1k

ＮＩＣＫ ＮＡＭＥ❾❾✓

បងសុំ1Kបានអត់

មុខងារដោយប្រើទិន្នន័យ ប្ដូរមុខងារ
លក្ខខណ្ឌប្រើប្រាស់
លក្ខខណ្ឌប្រើប្រាស់អត្ថបទធម្មតា
ឥឡូវនេះ ក្រុមហ៊ុន Facebook មានឈ្មោះថា Meta។ យើងបានធ្វើបច្ចុប្បន្នកម្មលក្ខខណ្ឌប្រើប្រាស់ គោលការណ៍ទិន្នន័យ និងគោលការណ៍ឃុកឃី ដើម្បីឆ្លុះបញ្ចាំងពីឈ្មោះថ្មីនៅថ្ងៃទី ៤ ខែមករា ឆ្នាំ ២០២២។ ទោះជាឈ្មោះក្រុមហ៊ុនរបស់យើងបានផ្លាស់ប្តូរក៏ដោយ ក៏យើងកំពុងបន្តផ្តល់ជូននូវផលិតផលដូចគ្នា រួមទាំងកម្មវិធី Facebook ពី Meta ផងដែរ។ គោលការណ៍ទិន្នន័យនិងលក្ខខណ្ឌប្រើប្រាស់របស់យើងនៅតែមានសុពលភាព ហើយការផ្លាស់ប្តូរនេះមិនប៉ះពាល់ដល់របៀបដែលយើងប្រើប្រាស់និងចែករំលែកទិន្នន័យនោះទេ។ ស្វែងយល់បន្ថែមអំពី Metaនិងចក្ខុវិស័យរបស់យើងសម្រាប់ Metaverse។

លក្ខខណ្ឌប្រើប្រាស់

Meta បង្កើតបច្ចេកវិទ្យា និងសេវាដែលអាចឱ្យមនុស្សភ្ជាប់ទំនាក់ទំនងគ្នា បង្កើតសហគមន៍ និងពង្រីកអាជីវកម្ម។ លក្ខខណ្ឌទាំងនេះគ្រប់គ្រងលើការប្រើប្រាស់ Facebook Messenger របស់អ្នក ព្រមទាំងផលិតផល មុខងារ កម្មវិធីសេវាកម្ម បច្ចេកវិទ្យា និងសូហ្វវែរផ្សេងទៀតដែលយើងផ្តល់ជូន (ផលិតផល Meta ឬផលិតផល) លើកលែងតែករណីដែលយើងបញ្ជាក់យ៉ាងច្បាស់ថា លក្ខខណ្ឌដាច់ដោយឡែក (និងមិនមែនលក្ខខណ្ឌទាំងនេះទេ) នឹងត្រូវយកមក អនុវត្ត។ ផលិតផលទាំងនេះត្រូវបានផ្តល់ជូនដល់អ្នកដោយ Meta Platforms, Inc។

យើងមិនគិតប្រាក់ពីអ្នកសម្រាប់ការប្រើប្រាស់ Facebook ឬផលិតផលនិងសេវាផ្សេងទៀតដែលស្ថិតក្រោមលក្ខខណ្ឌទាំងនេះឡើយ លុះត្រាតែយើងមានបញ្ជាក់ផ្ទុយពីនេះ។ ជំនួសមកវិញ អាជីវកម្មនិងស្ថាប័ននានា ក៏ដូចជាបុគ្គលផ្សេងទៀត ទូទាត់ប្រាក់ឱ្យយើង ដើម្បីបង្ហាញដល់អ្នកនូវការផ្សាយពាណិជ្ជកម្ម សម្រាប់ផលិតផលនិងសេវារបស់ពួកគេ។ តាមរយៈការប្រើប្រាស់ផលិតផលរបស់យើង អ្នកព្រមព្រៀងថា យើងអាចបង្ហាញដល់អ្នកនូវការផ្សាយពាណិជ្ជកម្មដែលយើងគិតថាអាចនឹងពាក់ព័ន្ធជាមួយអ្នក និងចំណាប់អារម្មណ៍របស់អ្នក។ យើងប្រើប្រាស់ទិន្នន័យផ្ទាល់ខ្លួនរបស់អ្នក ដើម្បីជួយកំណត់ថាតើការផ្សាយពាណិជ្ជកម្មបដិរូបណាដែលត្រូវបង្ហាញដល់អ្នក។

យើងមិនលក់ទិន្នន័យផ្ទាល់ខ្លួនរបស់អ្នកទៅឱ្យក្រុមហ៊ុនផ្សាយពាណិជ្ជកម្មទេ ហើយយើងមិនចែករំលែកព័ត៌មានដែលកំណត់អត្តសញ្ញាណអ្នកដោយផ្ទាល់ (ដូចជាឈ្មោះ អាសយដ្ឋានអ៊ីមែល ឬព័ត៌មានទំនាក់ទំនងផ្សេងទៀតរបស់អ្នក) ជាមួយក្រុមហ៊ុនផ្សាយពាណិជ្ជកម្មនោះទេ លុះត្រាតែអ្នកផ្តល់ឱ្យយើងនូវការអនុញ្ញាតជាក់លាក់។ ផ្ទុយទៅវិញ អ្នកផ្សាយពាណិជ្ជកម្មអាចប្រាប់យើងពីបញ្ហាមួយចំនួនដូចជាប្រភេទនៃទស្សនិកជនដែលពួកគេចង់ឱ្យមើលឃើញការផ្សាយពាណិជ្ជកម្មរបស់ពួកគេ ហើយយើងបង្ហាញការផ្សាយពាណិជ្ជកម្មទាំងនោះទៅកាន់មនុស្សដែលអាចនឹងចាប់អារម្មណ៍។ យើងផ្តល់ឱ្យក្រុមហ៊ុនផ្សាយពាណិជ្ជកម្មនូវរបាយការណ៍អំពីលទ្ធផលប្រតិបត្តិការនៃការផ្សាយពាណិជ្ជកម្មរបស់ពួកគេ ដើម្បីជួយពួកគេឱ្យយល់ពីរបៀបដែលអ្នកប្រើប្រាស់កំពុងធ្វើអន្តរកម្មជាមួយខ្លឹមសាររបស់ពួកគេ។ សូមមើលផ្នែកទី 2 ខាងក្រោម ដើម្បីស្វែងយល់បន្ថែមអំពីរបៀបដែលការផ្សាយពាណិជ្ជកម្មបដិរូប នៅក្រោមលក្ខខណ្ឌទាំងនេះ ដំណើរការលើផលិតផល Meta។

គោលការណ៍ឯកជនភាពរបស់យើងពន្យល់ពីរបៀបដែលយើងប្រមូលនិងប្រើប្រាស់ទិន្នន័យផ្ទាល់ខ្លួនរបស់អ្នក ដើម្បីកំណត់ពីការផ្សាយពាណិជ្ជកម្មមួយចំនួនដែលអ្នកមើលឃើញ និងផ្តល់សេវាផ្សេងទៀតទាំងអស់ដែលមានពណ៌នានៅខាងក្រោម។ អ្នកក៏អាចចូលទៅកាន់ទំព័រការកំណត់របស់អ្នកនៃផលិតផល Meta ដែលពាក់ព័ន្ធបានគ្រប់ពេល ដើម្បីពិនិត្យមើលជម្រើសឯកជនភាពដែលអ្នកជ្រើសរើស អំពីរបៀបដែលយើងប្រើប្រាស់ទិន្នន័យរបស់អ្នកផងដែរ។
1. សេវាដែលយើងផ្តល់ជូន
2. របៀបដែលសេវាកម្មរបស់យើងត្រូវបានផ្តល់មូលនិធិ
3. ការសន្យារបស់អ្នកចំពោះ Facebook និងសហគមន៍របស់យើង
4. បទប្បញ្ញត្តិបន្ថែម
5. លក្ខខណ្ឌនិងគោលការណ៍ផ្សេងទៀតដែលអាចនឹងអនុវត្តចំពោះអ្នក
ការគ្រប់គ្រងការផ្សាយពាណិជ្ជកម្មតាម Facebook
មូលដ្ឋានឯកជនភាព
គោលការណ៍ឃុកឃី
គោលការណ៍ទិន្នន័យ
ធនធានបន្ថែម
មើលកំណែឯកសារដែលអាចបោះពុម្ពបាននៃលក្ខខណ្ឌប្រើប្រាស់
ត្រលប់ទៅខាងលើ
1. សេវាដែលយើងផ្តល់ជូន
បេសកកម្មរបស់យើង គឺដើម្បីផ្តល់ជូនអ្នកប្រើប្រាស់នូវអំណាចក្នុងការកសាងសហគមន៍ និងបង្រួបបង្រួមពិភពលោកឱ្យកាន់តែខិតជិតគ្នា។ ដើម្បីជួយជំរុញបេសកកម្មនេះ យើងផ្តល់ជូនផលិតផលនិងសេវាកម្ម ដូចបានពិពណ៌នាដូចខាងក្រោមដល់អ្នក៖
ផ្ដល់នូវបទពិសោធន៍ដែលមានលក្ខណៈផ្ទាល់ខ្លួន សម្រាប់អ្នក៖
បទពិសោធន៍របស់អ្នកនៅលើ Facebook មិនដូចបទពិសោធន៍របស់អ្នកដ៏ទៃទៀតនោះទេ៖ ពីសារបង្ហោះ រឿងរ៉ាវ ព្រឹត្តិការណ៍ ការផ្សាយពាណិជ្ជកម្ម និងខ្លឹមសារផ្សេងទៀតដែលអ្នកមើលឃើញនៅក្នុងមតិព័ត៌មានលើ Facebook ឬវេទិកាវីដេអូរបស់យើង ទៅដល់ទំព័រ Facebook ដែលអ្នកតាមដាន និងមុខងារផ្សេងទៀត ដែលអ្នកអាចនឹងប្រើប្រាស់ ដូចជា Facebook Marketplace និងការស្វែងរក។ យើងប្រើប្រាស់ទិន្នន័យដែលយើងមាន - ឧទាហរណ៍ អំពីការតភ្ជាប់ដែលអ្នកបង្កើត ជម្រើស និងការកំណត់ដែលអ្នកជ្រើសរើស និងអ្វីដែលអ្នកចែករំលែក និងធ្វើ នៅក្នុងនិងនៅក្រៅផលិតផលរបស់យើង - ដើម្បីធ្វើឱ្យ បទពិសោធន៍របស់អ្នកមានលក្ខណៈផ្ទាល់ខ្លួន។
ភ្ជាប់អ្នកជាមួយអ្នកប្រើប្រាស់និងស្ថាប័នដែលអ្នកយកចិត្តទុកដាក់៖
យើងជួយអ្នកក្នុងការស្វែងរក និងភ្ជាប់ទំនាក់ទំនងជាមួយមនុស្ស ក្រុម អាជីវកម្ម ស្ថាប័ន និងអ្នកផ្សេងទៀតដែលសំខាន់ចំពោះអ្នក នៅលើផលិតផលរបស់ Meta ដែលអ្នកប្រើប្រាស់។ យើងប្រើប្រាស់ទិន្នន័យដើម្បីផ្តល់យោបល់សម្រាបអ្នក និងអ្នកដទៃ - ឧទាហរណ៍ ក្រុមដែលត្រូវចូលរួម ព្រឹត្តិការណ៍ដែលត្រូវចូលរួម ទំព័រ Facebook ដែលត្រូវតាមដានឬផ្ញើសារទៅ កម្មវិធីដែលត្រូវមើល និងអ្នកប្រើប្រាស់ដែលអ្នកអាចនឹងចង់ក្លាយជាមិត្តភក្ដិជាមួយ។ ទំនាក់ទំនងកាន់តែរឹងមាំធ្វើឱ្យសហគមន៍កាន់តែប្រសើរឡើង ហើយយើងជឿថាសេវារបស់យើងមានប្រយោជន៍បំផុតនៅពេលអ្នកប្រើប្រាស់ភ្ជាប់ទំនាក់ទំនងជាមួយអ្នកប្រើប្រាស់ ក្រុម និងស្ថាប័នដែលពួកគេយកចិត្តទុកដាក់។
ផ្តល់អំណាចឱ្យអ្នកបង្ហាញពីខ្លួនអ្នក និងធ្វើទំនាក់ទំនងអំពីអ្វីដែលសំខាន់សម្រាប់អ្នក៖
មានវិធីជាច្រើន ដើម្បីបង្ហាញពីខ្លួនអ្នកនៅលើ Facebook ដើម្បីបង្កើតទំនាក់ទំនងជាមួយមិត្តភក្តិ ក្រុមគ្រួសារ និងអ្នកផ្សេងទៀត អំពីអ្វីដែលសំខាន់សម្រាប់អ្នក ឧទាហរណ៍ ការចែករំលែកព័ត៌មានថ្មីៗអំពីស្ថានភាព រូបថត វីដេអូ និងរឿងរ៉ាវនានានៅលើផលិតផល Meta (ស្របតាមការកំណត់របស់អ្នក) ការផ្ញើសារទៅមិត្តភក្តិណាម្នាក់ឬមនុស្សជាច្រើននាក់ ការបង្កើតព្រឹត្តិការណ៍ឬក្រុម ឬការបញ្ចូលខ្លឹមសារទៅក្នុងប្រូហ្វាលរបស់អ្នក ព្រមទាំងការបង្ហាញការយល់ឃើញរបស់អ្នកអំពីរបៀបដែលអ្នកដទៃធ្វើអន្តរកម្មជាមួយខ្លឹមសាររបស់អ្នក។ យើងក៏បានបង្កើត និងបន្តរិះរកនូវវិធីថ្មីៗសម្រាប់ឱ្យមនុស្សបានប្រើប្រាស់បច្ចេកវិទ្យា ដូចជា ពិភពពិតជាក់ស្តែងដែលត្រូវបានបង្កើនឡើង និងវីដេអូ 360 ដើម្បីបង្កើត និងចែករំលែកខ្លឹមសារដែលមានការបង្ហាញ និងមានភាពកាន់តែទាក់ទាញបន្ថែមទៀតនៅលើផលិតផល Meta។
ជួយអ្នកឱ្យរកឃើញខ្លឹមសារ ផលិតផល និងសេវាកម្មដែលអ្នកអាចចាប់អារម្មណ៍៖
យើងបង្ហាញអ្នកនូវការផ្សាយពាណិជ្ជកម្មបដិរូប ការផ្តល់ជូន និងខ្លឹមសារក្រោមការឧបត្ថម្ភផ្សេងទៀត ដើម្បីជួយអ្នកក្នុងការស្វែងរកខ្លឹមសារ ផលិតផល និងសេវាដែលត្រូវបានផ្តល់ជូនដោយអាជីវកម្មនិងស្ថាប័នជាច្រើនដែលប្រើប្រាស់ Facebook និងផលិតផល Meta ផ្សេងទៀត។ ផ្នែកទី 2 ខាងក្រោម ពន្យល់ពីចំណុចនេះកាន់តែលម្អិតបន្ថែមទៀត។
លើកកម្ពស់សុវត្ថិភាព សន្តិសុខ និងសុចរិតភាពនៃសេវារបស់យើង ប្រយុទ្ធប្រឆាំងនឹងការប្រព្រឹត្តដែលបង្កគ្រោះថ្នាក់ និងរក្សាសហគមន៍អ្នកប្រើប្រាស់របស់យើងឱ្យមានសុវត្ថិភាព៖
អ្នកប្រើប្រាស់នឹងបង្កើតសហគមន៍តែនៅលើផលិតផលនានារបស់ Meta ប៉ុណ្ណោះ ប្រសិនបើពួកគេមានអារម្មណ៍ថាមានសុវត្ថិភាពនិងសន្តិសុខ។ យើងខិតខំប្រឹងប្រែងការពារសន្តិសុខ (ដែលរួមមានអត្ថិភាព យថាភាព សុចរិតភាព និងការរក្សាការសម្ងាត់) របស់ផលិតផលនិងសេវា។ យើងជួលក្រុមការងារពិសេសនៅជុំវិញពិភពលោក ធ្វើការជាមួយសេវាករខាងក្រៅ ដៃគូ និងអង្គភាពពាក់ព័ន្ធផ្សេងទៀត និងបង្កើតប្រព័ន្ធបច្ចេកទេសកម្រិតខ្ពស់ ដើម្បីរកមើលការប្រើប្រាស់ខុសនូវផលិតផលនានារបស់យើង សកម្មភាពដែលបង្កអន្តរាយដល់ អ្នកដទៃ និងស្ថានភាពដែលយើងអាចជួយគាំទ្រ ឬការពារសហគមន៍របស់យើង រួមទាំងឆ្លើយតបទៅនឹងរបាយការណ៍របស់អ្នកប្រើប្រាស់អំពីខ្លឹមសារ ដែលអាចមានការរំលោភបំពាន។ ប្រសិនបើយើងដឹងពីខ្លឹមសារ ឬសកម្មភាពដូចនេះ យើងអាចចាត់ចំណាត់ការសមស្រប ដោយផ្អែកលើការវាយតម្លៃរបស់យើង ដែលអាចរួមមានទាំងការជូនដំណឹងដល់អ្នក ការផ្តល់ជំនួយ ការលុបខ្លឹមសារ ការលុបចេញ ឬការរឹតត្បឹតសិទ្ធិចូលប្រើប្រាស់មុខងារជាក់លាក់មួយចំនួន ការបិទគណនី ឬការទាក់ទងទៅភ្នាក់ងារអនុវត្តច្បាប់។ យើងចែករំលែកទិន្នន័យនៅទូទាំងបណ្តាក្រុមហ៊ុន Meta នៅពេលយើងរកឃើញការប្រើប្រាស់មិនត្រឹមត្រូវ ឬសកម្មភាពដែលអាចបង្កអន្តរាយដល់បុគ្គលណាម្នាក់ដែលប្រើប្រាស់ផលិតផលណាមួយរបស់យើង ឬដើម្បីជួយរក្សាផលិតផល Meta អ្នកប្រើប្រាស់ និងសហគមន៍ ឱ្យមានសុវត្ថិភាព។ ឧទាហរណ៍ យើងចែករំលែកព័ត៌មានជាមួយក្រុមហ៊ុន Meta ដែលផ្តល់ផលិតផលនិងសេវាហិរញ្ញវត្ថុ ដើម្បីជួយពួកគេលើកកម្ពស់សុវត្ថិភាព សន្តិសុខ និងសុចរិតភាព និងអនុលោមតាមច្បាប់ជាធរមាន។ Meta អាចចូលប្រើប្រាស់ រក្សាទុក ប្រើប្រាស់ និងចែករំលែកព័ត៌មានណាមួយដែលខ្លួនប្រមូលអំពីអ្នក ប្រសិនបើខ្លួនមានការជឿជាក់ដោយសុចរិតថា ខ្លួនត្រូវបានតម្រូវ ឬអនុញ្ញាតដោយច្បាប់ឱ្យធ្វើបែបនេះ។ សម្រាប់ព័ត៌មានបន្ថែម សូមពិនិត្យមើលឡើងវិញនូវគោលការណ៍ឯកជនភាពរបស់យើង។

ក្នុងករណីមួយចំនួន ក្រុមប្រឹក្សាត្រួតពិនិត្យអាចពិនិត្យមើលការសម្រេចចិត្តរបស់យើង អាស្រ័យទៅតាមលក្ខខណ្ឌនិងច្បាប់របសខ្លួន។ ស្វែងយល់បន្ថែមនៅទីនេះ។
ប្រើប្រាស់ និងអភិវឌ្ឍបច្ចេកវិទ្យាទំនើប ដើម្បីផ្តល់សេវាកម្មប្រកបដោយសុវត្ថិភាព និងជាមុខងារ សម្រាប់មនុស្សគ្រប់គ្នា៖
យើងប្រើប្រាស់ និងអភិវឌ្ឍបច្ចេកវិទ្យាទំនើប ដូចជា បញ្ញាសិប្បនិមិត្ត ប្រព័ន្ធរៀនសូត្ររបស់ម៉ាស៊ីន និងបទពិសោធន៍អន្តរកម្មវត្ថុនិម្មិតក្នុងពិភពពិត ដូច្នេះអ្នកប្រើប្រាស់អាចប្រើប្រាស់ផលិតផលរបស់យើងដោយសុវត្ថិភាពដោយមិនគិតពីសមត្ថភាពរាងកាយ ឬទីតាំងភូមិសាស្ត្រឡើយ។ ជាឧទាហរណ៍ បច្ចេកវិទ្យាបែបនេះជួយមនុស្សពិការភ្នែកឱ្យបានយល់អំពីអ្វី ឬអ្នកណានៅក្នុងរូបថត ឬវីដេអូ ដែលបានចែករំលែកនៅលើ Facebook ឬ Instagram។ យើងក៏បង្កើតបណ្តាញ និងបច្ចេកវិទ្យាទំនាក់ទំនងដ៏ទំនើប ដើម្បីជួយឱ្យមនុស្សកាន់តែច្រើនភ្ជាប់អ៊ីនធឺណិតនៅក្នុងតំបន់ដែលមានលទ្ធភាពអាក់សេសមានកម្រិតផងដែរ។ ហើយយើងបង្កើតប្រព័ន្ធស្វ័យប្រវត្តិកម្ម ដើម្បីកែលម្អសមត្ថភាពរបស់យើង ក្នុងការរកឃើញ និងលុបចោលសកម្មភាពរំលោភបំពាន និងគ្រោះថ្នាក់ ដែលអាចបង្កអន្តរាយដល់សហគមន៍របស់យើង និងសុចរិតភាពនៃផលិតផលរបស់យើង។
វិធីស្រាវជ្រាវដើម្បីធ្វើឱ្យសេវាកម្មរបស់យើងកាន់តែប្រសើរឡើង៖
យើងចូលរួមក្នុងការស្រាវជ្រាវ ដើម្បីអភិវឌ្ឍ ធ្វើតេស្ត និងកែលម្អផលិតផលរបស់យើង។ នេះរួមបញ្ចូលទាំងការវិភាគទិន្នន័យដែលយើងមានអំពីអ្នកប្រើប្រាស់របស់យើង និងការយល់ដឹងពីរបៀបដែលអ្នកប្រើប្រាស់ប្រើប្រាស់ផលិតផលរបស់យើង ឧទាហរណ៍ ដោយធ្វើការស្ទង់មតិ និងការធ្វើតេស្តនិងដោះស្រាយបញ្ហាលើមុខងារថ្មីៗ។ គោលការណ៍ឯកជនភាពរបស់យើងពន្យល់ពីរបៀបដែលយើងប្រើទិន្នន័យដើម្បីគាំទ្រការស្រាវជ្រាវនេះ ក្នុងគោលបំណងអភិវឌ្ឍនិងកែលម្អសេវា របស់យើង។
ផ្តល់នូវបទពិសោធន៍ជាប់លាប់ និងគ្មានភាពរអាក់រអួលនៅលើផលិតផលទាំងឡាយរបស់ក្រុមហ៊ុន Meta៖
ផលិតផលរបស់យើងជួយអ្នកក្នុងការស្វែងរក និងការភ្ជាប់ទំនាក់ទំនងជាមួយមនុស្ស ក្រុម អាជីវកម្ម ស្ថាប័ន និងអ្នកដទៃទៀតដែលមានសារៈសំខាន់ចំពោះអ្នក។ យើងរៀបចំរចនាប្រព័ន្ធរបស់យើង ដើម្បីឱ្យបទពិសោធន៍ របស់អ្នកមានភាពជាប់លាប់ និងគ្មានភាពរអាក់រអួលនៅលើផលិតផលផ្សេងៗគ្នារបស់ក្រុមហ៊ុន Meta ដែលអ្នកប្រើប្រាស់។ ជាឧទាហរណ៍ យើងប្រើប្រាស់ទិន្នន័យអំពីអ្នកប្រើប្រាស់ដែលអ្នកទាក់ទងជាមួយនៅលើ Facebook ដើម្បីធ្វើឱ្យអ្នកកាន់តែមានភាពងាយស្រួលក្នុងការភ្ជាប់ទំនាក់ទំនងជាមួយពួកគេនៅលើ Instagram ឬ Messenger ហើយយើងអនុញ្ញាតឱ្យអ្នកធ្វើទំនាក់ទំនងជាមួយអាជីវកម្មណាមួយដែលអ្នកតាមដាននៅលើ Facebook តាមរយៈ Messenger។
ធានានូវសិទ្ធិចូលប្រើប្រាស់សេវារបស់យើង៖
ដើម្បីប្រតិបត្តិការសេវាជាសកលរបស់យើង និងផ្ដល់លទ្ធភាពឱ្យអ្នកភ្ជាប់ទំនាក់ទំនងជាមួយមនុស្សជុំវិញពិភពលោក យើងត្រូវផ្ទេរ រក្សាទុក និងចែកចាយខ្លឹមសារនិងទិន្នន័យទៅកាន់មជ្ឈមណ្ឌលទិន្នន័យ ដៃគូ សេវាករ អ្នកលក់ និងប្រព័ន្ធនានានៅជុំវិញពិភពលោក រួមទាំងនៅខាងក្រៅប្រទេសដែលអ្នករស់នៅផងដែរ។ ការប្រើប្រាស់ហេដ្ឋារចនាសម្ព័ន្ធសកលនេះ គឺចាំបាច់និងសំខាន់ក្នុងការផ្តល់សេវារបស់យើង។ ហេដ្ឋារចនាសម្ព័ន្ធនេះអាចត្រូវបានកាន់កាប់ ប្រតិបត្តិការ ឬគ្រប់គ្រងដោយ Meta Platforms, Inc., Meta Platforms Ireland Limited ឬសាខារបស់ខ្លួន។
ត្រលប់ទៅខាងលើ
2. របៀបដែលសេវាកម្មរបស់យើងត្រូវបានផ្តល់មូលនិធិ
ជំនួសឱ្យការទូទាត់ប្រាក់ដើម្បីប្រើប្រាស់ Facebook និងផលិតផល និងសេវាកម្មផ្សេងទៀតដែលយើងផ្តល់ជូន។ តាមរយៈការប្រើប្រាស់ផលិតផលនានារបស់ Meta ដែលស្ថិតនៅក្រោមលក្ខខណ្ឌទាំងនេះ អ្នកព្រមព្រៀងថា យើងអាចបង្ហាញអ្នកនូវការផ្សាយពាណិជ្ជកម្មដែលមានលក្ខណៈផ្ទាល់ខ្លួន និងខ្លឹមសារដែលលក្ខណៈពាណិជ្ជកម្ម និងក្រោមការឧបត្ថម្ភផ្សេងទៀត ដែលអាជីវកម្ម និងអង្គភាពនានា ទូទាត់ប្រាក់ឱ្យយើងដើម្បីផ្សព្វផ្សាយនៅក្នុង និងនៅក្រៅផលិតផលនានារបស់ក្រុមហ៊ុន Meta។ យើងប្រើប្រាស់ទិន្នន័យផ្ទាល់ខ្លួនរបស់អ្នក ដូចជាព័ត៌មានអំពីសកម្មភាព និងចំណាប់អារម្មណ៍របស់អ្នក ដើម្បីបង្ហាញអ្នកនូវការផ្សាយពាណិជ្ជកម្មដែលមានលក្ខណ ផ្ទាល់ខ្លួន និងខ្លឹមសារដែលមានការឧបត្ថម្ភ ដែលអាចមានភាពពាក់ព័ន្ធច្រើនជាមួយនឹងអ្នក។
ការការពារឯកជនភាពរបស់បុគ្គល គឺជាចំណុចសំខាន់ចំពោះរបៀបដែលយើងរៀបចំរចនាប្រព័ន្ធផ្សាយពាណិជ្ជកម្មដែលមានលក្ខណៈផ្ទាល់ខ្លួនរបស់យើង។ នេះមានន័យថា យើងអាចបង្ហាញអ្នកនូវការផ្សាយពាណិជ្ជកម្មដែលពាក់ព័ន្ធ និងមានប្រយោជន៍ដល់អ្នកដោយមិនចាំបាច់ប្រាប់អ្នកផ្សាយពាណិជ្ជកម្មថាអ្នកជាអ្នកណានោះទេ។ យើងមិនលក់ទិន្នន័យផ្ទាល់ខ្លួនរបស់អ្នកទេ។ យើងអនុញ្ញាតឱ្យអ្នកផ្សាយពាណិជ្ជកម្មប្រាប់យើងនូវបញ្ហានានា ដូចជា គោលដៅអាជីវកម្មរបស់ពួកគេ និងប្រភេទទស្សនិកជនដែលពួកគេចង់ឱ្យមើលឃើញនូវការផ្សាយពាណិជ្ជកម្មរបស់ពួកគេ (ឧទាហរណ៍ មនុស្សដែលមានអាយុចន្លោះពី 18-35 ឆ្នាំ ដែលចូលចិត្តការជិះកង់ជាដើម)។ បន្ទាប់មក យើងបង្ហាញការផ្សាយពាណិជ្ជកម្មរបស់ពួកគេទៅកាន់អ្នកដែលយើងគិតថាអាចនឹងចាប់អារម្មណ៍។
យើងក៏ផ្តល់ឱ្យអ្នកផ្សាយពាណិជ្ជកម្មនូវរបាយការណ៍អំពីដំណើរការនៃការផ្សាយពាណិជ្ជកម្មរបស់ពួកគេ ដើម្បីជួយពួកគេឱ្យយល់ពីរបៀបដែលមនុស្សកំពុងធ្វើអន្តរកម្មជាមួយខ្លឹមសាររបស់ពួកគេនៅក្នុងនិងនៅក្រៅផលិតផលរបស់ Meta។ ឧទាហរណ៍ យើងផ្តល់ព័ត៌មានប្រជាសាស្ត្រ និងព័ត៌មានអំពីចំណាប់អារម្មណ៍ជាទូទៅដល់អ្នកផ្សាយពាណិជ្ជកម្ម ដើម្បីជួយពួកគេឱ្យយល់កាន់តែច្បាស់អំពីទស្សនិកជនរបស់ពួកគេ ដូចជា ការពិតដែលថាស្ត្រីដែលមានអាយុចន្លោះពី 25 ទៅ 34 ឆ្នាំ ដែលរស់នៅក្នុងទីក្រុង ម៉ាឌ្រីដ និងដែលចូលចិត្តវិស្វកម្មសូហ្វវែរ បានឃើញការផ្សាយពាណិជ្ជកម្មណាមួយ។ យើងមិនចែករំលែកព័ត៌មានដែលអាចកំណត់អត្តសញ្ញាណអ្នកដោយផ្ទាល់ទេ (ព័ត៌មានដូចជាឈ្មោះ ឬអាសយដ្ឋានអ៊ីមែលរបស់អ្នក ដែលអាចត្រូវបានប្រើប្រាស់ដើម្បីទាក់ទងអ្នក ឬកំណត់អត្តសញ្ញាណរបស់អ្នកថាអ្នកជានរណា) ប្រសិនបើអ្នកមិនបាន ផ្តល់ការអនុញ្ញាតជាក់លាក់ដល់យើងនោះទេ។ ស្វែងយល់បន្ថែមអំពីរបៀបដែលការផ្សាយពាណិជ្ជកម្មរបស់ Meta ដំណើរការនៅទីនេះ។
យើងប្រមូលនិងប្រើប្រាស់ទិន្នន័យផ្ទាល់ខ្លួនរបស់អ្នក ដើម្បីផ្តល់សេវាដែលបានពណ៌នាខាងលើដល់អ្នក។ អ្នកក៏អាចស្វែងយល់ផងដែរពីរបៀបដែលយើងប្រមូលនិងប្រើប្រាស់ទិន្នន័យរបស់អ្នកនៅក្នុងគោលការណ៍ឯកជនភាពរបស់យើងផងដែរ។ អ្នកមានការគ្រប់គ្រងលើប្រភេទនៃការផ្សាយពាណិជ្ជកម្ម និងអ្នកផ្សាយពាណិជ្ជកម្ម ដែលអ្នកឃើញ និងប្រភេទនៃព័ត៌មានដែលយើងប្រើប្រាស់ ដើម្បីកំណត់ថាតើការផ្សាយពាណិជ្ជកម្មមួយណា ដែលយើងបង្ហាញដល់អ្នក។ ស្វែងយល់បន្ថែម។
ត្រលប់ទៅខាងលើ
3. ការសន្យារបស់អ្នកចំពោះ Facebook និងសហគមន៍របស់យើង
យើងផ្តល់សេវាកម្មទាំងនេះដល់អ្នក និងអ្នកដទៃទៀត ដើម្បីជួយជំរុញបេសកកម្មរបស់យើង។ ជាការដោះដូរ យើងត្រូវការឱ្យអ្នកធ្វើការសន្យាដូចខាងក្រោម៖
1. អ្នកណាអាចប្រើប្រាស់ Facebook បាន
នៅពេលអ្នកប្រើប្រាស់គាំទ្រគំនិត និងសកម្មភាពរបស់ពួកគេ សហគមន៍របស់យើងកាន់តែមានសុវត្ថិភាព និងការទទួលខុសត្រូវកាន់តែច្រើន។ សម្រាប់ហេតុផលនេះ អ្នកត្រូវតែ៖
ផ្តល់ឈ្មោះឱ្យគណនីរបស់អ្នក ដូចគ្នានឹងឈ្មោះដែលអ្នកប្រើប្រាស់ក្នុងជីវភាពរស់នៅប្រចាំថ្ងៃ។
ផ្តល់ព័ត៌មានសុក្រិតអំពីខ្លួនអ្នក។
បង្កើតគណនីតែមួយប៉ុណ្ណោះ (ផ្ទាល់ខ្លួនរបស់អ្នក) ហើយប្រើប្រាស់វាសម្រាប់គោលបំណងផ្ទាល់ខ្លួន។
កុំចែករំលែកពាក្យសម្ងាត់របស់អ្នក ផ្តល់ការអាក់សេសលើគណនី Facebook របស់អ្នក ទៅអ្នកដ៏ទៃទៀត ឬផ្ទេរគណនីរបស់អ្នកទៅអ្នកផ្សេងទៀត (ដោយគ្មានការអនុញ្ញាតពីយើង)។
យើងព្យាយាមធ្វើឱ្យ Facebook អាចត្រូវបានប្រើប្រាស់យ៉ាងទូលំទូលាយដោយមនុស្សគ្រប់គ្នា ប៉ុន្តែ អ្នកមិនអាចប្រើប្រាស់ Facebook បានទេ ប្រសិនបើ៖
អ្នកមានអាយុក្រោម ១៣ ឆ្នាំ។
អ្នកជាពិរុទ្ធករផ្លូវភេទដែលត្រូវបានផ្តន្ទាទោស។
យើងបានបិទគណនីរបស់អ្នកពីមុនដោយសារការរំលោភបំពានលើលក្ខខណ្ឌរបស់យើង ពោលគឺ ស្តង់ដារសហគមន៍ ឬលក្ខខណ្ឌនិងគោលការណ៍ផ្សេងទៀត ដែលអនុវត្តចំពោះការប្រើប្រាស់ Facebook របស់អ្នក។ ប្រសិនបើយើងបិទគណនីរបស់អ្នកសម្រាប់ការរំលោភលើលក្ខខណ្ឌរបស់យើង ស្តង់ដារសហគមន៍ ឬលក្ខខណ្ឌនិងគោលការណ៍ផ្សេងទៀត អ្នកព្រមព្រៀងមិនបង្កើតគណនីផ្សេងទៀតដោយគ្មានការអនុញ្ញាតពីយើងឡើយ។ ការទទួលបានការអនុញ្ញាតឱ្យបង្កើតគណនីថ្មី គឺត្រូវបានផ្តល់ជូនតាមឆន្ទានុសិទ្ធិផ្តាច់មុខរបស់យើង ហើយមិនមានន័យថា ឬបញ្ជាក់ដោយតុណ្ហីភាពថា វិធានការវិន័យ គឺមិនត្រឹមត្រូវ ឬគ្មានមូលហេតុនោះទេ។
អ្នកត្រូវបានហាមឃាត់មិនឱ្យទទួលផលិតផល សេវា ឬអេពរបស់យើង ក្រោមច្បាប់ជាធរមាន។
2. អ្វីដែលអ្នកអាចចែករំលែក និងអាចធ្វើបាននៅលើផលិតផល Meta
យើងចង់ឱ្យអ្នកប្រើប្រាស់ផលិតផលនានារបស់ Meta បង្ហាញពីខ្លួនពួកគេ និងចែករំលែកមាតិកា ដែលមានសារៈសំខាន់ចំពោះពួកគេ ប៉ុន្តែ ដោយមិនធ្វើឱ្យប៉ះពាល់ដល់សុវត្ថិភាព និងសុខុមាលភាពរបស់អ្នកដទៃ ឬសុចរិតភាពនៃសហគមន៍របស់យើងនោះទេ។ ដូច្នេះអ្នកព្រមព្រៀងមិនចូលរួមក្នុងការប្រព្រឹត្ត ដែលបានពណ៌នាខាងក្រោម (ឬមិនជួយសម្រួលឬគាំទ្រអ្នកដទៃក្នុងការធ្វើបែបនេះទេ)៖
អ្នកមិនអាចប្រើប្រាស់ផលិតផលរបស់យើង ដើម្បីធ្វើ ឬចែករំលែកអ្វីមួយ៖
ដែលបំពានលក្ខខណ្ឌទាំងនេះ ពោលគឺស្តង់ដារសហគមន៍ ឬលក្ខខណ្ឌនិងគោលការណ៍ផ្សេងទៀត ដែលអនុវត្តចំពោះការប្រើប្រាស់របស់អ្នកមកលើផលិតផលរបស់យើង។
ដែលខុសច្បាប់ មានលក្ខណៈបំភាន់ រើសអើង ឬក្លែងបន្លំ (ឬជួយអ្នកផ្សេងក្នុងការប្រើប្រាស់ផលិតផលនានារបស់យើងតាមរបៀបនោះ)។
ដែលអ្នកមិនមានកម្មសិទ្ធិ ឬមិនមានសិទ្ធិចាំបាច់ក្នុងការចែករំលែក។
ដែលរំលោភ ឬបំពានលើសិទ្ធិរបស់បុគ្គលណាម្នាក់ រួមទាំងសិទ្ធិកម្មសិទ្ធិបញ្ញារបស់ពួកគេ (ដូចជា ដោយការរំលោភបំពានលើសិទ្ធិអ្នកនិពន្ធ ឬពាណិជ្ជសញ្ញារបស់អ្នកដទៃ ឬការចែកចាយ ឬការលក់ទំនិញក្លែងក្លាយ ឬទំនិញលួចចម្លង) ប្រសិនបើគ្មានការលើកលែង ឬការដាក់កម្រិតកំណត់ណាមួយ ដែលត្រូវអនុវត្តក្រោមច្បាប់ពាក់ព័ន្ធជាធរមាននោះទេ។
អ្នកមិនអាចបង្ហោះមេរោគ ឬកូដព្យាបាទ ប្រើប្រាស់សេវាកម្មដើម្បីផ្ញើសារដែលគេមិនត្រូវការ ឬធ្វើអ្វីផ្សេងទៀតដែលអាចបិទ ដាក់បន្ទុកយ៉ាងធ្ងន់ធ្ងរ ជ្រៀតជ្រែក ឬធ្វើឱ្យខូចដល់ដំណើរការងារត្រឹមត្រូវ សុចរិតភាព ប្រតិបត្តិការ ឬការលេចជារូបរាងនៃសេវាកម្ម ប្រព័ន្ធ ឬផលិតផលនានារបស់យើងឡើយ។
អ្នកមិនអាចអាក់សេសលើឬប្រមូលទិន្នន័យពីផលិតផលរបស់យើងដោយប្រើមធ្យោបាយស្វ័យប្រវត្តិកម្ម (ដោយគ្មានការអនុញ្ញាតជាមុនរបស់យើង) ឬប៉ុនប៉ងព្យាយាមអាក់សេសលើទិន្នន័យដែលអ្នកគ្មានសិទ្ធិអាក់សេសលើបាននោះឡើយ។
អ្នកមិនអាចតំណាង ស្នើសុំ ឬប្រមូលឈ្មោះអ្នកប្រើប្រាស់ ឬពាក្យសម្ងាត់របស់ផលិតផលឬថូខឹនអាក់សេសមិនសមរម្យបានឡើយ។
អ្នកមិនអាចលក់ ផ្ដល់អាជ្ញាបណ្ណនៃ ឬទិញទិន្នន័យណាមួយដែលទទួលបានពីយើង ឬសេវារបស់យើង លើកលែងតែមានចែងក្នុងលក្ខខណ្ឌនៃថ្នាលនេះ។
អ្នកមិនអាចប្រើប្រាស់ខុសនូវបណ្ដាញនៃការរាយការណ៍ កំណត់សម្គាល់ វិវាទឬបណ្ដឹងតវ៉ាណាមួយ ដូចជាតាមរយៈការធ្វើរបាយការណ៍ ឬដាក់បណ្ដឹងតវ៉ាដែលមានលក្ខណៈក្លែងបន្លំ ស្ទួនជាន់គ្នា ឬគ្មានមូលដ្ឋានជាដើម។
យើងអាចដកចេញ ឬរឹតត្បឹតនូវការអាក់សេសលើមាតិកាដែលរំលោភបំពានលើបទប្បញ្ញត្តិទាំងនេះ។ យើងក៏អាចផ្អាក ឬបិទគណនីរបស់អ្នក ចំពោះការប្រព្រឹត្តដែលរំលោភបំពានលើបទប្បញ្ញត្តិទាំងនេះ ដូចដែលមានចែងក្នុងផ្នែក 4.B ផងដែរ។
ប្រសិនបើយើងលុបមាតិកាដែលអ្នកបានចែករំលែកដោយរំលោភបំពានលើស្តង់ដារសហគមន៍ យើងនឹងប្រាប់អ្នកឱ្យដឹង និងពន្យល់អំពីជម្រើសនានាដែលអ្នកមានក្នុងការស្នើសុំឱ្យមានការពិនិត្យឡើងវិញមួយផ្សេងទៀត ប្រសិនបើអ្នកមិនរំលោភបំពានលក្ខខណ្ឌទាំងនេះយ៉ាងធ្ងន់ធ្ងរ ឬជាដដែលៗម្តងហើយម្តងទៀតនោះទេ ឬប្រសិនបើការធ្វើបែបនេះអាចនឹងធ្វើ ឱ្យយើង ឬអ្នកផ្សេងទៀតប្រឈមមុខនឹងទំនួលខុសត្រូវផ្លូវច្បាប់ បង្កអន្តរាយដល់សហគមន៍នៃអ្នកប្រើប្រាស់របស់យើង ប៉ះពាល់ដល់ ឬជ្រៀតជ្រែកសុចរិតភាព ឬប្រតិបត្តិការនៃសេវាកម្ម ប្រព័ន្ធ ឬផលិតផលណាមួយរបស់យើង ប្រសិនបើយើង ស្ថិតក្រោមការរឹតត្បឹតដោយសារតែការការកម្រិតកំណតផ្នែកបច្ចេកទេស ឬប្រសិនបើយើងត្រូវបានហាមឃាត់មិនឱ្យធ្វើបែបនេះ ដោយហេតុផលផ្លូវច្បាប់ណាមួយ។ សម្រាប់ព័ត៌មានស្តីពីការផ្អាក ឬលុបគណនី សូមមើលផ្នែក 4.B ខាងក្រោម។
ដើម្បីជួយគាំទ្រសហគមន៍របស់យើង យើងលើកទឹកចិត្ត ឱ្យអ្នករាយការណ៍អំពីមាតិកា ឬសកម្មភាពដែលអ្នកជឿថាជាការរំលោភបំពានលើសិទ្ធិរបស់អ្នក (ដូចជា សិទ្ធិកម្មសិទ្ធិបញ្ញា) ឬលក្ខខណ្ឌនិងគោលការណ៍របស់យើង ប្រសិនបើមុខងារនេះមាននៅក្នុងដែនយុត្តាធិការរបស់អ្នក។
យើងក៏អាចដកចេញ ឬរឹតត្បិតការអាក់សេសលើមុខងារមាតិកា សេវាកម្ម ឬព័ត៌មាន ប្រសិនបើយើងកំណត់ថាការធ្វើបែបនេះ គឺមានភាពចាំបាច់ដោយសមហេតុផល ដើម្បីជៀសវាង ឬកាត់បន្ថយការប្រើប្រាស់ខុសនូវសេវាកម្មរបស់យើង ឬផលប៉ះពាល់ផ្នែកផ្លូវច្បាប់ ឬបទប្បញ្ញត្តិទាំងឡាយជាអវិជ្ជមានលើ Meta។
3. ការអនុញ្ញាតដែលអ្នកផ្តល់ឱ្យយើង
យើងត្រូវការការអនុញ្ញាតជាក់លាក់ខ្លះពីអ្នក ដើម្បីផ្តល់ជូនសេវាកម្មរបស់យើង៖
ការអនុញ្ញាតឱ្យប្រើខ្លឹមសារដែលអ្នកបង្កើត និងចែករំលែក៖ ខ្លឹមសារមួយចំនួនដែលអ្នកចែករំលែក ឬបង្ហោះចូលដូចជា រូបថត ឬវីដេអូ ជាដើម អាចត្រូវបានការពារដោយច្បាប់ស្តីពីកម្មសិទ្ធិបញ្ញា។
អ្នករក្សាភាពជាម្ចាស់សិទ្ធិលើកម្មសិទ្ធិបញ្ញា (ដូចជាសិទ្ធិអ្នកនិពន្ធ ឬពាណិជ្ជសញ្ញា) នៅក្នុងខ្លឹមសារណាមួយដែលអ្នកបង្កើត និងចែករំលែកនៅលើ Facebook និងផលិតផលរបស់ក្រុមហ៊ុន Meta ផ្សេងទៀតដែលអ្នកប្រើប្រាស់។ គ្មានចំណុចណាមួយនៅក្នុងលក្ខខណ្ឌទាំងនេះនឹងដកហូតសិទ្ធិរបស់អ្នកដែលមានចំពោះខ្លឹមសារផ្ទាល់ខ្លួនរបស់អ្នកឡើយ។ អ្នកមានសេរីភាពក្នុងការចែករំលែកខ្លឹមសាររបស់អ្នកជាមួយនរណាម្នាក់ផ្សេងទៀតនៅគ្រប់ទិសទីប្រសិនបើអ្នកចង់។
ទោះយ៉ាងណាក៏ដោយ ដើម្បីផ្តល់សេវារបស់យើង យើងត្រូវការឱ្យអ្នកផ្តល់ការអនុញ្ញាតផ្លូវច្បាប់មួយចំនួនដល់យើង (ដែលត្រូវបានគេស្គាល់ផងដែរថាជា “អាជ្ញាបណ្ណ”) ដើម្បីប្រើប្រាស់ខ្លឹមសារនេះ។ នេះគឺសម្រាប់តែគោលបំណងនៃការផ្តល់ និងការកែលម្អផលិតផលនិងសេវារបស់យើង ដូចដែលបានពណ៌នានៅក្នុងផ្នែកទី 1 ខាងលើប៉ុណ្ណោះ។
ជាពិសេស នៅពេលអ្នកចែករំលែក បង្ហោះសារ ឬផ្ទុកឡើងនូវខ្លឹមសារដែលស្ថិតក្រោមសិទ្ធិនៃកម្មសិទ្ធិបញ្ញាស្ដីពី ឬពាក់ព័ន្ធនឹងផលិតផលរបស់យើង អ្នកផ្តល់ឱ្យយើងនូវអាជ្ញាបណ្ណសាកល មិនផ្តាច់មុខ ដែលអាចផ្ទេរបាន និងអាចផ្ដល់អាជ្ញាបណ្ណបន្តបាន គ្មានគិតថ្លៃសួយសារដើម្បីបង្ហោះ ប្រើប្រាស់ ចែកចាយ កែប្រែ ដំណើរការ ថតចម្លង អនុវត្ត ឬបង្ហាញជាសាធារណៈ បកប្រែ និងបង្កើតស្នាដៃកម្លាយនៃខ្លឹមសាររបស់អ្នក (ស្របតាមការកំណត់ឯកជនភាព និងកម្មវិធីរបស់អ្នក)។ ជាឧទាហរណ៍ នេះមានន័យថា ប្រសិនបើអ្នកចែករំលែករូបថតណាមួយនៅលើ Facebook អ្នកផ្តល់ឱ្យយើងនូវការអនុញ្ញាត ដើម្បីរក្សាទុក ចម្លង និងចែករំលែកវាជាមួយអ្នកដទៃ (ជាថ្មីម្តងទៀត គឺដោយស្របតាមការកំណត់របស់អ្នក) ដូចជាផលិតផល Meta ឬអ្នកផ្តល់សេវាកម្មនានា ដែលគាំទ្រផលិតផល និងសេវាកម្មទាំងនោះ។ អាជ្ញាបណ្ណនេះនឹងបញ្ចប់នៅពេលដែលខ្លឹមសាររបស់អ្នកត្រូវបានលុបចេញពីប្រព័ន្ធរបស់យើង។
អ្នកអាចលុបខ្លឹមសារនីមួយៗដែលអ្នកចែករំលែក បង្ហោះ និងបង្ហោះចូលបានគ្រប់ពេលវេលា។ លើសពីនេះ ខ្លឹមសារទាំងអស់ដែលបានបង្ហោះទៅក្នុងគណនីផ្ទាល់ខ្លួនរបស់អ្នកនឹងត្រូវបានលុបចេញ ប្រសិនបើអ្នកលុបគណនីរបស់អ្នក។ ស្វែងយល់បន្ថែមអំពីរបៀបលុបគណនីរបស់អ្នក។ ការលុបគណនីមិនលុបដោយស្វ័យប្រវត្តិនូវខ្លឹមសារដែលអ្នកបង្ហោះក្នុងនាមជាអ្នកគ្រប់គ្រងទំព័រ ឬខ្លឹមសារណាមួយដែលអ្នកបង្កើតរួមគ្នាជាមួយអ្នកប្រើប្រាស់ផ្សេងទៀត នោះឡើយ ដូចជារូបថតនៅក្នុងអាល់ប៊ុមដែលបានចែករំលែក ដែលអាចនឹងបន្តការមើលឃើញដោយសមាជិកអាល់ប៊ុមផ្សេងទៀត។
វាអាចនឹងចំណាយពេលរហូតដល់ 90 ថ្ងៃដើម្បីលុបខ្លឹមសារ បន្ទាប់ពីយើងចាប់ផ្តើមដំណើរការលុបគណនី ឬទទួលបានសំណើលុបខ្លឹមសារណាមួយ។ ប្រសិនបើអ្នកបញ្ជូនខ្លឹមសារណាមួយទៅក្នុងធុងសំរាម ដំណើរការលុបនឹងចាប់ផ្តើមដោយស្វ័យប្រវត្តិក្នុង រយៈពេល 30 ថ្ងៃ ប្រសិនបើអ្នកមិនជ្រើសរើសលុបខ្លឹមសារក្នុងរយៈពេលឆាប់ជាងនេះនោះទេ។ ក្នុងខណៈពេលដែលដំណើរការលុបសម្រាប់ខ្លឹមសារបែបនេះកំពុងត្រូវបានអនុវត្តក៏ដោយ ក៏ខ្លឹមសារនេះមិនអាចត្រូវបានមើលឃើញដោយអ្នកប្រើប្រាស់ផ្សេងទៀតឡើយ។ បន្ទាប់ពីខ្លឹមសារត្រូវបានលុបចេញ វាអាចចំណាយពេលដល់ទៅ 90 ថ្ងៃទៀត ដើម្បីលុបវាចេញពីប្រព័ន្ធនៃការបម្រុងទុក និងប្រព័ន្ធការសង្គ្រោះពីគ្រោះមហន្តរាយ។
ខ្លឹមសារនឹងមិនត្រូវបានលុប ក្នុងរយៈពេល 90 ថ្ងៃ ចាប់ពីការចាប់ផ្តើមការលុបគណនី ឬដំណើរការលុបខ្លឹមសារ ក្នុងស្ថានភាពដូចខាងក្រោម៖
ប្រសិនបើខ្លឹមសាររបស់អ្នកត្រូវបានប្រើប្រាស់ដោយអ្នកដទៃដោយអនុលោមតាមអាជ្ញាបណ្ណនេះ ហើយពួកគេមិនបានលុបចោលឡើយ (ក្នុងករណីនេះអាជ្ញាបណ្ណនេះនឹងបន្តអនុវត្ត រហូតដល់ខ្លឹមសារនោះត្រូវបានលុបចោល) ។
ប្រសិនបើការលុបក្នុងរយៈពេល 90 ថ្ងៃមិនអាចធ្វើទៅរួចដោយសារការកម្រិតកំណត់ផ្នែកបច្ចេកទេសនៃប្រព័ន្ធរបស់យើង ហើយក្នុងករណីនេះ យើងនឹងបញ្ចប់ការលុបឱ្យបានឆាប់តាមដែលអាចធ្វើបានតាមលក្ខណៈបច្ចេកទេស ឬ
ក្នុងករណីដែលការលុបចោលជាបន្ទាន់នឹងរឹតត្បិតលើសមត្ថភាពរបស់យើងក្នុងការ៖
ស៊ើបអង្កេត ឬកំណត់សកម្មភាពខុសច្បាប់ ឬការរំលោភលើលក្ខខណ្ឌនិងគោលការណ៍របស់យើង (ឧទាហរណ៍ ដើម្បីកំណត់អត្តសញ្ញាណ ឬស៊ើបអង្កេតការប្រើប្រាស់ផលិតផល ឬប្រព័ន្ធរបស់យើងដោយមិនត្រឹមត្រូវ)
ការពារសុវត្ថិភាព សុចរិតភាព និងសន្តិសុខនៃផលិតផល ប្រព័ន្ធ សេវាកម្ម និយោជិត និងអ្នកប្រើប្រាស់របស់យើង និងដើម្បីការពារខ្លួនយើងផ្ទាល់។
អនុលោមតាមកាតព្វកិច្ចផ្លូវច្បាប់សម្រាប់ការរក្សាទុក ភស្តុតាង រួមទាំងទិន្នន័យដែលបណ្តាក្រុមហ៊ុន Meta ដែលផ្តល់ផលិតផល និងសេវាកម្មហិរញ្ញវត្ថុ រក្សាទុក ដើម្បីអនុវត្តតាមកាតព្វកិច្ចរក្សាកំណត់ត្រាណាមួយដែលតម្រូវដោយច្បាប់ ឬ
គោរពតាមការស្នើសុំពីអាជ្ញាធរតុលាការ ឬអំណាចរដ្ឋបាល អាជ្ញាធរអនុវត្តច្បាប់ ឬទីភ្នាក់ងាររដ្ឋាភិបាល
ដែលក្នុងករណីនេះ ខ្លឹមសារនឹងត្រូវបានរក្សាទុកមិនលើសពីការចាំបាច់សម្រាប់គោលបំណងដែលវាត្រូវបានរក្សាទុកនោះឡើយ (រយៈពេលជាក់ស្ដែងនឹងប្រែប្រួលទៅតាមករណីនីមួយៗ)។
ក្នុងករណីនីមួយៗខាងលើ អាជ្ញាបណ្ណនេះនឹងបន្តរហូតដល់ខ្លឹមសារត្រូវបានលុបចោលទាំងស្រុង។
ការអនុញ្ញាតឱ្យប្រើឈ្មោះរបស់អ្នក រូបភាពប្រូហ្វាល និងព័ត៌មានអំពីសកម្មភាពរបស់អ្នកជាមួយនឹងការផ្សាយពាណិជ្ជកម្ម និងខ្លឹមសារក្រោមការឧបត្ថម្ភឬខ្លឹមសារពាណិជ្ជកម្ម៖ អ្នកផ្តល់ឱ្យយើងនូវការអនុញ្ញាតឱ្យប្រើឈ្មោះ និងរូបភាពប្រូហ្វាលរបស់អ្នក និងព័ត៌មានអំពីសកម្មភាពដែលអ្នកបានធ្វើនៅលើ Facebook នៅជាប់ ឬពាក់ព័ន្ធនឹង ការផ្សាយពាណិជ្ជកម្ម ការផ្តល់ជូន និងខ្លឹមសារក្រោមការឧបត្ថម្ភ ឬខ្លឹមសារពាណិជ្ជកម្មផ្សេងទៀតដែលយើងបង្ហាញលើផលិតផលរបស់យើង ដោយមិនមានការតបស្នងណាមួយដល់អ្នកឡើយ។ ជាឧទាហរណ៍ យើងអាចបង្ហាញមិត្តភក្តិរបស់អ្នកថា អ្នកចាប់អារម្មណ៍លើព្រឹត្តិការណ៍ផ្សាយពាណិជ្ជកម្ម ឬបានចូលចិត្តទំព័រ Facebook ដែលបង្កើតឡើងដោយម៉ាកដែលបាន ទូទាត់ប្រាក់ឱ្យយើង ដើម្បីធ្វើការបង្ហាញការផ្សាយពាណិជ្ជកម្ម របស់ខ្លួននៅលើ Facebook។ ការផ្សាយពាណិជ្ជកម្ម និងខ្លឹមសារបែបនេះអាចមើលឃើញបានតែដោយអ្នកដែលមានការអនុញ្ញាតពីអ្នកដើម្បីមើលសកម្មភាព ដែលអ្នកបានធ្វើនៅលើផលិតផល Meta ប៉ុណ្ណោះ។ អ្នកអាចស្វែងយល់បន្ថែមអំពីការកំណត់ការ ផ្សាយពាណិជ្ជកម្ម និងចំណូលចិត្តរបស់អ្នកបាន។
ការអនុញ្ញាតឱ្យធ្វើបច្ចុប្បន្នកម្មសូហ្វវែរដែលអ្នកប្រើប្រាស់ ឬទាញយក៖ បើអ្នកទាញយក ឬប្រើសូហ្វវែររបស់យើង អ្នកផ្តល់ការអនុញ្ញាតឱ្យយើងទាញយក និងដំឡើងបច្ចុប្បន្នភាពទៅលើ សូហ្វវែរក្នុងករណីដែលមាន។
4. ដែនកំណត់លើការប្រើប្រាស់កម្មសិទ្ធិបញ្ញារបស់យើង
ប្រសិនបើអ្នកប្រើប្រាស់ខ្លឹមសារដែលស្ថិតនៅក្រោមសិទ្ធិកម្មសិទ្ធិបញ្ញាដែលយើងមាន និងផ្តល់ជូននៅលើផលិតផលរបស់យើង (ឧទាហរណ៍ រូបភាព ការរចនា វីដេអូ ឬសំឡេង ដែលយើងផ្តល់ជូន ដែលអ្នកបញ្ចូលទៅលើខ្លឹមសារដែលអ្នកបង្កើត ឬចែករំលែក លើកម្មវិធី Facebook) យើងរក្សាសិទ្ធិទាំងអស់ចំពោះខ្លឹមសារនោះ (ប៉ុន្តែ មិនមែនជាសិទ្ធិរបស់អ្នកនោះទេ)។ អ្នកអាចប្រើប្រាស់បានតែសិទ្ធិអ្នកនិ

នាក់មើលញុាំបាយនៅ

សុំ1Kបានអត់🥰😍

1k

1k