EPL Troll Arena

"အစဉ်အလာမပျက် အကြိတ်အနယ်ရှိလှတဲ့ လီဗာပူးလ်နဲ့ ချဲလ်ဆီးတို့ရဲ့ အားပြိုင်မှု"

🔴🔵လီဗာပူး ၈၇ နိုင်၊ ချဲလ်ဆီး ၆၇ နိုင်နဲ့ ၄၆ ပွဲကတော့ သရေကျထားပါတယ်။

ယနေ့ညပွဲမှာကော ဘယ်အသင်းက အသာစီးရမလဲ? မင်းတို့ရဲ့ အမြင်ကို Comment မှာ ရေးပေးခဲ့ဦးနော်!

ဒီအချိန်ခါဆို ဒါက ပုံမှန်ဖြစ်နေကျပါပဲ မိုင်ဖရန့်တို့ 😂

အမှတ်ပေးဇယား အောက်ဆုံး 6သင်းကို မနိုင်ခဲ့တဲ့ ယူနိုက်တတ် 🔥

ဒီပွဲတွေမှာ ရမှတ်တွေ မဆုံးရှုံးခဲ့ရင် ယူနိုက်တတ်တို့ ဖလားလမ်းကြောင်းပေါ် ရှိနေနိုင်မလား❓

ညီကိုတို့အမြင်လေးတွေ ဆွေးနွေးခဲ့ကြပါဦး✍🏻

League

"Coventry City တော့ Premier League ကို တက်လှမ်းနိုင်ခဲ့ပြီ!🔵🔥

"နှစ်ပေါင်းများစွာ စောင့်မျှော်ခဲ့ရတဲ့ အိမ်မက်က အခုတော့ တကယ်ဖြစ်လာပြီ။ Coventry တို့ Premier League ဆီကို တရားဝင် ပြန်လည်ရောက်ရှိလာပါပြီ။ 💙🔥"

Most Goal & Assist in Football History ⚽

သမိုင်းတလျှောက် သွင်းဂိုး+ဖန်တီးမှု အများဆုံးကစားသမားအဖြစ် မက်ဆီ ဦးဆောင်🔥🐐

1. 🇦🇷 Lionel Messi — 1311
2. 🇵🇹 Cristiano Ronaldo — 1228
3. 🇧🇷 Pelé* — 1121
4. 🇭🇺 Ferenc Puskás* — 1119
5. 🇵🇱 Robert Lewandowski — 952
6. 🇺🇾 Luis Suárez — 941
7. 🇦🇹 Josef Bican* — 933
8. 🇧🇷 Romário — 925
9. 🇳🇱 Johan Cruyff — 851
10. 🇩🇪 Gerd Müller — 841

အံ့အားသင့်ဖွယ်ခြေစွမ်းပြပြီး Hat-Trick ရယူနိုင်ခဲ့တဲ့ ဟာလန်း🔵🔥

လုပ်ပွဲ (Fixed Match)

⏩ဘောလုံးလောကမှာ ခိုင်မြဲစွာအမြစ်တွယ်နေပြီလို့ ယူဆရတဲ့ လုပ်ပွဲအကြောင်းကို အနည်းငယ် ပြောပြချင်ပါတယ်။ ဘောလုံးနဲ့ လုပ်ပွဲဆိုတာ ဒင်္ဂါးပြားရဲ့ ခေါင်းနဲ့ပန်းလို မျက်နှာချင်းမဆိုင်နိုင်ပေမယ့် အမြဲကပ်လျက်ရှိနေတာကို တွေ့နေရပါတယ်။၂၀၀၀ ခုနှစ်နောက်ပိုင်းမှာ နိုင်ငံပေါင်း (၃၀) ကျော်မှာ လုပ်ပွဲအတွက် စုံစမ်းစစ်ဆေးမှုတွေ ပြုလုပ်ခဲ့ပြီး ယခု ၂၀၂၀ အလွန်မှာတော့ နိုင်ငံပေါင်းက (၅၀) ထဲသို့ချဉ်းကပ်လာပြီ ဖြစ်ပါတယ်။ စီးရီးအေ၊ လာလီဂါ စတဲ့နာမည်ကျော်လိဂ်တွေမှာတောင် လုပ်ပွဲကူးစက်မှု ကိုခံနေရပြီလို့ တာဝန်ရှိသူတွေကိုယ်တိုင် ဝန်ခံခဲ့ရပါတယ်။ ချန်ပီယံလိဂ်လို ပြိုင်ပွဲမှာတောင် လုပ်ပွဲသံသယရှိတဲ့ပွဲစဉ်တွေရှိနေပြီး အထင်ရှားဆုံးကတော့ ၂၀၀၉ ခုနှစ်က လီဗာပူးလ်နဲ့ ဒီဘရီဆင်တို့ရဲ့ပွဲစဉ်ပါ။ လုပ်ပွဲတွေကို ထိန်းချုပ်ဖို့ အဖွဲ့အစည်းတွေထူထောင်၊ နိုင်ငံတကာရဲတပ်ဖွဲ့တွေနဲ့ ပူးပေါင်း၊ ရန်ပုံငွေတွေချမှတ်နေကြပေမယ့် ဒါတွေကလုပ်ပွဲပြုလုပ်သူတွေအတွက် ဆင်ပါးစပ်နှမ်းပက်သလောက်ပဲရှိပါတယ်။ လောင်းကစားလောကမှာ လည်ပတ်နေတဲ့ငွေ ဒေါ်လာဘီလီယံ (၈၀၀) ကျော်က လုပ်ပွဲတိုက်ချက်ရေးရန်ပုံငွေလောက်ကို ရယ်သွမ်းဟားတိုက်နေလောက်ပါတယ်။ ဒါ့အပြင်လုပ်ပွဲပြုလုပ်သူ (Fixer) တွေဆိုတာကလည်း ငွေကြေးနဲ့အာဏာ (၂) ခုစလုံးကိုလက်ကိုင်ထားနိုင်တဲ့ သူမျိုးတွေ၊ ကလပ်အသင်းပိုင်ရှင်မျိုးတွေ၊ စနစ်တကျဖွဲ့စည်းထားတဲ့ ဒုစရိုက်ဂိုဏ်းတွေ၊ ဝါရင့်လောင်းကစားသမားတွေ၊ ငွေကြေးခဝါချလိုသူ တွေနဲ့ အင်အားကောင်းလွန်းတာကြောင့် လွယ်လွယ်နဲ့ ကိုင်တွယ်ဖြေရှင်းဖို့တော့ မလွယ်ပါဘူး။

⏩ဘောလုံးဟာ အသင်းလိုက်အားကစားနည်း ဖြစ်တာကြောင့် ဒီရေလိုအတက်ကကျတွေ၊ စမ်းရေလိုစီးဆင်းမှုတွေနဲ့ အလားသဏ္ဍာန်တူပြီး ယေဘုယျအားဖြင့် လိုသလိုဖန်တီးဖို့ မလွယ်ကူပါဘူး။ ဒါပေမယ့် လုပ်ပွဲဖန်တီးသူတွေရဲ့ အင်အားကောင်းလွန်းတာနဲ့ ငွေကြေးအင်အား ခိုင်မာလွန်းတာတွေကြောင့် ဘောလုံးမှာ လုပ်ပွဲတွေဖြစ်ပေါ်နေရတာပါ။ သူတို့က လုပ်ပွဲပြုလုပ်ဖို့ #နည်းလမ်း(၄)သွယ်နဲ့ ချဉ်းကပ်လေ့ရှိပါတယ်။

#ပထမနည်းလမ်းကတော့ ငွေကြေး၊လက်ဆောင်၊ခံစားခွင့်တွေနဲ့ ချဉ်းကပ်ကြတာဖြစ်ပါတယ်။ ငွေကြေးကတော့ ရှေးအကျဆုံးနဲ့ ခေတ်အမှီဆုံး နည်းလမ်းတစ်ခုဖြစ်ပြီး တန်ဖိုးကြီးကား၊ နာရီတို့ကိုတော့ လက်ဆောင်အဖြစ်အသုံးပြုကြပါတယ်။ ခံစားခွင့်ဆိုတဲ့နေရာမှာတော့ အားလပ်ရက် လည်ပတ်ခွင့်တွေ၊ ဇိမ်ခံဟိုတယ်တွေမှာ တည်းခိုခွင့်တွေအပြင် အမျိုးသမီးပြည့်တန်ဆာတွေနဲ့ ပျော်ပါးခွင့်ကိုပါ ထည့်သွင်းအသုံးပြုလာကြပါတယ်။

#ဒုတိယနည်းလမ်းကတော့ လုပ်ပွဲပြုလုပ်စေသူတွေကို (အဓိကအားဖြင့် ဒိုင်လူကြီးတွေကိုပစ်မှတ်ထား) ခြိမ်းခြောက်စာပို့ပြီး ပြုလုပ်ခိုင်းတဲ့ နည်းလမ်းဖြစ်ပါတယ်။

#တတိယနည်းလမ်းကတော့ ပိုကြမ်းလာပြီး ကစားသမား ဒါမှမဟုတ် ဒိုင်လူကြီးတွေရဲ့ မိသားစုဝင်တွေကို ပြန်ပေးဆွဲမယ်၊ တိုက်ခိုက်မယ်၊ လျှို့ဝှက်ချိန်းတွေ့ဖို့ အတင်းအကျပ်တိုက်တွန်းပြီး လုပ်ပွဲဖန်တီးစေမယ်ဆိုတဲ့ နည်းလမ်းဖြစ်ပါတယ်။

#စတုတ္ထနည်းလမ်းမှာတော့ လုပ်ပွဲပြုလုပ်သူတွေ ကိုယ်တိုင်ပါဝင်လာပါတယ်။နည်းလမ်းကတော့ ကစားပွဲပျက်သွားအောင်၊ ရပ်တန့်သွားအောင် ပြုလုပ်ခြင်း ဖြစ်ပါတယ်။ တချို့လောင်းကစား စျေးကွက်တွေမှာ ပထမပိုင်းပြီးချိန်နောက်ပိုင်း ပွဲပျက်ခဲ့ရင် ပထမပိုင်းရဲ့ရလဒ်အတိုင်း ဆုံးဖြတ်တာကြောင့် ဒီအချိန်မှာအနိုင်ရထားသူတွေက ပွဲကိုမပျက်ပျက်အောင်ဖျက်ပြီး သူတို့လိုချင်တဲ့ရလဒ်အတိုင်း ရပ်သွားအောင် ပြုလုပ်တတ်ပါတယ်။

⏩လုပ်ပွဲကိုအကောင်အထည်ဖော်ဖို့ ပစ်မှတ်ထားခံရသူတွေက အဓိကအားဖြင့် (၄)ဦးရှိပါတယ်။

#ပထမဆုံးသူက ဒိုင်လူကြီးတွေပါ။ ဒါပေမယ့် ဒိုင်တွေရဲ့လုပ်ပွဲပြုလုပ်နိုင်မှုဟာ အကန့်အသတ်တော့ရှိပါတယ်။ ကွင်းလယ်ဒိုင်တစ်ယောက်အနေနဲ့ အတတ်နိုင်ဆုံးလုပ်ပေးနိုင်တာက မမှန်ကန်တဲ့ပယ်နယ်တီ၊ Free Kick တွေ၊ ပြိုင်ဘက်သွင်းဂိုးတွေကိုခွင့်မပြုတာမျိုးတွေနဲ့ အဝါကတ် အနီကတ်တွေဖြစ်ပါတယ်။ စည်းကြပ်ဒိုင်အနေနဲ့ဆိုရင်တော့ လူကျွံဘောကို လွှတ်ပေးတာမျိုး ၊ ခွင်ပြုတာမျိုးလောက်ပါပဲ။ ဒါတွေကလည်း ပွဲတစ်ပွဲအတွင်းမှာ ကြိမ်ဖန်များစွာပြုလုပ်လို့မရနိုင်တာကြောင့် Fixer တွေလိုချင်တဲ့ရလဒ်ကို ဆောင်ကြဉ်းပေးနိုင်မယ်လို့ အာမခံချက်မရှိပါဘူး။

#ဒုတိယပစ်မှတ်ထားခံရသူကတော့ နည်းပြနဲ့ကစားသမားဖြစ်ပါတယ်။ နည်းပြတစ်ယောက်အနေနဲ့ဆိုရင်တော့ အရှုံးပေးချင်တဲ့ပွဲမှာ အားအနည်းဆုံးလူစာရင်းကို ပွဲထုတ်လာမှာဖြစ်ပြီး အသင်းကိုအင်အား နည်းသထက်နည်းအောင် ပြုလုပ်သွားမှာပါ။ ကစားသမားတွေမှာဆိုရင်တော့ တစ်ဦးချင်း၊ နေရာအလိုက် လုပ်ပွဲကစားဖို့ချဉ်းကပ်တာမျိုးရှိပေမယ့် အသင်းက (၄-၅)ယောက်လောက်ကို တပြိုင်တည်းလုပ်ပွဲကစားစေတာက ပိုပြီးထိရောက်တာကိုတွေ့ရပါတယ်။ တစ်ဦးချင်းလုပ်ပွဲကစားချိန်မှာ တစ်ဦးချင်းအမှား တွေကသိသာလွန်းပေမယ့် (၄-၅)ယောက်လောက် လုပ်ပွဲကစားချိန်မှာတော့ လွယ်လွယ်နဲ့မမြင်နိုင်တာမျိုး တွေဖြစ်တတ်ပါတယ်။ တစ်ချိန်တည်းမှာလည်း ကြိုးစားကစားနေတဲ့ ကစားသမား(၆)ယောက်လောက် ရှိသေးတာကြောင့် လုပ်ပွဲကစားမှန်းမသိသာတာ ဖြစ်ပါတယ်။

#တတိယမြောက်ပစ်မှတ်ထားခံရသူကတော့ တာဝန်ရှိအကြီးအကဲတွေပါ။ ဒီနေရာမှာတော့ ဘောလုံးအဖွဲ့ချုပ်တာဝန်ရှိသူတွေပါသလို၊ အသင်းပိုင်ရှင်တွေ၊ ဒါရိုက်တာတွေလည်းပါပါတယ်။ အဖွဲ့ချုပ်တာဝန်ရှိသူတွေတတ်နိုင်တဲ့အပိုင်းက ဒိုင်လူကြီးနေရာချထားရေးလိုမျိုးဖြစ်ပြီး Fixer တွေစိတ်ကြိုက်ဒိုင်လူကြီးကို ခန့်ထားပေးဖို့ဖြစ်ပါတယ်။ အသင်းပိုင်ရှင်တွေကတော့ လုပ်ပွဲပြုလုပ်ဖို့ အထိရောက်ဆုံးနဲ့ အားအကောင်းဆုံး နည်းလမ်းတစ်ခုလို့ သတ်မှတ်ထားပါတယ်။ ဒီနေရာမှာ Fixer တွေက အသင်းပိုင်ရှင်တွေကို ချဉ်းကပ်တာမျိုးရှိသလို အသင်းပိုင်ရှင်တွေကိုယ်တိုင်က Fixer ဖြစ်နေတာမျိုးလည်းရှိနေတယ်လို့ သံသယရှိကြပါတယ်။ ဥရောပရဲတပ်ဖွဲ့ ( Europol) ရဲ့ညီလာခံမှာ ဆွေးနွေးချက်တွေအရဆိုရင် အသင်းပိုင်ရှင်တွေဟာ ရာသီစတင်ချိန်ကတည်းက အသင်းရဲ့လိဂ်ပွဲ (၄၀) ဝန်းကျင်ထဲမှာ ဒီပွဲ(၃၀)ကိုတော့ အနိုင်ရဖို့အမှန်တကယ်ကြိုးစားမယ်၊ ဒီ(၁၀)ပွဲကိုတော့ လုပ်ပွဲကစားမယ်ဆိုပြီး သူတို့ရဲ့ အစီအစဉ်ကို ချပြထားမယ်လို့ သံသယရှိကြပါတယ်။ ဒီလိုနည်းနဲ့ အသင်းပိုင်ရှင်ဟာ အရှုံးပေးဖို့ချပြထားတဲ့ (၁၀)ပွဲကို သူကိုယ်တိုင်တစ်ဖက်အသင်းကဝင်လောင်းပြီး ငွေရှာကြမှာဖြစ်ပါတယ်။

လုပ်ပွဲကိုအကောင်အထည်ဖော်မယ့် #စတုတ္ထမြောက်သူကတော့ မီဒီယာတွေပါပဲ။ သူတို့ကတော့ လုပ်ပွဲတွေကိုတိုက်ရိုက်ပြုလုပ်လို့ မရပါဘူး။ ဒါပေမယ့် လုပ်ပွဲပြုလုပ်တဲ့သတင်းကို ထိမ်ချန်ပြီး လုပ်ပွဲတွေကို အကာအကွယ်ပေးလို့ ရနေတာကြောင့် ရည်ရွယ်ချက်ရှိရှိဖုံးကွယ်ထားတဲ့ မီဒီယာတွေကိုလည်း လုပ်ပွဲပြုလုပ်သူတွေထဲမှာ ထည့်သွင်းထားတာဖြစ်ပါတယ်။

⏩လုပ်ပွဲတွေဟာ ဘောလုံးလောကရဲ့အနာဂတ်ကို အကြီးအကျယ်ခြိမ်းချောက်နေတာကြောင့် အကောင်းဆုံးအဖြေရှာဖို့တော့လိုအပ်ပါတယ်။ ဘောလုံးဟာ ဖျော်ဖြေမှုပေးတဲ့ အားကစားလို့လူတွေလက်ခံထားကြပါတယ်။ ဒါပေမယ့်ကြိုတင်အဖြေထွက်ပြီးသား ဘောလုံးပွဲတွေကို ဘယ်ပရိတ်သတ်ကမှ ကြည်ရှုဖို့လိုလားကြမှာမဟုတ်ပါဘူး။

အချိန်ရတဲ့အခါကျရင် အသင်းပိုင်ရှင်တွေလုပ်ပွဲ ကစားတဲ့အကြောင်းအကျယ်တဝင့် ရေးချင်ပါသေးတယ်။

အားလုံးကိုကျေးဇူးတင်ပါတယ်။

Credit - Phyupyarwar (ဘွတ်ကီမှပြောစကားများ)

🚨 BREAKING: ပက် ဂွာဒီယိုလာရဲ့ (၄၀) ကြိမ်မြောက် ဆုဖလားအောင်ပွဲ👑

​ဒီနေ့ Carabao Cup ကို ထပ်မံဆွတ်ခူးလိုက်ပြီးနောက် နည်းပြ ပက် ဂွာဒီယိုလာဟာ သူ့ရဲ့ နည်းပြသက်တမ်းတစ်လျှောက် စုစုပေါင်း ဆုဖလား (၄၀) အထိ ရယူနိုင်ခဲ့ပြီ ဖြစ်ပါတယ်။

​🏆 ဘာစီလိုနာ (၁၄ ဖလား):
လာလီဂါ၊ UCL နှင့် အခြားဖလားများ။

​🏆 ဘိုင်ယန်မြူးနစ် (၇ ဖလား):
ဘွန်ဒက်လီဂါနှင့် ဂျာမန်ဖလားများ။

​🏆 မန်စီးတီး (၁၉ ဖလား):
ပရီးမီးယားလိဂ် (၆) ကြိမ်၊ UCL (၁) ကြိမ် အပါအဝင် အင်္ဂလန်ပြည်တွင်းဖလားများ။

​နည်းပြလောကရဲ့ စံချိန်တင်အောင်မြင်မှုတွေကို ဆက်တိုက်ဖြတ်ကျော်နေတဲ့ Pep အတွက်တော့ ဒါဟာ ဂုဏ်ယူစရာ သမိုင်းမှတ်တိုင်တစ်ခုပါပဲ။ 👑