Geda Tokuam PHCU

ኮንዶሙ ይቅር .... ፖስፒልስ አርግልኝ አላለም
💀💀💀💀💀💀💀💀💀💀💀💀💀

ፋርማሲ መድኃኒት ለመግዛት ከዶክተር የተፃፈልንን የመድኃኒት ማዘዣ (Prescription) ይዘን ተሰልፈናል።

ሰልፉ ከሌሎች የፍጆታ ዕቃዎች የወረፋ ሰልፎች አንፃር ረጅም የሚባል አልነበረም።

አንድ ፀጉሩ ያሳደግ ቀይ ቆንጅዬ ልጅ ከ15-17 ዕድሜ ክልል ውስጥ የሚገመት አይኑ በርበሬ መስሎ ግንባሩ ላይ ደምስሮቹ ተወጣጥረው እየተንቀለቀለ ከሞተር ወርዶ መጣ። በእጅ የያዘው ምንም ዓይነት የመድኃኒት ማዘዣ የለም...... ሰልፉ በጣም ረዘመበት እና ከሰልፉ ወጣ ብሎ ባካችሁ የኔ አስቾካይ ነው አስቀድሙኝ ብሎ እንድንተባበረው መለመን ጀመረ።

አብዛኛው መድኃኒት ለመግዛት ወረፋ የያዝነው አጣዳፊ መድኃኒት ገዠዎች ስላልነበርን.........አጣዳፊ ይሆናል የእሱ ጉዳይ ብለን እንዲቀድመን ፈቀድንለት..... ከፊት ሆነና የመድኃኒት ሻጩን Flavour ስጠኝ አለኝ.... ፋርማሲስቱም ከመደርደሪያው ላይ ካለው የኮንደም ቦክስ ውስጥ አንድ ኮንዶም አውጥቶ ሰጠው.... በገዛ ፍቃዳችን ቅድሚያ የሰጠነው ተሰላፊዎች ማጉረምረም ጀመርን ..... ወጣቱ ልጅ ማጉረምረማችንን ከቁብ ሳይቆጥር 200 የኢትዮጵያ ብር አውጥቶ ከፈለ..... ፋርማሲስቱም 50 ብር ያስጨምራል አለው..... ልጁ የያዘው 200 ብር ብቻ ስለነበረ እንዴ ከመቼው ጨመረ ብሎ..... በቃ ፖስትፒልስ (Post Pills) #አድርግልኝ አለው😁...... ፋርማሲስቱም ፖስትፒልስ ከመልስ ጋር ሰጠው...... ልጁ ፖስትፒልሱን ይዞ ከፋርማሲው ስወጣ ሁላችንም ሰልፈኞች በዓይናችም እስከ ሞተሩ ሸኜነው........ ከፊቴ ያለቸውማ እኛ በዓይናችኝ ሸኝተን ስንመለስ እሷ ሞተሩን አንስቶ እስኪሄድ ድረስ ሸኜችው...


1. ሰው እርግዝናን እንጂ እንደ ኤች.አይ.ቪ/ ኤድስ; ጨብጥ; ቂጢኝ ያሉ የአባላዘር በሽታዎችን መፍራት አቁሟል።
2. የኮንዶም ዋጋ መናሩ ከፍተኛ የጤና እና የኢኮኖሚ ቀውስ ማስከተሉ ስለማይቀር የሚመለከተው አካል የኮንዶም አቅርቦት እና ዋጋን ክትትል እና ቁጥጥር ቢያደርግ::
ዛሬም... #መታቀብ #መወሰን #መጠቀም

መልካም ሣምንት

ህይወት በፍጥነት ትቀያየራለች፤ ነገሮችን በቁጥጥር ስር ለማዋል ደግሞ ዝግጁ መሆን ቁልፍ ነው። ለወደፊትዎ እቅድም ሆነ ለጤንነትዎ የመጠንቀቅ ውሳኔ ያለዉ እርሶ ጋር ነዉ።

we've CS service

ራስን ማሻሻል፤ የሕይወት ትልቁ ኢንቨስትመንት ነው
==================
በሕይወት ውስጥ ትልቁ ስኬት ከሌሎች ሰዎች መበለጥ ሳይሆን፣ ትናንት ከነበርንበት ማንነት ዛሬ የተሻለ ሆኖ መገኘት ነው። ራስን ማሻሻል የአንድ ቀን ሥራ ሳይሆን የዕለት ተዕለት ጉዞ ነው።

ራስህን/ሽን ለማሻሻል የሚረዱ ጥቅት እርምጃዎች፦

1️⃣ ቀጣይነት ያለው ትምህርት (Continuous Learning)፦ እውቀት ማለቂያ የለውም። በየቀኑ አዲስ ነገር ለማወቅ ጥረት አድርግ/ጊ። መጽሐፍ ማንበብ፣ አዳዲስ ክህሎቶችን መልመድና ከሰዎች ተሞክሮ መማር አእምሮህን/ሽን ያሰፋዋል።

2️⃣ ምቹ ቀጠናን መልቀቅ (Leave the Comfort Zone)፦ እድገት የሚመጣው ፈተና ባለበት ቦታ ነው። አዳዲስ ነገሮችን ከመሞከር አትፍራ/ሪ። ስህተት ብትሰራ/ሪ እንኳን ያ ስህተት ለበለጠ እድገትህ/ሽ መሰላል ይሆንሃል/ሻል።

3️⃣ ጊዜንና ልምድን መመርመር፦ በየቀኑ መጨረሻ ላይ "ዛሬ ምን ተማርኩ? ምንስ አሻሻልኩ?" ብለህ/ሽ ራስህን/ሽን ጠይቅ/ቂ። መጥፎ ልምዶችን በመልካም ልምዶች መተካት የማንነት ለውጥ መጀመሪያ ነው።

4️⃣ አዎንታዊ አከባቢን መፍጠር፦ የሚያሳንሱህን ሳይሆን የሚያሳድጉህን፣ የሚተቹህን ሳይሆን የሚያበረታቱህን ሰዎች ቅረብ/ቢ። የምትውልበት አከባቢና የምታያቸው ነገሮች አንተን/አንቺን የመቅረጽ ትልቅ ኃይል አላቸው።

ማጠቃለያ፦

ራስህን/ሽን ለማሻሻል የምታደርገው ጥረት ውጤቱ ወዲያው ባይታይም፣ በሂደት ግን ማንም ሊነጥቅህ/ሽ የማይችለው ትልቅ ሀብት ይሆንሃል/ሻል። ዛሬ ለራስህ/ሽ የምትሰጠው ዋጋ የነገ ማንነትህን/ሽን ይወስነዋል።

"ትልቁ ስራ ራስን መስራት ነው!"

ደም ባንክ

ጤና ሚንስተር ሚንስትር ዶ/ር መቅደስ ዳባ በኢትዮጵያ ባለፋት 10 ዓመት ውስጥ ለ 7 ዓመታት በአገር አቀፍ ደረጃ 1ኛ ደረጃ በመያዝ ተሸላሚ ለሆነው የባህርዳር ደም ባንክ ዘመናዊ መኪና ሽልማት አበረከቱ

በእለቱም በአንድ ጊዜ 5ሺህ ከረጢት ደም ማከማቸት የሚችል የደም ማቀዝቀዣ ማዕከል መርቀው ስራ አስጀምረዋል።

የማቀዝቀዣ ማዕከሉን የጤና ሚኒስትር ዶክተር መቅደስ ዳባ እና የአማራ ክልል ጤና ቢሮ ኀላፊ እና የኢትዮጵያ ደምና ህብረህዋስ ዋና ዳይሬክተር ዶር አሸናፊ ታዘበው እና የሁሉም የኢትዮጵያ የክልልል ጤና ቢሮ ኋላፊዎችና የጤና ሚኒስተር ተጠሪ ተቋማት ዋና ዳይሬክተሮች በተገኙበት መርቀው ሥራ አስጀምረውታል።

በምረቃ መርሐ ግብሩ መልዕክት ያስተላለፉት የጤና ሚኒስትር ዶክተር መቅደስ ዳባ የደም ባንክ አገልግሎትን የተሻለ ለማድረግ ዘላቂ የኾነ የግብዓት አቅርቦት ላይ መሥራት እንደሚያስፈልግ ገልጸዋል።

የደም እና የኅብረ ሕዋስ አገልግሎት በሰፊው ወደ ሕዝብ ለማድረስ በዲጂታላይዜሽን የዘመነ አገልግሎት መስጠት ላይ ትኩረት ተደርጎ እየተሠራ ስለመኾኑም ጠቁመዋል።

ይህንን አገልግሎት የሚያሳልጥ የማቀዝቀዣ፣ አገልግሎቶችን የማስተካከል እና የማዘመን ሥራዎችን በየደረጃው ከሚገኙ አጋር እና ባለድርሻ አካላት ጋር በቅንጅት መሥራት ይገባል ነው ያሉት።

ጤና ሚንስተሯ ዶር መቅደስ ዳባ በበርካታ ዓመታት በአገር አቀፍ ተሸላሚ በመሆኑ አድናቆታቸውን ገልጸው ፤ በአካል በማየታቸው እና በማረጋገጣቸው የተሰማቸውን ደስታ ገልጸው፤ የጤና ሚኒስተር ሚኒስትሯ ዶር መቅደስ ዳባ ዘመናዊ መኪና ሽልማት አበርክተዋል!!

የአማራ ክልል ጤና ቢሮ ኀላፊ አብዱልከሪም መንግሥቱ እንደተናገሩት የባሕር ዳር ደም እና የኅብረ ሕዋስ አገልግሎት ባለፉት ዓመታት የተሻለ አፈጻጸም ሲያስመዘግብ የቆየ እና ሊመሰገን የሚገባ ነው ብለዋል።

አሁንም ዘመናዊ አሠራሮችን በመከተል ዲጂታላይዜሽንን እውን ማድረግ ችሏል ነው ያሉት። ለዚህም የተቋሙ መሪዎች እና ባለሙያዎች ያላቸው ተነሳሽነት የሚደነቅ ነው ብለዋል።

የባሕር ዳር ደም ባንክ እና ኅብረ ሕዋስ አገልግሎት ኀላፊ ምክሩ ሽፈራው ዛሬ የተመረቀው የዲጂታል ሲስተም የደም ማቀዝቀዣ ማዕከል በአማራ ክልል የመጀመሪያ መኾኑን ገልጸዋል።

የማቀዝቀዣ ማዕከሉ በአንድ ጊዜ እስከ 5ሺህ ከረጢት መያዝ የሚችል ነው ብለዋል። ይህም በቂ ደም በመሠብሠብ በአግባቡ ለተጠቃሚዎች እንዲደርስ ምቹ ሁኔታን የሚፈጥር መኾኑን ገልጸዋል።

ይህ cold room በአለም ባንክ በተገኘ በጀት ድጋፍ በጤና ሚኒስተርና በኢትዮጵያ ደምና ህብረህዎስ ደም ባንክ አማካኝነት ለባህርዳር ደም ባንክ የተበረከተ መሆኑን አቶ ምክሩ ሽፈራው የገለጹ ሲሆን ለእነዚህም ልዩ ምስጋና አቅርበዋል!!

በተጨማሪም ለተቋሙ ሰራተኞች ፣ ለደም ለጋሽ አስተባባሪና ደም ለጋሾች ልዩ ምስጋና ሀላፊው አቅርበዋል።

ደም ያስተሳስረናል!! Blood bank Bahirdar Aug 2026gc Ministry of Health,Ethiopia World Health Organization (WHO)


#አብክመጤናቢሮ

በእርግዝና ወቅት ፓፓያ እና አናናስ መብላት ተገቢ ነውን?

እንደ ሮያል የማህፀንና የጽንስና ሀኪሞች ኮሌጅ (RC0G) እና የአሜሪካ የጽንስና የማህፀን ሐኪሞች ኮሌጅ (ACOG) ካሉ ድርጅቶች የተሰጡ መደበኛ የሕክምና መመሪያዎች እንደዋና የህክምና መመርያ መከተል እና ለሚሰጡ ህክምናዎች ከነዚህ መመርያዎች አለመራቅ በመላው አለም የሚመከር ሲሆን ሁለቱም የህክምና መመርያዎች በእርግዝና ወቅት ፓፓያ አለመብላትን አይመክሩም።

በተቃራኒው በእነዚህ መመሪያዎች መሰረት በአጠቃላይ በእርግዝና ወቅት ሁለቱንም መመገብ ደህንነቱ የተጠበቀ መሆኑን በግልፅ ያሳያሉ።

✅ የበሰለ ፓፓያ ጥቅሞች

በቫይታሚን ኤ፣ ቢ እና ሲ እንዲሁም ቤታ ካሮቲን፣ ቾሊን፣ ፋይበር የበለፀገ ነው። የበሰለ ፓፓያ በእርግዝና ወቅት ብቻ ሳይሆን በተለይም እንደ የሆድ ድርቀት ያሉ የምግብ መፈጨት ችግሮችን ለመፍታት ጠቃሚ መሆኑን የተመሠከረለት ነው።

✅ ያልበሰለ ፓፓያ በእርግዝና መጠቀም የሚያስከትለውን ጉዳት።

ያልበሰለ ፓፓያ የላቴክስ እና ፔፒን በውስጡ የያዘ ሲሆን ይህም የማኅፀን መኮማተር፣ ደም መፍሰስ እና የፅንስ ከረጢት ከማህፀን እንዲለይ ያደርጋል። የእነዚህ ንጥረ ነገሮች ተጽእኖ ከሰው ወደ ሰው ሊለያይ ይችላል ነገርግን በአጠቃላይ በእርግዝና ወቅት ያልበሰሉ ፓፓያዎችን ከመጠቀም መቆጠብ ሊያስከትሉ የሚችሉ ችግሮችን ለማስወገድ ይመከራል።

✅ አናናስ በእርግዝና ወቅት ጎጂ ነው የሚለውን የተሳሳተ ግንዛቤ ማብራሪያ

ይህም ህመምን፣ ደም መፍሰስን ወይም ያለጊዜ ምጥ ሊፈጥር ይችላል የሚለው የተዛባ ነው። አናናስ የፕሮቲን ትስስርን የሚሰብር ብሮሜሊን የተባለ ኢንዛይም በውስጡ ቢይዝም በቫይታሚን ሲ፣ ፋይበር እና አንቲኦክሲዳንትስ ምክንያት ደህንነቱ የተጠበቀ እና ጠቃሚ ነው። ከመጠን በላይ መመገብ ወደ አሲድነት ወይም ወደ ቃር ሊያመራ ይችላል። አናናስን በአመጋገብ ውስጥ ማካተት እና በእርግዝና ወቅት ለተመጣጣኝ አመጋገብ አስተዋፅኦ ያደርጋል ፣ ይመከራል።

From ዶ/ር ትዕዛዙ ዓለሙ (የማህፀን እና ፅንስ ስፔሻሊስት)
ለመረጃ- 0939011402 thanksHakimEthio

Anc MCH

Oromia Health Bureau Ministry of Health,Ethiopia World Health Organization (WHO)

አረንጓዴ ዐሻራ ከተጀመረበት ጊዜ ጀምሮ የነበሩ መሪ ቃሎች....

🌳2011 ዓ.ም በአንድ ሰው 40 ችግኝ
🌳2012 ዓ.ም እየተጠነቀቅን እንተክላለን
🌳 2013 ዓ.ም ኢትዮጵያን እናልብሳት
🌳 2014 ዓ.ም ዐሻራችን ለትውልዳችን
🌳 2015 ዓ.ም ነገን ዛሬ እንትከል
🌳 2016 ዓ.ም የምትተክል ሀገር የሚፀና ትውልድ
🌳 2017 ዓ.ም በመትከል ማንሰራራት
🌳 2018 ዓ.ም ተስፋን እንትከል

Green ethiopia #ኢትዮጵያ