Ah Phon

ជាប្ដីប្រពន្ធ…!

១. ខុសត្រូវ ក៏នៅតែជាប្ដីប្រពន្ធ សំខាន់ចេះអត់ឱន និងចេះកែប្រែគ្នាទៅវិញទៅមក។
២. ជីវិតប្ដីប្រពន្ធ ពេលមានបញ្ហាកុំអាងតែឈ្លោះទាស់ទែង ការខ្វែងគំនិតគ្នាមិនមែនជាបញ្ហាទេ តែបញ្ហានៅត្រង់ថា យើងមិនព្រមស្ដាប់ មិនព្រមសម្របតាមគ្នា។
៣. កុំយកប្ដីប្រពន្ធយើង ទៅប្រៀបជាមួយអ្នកនេះ ឬអ្នកនោះ ព្រោះមនុស្សមិនដូចគ្នាទេ គេល្អបែបគេ ប្ដីប្រពន្ធយើងល្អបែបប្ដីប្រពន្ធយើង។
៤. ជាប្ដីប្រពន្ធ ចង់ចាញ់ឈ្នះគ្នាទៅណា គ្រួសារតែមួយ ក្រោមដំបូលផ្ទះតែមួយ ចាញ់ឈ្នះហើយក៏មិនបានចំណេញលុយអីដែរ។
៥. ការសាងគ្រួសារមួយមិនពិបាកទេ សំខាន់ឱ្យតែអ្នកចេះជឿជាក់គ្នា មានពេលវេលាឱ្យគ្នា ចេះគោរពគ្នា និងស្មោះត្រង់ លះបង់ចំពោះគ្នា។
៦. ទោះបីអ្នកដទៃស្រឡាញ់រាប់អានអ្នកប៉ុនណា ក៏មិនប្រាកដថា គេអាចស្រឡាញ់ លះបង់ដើម្បីអ្នក ដូចប្ដីប្រពន្ធអ្នកនោះឡើយ។
៧. ភរិយាគ្រប់រូប តែងចង់បានការយកចិត្តទុកដាក់ពីស្វាមី ចំណែកឯប្ដី តែងចង់បានការគោរព និងភក្ដីពីប្រពន្ធ។
៨. ប្រពន្ធគឺប្រពន្ធ មិនសំខាន់ទេថាអ្នកជាអ្នកណា យសសក្តិប៉ុនណា សំខាន់អ្នកគឺជាប្ដី ជាមេគ្រួសារ អ្នកត្រូវថែរក្សា មើលការខុសត្រូវ នឹងផ្ដល់សុភមង្គលដល់គ្រួសារមួយនេះ។
៩. ប្ដីពូកែរកស៊ី ប្រពន្ធពូកែរកសុខ ប្ដីប្រពន្ធចេះជួយគ្នារៀបចំដាក់ទុក តទៅថ្ងៃមុខប្រាកដជារីកចម្រើន។
១០. ប្ដីប្រពន្ធមួយថ្ងៃ ប្ដីប្រពន្ធមួយជីវិត រួមគំនិត រួមការគិត រួមចិត្តតែមួយ ជួយគ្នា មើលថែគ្នា ទើបជីវិតអាពាហ៍ពិពាហ៍ មានក្ដីសុខនិងសុភមង្គល។

មុនពេលសម្រេចចិត្តរៀបអាពាហ៍ពិពាហ៍ ក្រៅពីស្រឡាញ់ និងទទួលយកចរិតនិស្ស័យ សម្ដីសម្ដៅ ការប្រព្រឹត្ត ចរិយាសម្បត្តិអីអស់ហើយ មិនទាន់គ្រប់ទេ ត្រូវចេះសួរនាំ និងនិយាយគ្នាឱ្យហើយលើ៖

1-ទ្រព្យសម្បត្តិ និងបំណុលទាំងសងខាង: សម័យនេះ គួរនិយាយគ្នាមុន ច្បាស់លាស់រៀងខ្លួន ហើយសម្រេចចិត្តទទួលយកឬមិនទទួលយកឱ្យច្បាស់លាស់។ គេថា លុយអត់សំខាន់ទេ តែជីវិតប្រែជាវេទនានៅពេលដែលគ្មានលុយ។ បំណុលគឺជាសម្ពាធដ៏ធំមួយ រុញឱ្យគូជីវិតច្រើនណាស់បែកគ្នា ដូចនេះគួរស្មោះត្រង់និយាយគ្នាឱ្យច្បាស់។

2-ចំណូលទាំងសងខាង: អ្នកនៅអ៊ឺរ៉ុបគេប្រកាន់ណាស់ រឿងដឹងចំណូលគ្នា តែយើងជាខ្មែរ នៅចិញ្ចឹមឪពុកម្ដាយនៅផ្ដាច់ខ្លួនពីឪពុកម្ដាយមិនផុតដូចអ៊ឺរ៉ុបទេ ដូចនេះគួរសួរនាំ និងដឹងពីគ្នា។ មានដៃគូច្រើនណាស់ រៀបការហើយខកចិត្ត បញ្ហាចំណូលមិនល្អ ឬមិនដូចការរំពឹងទុក ចំណាយច្រើន ទៅជារកាំរកូសគ្នាដល់បែកគ្នាក៏មាន។

3-ការរំពឹងទុកលើរឿងផ្លូវភេទ: អសុរសម្លេះនិយាយរឿងផ្លូវភេទ? ខ្ញុំសួរដូចឆោទ រៀបការជាមួយគ្នាមិនមានសកម្មភាពផ្លូវភេទទេឬយ៉ាងណា? សូម្បីក្នុងច្បាប់ បញ្ហាសង្វាសនេះ គឺជាមូលហេតុសំខាន់មួយក្នុងការលែងលះ។ ផ្លូវភេទ ជាចំណងដ៏ធំមួយក្នុងចំណោមឯទៀត នៅក្នុងជីវិតគូ។ រវល់តែខ្មាសអៀន មិននិយាយគ្នា គ្មានសេចក្ដីសុខនឹងគ្នា មិនយល់ពីគ្នា ច្បាស់ជាកើតមានបញ្ហាផិតក្បត់កើតឡើង។ ទទួលស្គាល់ មនុស្សខ្លះមិនចេះគ្រប់ អានេះមូលហេតុដោយឡែក។ យ៉ាងណាបំពេញតួនាទីប្ដីប្រពន្ធឱ្យល្អសិន និយាយគ្នាឱ្យច្បាស់ ពីការចង់បាន ឬរំពឹងទុកជីវិតផ្លូវភេទពីគ្នា សឹមសម្រេចចិត្ត។

4-គម្រោងចំណាយជួយគ្រួសារទាំងសងខាង: បញ្ហានេះ ត្រូវតែនិយាយគ្នាឱ្យហើយ ឱ្យបានច្បាស់លាស់ ថានៅក្រោយរៀបការ ទាំងសងខាងចង់ជួយឪពុកម្ដាយប៉ុន្មាន? កម្រិតណា? កាលដែលមិនអីៗ មិនហ៊ាននិយាយគ្នា ដល់តែជាក់ស្ដែង អន់ចិត្តគ្នា លាក់គ្នា។ ប្ដីអន់ចិត្តប្រពន្ធ ប្រពន្ធអន់ចិត្តប្ដី ម៉ែឪអន់ចិត្តកូន អន់ចិត្តកូនប្រសារ បង្កើតបានជាបញ្ហារាប់រយរឿង។ នៅក្នុងជីវិតជាក់ស្ដែង មានគូជីវិតច្រើនណាស់ ដែលបែកគ្នាព្រោះបញ្ហានេះ។ គួរតែពិភាក្សាគ្នាឱ្យបានច្បាស់លាស់ ជាការល្អ។

5-គម្រោងសន្សំ និងរៀបចំផែនការជីវិត: ជីវិតគូរុងរឿង ឬអត់ លើចំណុចហ្នឹង។ គូដែលមានផែនការសន្សំ និងរៀបចំផែនការអនាគតជាមួយគ្នា ចំណាំឃើញថាស្វាហាប់ មានក្ដីសង្ឃឹម ហើយចេះអនុគ្រោះគ្នាច្រើន។

6-ផែនការយកកូន: និយាយគ្នាឱ្យហើយ ទៅលើគម្រោងយកកូន ប៉ុន្មានឆ្នាំយកឱ្យច្បាស់? ហើយយក ផ្អែកលើស្ថានភាពហិរញ្ញវត្ថុកម្រិតណាៗ។ កូនជាចំណងគូ ជាអំណោយ និងសុភមង្គលគូ តែប្រសិនបើទាំងសងខាង មិនទាន់រួចរាល់ ហើយមានកូន ច្បាស់ជាទទួលបានអារម្មណ៍ផ្សេង។ និយាយគ្នាឱ្យច្បាស់ នៅមុនពេលសម្រេចចិត្ត។

7-ការរំពឹងទុកលើកិច្ចការងារផ្ទះ: អីគេនិយាយគ្នាទៀត? ច្បាស់ជាត្រូវនិយាយ សួរគ្នា បងឬអូនរំពឹងទុកពីអូន ឬបងប៉ុណ្ណា ក្នុងការងារផ្ទះ? សម័យនេះ ដល់តែនិយាយគ្នា យល់យោគគ្នា ជួយគ្នាទើបបញ្ហាអត់កើតមាន ព្រោះភាគច្រើន ប្ដីនិងប្រពន្ធសម័យថ្មី រកចំណូលទាំងពីរ។ បើទោះមិនធ្វើការងារក្រុមហ៊ុន ក៏រកស៊ីដែរ បើទោះបីឥលូវកំពុងរៀន ឬស្វែងរកការងារ ក៏គង់តែស្វះស្វែងរកចំណូលឱ្យបាន ព្រោះថាការចំណាយបច្ចុប្បន្នចំណូលតែម្នាក់ទប់អត់រួចទេ។ នេះហើយ ជាមូលហេតុគួរនិយាយគ្នាឱ្យច្បាស់ ជៀសវាងលែងគ្នា "មូលហេតុខឹងគ្នារឿងអត់ដាំបាយ អត់លាងចាន" នាំពិបាកហាមាត់ប្រាប់ក្រលាបញ្ជីរ។

8-និយាយគ្នាឱ្យច្បាស់ពីគោលការណ៍ និងវិន័យផ្ទាល់ខ្លួន: យីស ប្ដីប្រពន្ធសម័យនេះ មានគោលការណ៍ មានវិន័យផ្ទាល់ខ្លួនទៀត? ចាស មាន! រឿងដែលគ្នាមិនចូលចិត្ត ហើយដាច់ខាតហាមប្រព្រឹត្តិ ក្នុងជីវិតគូ គួរនិយាយគ្នា ដឹងគ្នាឱ្យជាក់។ ដើម្បីកុំឱ្យគ្នាប្រព្រឹត្តិហើយ មិនដឹងរឿង ម្ខាងក្ដៅដូចភ្លើងទប់អត់ឈ្នះមានតែលែង។ ការអនុគ្រោះ ការយល់យោគ ជារឿងប្ដីប្រពន្ធគួរមានហើយ តែយ៉ាងណាគួរដឹងគ្នា ព្រោះការគ្រប់គ្រងផ្លូវចិត្តមនុស្សយើងម្នាក់ៗ មានកម្រិតខុសៗគ្នា។ គ្មានអ្នកណា ចង់បែកគ្នាទេ តែពេលខ្លះទង្វើម្ខាងទៀតវាយប្រហាផ្លូវចិត្តម្ខាងទៀតពេក រហូតគ្រប់គ្រងអារម្មណ៍ល្អៗលែងបាន។ ដូចនេះ គួរសិក្សាពីគ្នា។

9-ការរំពឹកទុកពេលវេលា និងតម្រូវការចេបចុបពីគ្នា: បុរសថា មនុស្សស្រីរឿងច្រើនណាស់ មនុស្សស្រីវិញនិយាយថា បុរសជាគល់ឈើគ្មានយល់ចិត្តមនុស្សស្រី តាមពិតបញ្ហាមកពីមិនយល់គ្នា មិនធ្លាប់និយាយគ្នា។ សួរគ្នា ចង់បានពេលវេលាពីគ្នាកម្រិតណា ហើយអីខ្លះដែលគ្នារំពឹងទុកចង់បាន កំឡុងពេលរួមរស់ជាមួយគ្នាជាប្ដីប្រពន្ធ។ យល់គ្នា រឿងធំក្លាយជារឿងតូច រឿងតូច ក្លាយជាអត់រឿង។

10-សាសនា គំនិតវប្បធម៌ និងនយោបាយ: នេះជារឿងដ៏កម្រណាស់ ដែលដៃគូខ្មែរយើងនឹងគិតគូពីរឿងនេះ ប៉ុន្តែគួរសិក្សាពីចិត្តគំនិត ការយល់ឃើញ និងការប្រកាន់ទៅលើរឿងនេះដែរ។ បច្ចុប្បន្នលំហូសាសនាក្នុងប្រទេសយើងកាន់តែមានច្រើន ហើយរបៀបនៅក្នុងការប្រតិបត្តិ និងស្វែងរកសេរីភាព រវាងភេទទាំងពីរក៏កាន់តែបើកទូលាយឡើង បង្កើតបានជាទស្សន:ដោយឡែកៗ។ ឧទាហរណ៍ បញ្ហាលើការគាំពាវប្បធម៌ សូម្បីបញ្ហាការចំណាយលើកម្មវិធីមង្គលការ ជាវប្បធម៌ខ្មែរយើងនេះ ក៏ជាបញ្ហាដ៏ចម្រូងចម្រាសមួយដែរ។ អ្នកណាជាអ្នកចំណាយ? ហើយចំណាយក្នុងទំហំណា? ការប្រកាន់ក្នុងកម្រិតណាទៅលើកិច្ច និងពិធីទាំងនោះ។ នេះគ្រាន់តែជាឧទាហរណ៍តូចមួយ ដូចនេះបើអាចគួរសិក្សាពីគ្នាទៅលើការយល់ឃើញ និងបើកចិត្តទៅលើផ្នែកខាងលើនេះឱ្យបានល្អ៕

ជូនពរសំណាងល្អ!

រក្សាសិទ្ធិដោយ: ស្នង នេត្រា
Pic: Jinnienbarca

ក្នុងជីវិតអាពាហ៍ពិពាហ៍ បុរសដែលពឹសពុលបំផុតមាន 4 ប្រភេទ។

ប្រភេទទី 1 គឺ ប្រភេទមនុស្សប្រុសដែលគេចវេស។ មិនថានៅក្នុងគ្រួសារមានរឿងអ្វីកើតឡើង គឺដូចជាមនុស្ស គរ មិនទំនាក់ទំនង មិនដោះស្រាយ មិនពិភាគ្សា ហើយចូលចិត្តប្រើអំពើហឹង្សាត្រជាក់ ធ្វើឱ្យមនុស្សស្រីស្ទើឆ្កួតពិតមែន។

ប្រភេទទី 2 គឺ មើលមកជាមនុស្សប្រុសស្លូតខ្លាំង ក៏ប៉ុន្តែប្រសិនបើអ្នកបាននៅជាមួយគាត់យូរបន្តិច អ្នកនឹងដឹងថាគាត់ជាមនុស្សល្ងង់ខ្លាំង។ ហើយមនុស្សប្រុសបែបនេះគឺមិនមានការយល់ឃើញដូចអ្នកទេ សម្តីគាត់មួយម៉ាត់ៗអាចធ្វើឱ្យអ្នកខឹងស្លាប់បាន ហើយគាត់ក៏មិនដែលស្វែងរកមូលហេតុពីខ្លួនគាត់ដែរ មិនយល់ថាខ្លួនឯងខុសត្រង់ណា? នៅជាមួយមនុស្សប្រុសបែបនេះ អ្នកគ្មានថ្ងៃរីករាយបានឡើយ។

ប្រភេទទី 3 គឺ មនុស្សប្រុសដែលគ្មានបេះដូងចេះដឹងគុណ។ មនុស្សប្រុសបែបនេះគឺអាត្មានិយមបំផុត មិនថាអ្នកខំលះបង់ទៅក្នុងគ្រួសារច្រើនបែបណា?
អ្នកអត់ទ្រាំ រងទុក្ខប៉ុណ្ណា? គេមើលមិនឃើញទេ គេមើលឃើញតែការលះបង់របស់ខ្លួនគេប៉ុណ្ណោះ! សម្រាប់ការលះបង់របស់អ្នកវិញ គឺអ្នកគួរតែធ្វើបែបនេះហើយ បើអ្នកធ្វើមិនបាន រកលុយឱ្យគេមិនបាន វាគឺជាកំហុសរបស់អ្នក។

ប្រភេទទី 4 គឺជាមនុស្សប្រុសល្អដែលមិនចេះបដិសេធជាមួយអ្នកដទៃ។ មនុស្សប្រុសល្អបែបនោះគួរឱ្យខ្ពើមខ្លាំងណាស់ គេអាចនឹងលះបង់ផលប្រយោជន៍របស់អ្នកដើម្បីទៅប្តូរនិងការសរសើររបស់អ្នកដទៃ ប្តូរយកកេរ្ត៍ឈ្មោះជាមនុស្សល្អរបស់ខ្លួនគេ។ ហើយនៅក្នុងក្រសែភ្នែករបស់មនុស្សទាំងអស់ គេគឺជាមនុស្សល្អ ប្តីល្អ ឪពុកល្អ អ៊ីចឹងមនុស្សអាក្រក់អ្នកណាជាអ្នកធ្វើ? គឺអ្នកនិងហើយ។

ប្រសិនបើអ្នកជួបមនុស្សប្រុសបែបនេះ គឺហាស្លាក់ខ្ចាក់ស្លែង រងទុក្ខរីងរៃតែឯងនៅហ្នឹងទៅ!

បកប្រែ សុខ គឹមទៀវ

Good morning 🌞😍