Dr.Imasha

නූතන රූපලාවන්‍ය ක්ෂේත්‍රය කියන්නේ දිනෙන් දින අලුත් වෙමින්, විවිධ සත්කාර අත්හදා බලමින් ඉදිරියට යන ක්ෂේත්‍රයක්. ඒ අතර මේ වනවිට බොහෝ දෙනා ස්වභාවිකත්වයට වැඩි අවධානයක් යොමු කරමින් තම ස්වභාවික රුව තවත් ඉස්මතු කරගැනීමට උනන්දුවක් දක්වනවා.
මේ නිසාම දෙස් විදෙස් අවධානය දිනාගත් අපූරු රූ සත්කාරයක් ලෙස ගොළුබෙලි සත්කාරය හඳුන්වා දෙන්න පුළුවන්.
“ගොළුබෙල්ලා” කියන නම ඇසූ සැණින් ඇතැම් අයට පුදුමයක්, බයක් හෝ පිළිකුලක් ඇති වෙන්න පුළුවන්. නමුත් රූපලාවන්‍ය ක්ෂේත්‍රය තුළ මේ පුංචි සතාගෙන් ලබාගන්නා ශ්‍රාවය භාවිත කරමින් විවිධ සමේ සත්කාර සිදු කරනවා.
ඒත් ඇත්තටම ගොළුබෙලි සත්කාරයෙන් සමට ලැබෙන ප්‍රතිලාභ මොනවාද? මේ සත්කාරය අද ඊයේ ඇති වූ සංකල්පයක්ද? ඒ ගැන අපි සොයා බලමු.
ගොළුබෙලි සත්කාරයේ ඉතිහාසය
ගොළුබෙලි ශ්‍රාවය සම සඳහා භාවිත කිරීම අද ඊයේ ආරම්භ වූ දෙයක් නොවන බව සඳහන් වෙනවා.
පැරණි ග්‍රීසියේ වෛද්‍ය විද්‍යාවේ පියා ලෙස සැලකෙන හිපොක්‍රටීස් විසින් සමේ ඇතිවන ඇතැම් තුවාල සහ චර්ම ගැටලු සඳහා ගොළුබෙලි ශ්‍රාවය ඇතුළත් මිශ්‍රණ භාවිත කළ බවට සඳහන් වේ.
1980 දශකයේදී චිලී රාජ්‍යයේ ගොළුබෙලි ගොවිපළවල සේවය කළ කම්කරුවන්ගේ අත්වල සමේ ඇති වූ වෙනස්කම් පිළිබඳව ද අවධානය යොමු වී තිබෙනවා. ඔවුන්ගේ අත්වල සම මෘදු බවට පත්වීම සහ ඇතැම් තුවාල ඉක්මනින් සුවවීම වැනි නිරීක්ෂණ හේතුවෙන් ගොළුබෙලි ශ්‍රාවය පිළිබඳ වැඩි අවධානයක් යොමු වූ බව සඳහන් වේ.
පසුව දකුණු කොරියාව සහ ජපානය ඇතුළු රටවල රූපලාවන්‍ය ක්ෂේත්‍රය තුළ ගොළුබෙලි ශ්‍රාවය භාවිත කරන නිෂ්පාදන සහ සත්කාර ජනප්‍රිය වුණා. විශේෂයෙන්ම කොරියානු රූපලාවන්‍ය ක්ෂේත්‍රය හරහා මෙය ලොව පුරා ජනප්‍රියත්වයට පත්ව තිබෙනවා.
කොහොමද මේ සත්කාරය සිදු කරන්නේ?
ගොළුබෙල්ලන් මුහුණ මත ගමන් කිරීමට සැලැස්වීම මගින් ඔවුන්ගේ ශ්‍රාවය ස්වභාවිකව සම මත තැවරීමට ඉඩ ලබාදෙන ක්‍රමයක් තිබෙනවා.
ඒ වගේම ගොළුබෙලි ශ්‍රාවය අඩංගු නිෂ්පාදන භාවිත කරමින් සමට අවශ්‍ය සත්කාර ලබාදීමත් සිදු කළ හැකියි.
ගොළුබෙලි ශ්‍රාවය මගින් සමට තෙතමනය ලබාදීම, සමේ පෙනුම වැඩිදියුණු කිරීම සහ සමේ මෘදු බව පවත්වා ගැනීම වැනි ප්‍රතිලාභ ලබාගත හැකි බව රූපලාවන්‍ය ක්ෂේත්‍රයේ සඳහන් වෙනවා.
සමට ලැබෙන ප්‍රතිලාභ මොනවාද?
ගොළුබෙලි ශ්‍රාවය අඩංගු සත්කාර මගින් සමේ තෙතමනය පවත්වා ගැනීමට, සම මෘදු කිරීමට සහ සමේ පෙනුම දීප්තිමත් කිරීමට උපකාරී විය හැකියි.
එමෙන්ම සමේ මැරුණු සෛල ඉවත් කිරීමට, සමේ වියළි බව අඩු කිරීමට සහ සමේ වයස්ගත පෙනුම සම්බන්ධ ඇතැම් ලක්ෂණ අවම කරගැනීමට දායක විය හැකි බව සඳහන් වෙනවා.
ලප කැළැල් සහ අව්වට නිරාවරණය වීමෙන් ඇතිවන සමේ වෙනස්කම් සඳහා ද මෙවැනි සත්කාර භාවිත කරනවා.
කෙසේ වෙතත්, සෑම පුද්ගලයකුටම එකම ප්‍රතිඵල ලැබෙන බවට සහතික කළ නොහැකි අතර, සමේ ස්වභාවය අනුව ප්‍රතිචාර වෙනස් විය හැකියි.
ඒ නිසාම ගොළුබෙලි සත්කාරයක් සිදු කිරීමට පෙර එය තම සමට ගැළපෙනවාද යන්න පිළිබඳව නිසි අවධානයක් යොමු කිරීම වැදගත්.

අපි අවට සිටින ඕනෑම ගොළුබෙල්ලෙක් භාවිත කළ හැකිද?
නැහැ.
රූපලාවන්‍ය සත්කාර සඳහා භාවිත කරන ගොළුබෙල්ලන් විශේෂයෙන් පාලනය කළ පරිසරයක ඇතිදැඩි කර පිරිසිදු තත්ත්වයන් යටතේ ලබාගැනීම වැදගත්.
මෙවැනි සත්කාර සඳහා භාවිත කරන ගොළුබෙලි විශේෂ අතර Cornu aspersum (Garden Snail) සහ Achatina fulica (Giant African Land Snail) වැනි විශේෂ සඳහන් කළ හැකියි.
එබැවින් ස්වභාවික පරිසරයෙන් අල්ලාගත් ගොළුබෙල්ලන් මුහුණේ හෝ සම මත භාවිත කිරීම සුදුසු ක්‍රමයක් නොවන බව මතක තබාගත යුතුයි.
හැමෝටම මේ සත්කාරය සුදුසුද?
ස්වභාවික ද්‍රව්‍යයක් වුවත් සෑම පුද්ගලයකුගේම සමට එකම ආකාරයෙන් ප්‍රතිචාර දක්වන්නේ නැහැ. විශේෂයෙන් සංවේදී සමක් ඇති පුද්ගලයන්ට හෝ ඇතැම් ද්‍රව්‍යවලට අසාත්මිකතා ඇති අයට යම් ප්‍රතික්‍රියාවක් ඇති විය හැකියි.
ඒ නිසා සත්කාරය සිදු කිරීමට පෙර Skin Test එකක් සිදුකර තම සමට එය ගැළපෙනවාද යන්න පරීක්ෂා කරගැනීම වැදගත්.
සත්කාරයට පෙර කළ යුතු දේ
සත්කාරය සිදු කරන අවස්ථාවේදී මුහුණ හොඳින් පිරිසිදු කර තිබීම වැදගත්. මුහුණේ වෙනත් ආලේපන නොමැති පිරිසිදු සමක් මත සත්කාරය සිදු කිරීම සුදුසුයි.
එමෙන්ම භාවිත කරන ගොළුබෙල්ලන් පිරිසිදු, පාලනය කළ පරිසරයක ඇතිදැඩි කළ ඒ සඳහා සුදුසු ගොළුබෙල්ලන් බව තහවුරු කරගැනීමත් අත්‍යවශ්‍යයි.
සත්කාරයෙන් පසුත් සැලකිලිමත් විය යුතුයි
සත්කාරයෙන් පසු පැය කිහිපයක් යනතුරු සැර සේදුම්කාරක හෝ සමට දැඩි ලෙස බලපාන නිෂ්පාදන භාවිත නොකිරීම වඩාත් සුදුසුයි.
එමෙන්ම එම කාලය තුළ තද හිරු එළියට නිරාවරණය වීමෙන් හැකිතාක් වැළකී සිටිය යුතුයි. සමේ තෙතමනය පවත්වා ගැනීම සඳහා සුදුසු moisturizer එකක් භාවිත කිරීම ද වැදගත්.
ප්‍රතිඵල පෙනෙන්න කොපමණ කාලයක් ගත වෙනවාද?
සත්කාරය සිදු කළ පළමු දිනයේදීම සමේ තෙතමනය, මෘදු බව සහ දීප්තිය වැනි වෙනස්කම් ඇතැම් පුද්ගලයන්ට දැනෙන්න පුළුවන්.
නමුත් ලප කැළැල් හෝ සමේ පෙනුම සම්බන්ධ දිගුකාලීන වෙනස්කම් සඳහා ප්‍රතිඵල පුද්ගලයාගෙන් පුද්ගලයාට වෙනස් විය හැකියි.
නිසි ක්‍රමවේදයකට අනුව නිතිපතා සත්කාර කිරීමෙන් වඩාත් පැහැදිලි ප්‍රතිඵල ලබාගත හැකි බව රූපලාවන්‍ය ක්ෂේත්‍රයේ සඳහන් වෙනවා.
ලංකාවට තවමත් අලුත් සත්කාරයක්ද?
ගොළුබෙලි සත්කාරය ශ්‍රී ලංකාවට සම්පූර්ණයෙන්ම අලුත් සංකල්පයක් නොවුණත්, මෙය තවමත් බොහෝ දෙනාට අලුත් අත්දැකීමක්.
මේ වනවිට ශ්‍රී ලංකාවේද ඇතැම් රූපලාවන්‍ය මධ්‍යස්ථාන සහ ස්ථානවල මෙම සත්කාරය සිදුකරන බව දැකගත හැකියි.
ස්වභාවිකත්වයට කැමැත්තක් දක්වන නූතන පරපුර අතර රූපලාවන්‍ය ක්ෂේත්‍රයේ මෙවැනි නව සත්කාර පිළිබඳ උනන්දුව ඉදිරියේදී තවත් වැඩිවිය හැකියි.
කෙසේ වෙතත්, අලුත් රූ සත්කාරයක් අත්හදා බැලීමට පෙර තම සමේ ස්වභාවය පිළිබඳව අවධානය යොමු කර, සුදුසුකම් ලත් වෘත්තිකයකුගේ උපදෙස් ලබාගැනීම වඩාත් වැදගත්.
සටහන - මහේෂානි මීගහපොල�උපදෙස් - ආයුර්වේද වෛද්‍ය ඉමාශා උඩවත්ත

https://www.sirikatha.lk/article/dr_obai/%E0%B6%9C%E0%B7%9C%E0%B7%85%E0%B7%94%E0%B6%B6%E0%B7%99%E0%B6%BD%E0%B7%92-%E0%B7%83%E0%B6%AD%E0%B7%8A%E0%B6%9A%E0%B7%8F%E0%B6%BB%E0%B6%BA-%E0%B7%84%E0%B7%90%E0%B6%B8%E0%B7%9D%E0%B6%A7%E0%B6%B8-%E0%B7%83%E0%B7%94%E0%B6%AF%E0%B7%94%E0%B7%83%E0%B7%94%E0%B6%AF--%E0%B6%94%E0%B6%B6%E0%B6%A7-%E0%B6%9C%E0%B7%90%E0%B7%85%E0%B6%B4%E0%B7%99%E0%B6%B1%E0%B7%80%E0%B7%8F%E0%B6%AF-/173-579388

වට්ටක්කා කිව්වහම අපේ මතකයට එන්නේ රසවත් ගුණවත් එළවළුවක්. නමුත් වට්ටක්කා කියන්නේ ඔබේ හිසේ සිට පාදාන්තය දක්වා පෝෂණය කර අපූරු ස්වභාවික ලස්සනක් එක් කරගත හැකි පහසුවෙන්ම සොයා ගත හැකි එළවළු වර්ගයක්.

වට්ටක්කා වල ඇති පොදු ගුණ.
මෙහි අඩංගු ස්වභාවික එන්සයිම බීටා කැරොටින්, විටමින් සී / ඊ, සින්ක්, ප්‍රතිඔක්සිකාරක ගුණය වැනි පෝෂණ ගුණයෙන් ඉහළ අඩු කැළරි ප්‍රමාණයක් සහිත එළවළුවක් වන අතර මෙය සමට ක්ෂණික ස්වභාවික දීප්තියක් එකතු කර නිරෝගී බවක් ලබාදී තාරුණ්‍යය ලබා දීම වැනි බොහෝ රූපලාවන්‍ය ප්‍රතිලාභ ද අත්කර දෙන්නකි.

වට්ටක්කා වලින් කළ හැකි බාහිර රූපලාවන්‍ය සත්කාර.

මුහුණට. පැහැපත් දීප්තිමත් සමකට.
හොඳින් තම්මා පොඩි කරගත් වට්ටක්කා තේ හැන්දකට මීකිරි හෝ යෝගට් තේ හැන්දක් , හාල් පිටි ස්වල්පයක් එකතු කර හොඳින් මිශ්‍ර කර රාත්‍රී නින්දට පෙර මුහුණේ ආලේප කර විනාඩි 30 ක් තබා මුදෘව සම්භාහනය කර සෝදා හරින්න. දිනපතා සිදුකිරීම සුදුසුයි.

ලප කැළැල් ඉවත් කිරීමට.
කෝපි කුඩු තේ හැඳි භාගයක්, දුඹුරු සීනි ස්වල්පයක් එකතු කර සවස් කාලයේ මුහුණේ ආලේප කර රවුම් ආකාරයට මුදෘව අතුල්ලා සෝදාහරින්න. මෙය සතියකට දෙවතාවක් කරන්න.

සම රැලි වැටීම පාලනයට.
වට්ටක්කා තම්බා හොඳින් පොඩි කරගත් මේස හැන්දක්, විටමින් ඊ කරලක තෙල්, කස්තුරි කහ ස්වල්පයක් එකට එකතු කර මුහුණේ ,ගෙලේ ආලේප කර විනාඩි පහළොවක් තබා සෝදා හරින්න. සතියකට දෙවතාවක් රාත්‍රී කාලයේදී සිදු කරන්න.

සමට. බොඩ් ස්ක්‍රබ්.

තම්බාගත් වට්ටක්කා කෝප්ප භාගයක්, රළු ලෙස කොටාගත් ඕට්ස් කෝප්ප භාගයක්, පොල්තෙල් මේස හැඳි දෙකක්, සීනි මේස හැන්දක් මිශ්‍ර කර ස්නානයට පෙර ආලේප කර මුර්දු ලෙස ස්ක්‍රබ් කර ස්නානය කරන්න. සේදුම්කාරක භාවිතය එපා.

සටහන - මහේෂානි මීගහපොල.
උපදෙස් - ආයුර්වේද වෛද්‍ය ඉමාෂා උඩවත්ත.

https://www.sirikatha.lk/article/be_beauty/%E0%B7%83%E0%B6%B8%E0%B7%9A-%E0%B6%BB%E0%B7%90%E0%B6%BD%E0%B7%92-%E0%B6%85%E0%B6%A9%E0%B7%94%E0%B6%9A%E0%B6%BB%E0%B6%B1-%E0%B7%80%E0%B6%A7%E0%B7%8A%E0%B6%A7%E0%B6%9A%E0%B7%8A%E0%B6%9A%E0%B7%8F/174-579295?fbclid=IwdGRjcAUHAQxwZG9mBWZkaWQWUNzL6wipb01RjtgAwBQwz0S2L7lcLWV4dG4DYWVtAjExAHNydGMGYXBwX2lkCjY2Mjg1NjgzNzkAAR4IcnRa_l750GVav3tx9zLzEAyzpeAtqFmg2bVcave35O5liZc_8QBnT8EuuQ_aem_XzymzyF5mPA0pnR-qILd7w

කවුරුත් දන්න ත්‍රිඵලා ගැන 😌
#ත්‍රිඵලා

කලුදුරැ ගැන ඔබ දත් නොදත් දේ
#කලුදුරු