Dr. Hend Elkahili

دكتورة ❤️

✨️ متحصلة على شهادة بكالوريوس في الطب والجراحة من كلية الطب البشري، جامعة طرابلس.
✨️ حاصلة على دبلومة تخصصية في الأمراض الجلدية.
✨️ متحصلة على شهادات تخصصية في مجال التجميل اللاجراحي وعلاجات الليزر.
✨️ تمتلك خبرة مهنية تزيد عن 6 سنوات في مستشفى بئر الأسطى ميلاد التخصصي للأمراض الجلدية والتناسلية.
✨️ مشاركة في عدة مؤتمرات وورش عمل متخصصة في الأمراض الجلدية والطب التجميلي.
✨️ عضو في الجمعية الليبية للجلدية التجميلية.
✨️ عضو في نقابة أطباء طرابلس.
✨️ تمتلك خبرة إجمالية تزيد عن 8 سنوات في مجال الأمراض الجلدية.

تسعى لتقديم رعاية طبية متميزة تجمع بين الخبرة العلمية وأحدث التقنيات العالمية في تشخيص وعلاج الأمراض الجلدية والتجميلية

بأجواء مليئة بالتعاون والعمل الجماعي، تشرفت بحضور افتتاح صيدلية الحكمة الطبية بتاجوراء. ممتنة للدعوة، ومسرورة جداً بتقديم خدمات الكشف المجاني ضمن فعاليات الافتتاح برعاية شركة الكون.
نهنئكم بهذا الافتتاح
صيدلية الحكمة الطبية
شركة الكون الطبية

شعرنا عادة يوصل لطول معيّن وبعدين نموه يبطأ أو يوقف، وهالمرحلة يبان فيها ضعيف ويتكسر بسرعة.
الموضوع هذا بالدرجة الأولى راجع لعامل الوراثة والجينات 🧬 اللي تحدد الحد الأقصى لطول الشعر.

بعدها يجي دور التغذية، لأن الشعر محتاج بروتينات، فيتامينات ومعادن توصل له عن طريق الدم، وهذي نقدر نعوضها بالمكملات الغذائية لو كان فيه نقص.

أما العناية الخارجية مثل البخاخات، الشامبوهات والماسكات فهي تشتغل على ترميم الشعر من بره، تقلل جفافه وتقصفه، وبالتالي تساعده يبين صحي ويطول بشكل أفضل.

د. هند الكحيلي 🌸
طبيبة أمراض جلدية وتجميل لاجراحي و ليزر

🥵😎☀️⛱️🌊

اختيار واقي الشمس (الصن بلوك) لازم يكون على حسب نوع بشرتك، مش على خاطر صاحبتك ولا بنت خالتك شرت نوع وقلنا نجيبو زيها 🥳🤓

البشرة الدهنية ضروري ليها واقي شمس، خاصة لو فيها تصبغات أو حبوب.
لكن، فيه أنواع ممكن تزيد الحبوب وتخلي البشرة تلمع بزيادة، وهالشي مش حلو للبشرة الدهنية.

شنو النوع المناسب؟
أحسن شي يكون سائل (fluid)، ولو ما فيش، نستعملوا الجل.
السبراي كويس للجسم لأنه سهل ويتعاود بسرعة.

يتحط واقي الشمس قبل ما نطلع للشمس بنص ساعة،
ولازم يتعاود كل ساعتين… ضروري ضروري!

البشرة المختلطة، يفضّل تستعمل جل، ويكون بدون لمعة.

البشرة الجافة، يفضّل الكريم، يعطيها ترطيب فوق الحماية.

السبراي فكرة ممتازة وسهلة، خاصة لما نكونوا برة أو في طلعة.

لو كانت بشرتك دهنية وممنوع تحطي فونديشن على خاطر الحبوب، تقدري تستعملي واقي شمس ملوّن (tinted) يعطي لون خفيف يغطي شوية.

فيه بعض الأنواع فيها مواد تفتيح، ممتازة لو عندك تصبغات.

لو مشيتي للبحر أو حوض سباحة ضروري أول ما تطلعي تعاودي تحطي الصن بلوك، حتى لو مكتوب عليه "مقاوم للمية (waterproof)".☀️🌊

د. هند الكحيلي 🌸
طبيبة أمراض جلدية وتجميل لاجراحي و ليزر

حب الشباب 🤔

🔵 شنو هو حب الشباب وكيف نتعامل معاه؟

حب الشباب 🎯 مشكلة جلدية شائعة تصيب الكبار والصغار. يظهر على شكل حبوب، رؤوس سوداء أو بيضاء، وأحياناً كتل تحت الجلد. السبب؟ زيادة إفراز الدهون 🛢️ وانسداد المسام بالبكتيريا 🦠 أو خلايا الجلد الميتة.

🧐 الأعراض

⚫ الرؤوس السوداء: مسام مفتوحة مليانة بالأوساخ والدهون المؤكسدة.
⚪ الرؤوس البيضاء: مسام مسدودة بخلايا الجلد والدهون.
🔴 الحبوب الملتهبة: حمراء ومؤلمة أحياناً.
🟠 الكيسات: كتل تحت الجلد مليانة صديد وتكون مؤلمة.
🕳️ الندوب: ممكن تترك آثار لو ما تعالجتش كويس.

🤔 الأسباب

🔄 الهرمونات: زي البلوغ أو الحمل اللي يزيدوا إفراز الدهون ونتيجة استعمال أدوية معينة.
🦠 البكتيريا: تسبب التهابات في المسام المسدودة.
🚫 انسداد المسام: نتيجة خلايا الجلد الميتة والدهون.
🧬 الوراثة: لو في تاريخ عائلي مع حب الشباب.
😰 الإجهاد النفسي: يزيد الوضع سوء.

📈 الحاجات اللي تزيد المشكلة

🍔 الأكل الغير صحي: زي السكريات والزيوت.
💄 المنتجات الخاطئة: مكياج وكريمات ثقيلة تسد المسام.
🛌 قلة النظافة: النوم بالمكياج أو عدم غسل الوجه.
🤲 لمس البشرة باستمرار: العبث بالحبوب يزيد الالتهاب.

✅ كيف تقي نفسك؟

🧴 نظّف بشرتك: استخدم غسول مناسب مرتين يومياً.
✅ استخدم منتجات خفيفة: خالية من الزيوت وما تسدش المسام.
💅 خفّف المكياج: خلي بشرتك تتنفس.
🥗 كُل صحي: أكثر من الخضروات والفواكه وقلل من السكريات.
🌞 استخدم واقي الشمس: ضروري لحماية البشرة من التصبغات.

💊 طرق العلاج

🧴 علاجات موضعية:

Benzoyl Peroxide: يقلل البكتيريا والالتهابات.

Salicylic Acid: يساعد في تقشير خلايا الجلد الميتة وفتح المسام.

Retinoids: زي Tretinoin أو Adapalene، ينظموا نمو خلايا الجلد.

Azelaic Acid: مضاد للبكتيريا ومفيد للبشرة.

💊 أدوية بالفم:

مضادات حيوية: زي Doxycycline وMinocycline لعلاج الالتهابات.

علاجات هرمونية: زي حبوب منع الحمل المركبة أو Spironolactone (للسيدات فقط).

Isotretinoin: علاج قوي للحالات الشديدة لكن لازم بإشراف طبي.

💡 جلسات طبية.

✨ خلاصة:
حب الشباب مشكلة، لكن مع العناية والعلاج المناسب 🌟، تقدر تحصل على بشرة نضرة وصحية 💖. التزم بروتين مناسب وحافظ على استمرارية العلاج لتحقيق أفضل النتائج.

د.هند الكحيلي
طبيبة أمراض جلدية وتجميل طبي و ليزر

✨ بمناسبة أول أيام افتتاح صيدلية الحكمة ✨

يسرّنا دعوتكم للكشف المجاني مع د. هند الكحيلي، أخصائية الأمراض الجلدية والتجميل اللاجراحي، وذلك غدًا الأربعاء 17/6 ابتداءً من الساعة 5:00 مساءً.

أهلًا وسهلًا بالجميع 🌷

🌸 برعاية شركة الكون الطبية