Merlincloud

🍯 Gold Mung Sprouts: රන්වන් මුං ඇට වගා කරමු (Full Guide)
මුං ඇට Microgreens කොළ පාටට වවන එක හැමෝම කරනවා. හැබැයි 5-Star හෝටල් වල Chef ලා ඉල්ලන, පට්ට ගණන් වලට විකුණන්න පුළුවන් "Gold Mung Sprouts" හදන්නේ මෙහෙමයි!

අවශ්‍ය ද්‍රව්‍ය:
පිරිසිදු මුං ඇට (Dilsiorganic වෙතින් ලබාගත හැක)

වගා තැටියක් (Tray එකක්)

කොහුබත් (Cocopeat) හෝ පිරිසිදු රෙදි කැබැල්ලක්

වැදගත්ම දේ: එළිය ඇතුළට නොඑන කළු පාට බාල්දියක් හෝ පෙට්ටියක් (Covering box)

වගා කරන පියවර:
1. බීජ පෙඟවීම (Soaking):
මුං ඇට ටික පැය 8-12ක් පිරිසිදු වතුරේ පෙඟෙන්න තියන්න. ඇට ටික හොඳින් පිම්බුණු පසු වතුර අයින් කරන්න.

2. මාධ්‍යය සකස් කිරීම:
වගා තැටියට අඟලක් විතර උසට තෙත කොහුබත් පුරවා ගන්න. නැත්නම් තෙත රෙදි කැබැල්ලක් වුණත් පාවිච්චි කරන්න පුළුවන්.

3. වැපිරීම (Sowing):
පෙඟවා ගත් මුං ඇට ටික ට්‍රේ එකේ තට්ටුවක් වගේ අතුරන්න. ඇට එක පිට එක වැටුණට ප්‍රශ්නයක් නැහැ (High density).

4. බර තැබීම (Weighted Press):
මුං ඇට පැළ මහතට සහ "Crunchy" විදියට ගන්න නම් බීජ උඩින් තවත් ට්‍රේ එකක් තියලා ඒ උඩින් කිලෝ 1-2 ක බරක් තියන්න. දින 2ක් යනකම් මේ බර තියන්න.

5. රන්වන් පාට ගන්නා රහස (The Blackout):
මෙන්න මචං රහස! මේ මුළු වගාවම අස්වැන්න නෙළනකම්ම සම්පූර්ණ අඳුරේ තියන්න ඕනේ. කළු බාල්දියකින් හෝ පෙට්ටියකින් ට්‍රේ එක වහලා තියන්න. එක හිරු එළිය බින්දුවක්වත් වැටෙන්න දෙන්න එපා. 🚫☀️

6. නඩත්තුව:
දිනකට දෙවරක් අඳුරේම ඉඳගෙන වතුර ස්ප්‍රේ කරන්න. මුං ඇට වලට වාතාශ්‍රය අවශ්‍ය නිසා වහලා තියෙන පෙට්ටියේ පොඩි සිදුරු කිහිපයක් තියන්න.

7. අස්වැන්න නෙළීම (Harvest):
දින 5-6ක් යනකොට පැළ අඟල් 3-4ක් උසට වැඩෙනවා. එළියට නොගෙනම අඳුරේදී කතුරකින් කපා අස්වැන්න ගන්න. එතකොට තමයි ඒ ලස්සන "Gold" පාට තියෙන්නේ.

💡 Dilsiorganic Premium Tip:
අස්වැන්න නෙළා ගත් පසු සීතල වතුර භාජනයකට දමා සෝදන්න. එවිට මුං ඇට පොතු ටික ලේසියෙන් ගැලවී ඉවත් වේ. දැන් ඔයාට හෝටල් වලට සපයන්න පුළුවන් Premium Gold Mung Sprouts ලෑස්තියි!

මේ වගේ දේවල් බලන්න පේජ් එක follow කරන්න 𝐻 𝑒 𝒶 𝓇 𝓉 𝑀 𝑜 𝓂 𝑒 𝓃 𝓉 𝓈