.

Aurten, 49. EZBn, ATZO8k urrats berri bat emango du plataforma digital baten sorrerarekin: euskal zinema analogikoaren ondarea bildu, zaindu eta ezagutarazteko kontsulta libreko espazioa.

Artxibo digitalaren aurkezpena Euskal Zine Bileran izango dugu Aitor Gametxo zinegilearen eta Zine-Labeko kideen arteko elkarrizketa oinarri izanda.

🗓️Urriak 18 igandea
🕒17:30
📍Ikusgarri zine aretoan

Igandean ikusiko dugu elkar!

Lekeitioko Udala zine—lab

Euskal zinez beteriko urte berria opa dizuegu!

Jarrai dezagun aurten ere honetaz gozatzen

✨Urte berri on!