Ayat Natural Care

️

نموّ الشعر بصير داخل البصيلة تحت فروة الرأس، وقصّ الأطراف ما ببعت إشارة للبصيلة عشان تزيد سرعة النمو.

طيب، ليش أحيانًا بنحسّ إنّه شعرنا بطوّل أحسن مع قصّ الأطراف بانتظام؟ 🤔

لأنّ قصّ الأطراف بساعدنا نحافظ على الطول اللي عم ينمو، من خلال:

• إزالة الأطراف المتقصّفة والتالفة.
• تقليل تكسّر الشعر.
• إعطاء الأطراف مظهر أكثف ومتساوي.
• الحدّ من امتداد التقصّف لفوق على طول الشعرة.

شعر الرأس غالبًا بنمو حوالي ١ سم بالشهر، بس سرعة النمو بتختلف من شخص للتاني.

يعني الهدف من قصّ الأطراف مش نموّ أسرع، إنّما الحفاظ على الطول وتقليل خسارته بسبب التكسّر. �

تحاليلك طبيعية، وأكلك منيح… ومع هيك شعرك عم يتساقط؟ 🤔

أحيانًا في عامل بننساه: الضغط النفسي.

ومش شرط يكون على شكل نوبة قلق أو تحسّي إنك منهارة… أحيانًا يومك كله شغل، مسؤوليات، تفكير، ومحاولة تلحقي كل إشي، بدون وقت كافي للراحة 🤍

الضغط النفسي الشديد ممكن يأثر على دورة الشعر، ويخلّي عدد أكبر من الشعرات يدخل بمرحلة الراحة، وبعدها يزيد التساقط. وممكن تلاحظي هالتساقط بعد مرور أشهر على الفترة الصعبة.

بس انتبهي 👈 التحاليل الطبيعية لحالها ما بتثبت إن السبب نفسي. لازم نفهم إمتى بلّش التساقط، نمطه، وضع فروة الرأس، التغذية، الأدوية، وأي تغيّرات صحية، وبحسب الحالة نراجع طبيب جلدية.

العناية بشعرك بتبدأ بفهم سبب المشكلة، ومعها الاهتمام براحتك وصحتك النفسية 🌿

أحيانًا من كتر ما تعوّدتي على الضغط، بتبطّلي تنتبهي قديش عم يتعبك…

آيات شلاعطة
أخصائية عناية بفروة الرأس والشعر | سخنين

تغسلي شعرك بانتظام، بس فروة راسك بعدها دهنية أو فيها قشرة وحكّة؟ 🌿

أحيانًا بتتراكم الدهون وبقايا المنتجات على الفروة، وبتحتاج عناية تناسب حالتها. عشان هيك بنبدأ بفحص فروة الرأس بالميكروسكوب، وبنحدّد طريقة التنظيف المناسبة إلها، مع تقشير لطيف وترطيب حسب الحاجة.

فروة راسك إلها احتياجاتها، والاهتمام فيها خطوة مهمة بالعناية بشعرك 🤎

📍 آيات شلاعطة | أخصائية عناية فروة الرأس والشعر – سخنين

️ احذروا من مواد فرد الشعر، خصوصًا للأطفال!

بعد ما انتشر خبر نقل بنت عمرها 14 سنة للمستشفى بعد فرد شعر، مهم نعرف إن بعض مواد الفرد ممكن تسبّب أضرار تتعدّى الشعر وفروة الرأس. ما منعرف شو المنتج اللي استُعمل بحالتها، لذلك ما بنقدر نحدّد سبب إصابتها من المنشور.

إحدى المواد اللي حذّرت منها وزارة الصحة اسمها حمض الغلايوكسيليك (Glyoxylic Acid). الجسم ممكن يمتصّها عبر الجلد، وتتحوّل إلى أوكسالات قد تتراكم بالكلى وتسبّب إصابة حادّة فيها. ولهيك مُنع استخدامها بمنتجات فرد الشعر.

بكفّي تاخدوا بناتكن وهنّي بجيل صغير على هيك علاجات. في طرق عناية كثيرة بتساعد بنتك تهتم بشعرها من غير ما تعرّضي صحتها للخطر. لا تضرّي بنتك بعلاج ممكن تضلّي تندمي عليه طول عمرك.

وإذا ظهر بعد الفرد وجع بطن، غثيان، استفراغ أو قلّ التبوّل، توجّهوا للفحص الطبي بسرعة وخذوا معكم اسم المنتج.

صحة بنتك أهم من أي تجمي

شعرك عم يوقع؟ ولا عم يخفّ؟ 🤔

ممكن شعرك يوقع كتير، بس الكثافة بعدها منيحة. وممكن ما تلاحظي تساقط قوي، بس فرق الشعر عم يوسع والشعرة نفسها عم تصير أرفع.

لانهن مش نفس المشكلة، ما بنختار منتج للفراغات قبل ما نفهم شو عم يصير بالشعر ونفحص السبب 🔍

إذا لاحظتي فرق شعرك عم يوسع أو كثافته عم تقلّ، احجزي موعد لفحص الشعر وفروة الرأس 🤎

آيات شلاعطة | أخصائية علاج فروة الرأس والشعر

رك عم يوقع؟ ولا عم يخفّ؟ 🤔

ممكن شعرك يوقع كتير، بس الكثافة بعدها منيحة. وممكن ما تلاحظي تساقط قوي، بس فرق الشعر عم يوسع والشعرة نفسها عم تصير أرفع.

لانهن مش نفس المشكلة، ما بنختار منتج للفراغات قبل ما نفهم شو عم يصير بالشعر ونفحص السبب 🔍

إذا لاحظتي فرق شعرك عم يوسع أو كثافته عم تقلّ، احجزي موعد لفحص الشعر وفروة الرأس