PFLAG Myanmar

ကုလသမဂ္ဂအတွင်း မြန်မာနိုင်ငံ၏ SOGIESC နှင့် လူ့အခွင့်အရေး ရပ်တည်ချက်၊ ဦးကျော်မိုးထွန်း၏ အခန်းကဏ္ဍနှင့် တော်လှန်ရေး အင်အားစုများ အတူတကွ ပူးပေါင်းပါဝင်ရေး

စက်တင်ဘာလ ၂၉ရက် ၂၀၂၆ခုနှစ်၊ မနေ့က ကျင်းပပြုလုပ်ခဲ့သည့် "UNGA (ကုလသမဂ္ဂ အထွေထွေညီလာခံ) SOGIESC Coalition Kickoff Webinar" သို့(CAN-Myanmar) အနေဖြင့် တက်ရောက်ဆွေးနွေးခဲ့ပါသည်။
အဆိုပါ Webinar တွေ့ဆုံပွဲတွင် ကုလသမဂ္ဂ အထွေထွေညီလာခံအတွင်း မြန်မာနိုင်ငံ၏ SOGIESC (လိင်စိတ်ခံယူမှု၊ ဂျင်ဒါဖော်ပြမှုနှင့် လက္ခဏာရပ်များ) ဆိုင်ရာ အခွင့်အရေး ရပ်တည်ချက်များ မည်သို့ တိုးတက်ပြောင်းလဲလာသည်ကို အလေးထား ဆွေးနွေးနိုင်ခဲ့ကြပါသည်။
၁။ ကုလသမဂ္ဂအတွင်း မြန်မာနိုင်ငံ၏ ပြောင်းလဲလာသော မဲပေးမှု ရပ်တည်ချက်များ
လွန်ခဲ့သည့် နှစ်များအတွင်း ကုလသမဂ္ဂ၏ အရေးပါသော စာချုပ်များနှင့် ဆုံးဖြတ်ချက်များဖြစ်သည့် -
EJE Resolution (တရားဥပဒေပြင်ပ၊ လက်စအတိုရုံးဖြတ် သို့မဟုတ် မတရား ကွပ်မျက်မှုများဆိုင်ရာ နှစ်နှစ်တစ်ကြိမ် ဆုံးဖြတ်ချက်) နှင့်
CRPD Resolution (မသန်စွမ်းသူများ အခွင့်အရေးဆိုင်ရာ သဘောတူစာချုပ်) အပါ အခြားအရေးကြီးသော စာချုပ်များ
စသည့် စာတမ်းများမှ SOGIESC ဆိုသည့် ဝေါဟာရနှင့် အသုံးအနှုန်းများကို ဖြုတ်ပစ်ရန်/ဖယ်ရှားရန် မဲခွဲဆုံးဖြတ်ကြသည့်အခါ မြန်မာနိုင်ငံသည် ၂၀၂၂ ခုနှစ်နောက်ပိုင်းမှစ၍ အဆိုပါ စာသားများ ဖြုတ်ပစ်ခြင်းကို အစဉ်တစိုက် ကန့်ကွက်မဲပေးခဲ့ပြီး SOGIESC အခွင့်အရေးများကို ဆက်လက်ထားရှိရေးဘက်မှ ခိုင်မာစွာ ရပ်တည်ခဲ့ပါသည်။ ထို့အပြင် ၂၀၂၅ ခုနှစ် မသန်စွမ်းသူများ အခွင့်အရေးဆိုင်ရာ ဆုံးဖြတ်ချက် (Disabilities Resolution) တွင်လည်း ပူးတွဲစပွန်ဆာ (Co-Sponsorship) အဖြစ် ပါဝင်ဆောင်ရွက်ခဲ့ကာ UNGA SOGIESC Coalition ရဲ့ မဟာမိတ် မိတ်ဖက်နိုင်ငံ စာရင်းတွင်လည်း ပါဝင်လာခဲ့ပါသည်။
၂။ သံအမတ်ကြီး ဦးကျော်မိုးထွန်းနှင့် တော်လှန်ရေးအစိုးရ၏ အခန်းကဏ္ဍ
ဤသို့ တိုးတက်သော၊ လူ့အခွင့်အရေးနှင့် ဒီမိုကရေစီ စံနှုန်းများကို လေးစားသော ရပ်တည်ချက်များ ရရှိလာခြင်းသည် ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်း ဦးဆောင်သည့် NUG အစိုးရ၏ ကုလသမဂ္ဂ ကိုယ်စားပြုခွင့်နှင့် တရားဝင် ထိုင်ခုံနေရာ ရရှိထားမှုကြောင့်ပင် ဖြစ်ပါသည်။ သံအမတ်ကြီး ဦးကျော်မိုးထွန်း သို့မဟုတ် တော်လှန်ရေးအစိုးရ၏ ကိုယ်စားပြုခွင့် မရှိတော့ပါက အနာဂတ် မြန်မာနိုင်ငံ၏ လူ့အခွင့်အရေး၊ ဒီမိုကရေစီရေးနှင့် LGBTQIA+ အခွင့်အရေးဆိုင်ရာ အခန်းကဏ္ဍများ အကြီးအကျယ် ထိခိုက်သွားမည် ဖြစ်ပါသည်။
ထို့ကြောင့် CAN-Myanmar အနေဖြင့် Webinar အတွင်းရှိ အဓိက မဟာမိတ် အဖွဲ့အစည်းများနှင့် နိုင်ငံတကာ မိတ်ဖက်များအား မိမိတို့ မူရင်းနိုင်ငံများ၏ အစိုးရများကို သံအမတ်ကြီး ဦးကျော်မိုးထွန်း၏ ကုလသမဂ္ဂ ထိုင်ခုံနေရာ ဆက်လက် တည်ရှိရေးအတွက် ဆက်လက်ထောက်ခံ မဲပေးကြရန် တိုက်တွန်းပေးကြပါရန် အသိပေး နှိုးဆော်ခဲ့ပါသည်။
၃။ Myanmar Q***r Community နှင့် တော်လှန်ရေး အင်အားစုများသို့ နှိုးဆော်ချက်
နွေဦးတော်လှန်ရေးတွင် အစွမ်းကုန် ရင်းနှီးပေးဆပ်နေကြသော တော်လှန်သက်တံ့များ အပါအဝင် မြန်မာနိုင်ငံသူ/သားများအားလုံးကို အသိပေးချင်သည်မှာ -ထို့ကြောင့် မိမိတို့ တတ်နိုင်သည့် ဘက်မှ တော်လှန်ရေးကို ထောက်ပံ့ပေးကြပါရန်၊ အထူးသဖြင့် နိုင်ငံတကာအဆင့် အရေးဆိုမှုများတွင် လက်မှတ်ရေးထိုး ထောက်ခံပေးခြင်း (Petitions)၊ မိမိတို့ ရောက်ရှိရာ ဒေသမှနေ၍ နိုးဆော်စည်းရုံးပေးခြင်းစသည့် သေးငယ်သည်ဟု ထင်ရသော ပါဝင်မှုများသည်ပင်လျှင် တော်လှန်ရေးနှင့် မြန်မာနိုင်ငံ၏ အနာဂတ် အခွင့်အရေးများအတွက် အလွန်ပင် ထိရောက်သော အထောက်အကူများ ဖြစ်စေပါသည်။
နွေဦးတော်လှန်ရေးနှင့်အတူ အားလုံးပါဝင်နိုင်သော၊ တန်းတူညီမျှသော ဒီမိုကရေစီ လူ့ဘောင်သစ်ဆီသို့ ဆက်လက် လျှောက်လှမ်းကြပါစို့။
***rCommunity

🇮🇩⚠️📰 အင်ဒိုနီးရှားနိုင်ငံ၏ အမျိုးသား ကာကွယ်ရေး မူဝါဒသစ်တွင် LGBTQ+ ယဉ်ကျေးမှု ပြန့်ပွားစေခြင်းအား နိုင်ငံတော်ခြိမ်းခြောက်မှုအဖြစ် ထည့်သွင်းသတ်မှတ်

အာဆီယံဒေသတွင်း လူဦးရေ အများဆုံးဖြစ်သည့် အင်ဒိုနီးရှားနိုင်ငံတွင် သမ္မတ ပြာဘိုဝို ဆူဘီယန်တို (Prabowo Subianto) လက်မှတ်ရေးထိုးခဲ့သည့် အမျိုးသား ကာကွယ်ရေး မူဝါဒ (National Defense Policy) သစ်၌ LGBTQ+ ယဉ်ကျေးမှု ပြန့်ပွားစေခြင်းကို အကြမ်းဖက်မှု၊ ခွဲထွက်ရေးနှင့် ပင်လယ်ဓားပြတိုက်ခိုက်မှုများနည်းတူ နိုင်ငံတော်အတွက် "စစ်ရေးမဟုတ်သော ခြိမ်းခြောက်မှု" (Non-military Threat) တစ်ခုအဖြစ် ထည့်သွင်း သတ်မှတ်လိုက်ကြောင်း သိရပါသည်။

အဓိက သတင်းအချက်အလက်များ -
၂၀၂၉ ခုနှစ်အထိ သက်ရောက်မည့် အဆိုပါ စည်းမျဉ်းတွင် LGBTQ+ ဆိုင်ရာ ကိစ္စရပ်များကို "ကြီးလေးသော ရာဇဝတ်မှုများ" (Extraordinary Crimes) နည်းတူ ကိုင်တွယ်ရန် ညွှန်ကြားထားသည်။
အင်ဒိုနီးရှား အစ္စလာမ် ဘာသာရေးကောင်စီ (Indonesian Ulema Council) မှ LGBTQ+ အခွင့်အရေး မြှင့်တင်ရေး လှုပ်ရှားမှုများကို ရာဇဝတ်မှုအဖြစ် သတ်မှတ်ရန် ဥပဒေကြမ်း တင်ပြထားသည့်အပြင်၊ တက္ကသိုလ် နယ်ပယ်များတွင်ပါ လိင်တူချစ်သူဆိုင်ရာ အသိပညာပေး ပို့စ်များကို ဖိအားပေး ဖြုတ်ချခိုင်းခြင်းနှင့် စာနယ်ဇင်းသမားများ ကိုယ်ရေးအချက်အလက် ပေါက်ကြားခံရခြင်း (Doxing) များ ဖြစ်ပွားခဲ့သည်။
Amnesty International Indonesia ၏ အကြီးအကဲ Usman Hamid က အဆိုပါ သတ်မှတ်ချက်သည် LGBTQI+ လူနည်းစုများအပေါ် စနစ်တကျ ခွဲခြားဆက်ဆံမှုကို တရားဝင် ဖြစ်စေရန် ဖန်တီးလိုက်ခြင်းဖြစ်ကြောင်း ထောက်ပြထားသည်။
အာဆီယံ ဒေသတွင်း၌ လူနည်းစုများနှင့် LGBTQIA+ အသိုင်းအဝိုင်းများ၏ ရပိုင်ခွင့်၊ လွတ်လပ်စွာ ဖော်ထုတ်ခွင့်များ ပိုမို ကျဉ်းမြောင်းလာနေသည့် ဥပဒေရေးရာနှင့် လူ့အခွင့်အရေး ဖြစ်စဉ်တစ်ခုအဖြစ် သုံးသပ်ရရှိပါသည်။
မူရင်းသတင်းလင့်ခ် - Facebook Post

https://www.facebook.com/share/p/1CRauPLCPc/?mibextid=wwXIfr

📢 LGBTQIA+ အခွင့်အရေး သမိုင်းကြောင်းအတွင်း မိသားစုများနှင့် မိဘများ၏ အခန်းကဏ္ဍ (၁၉၇၄ နယူးယောက်မြို့ ဖြစ်စဉ်မှသည် မြန်မာနိုင်ငံအထိ)

LGBTQIA+ အခွင့်အရေး လှုပ်ရှားမှု သမိုင်းတွင် ထင်ရှားသော တက်ကြွလှုပ်ရှားသူများ သာမကဘဲ၊ ခွဲခြားဆက်ဆံမှုများ ပြင်းထန်ခဲ့သည့် ၁၉၇၀ ပြည့်လွန်နှစ်များအတွင်း သားသမီးများဘက်မှ ရဲဝံ့စွာ ရပ်တည်ပေးခဲ့ကြသည့် "မိဘများ၏ အခန်းကဏ္ဍ" သည်လည်း အရေးပါသော အုတ်မြစ်တစ်ခု ဖြစ်ခဲ့ပါသည်။
အဓိက သမိုင်းဝင် အချက်အလက်များ -
၁၉၇၄ စတင်လှုပ်ရှားမှု - လူမှုအသိုင်းအဝိုင်း၏ ပယ်ကျဉ်ခံရမှု၊ အလုပ်အကိုင် ဆုံးရှုံးနိုင်ခြေများရှိသည့်ကြားမှ ၁၉၇၄ ခုနှစ် နယူးယောက်မြို့၌ မိဘများသည် သားသမီးများအတွက် လမ်းမပေါ်ထွက်၍ လူသိရှင်ကြား အားပေးထောက်ခံကြောင်း ဆိုင်းဘုတ်များ ကိုင်ဆောင် ဆန္ဒထုတ်ဖော်ခဲ့ကြသည်။
PFLAG ၏ အစနိဒါန်း - အဆိုပါ ရှေ့ဆောင် မိဘများ၏ လှုပ်ရှားမှုများသည် နောင်တွင် ကမ္ဘာတစ်ဝန်း ထင်ရှားသည့် Parents, Families and Friends of Le****ns and G**s (PFLAG) ကဲ့သို့သော မိသားစုအခြေပြု ပံ့ပိုးကူညီရေး အဖွဲ့အစည်းများ ပေါ်ပေါက်လာရန် လမ်းခင်းပေးခဲ့ပါသည်။
မြန်မာနိုင်ငံနှင့် PFLAG-Myanmar - မြန်မာနိုင်ငံတွင်လည်း CAN-Myanmar မှ ဦးဆောင်၍ PFLAG-Myanmar Program ကို ၂၀၁၂ ခုနှစ်ကတည်းက စတင်မတည် အကောင်အထည်ဖော်ခဲ့ပြီး၊ မိဘမိသားစုများအတွင်း LGBTQIA+ သားသမီးများအပေါ် နားလည်လက်ခံလာစေရန် Advocacy လှုပ်ရှားမှုများနှင့် စိတ်ပိုင်းဆိုင်ရာ ပံ့ပိုးကူညီမှုပေါင်းများစွာကို အစဉ်တစိုက် ဆောင်ရွက်ခဲ့ပါသည်။

PFLAG-Myanmar website and social media links များ

https://can-myanmar.org/our-work/parents-families-and-friends-of-lgbtqia-in-myanmar-pflag-myanmar-program-sos-hotline/

https://www.facebook.com/share/1DkVCqkmmW/?mibextid=wwXIfr

အသိအမြင်ဆိုင်ရာ သင်ခန်းစာ - LGBTQIA+ ကလေးသူငယ်များနှင့် လူငယ်များအတွက် မိသားစု၏ လက်ခံအားပေးမှု (Family Acceptance) သည် ပတ်ဝန်းကျင်၏ ဖိနှိပ်မှုများကို ကြံ့ကြံ့ခံနိုင်ရန်နှင့် သက်ရှုချောင်စေရန် အဓိကကျသော ဒေါင်းတိုင်ဖြစ်ကြောင်း သမိုင်းက သက်သေပြနေပါသည်။
အကြောက်တရားထက် ချစ်ခြင်းမေတ္တာကို ဦးစားပေး၍ သားသမီးများအတွက် ရပ်တည်ပေးခဲ့ကြသည့် ကမ္ဘာတစ်ဝန်းနှင့် မြန်မာနိုင်ငံရှိ မိဘများ၊ မိသားစုများ၏ စံနမူနာနှင့် PFLAG-Myanmar ၏ ကြိုးပမ်းလှုပ်ရှားမှုများကို CAN-Myanmar မှ အသိအမှတ်ပြု ဂုဏ်ပြုအပ်ပါသည်။


မူရင်း သမိုင်းဝင် အကိုးအကား (Source Information)
https://www.facebook.com/share/1DfDsxYJ4T/?mibextid=wwXIfr

ဒီစာသားမှာပါတဲ့ ၁၉၇၄ ဓာတ်ပုံများနှင့် ဖြစ်စဉ်၏ မူရင်း နောက်ခံသမိုင်းကို လေ့လာချင်ပါက အောက်ပါ အဖွဲ့အစည်းနှင့် သမိုင်းစာမျက်နှာများမှာ ရှာဖွေနိုင်ပါတယ် -
1. PFLAG (Parents, Families, and Friends of Le****ns and G**s):
ဒီဓာတ်ပုံများသည် Jeanne Manford အမည်ရ မိခင်တစ်ဦးက ၁၉၇၂ ခုနှစ်မှာ သားဖြစ်သူ မော်တီ (Morty) နဲ့အတူ Christopher Street Liberation Day Parade (နယူးယောက်) မှာ "Parents of G**s: Unite in Support for Our Children" ဆိုတဲ့ ဆိုင်းဘုတ်ကို ကိုင်ဆောင်ရာမှစပြီး ၁၉၇၃-၁၉၇၄ တွင် PFLAG အဖွဲ့အစည်းအဖြစ် တရားဝင် စတင်ဖွဲ့စည်းခဲ့သည့် သမိုင်းဝင် ဓာတ်ပုံများ ဖြစ်ပါတယ်။
2. NYPL Digital Collections (New York Public Library):
ဓာတ်ပုံဆရာ Diana Davies နှင့် Fred W. McDarrah တို့ ၁၉၇၀ ပြည့်လွန်နှစ်များက ရိုက်ကူးခဲ့သည့် "Gay Liberation Movement Photographs" နှင့် "PFLAG Archives" များတွင် အဆိုပါ ၁၉၇၄ ခုနှစ် မိဘများ၏ ဆန္ဒပြပွဲ ဓာတ်ပုံမူရင်းများကို သိမ်းဆည်းထားရှိပါတယ်။
3. NYC LGBTQ Historic Sites Project:
နယူးယောက်မြို့ရှိ LGBTQ+ သမိုင်းဝင်နေရာများနှင့် ၁၉၇၀ ပြည့်လွန်နှစ် မိသားစုများ၏ လှုပ်ရှားမှုမှတ်တမ်းများကို nyclgbthistoricsites.org တွင် ဝင်ရောက်ကြည့်ရှုနိုင်ပါတယ်။

📢 တူရကီနိုင်ငံရှိ LGBTQ+ နှင့် HIV အသိပညာပေး အဖွဲ့အစည်းများ စက်တင်ဘာ ၁၃ ရက်နေ့တွင် ဝင်ရောက်စီးနင်း ဖမ်းဆီးခံရမှု ဖြစ်စဉ် အကျဉ်း
တူရကီနိုင်ငံ အာဏာပိုင်များ၏ "My Family is Safe" အမည်ရ စစ်ဆင်ရေးအောက်တွင် အစ္စတန်ဘူးလ်၊ အန်ကာရာ အစရှိသည့် မြို့ကြီးများရှိ LGBTQ+ အခွင့်အရေး လှုပ်ရှားသူများ၊ HIV အသိပညာပေး ရုံးများနှင့် နေအိမ်များကို ရဲတပ်ဖွဲ့က ဝင်ရောက်စီးနင်းခဲ့ပြီး လူပေါင်း ၆၃ ဦးထက်မနည်းကို ဖမ်းဆီးထိန်းသိမ်းခဲ့ကြောင်း သိရှိရပါသည်။
ဖြစ်စဉ်အနှစ်ချုပ်များ -
အကောင့်များနှင့် ဝဘ်ဆိုက်များ ပိတ်ပင်ခံရမှု - တူရကီ၏ အထင်ကရ LGBTQ+ အဖွဲ့အစည်းဖြစ်သော Kaos GL အပါအဝင် အဖွဲ့ပေါင်း ၁၅ ခု၏ X (Twitter) အကောင့်များကို ပိတ်သိမ်းရန် အာဏာပိုင်များက တောင်းဆိုထားပြီး၊ လူမှုကွန်ရက်နှင့် ဝဘ်ဆိုက် စာမျက်နှာ အများအပြားကိုလည်း ဖြတ်တောက်ထားပါသည်။
အာဏာပိုင်များ၏ စွပ်စွဲချက် - အွန်လိုင်းတွင် မသင့်လျော်သော အကြောင်းအရာများ လွှင့်တင်သည်ဟု စွပ်စွဲထားပြီး၊ မိသားစု အဖွဲ့အစည်းနှင့် ကလေးသူငယ်များကို ကာကွယ်ရန်ဟု အကြောင်းပြထားပါသည်။
အခြေအနေ အမှန် - တူရကီနိုင်ငံတွင် လိင်တူချစ်သူ ဖြစ်တည်မှုသည် တရားဥပဒေအရ ရာဇဝတ်မှု မဟုတ်သော်လည်း ၂၀၁၅ ခုနှစ်မှစ၍ Pride ပွဲများကို ပိတ်ပင်ထားခဲ့ကာ ယခုအခါ အရပ်ဘက် အဖွဲ့အစည်းများနှင့် အခွင့်အရေး ကာကွယ်သူများ၏ အခန်းကဏ္ဍကို ပိုမိုကျဉ်းမြောင်းအောင် လုပ်ဆောင်လာနေခြင်း ဖြစ်ပါသည်။
civil society space ကျဉ်းမြောင်းလာမှု၊ နည်းမျိုးစုံဖြင့် ဖိနှိပ်ခံနေရသည့် တူရကီရှိ LGBTQ+ အခွင့်အရေး လှုပ်ရှားသူများနှင့် တန်းတူညီမျှရေး ဆောင်ရွက်နေသည့် အဖွဲ့အစည်းများနှင့်အတူ ထပ်တူရှိကြောင်း ဖော်ပြအပ်ပါသည်။

CAN-Myanmar is deeply saddened and disturbed by the tragic incident that occurred during Berlin Pride. Our thoughts and deepest sympathies go out to all those affected, the victim’s family, and their loved ones. Today—as always—we stand in full solidarity with the LGBTQI+ community and movement in Berlin. No one should ever have to fear for their safety when gathering to celebrate freedom, identity, equality, and unity. We firmly denounce all forms of violence targeting our communities and stand resolute in protecting the rights and safety of LGBTQI+ individuals everywhere

can-myanmar.org

🇲🇲 [Burmese Statement]
ဘာလင် Pride ပွဲတော်အတွင်း ဖြစ်ပွားခဲ့သော ဝမ်းနည်းဖွယ် ဖြစ်စဉ်နှင့် ပတ်သက်၍ CAN-Myanmar ၏ သဘောထား ထုတ်ပြန်ချက်
ဂျာမနီနိုင်ငံ၊ ဘာလင်မြို့ Pride ပွဲတော်အတွင်း ဖြစ်ပွားခဲ့သည့် ဝမ်းနည်းဖွယ်ရာ တိုက်ခိုက်မှုဖြစ်စဉ်အတွက် CAN-Myanmar အနေဖြင့် အလွန်ပင် စိတ်နှလုံး ထိခိုက်ဝမ်းနည်းရပါသည်။
ထိုဖြစ်စဉ်ကြောင့် ထိခိုက်ခံစားခဲ့ရသူများ၊ သေဆုံးသူ၏ မိသားစုဝင်များ၊ မိတ်ဆွေသူငယ်ချင်းများနှင့် ထပ်တူထပ်မျှ ဝမ်းနည်းကြေကွဲရပါကြောင်းနှင့် ကျွန်ုပ်တို့ CAN-Myanmar သည် ဘာလင်မြို့ရှိ LGBTQI+ အသိုင်းအဝိုင်းနှင့်အတူ ခိုင်မာစွာ အတူတကွ ရပ်တည်လျက်ရှိပါသည်။
မိမိတို့၏ လွတ်လပ်ခွင့်၊ စည်းလုံးညီညွတ်မှုနှင့် မတူကွဲပြားမှုများကို ငြိမ်းချမ်းစွာ ဖော်ထုတ်ဆင်နွှဲသည့် မည်သည့်နေရာမျိုးတွင်မဆို ကြောက်ရွံ့ထိတ်လန့်မှု မရှိဘေးကင်းစွာ စုဝေးခွင့်ရှိရပါမည်။ လူနည်းစုအသိုင်းအဝိုင်း၏ ရပိုင်ခွင့်များနှင့် လွတ်လပ်ခွင့်များအပေါ် ထိပါးလာသည့် မည်သည့် အကြမ်းဖက်မှုကိုမဆို ကျွန်ုပ်တို့ အပြင်းအထန် ရှုတ်ချပါသည်။
CAN-Myanmar
🇬🇧 [English Statement]
CAN-Myanmar Statement on the Tragic Incident at Berlin Pride
CAN-Myanmar is deeply saddened and disturbed by the tragic incident that occurred during Berlin Pride. Our thoughts and deepest sympathies go out to all those affected, the victim’s family, and their loved ones.
Today—as always—we stand in full solidarity with the LGBTQI+ community and movement in Berlin.
No one should ever have to fear for their safety when gathering to celebrate freedom, identity, equality, and unity. We firmly denounce all forms of violence targeting our communities and stand resolute in protecting the rights and safety of LGBTQI+ individuals everywhere.
CAN-Myanmar

ဘာလင် Pride ပွဲတော်အတွင်း လူအုပ်ထဲ ကားဝင်
တိုက်မှုဖြစ်ပွား – ၁ ဦး သေဆုံးပြီး ၁၆ ဦး ဒဏ်ရာရ

ဘာလင် Pride (Berlin Pride) ပွဲတော် လုံခြုံရေးအတွက် ရဲအရာရှိ ၂,၂၀၀ ကျော် တာဝန်ယူ စောင့်ရှောက်ပေးနေသည့်ကြားမှပဲ ၂၀၂၆ ခုနှစ်၊ ဇူလိုင်လ ၂၅ ရက် (စနေနေ့) ည ၁၀ နာရီခန့် မတိုင်မီမှာ အဖြူရောင် ဗင်ကားတစ်စီးဟာ Tiergarten ပန်းခြံအတွင်းရှိ လူအုပ်ထဲကို အဟုန်နဲ့ မောင်းနှင်ဝင်ရောက်လာခဲ့ပါတယ်။
ဒီဝမ်းနည်းဖွယ် ဖြစ်စဉ်ကြောင့် အမျိုးသမီးတစ်ဦး ပွဲချင်းပြီး သေဆုံးခဲ့ရပြီး အခြား ၁၆ ဦး ဒဏ်ရာရရှိခဲ့ရာမှာ အချို့မှာ အသက်အန္တရာယ် စိုးရိမ်ရတဲ့ အခြေအနေမှာ ရှိနေပါတယ်။ ဗင်ကားဟာ သစ်ပင်တစ်ပင်ကို ဝင်တိုက်မိပြီး ရပ်တန့်သွားချိန်မှာတော့ ယာဉ်မောင်းဖြစ်သူဟာ အခင်းဖြစ်နေရာကနေ ထွက်ပြေးလွတ်မြောက်သွားခဲ့ပါတယ်။ ဒဏ်ရာရရှိသူ အားလုံးဟာ ယာဉ်တိုက်မှုတစ်ခုတည်းကြောင့် ဒဏ်ရာရတာ မဟုတ်ဘဲ အခြားအကြောင်းအရင်းတွေပါ ပါဝင်နေတာမို့ စုံစမ်းစစ်ဆေးမှုတွေကို ဆက်လက် လုပ်ဆောင်နေဆဲဖြစ်ကြောင်း ရဲတပ်ဖွဲ့က ထုတ်ပြန်ထားပါတယ်။
ဒီဖြစ်စဉ်ဟာ Brandenburg ဂိတ်အနီး ကျင်းပနေတဲ့ Christopher Street Day ပိတ်ပွဲစင်မြင့်မှာ တေးဂီတအဖွဲ့ ဖျော်ဖြေနေဆဲအချိန်မှာ ဖြစ်ပွားခဲ့တာဖြစ်ပြီး၊ ဖြစ်ဖြစ်ချင်း ည ၁၀ နာရီ ၁၅ မိနစ်မှာပဲ ပွဲတစ်ခုလုံးကို ရပ်ဆိုင်းခဲ့ရပါတယ်။ အဖြစ်အပျက် မတိုင်မီ နာရီပိုင်းအလိုကမှ ဥရောပရဲ့ အကြီးမားဆုံး Pride ပွဲတော်တွေထဲက တစ်ခုဖြစ်တဲ့ ဒီပွဲမှာ ဂုဏ်ပြုယာဉ်တန်း အစီး ၈၀ နီးပါး မြို့အတွင်း လှည့်လည်ခဲ့ကြပြီး၊ လမ်းဘေးဝဲယာတစ်လျှောက် လူပေါင်း သိန်းနဲ့ချီ စိုက်စိုက်မတ်မတ် ပါဝင်ဆင်နွှဲခဲ့ကြတာ ဖြစ်ပါတယ်။
သံသယရှိသူ ယာဉ်မောင်းကို အသက် ၂၁ နှစ်အရွယ် "အဗ္ဗဒူလ် ဘီ" (Abdul B)လို့ ရဲတပ်ဖွဲ့က အမည်ထုတ်ပြန်ထားပြီး၊ ၎င်းဟာ ဘာလင်မြို့၏ အစ္စလာမ္မစ် အစွန်းရောက် အသိုင်းအဝိုင်းထဲမှ ရဲမှတ်တမ်းဝင်ထားသူဖြစ်ကာ ပြီးခဲ့တဲ့ မေလကမှ လူငယ်ထိန်းသိမ်းရေးစခန်းကနေ ပြန်လွတ်လာသူ ဖြစ်ပါတယ်။
ဘာလင်မြို့ LGBTQ+ အသိုင်းအဝိုင်းရဲ့ ရာစုနှစ်တစ်ခုစာ သမိုင်းဝင်နယ်မြေဖြစ်တဲ့ Schöneberg ရပ်ကွက်ရှိ သံသယရှိသူရဲ့ တိုက်ခန်းကို ရဲတပ်ဖွဲ့က ဝင်ရောက်ရှာဖွေခဲ့သော်လည်း လူသူကင်းမဲ့နေတာကိုသာ တွေ့ရှိခဲ့ရပါတယ်။ လက်ရှိအချိန်အထိ တိုက်ခိုက်ရတဲ့ တိကျတဲ့ ရည်ရွယ်ချက်ကို မသိရသေးဘဲ တရားခံကို ပိုက်စိပ်တိုက် လိုက်လံဖမ်းဆီးနေဆဲ ဖြစ်ပါတယ်။
ဂျာမနီဝန်ကြီးချုပ် Friedrich Merz က "ဒါဟာ ဂျာမန်လူ့အဖွဲ့အစည်းတစ်ရပ်လုံးရဲ့ လွတ်လပ်ခွင့်ကို တိုက်ခိုက်လိုက်တာဖြစ်တယ်" လို့ ပြင်းပြင်းထန်ထန် ပြစ်တင်ရှုတ်ချခဲ့သလို၊ ဘာလင်မြို့တော်ဝန် Kai Wegner ကလည်း "လွတ်လပ်မှုရဲ့ မြို့တော်မှာ လွတ်လပ်ခွင့်ကိုယ်တိုင် တိုက်ခိုက်ခံလိုက်ရတာပါ" လို့ ပြောကြားခဲ့ပါတယ်။ ပွဲတော်ကို ရောက်ရှိနေသူ Julian Miethig ကတော့ "ဒါဟာ ကျွန်ုပ်တို့ အသိုင်းအဝိုင်းတစ်ခုလုံးအတွက် အမှောင်မိုက်ဆုံးနေ့တစ်နေ့ပါပဲ" လို့ ရင်နင့်ဖွယ် ပြောဆိုခဲ့ပါတယ်။
လွန်ခဲ့တဲ့ ဆယ်စုနှစ်တစ်ခုက ဖလော်ရီဒာပြည်နယ်၊ အော်လန်ဒိုမြို့ရှိ Pulse ကလပ်မှာ လူပေါင်း ၄၉ ဦး အသက်ဆုံးပါးခဲ့ရတဲ့ အဖြစ်အပျက်ကို သတိရမိကြမှာပါ။ ဖလော်ရီဒာက ကခုန်ရာ စင်မြင့်နဲ့ ဘာလင်က ပန်းခြံတစ်ခုကြား ကွာဝေးလှပါတယ်ဆိုတဲ့ အကွာအဝေးဟာ အခုတော့ဖြင့် သွေးပျက်စရာကောင်းလောက်အောင် နီးကပ်လွန်းနေခဲ့ပါပြီ။
(Ref Link: https://www.facebook.com/share/1ExqQ37Kw4/?mibextid=wwXIfr)

More than 2,200 police officers were on duty to protect Berlin Pride on Saturday. Just before 10pm, a white van drove into the crowd in Tiergarten park.

One woman was killed. Sixteen other people were injured, several of them critically. The van came to a stop against a tree and the driver ran. Police have since said that not all of the injuries were caused by the vehicle, and that part of the investigation is still open.

It happened beside the Christopher Street Day closing party by the Brandenburg Gate, with a band still on stage. The event was called off around 10:15pm. Hours earlier, roughly 80 trucks had rolled through the city and hundreds of thousands of people had lined the route for one of the biggest Pride celebrations in Europe.

Police have named the suspect only as Abdul B, a 21-year-old they say is known to them as part of Berlin's Islamist scene and who was released from youth detention in May.

Officers searched an apartment in Schöneberg, the neighborhood that has been the heart of Berlin's gay life for a century, and found it empty. No motive has been given, and the manhunt is ongoing.

Chancellor Friedrich Merz called it an attack on German society. Berlin mayor Kai Wegner said the city of freedom had its freedom attacked. Julian Miethig, who was at the festival, put it more plainly: "It's a dark day for the community."

Ten years ago last month, 49 people were killed at Pulse in Orlando. The distance between a dance floor in Florida and a park in Berlin turns out to be very short.

LGBT ထက် "Q***r" ဆိုတဲ့ စကားလုံးကို အခုနောက်ပိုင်း ဘာကြောင့် ပိုသုံးလာကြတာလဲ? 🏳️‍🌈🤔

လူမှုကွန်ရက်ပေါ်က စကားဝိုင်းတွေ၊ အထူးသဖြင့် မျိုးဆက်သစ်လူငယ်တွေကြားထဲမှာ "LGBT" ဒါမှမဟုတ် "LGBTQ+" ဆိုတဲ့ စကားလုံးတွေအပြင် "Q***r" (ကွီယာ) ဆိုတဲ့ အသုံးအနှုန်းကို ပိုပြီး ကျယ်ကျယ်ပြန့်ပြန့် သုံးစွဲလာကြတာကို သတိထားမိကြမှာပါ။ ဒီစကားလုံးက ဘာကြောင့် ဒီလောက် ခေတ်စားလာရတာလဲ? သာမန် အတိုကောက်စာလုံးတွေနဲ့ ဘာတွေ ကွာခြားလို့လဲ? ဆိုတာကို ခြုံငုံပြီး အချက် (၄) ချက်နဲ့ အသေးစိတ် ဖော်ပြပေးချင်ပါတယ်။

ရှင်းလင်းချက် (၁) - ပုံသေသတ်မှတ်ချက် (Label) တွေကြားထဲမှာ ပိတ်မိမနေချင်လို့ 🚫🏷️
ကျွန်တော်တို့ အကျွမ်းတဝင်ရှိပြီးသား LGBT ဆိုတာ Le****ns, Gay, Bisexual, Transgender ဆိုပြီး လူတစ်ဦးချင်းစီရဲ့ Identity ကို အကွက်ချပြီး တိတိကျကျ သတ်မှတ်ထားတာ ဖြစ်ပါတယ်။
ဒါပေမဲ့ လူသားတွေရဲ့ စိတ်ခံစားမှု၊ ဆွဲဆောင်မှုခံရမှုနဲ့ ဖြစ်တည်မှုတွေက ရေဒီယိုလှိုင်းတွေလိုပဲ အရမ်းကို ကျယ်ပြန့်လွန်းပါတယ်။ တချို့သူတွေက ကိုယ့်ကိုယ်ကိုယ် "ငါက Les, ငါက Gay, ငါက Bi" ဆိုပြီး အတင်းကြီး Label (တံဆိပ်) ကပ်ပြီး ဘောင်ခတ်မထားချင်ကြပါဘူး။ "Q***r" ဆိုတဲ့ စကားလုံးက အဲဒီလို ပုံသေကားချပ် သတ်မှတ်ချက်တွေကနေ ရုန်းထွက်ပြီး ကိုယ့်ရဲ့ဖြစ်တည်မှုကို လွတ်လပ်စွာ ဖော်ပြခွင့်ရစေတဲ့အတွက် လူငယ်တွေ ပိုမိုနှစ်သက်လာကြတာ ဖြစ်ပါတယ်။

ရှင်းလင်းချက် (၂) - ပိုမိုကျယ်ပြန့်တဲ့ "ထီးမိုးစကားလုံး" ဖြစ်လို့ (An Umbrella Term) ☂️✨
LGBTQ+ ဆိုပြီး စာလုံးတွေ တစ်လုံးချင်းစီ တိုးတိုးလာတာကို သတိထားမိမှာပါ။ Q (Q***r/Questioning), I (Intersex), A (Asexual) စသဖြင့် အများကြီး ရှိပါတယ်။ ဒါပေမဲ့ လူသားတွေရဲ့ Gender Identity (ကျား/မ မည်သူမည်ဝါဖြစ်တည်မှု) နဲ့ Sexual Orientation (ဆွဲဆောင်မှုခံရမှု) က အမြဲတမ်း ပုံသေကြီး ရှိမနေဘဲ ပြောင်းလဲ စီးဆင်းနေတတ်ပါတယ် (Fluid ဖြစ်တယ်လို့ ခေါ်ပါတယ်)။အဲဒီလို ကွဲပြားစုံလင်လှတဲ့ လက္ခဏာရပ်အားလုံး၊ စာလုံးအရှည်ကြီးတွေနဲ့ လိုက်မှတ်စရာမလိုဘဲ တူညီတဲ့ လူနည်းစု Gender အားလုံးကို ခြုံငုံပြီး မိသားစုတစ်ခုတည်းအဖြစ် စုစည်းပေးနိုင်တာကတော့ "Q***r" ဆိုတဲ့ Umbrella Term (ထီးမိုးစကားလုံး) ပဲ ဖြစ်ပါတယ်။ ဒီစကားလုံးတစ်ခုတည်းနဲ့တင် အားလုံးကို လွှမ်းခြုံသွားစေနိုင်ပါတယ်။

ရှင်းလင်းချက် (၃) - ခွဲခြားဆက်ဆံမှုကို တွန်းလှန်တဲ့ သမိုင်းကြောင်း (Reclaiming the Word) ✊📜
သမိုင်းကြောင်းကို ပြန်ကြည့်ရင် "Q***r" ဆိုတဲ့ စကားလုံးဟာ အစပိုင်းမှာ positive ဖြစ်တဲ့ စကားလုံး မဟုတ်ခဲ့ပါဘူး။ အဓိပ္ပာယ်က "ထူးဆန်းသော၊ ပုံမှန်မဟုတ်သော" လို့ သက်ရောက်ပြီး LGBTQ+ အသိုင်းအဝိုင်းကို နှိမ်ချစော်ကားတဲ့နေရာမှာ သရော်စာအဖြစ် အသုံးပြုခဲ့ကြတာပါ။
ဒါပေမဲ့ ၁၉၈၀ ပြည့်လွန်နှစ်တွေနဲ့ ၁၉၉၀ ပြည့်လွန်နှစ်တွေကစလို့ တက်ကြွလှုပ်ရှားသူတွေက "မင်းတို့ ငါတို့ကို ဒီစကားလုံးနဲ့ နှိမ်ချလို့ မရတော့ဘူး၊ ငါတို့က ဒါကို ဂုဏ်ယူဝံ့ကြွားစွာနဲ့ ပြန်လည်အသုံးပြုမယ်" ဆိုပြီး စကားလုံးရဲ့ အာဏာကို ပြန်လည်သိမ်းပိုက်ခဲ့ကြပါတယ် (ဒါကို လူမှုဗေဒမှာ Reclaiming သို့မဟုတ် Semantic Bleaching လို့ ခေါ်ပါတယ်)။ ထိုအချိန်ကစပြီး ခွဲခြားဆက်ဆံမှုတွေကို တွန်းလှန်တဲ့၊ ဂုဏ်ယူဝံ့ကြွားမှုကို ပြသတဲ့ နိုင်ငံရေးအရ အားကောင်းတဲ့ စကားလုံး ဖြစ်လာခဲ့ပါတယ်။

ရှင်းလင်းချက် (၄) - လူတိုင်းအကျုံးဝင်မှုနှင့် တန်းတူညီမျှမှု (Inclusivity & Social Justice) 🤝🌍
အဖွဲ့အစည်းတွေ၊ လုပ်ငန်းခွင်တွေနဲ့ လူမှုပတ်ဝန်းကျင်တွေမှာ GEDSI (Gender Equality, Disability, and Social Inclusion) ကို အကောင်အထည်ဖော်တဲ့အခါ "ဘယ်သူ့ကိုမှ ချန်လှပ်မထားခဲ့ဖို့" (Leave No One Behind) က အဓိကကျပါတယ်။
"Q***r" ဆိုတဲ့ အသုံးအနှုန်းက "မင်းက ဘာဖြစ်လို့၊ ညာဖြစ်လို့" ဆိုပြီး စစ်ဆေးမေးမြန်းနေစရာမလိုဘဲ ကွဲပြားစုံလင်တဲ့ ဖြစ်တည်မှုရှိသူတိုင်း "ငါတို့လည်း ဒီလူ့အသိုင်းအဝိုင်းထဲမှာ တန်းတူညီမျှ ပါဝင်ခွင့်ရှိတယ်" လို့ ခံစားရစေပါတယ်။ ပိုမိုနွေးထွေးပြီး အားလုံးပါဝင်နိုင်တဲ့ (Inclusive ဖြစ်တဲ့) လူ့အဖွဲ့အစည်းကို တည်ဆောက်တဲ့နေရာမှာ ဒီစကားလုံးက စိတ်ပညာအရရော၊ လူမှုရေးအရပါ အင်မတန် အထောက်အကူပြုပါတယ်။

နိဂုံးချုပ်အနေနဲ့ 💡
စကားလုံးတွေက အချိန်နဲ့အမျှ ပြောင်းလဲတိုးတက်နေမှာဖြစ်သလို၊ လူသားတွေရဲ့ ဖြစ်တည်မှုကလည်း အမြဲတမ်း ကျယ်ပြန့်နေမှာပါ။ အဓိကအကျဆုံးကတော့... ကျွန်တော်တို့ ဘယ်လို Label (အမည်နာမ) မျိုးပဲ သုံးသုံး၊ လူသားတစ်ယောက်ချင်းစီရဲ့ ထူးခြားတဲ့ ဖြစ်တည်မှု၊ ရွေးချယ်မှုနဲ့ ရပိုင်ခွင့်တွေကို အပြန်အလှန် လေးစားတန်ဖိုးထားပေးဖို့က အရေးကြီးဆုံးပဲ ဖြစ်ပါတယ်။

သင်ရော ဘယ်လို အကြောင်းအရာအဆန်းအပြားတွေ ကြားဖူးလဲ?
💬 Comment မှာ ပြောခဲ့ပါဦး။ ဒီ post လေးက အကျိုးရှိတယ်ဆိုရင် Like ❤️ လုပ်ပြီး သူငယ်ချင်းတွေအတွက်ပါ 🔁 Share လေး လုပ်ပေးခဲ့ဦးနော်။ 🏳️‍🌈🏳️‍⚧️🙏🙏🙏🏳️‍⚧️
🎓 LGBTIQ+ Inclusive Practice & GEDSI Sensitivity Training
📢 သင်တန်းများအတွက်ဆက်သွယ်ရန်: မိမိတို့၏ အဖွဲ့အစည်းများတွင် သင်တန်းပေးလိုပါက စာရေးသူထံသို့ လွတ်လပ်စွာ ဆက်သွယ်ဆွေးနွေးနိုင်ပါသည်။ 📩 🏳️‍🌈🏳️‍⚧️🏳️‍🌈🏳️‍⚧️

Burmese/Myanmar Pride 2026: NO PRIDE BEHIND BARS 🏳️‍🌈
(English Below)

🏳️‍🌈 အပြည်ပြည်ဆိုင်ရာ သွေးစည်းညီညွတ်မှု အပိုင်း - ၁

လွတ်လပ်မှု၊ ဂုဏ်သိက္ခာနဲ့ တရားမျှတမှုဆိုင်ရာတိုက်ပွဲမှာ သွေးစည်းညီညွတ်မှုဟာ နယ်နိမိတ်စည်းဘောင်ရဲ့တားဆီးမှုတွေကို ချေဖျက်နိုင်ပါတယ်။

"No Pride Behind Bars"(ထောင်နရံများအကြား Pride မရှိ) ဒစ်ဂျစ်တယ်ကမ်ပိန်းမှာ မြန်မာနိုင်ငံမှ LGBTQIA+ ညီအကိုမောင်နှမများနဲ့အတူ နိုင်ငံတကာ Q***r အရေးလှုပ်ရှားသူများနဲ့ လူ့အခွင့်အရေးကာကွယ်သူများကလည်း အတူရပ်လျက်ရှိကြောင်းပေးပို့လာတဲ့ သွေးစည်းမှုဆိုင်ရာပေးပို့စာများကို ဖော်ပြလိုက်ပါတယ်။

အပြည်ပြည်ဆိုင်ရာတက်ကြွလှုပ်ရှားသူများရဲ့စကားသံများက မြန်မာနိုင်ငံမှ Q***r ညီအကိုမောင်နှမများ ဖမ်းဆီးထိန်းသိမ်းခံရချိန်မှာ ၎င်းတို့ကိုမမေ့လျော့ပဲ သတိတရရှိနေကြောင်းပေါ်လွင်စေပါတယ်။ နိုင်ငံအသီးသီးက LGBTQIA+ တက်ကြွလှုပ်ရှားသူများကလည်း မြန်မာနိုင်ငံမှာဖမ်းဆီးခံထားရတဲ့ LGBTQIA+ ညီအကိုမောင်နှမများ ချက်ချင်းလွတ်မြောက်ရေးကိုတောင်းဆိုနေပြီး ဒီမိုကရေစီနဲ့လူ့အခွင့်အရေးတိုက်ပွဲအတွင်း မြင့်မြတ်စွာကျဆုံးသွားတဲ့ ညီအကိုမောင်နှမများကို အောက်မေ့လျက်ရှိတယ်ဆိုတာ မျှဝေလာကြပါတယ်။

နိုင်ငံတကာမှ ပါဝင်မှုများအတွက် များစွာကျေးဇူးတင်ပါတယ်။

✊ ဖမ်းဆီးခံ LGBTQIA+ များကို အမြန်ဆုံး ပြန်လွှတ်ပါ။
🕯️မြင့်မြတ်စွာကျဆုံးခဲ့သော LGBTIQA+ ညီအကိုမောင်နှမများကို သတိတရဂုဏ်ပြုအောက်မေ့ကြပါစို့။

(English Version)
🏳️‍🌈 INTERNATIONAL SOLIDARITY PART I
The struggle for freedom, dignity, and justice knows no borders.
As part of our "No Pride Behind Bars" campaign, we are honored to share messages of solidarity from international q***r and human rights advocates who stand with LGBTQIA+ communities in Myanmar.

Their voices remind us that while our q***r siblings remain detained, displaced, persecuted, or silenced, they are not forgotten. Across different countries and movements, people continue to stand with us in demanding freedom for LGBTQIA+ political detainees and remembering q***r lives lost in Myanmar's struggle for democracy and human rights.

To everyone who has raised their voice alongside ours, thank you for your solidarity.

✊ Free LGBTQIA+ Political Detainees
🕯️ Remember Our Fallen Q***rs






(English Below)

Ahmad Joudeh
နယ်သာလန်နိုင်ငံ/ ဆီးရီးယားနိုင်ငံ
အကပညာရှင်၊ အကတီထွင်သူ၊ လူ့အခွင့်အရေးလှုပ်ရှားသူ

"မြန်မာနိုင်ငံမှာ ၎င်းတို့ရဲ့ ယုံကြည်မှု၊ ဖြစ်တည်မှုနဲ့ ဖိနှိပ်မှုကို တန်ပြန်တော်လှန်မှုတို့ကြောင့် မတရားဖမ်းဆီးခံထားရတဲ့ LGBTQIA+ နိုင်ငံရေးလှုပ်ရှားသူ လူအုပ်စုများနဲ့အတူ ကျွန်တော်ရပ်တည်ပါတယ်။ ဖမ်းဆီးခံထားရသူတွေကို ချက်ချင်းလွှတ်ပေးဖို့လည်း ပြောချင်ပါတယ်။

ဖြစ်တည်မှုအရသော်လည်းကောင်း လွတ်လပ်မှု၊ ဂုဏ်သိက္ခာနဲ့ တရားမျှတမှုတို့အတွက် တိုက်ပွဲဝင်နေမှုကြောင့်သော်လည်းကောင်း ဘယ်သူကမှ ဖမ်းစီးအကျဉ်းချမှုမခံရသင့်ပါ။ မြန်မာနိုင်ငံမှ မိတ်ဆွေများရဲ့ ကြိုးပမ်းအားထုတ်မှု၊ သတ္တိရှိမှုများက ကမ္ဘာတစ်ဝှမ်းကလူတွေကိုလည်း အားဖြစ်စေပါတယ်။ ကျွန်တော်တို့ ခင်ဗျားတို့ကို မမေ့လျော့ထားပါဘူး၊ ခင်ဗျားတို့ရဲ့ လှုပ်ရှားကြိုးပမ်းမှုတွေကို အသိအမှတ်ပြုနေပါတယ်။

လွတ်လပ်မှု၊ တရားမျှတမှုနဲ့ တန်းတူညီမျှမှုတို့ဟာ လူသားတိုင်းနဲ့ သက်ဆိုင်ပါတယ်။"

(English Version)

Ahmad Joudeh from The Netherlands / Syria
Dancer, Choreographer, Human Rights Advocate

“I stand in solidarity with LGBTQIA+ people in Myanmar and call for the immediate release of all q***r political prisoners unjustly detained for their beliefs, identity, and resistance to oppression.

No one should be imprisoned for who they are or for standing up for freedom, dignity, and human rights. Your courage inspires people around the world. You are not forgotten, and your struggle is not invisible.

Freedom, justice, and equality belong to everyone.”






(English Below)

July
ဖိလစ်ပင်းနိုင်ငံ
ဖိလစ်ပင်းနိုင်ငံမှ Trans အမျိုးသမီးများအဖွဲ့

“မြန်မာနိုင်ငံမှ ဖမ်းဆီးခံထားရတဲ့ Q***r ညီအကိုမောင်နှမများသို့/

မရေရာမှုတွေ သီးခြားရှင်သန်ရမှုတွေနဲ့ အခက်အခဲတွေကြားမှာ ရှင်သန်နေရတဲ့ ညီအကိုမောင်နှမတွေကို ကျွန်မတို့မမေ့ဘူးဆိုတာ သိစေလိုပါတယ်။ ညီအကိုမောင်နှမတွေရဲ့ သတ္တိတွေ၊ ဂုဏ်သိက္ခာပိုင်းဆိုင်ရာ တိုက်ပွဲဝင်မှုတွေနဲ့ ရင်ဆိုင်ကြံ့ခိုင်နိုင်စွမ်းတွေဟာ ကမ္ဘာတစ်ဝှမ်းလုံးက LGBTQIA+ လူသားတွေအနေနဲ့ အတုယူစရာပါ။

ညီအကိုမောင်နှမတွေရဲ့ လုံခြုံရေးနဲ့ ကောင်းမွန်စွာနေထိုင်နိုင်ရေးအတွက် အမြဲမျှော်လင့်ဆုတောင်းကူနေရင်း အနာဂတ်ကာလတွေမှာ LGBTQIA+ လူသားတိုင်းဟာ လွတ်လပ်စွာနဲ့ ဂုဏ်သိက္ခာရှိရှိနေထိုင်နိုင်ရေးကြိုးပမ်းမှုတွေကိုလည်း ကျွန်မတို့ဆက်လက်လုပ်ဆောင်သွားပါမယ်။ အဲ့ဒီနေ့ရက်တွေမရောက်လာသေးခင်မှာ မြန်မာကညီအကိုမောင်နှမတွေရဲ့ကြုံတွေ့ခံစားရမှုတွေက အရေးပါတယ်၊ အသက်တွေက အရေးကြီးတယ်၊ ရင်ဆိုင်ကြံံ့ခိုင်နိုင်စွမ်းတွေကို ကျမတို့မြင်နေရတယ်ဆိုတာ သိစေလိုပါတယ်။

သင်တို့ဟာ တစ်ယောက်တည်းရုန်းကန်နေရတာ မဟုတ်ပါဘူး။ ဒီနေ့ရော၊ အမြဲတမ်းရော ကျွန်မတို့အတူ သင်တို့နဲ့ရပ်တည်နေပါတယ်။

သွေးစည်းညီညွတ်မှုများ၊ အချစ်များ၊ မျှော်လင့်ချက်များဖြင့်🌈✊🏽💜”

(English Version)

July from the Philippines
Society of Trans Women of the Philippines

“To our q***r siblings in detention in Myanmar,

Even in the face of uncertainty, isolation, and hardship, please know that you are not forgotten. Your courage, dignity, and resilience continue to inspire people across borders and communities.

We hold hope for your safety and wellbeing, and we continue to advocate for a future where every LGBTQIA+ person can live freely and with dignity. Until that day comes, know that your stories matter, your lives matter, and your strength is seen.

You are not alone. We stand with you, today and always.

With solidarity, love, and hope. 🌈✊🏽💜”

Burmese/Myanmar Pride 2026: NO PRIDE BEHIND BARS 🏳️‍🌈
(English Below)

Solidarity Part - 1

🏳️‍🌈"No Pride Behind Bars" (ထောင်နရံများအကြား Pride မရှိ) ဒစ်ဂျယ်တယ်ကမ်ပိန်းမှာပါဝင်သူမိတ်ဆွေများက မြန်မာနိုင်ငံရှိ ဖမ်းဆီးခံ LGBTQIA+ ညီအကိုမောင်နှမများအား အမြန်ဆုံးပြန်လွှတ်ပေးရန်တောင်းဆိုနေကြပြီး လွတ်လပ်မှုနှင့်အတူ ဒီမိုကရေစီရရှိရေးအတွက်ကြိုးပမ်းရာမှာ ကြွေလွင့်ကျဆုံးသွားခဲ့ကြတဲ့ LGBTQIA+ ညီအကိုမောင်နှမများကို ဂုဏ်ပြုအောက်မေ့နေကြပုံများကို မျှဝေလိုက်ရပါတယ်။

ဒီ Pride Month မှာ LGBTQIA+ မိတ်ဆွေများဟာ မိမိတို့ရဲ့ဖြစ်တည်မှု၊ အတူရပ်တည်မှုများကို ဂုဏ်ပြုဆင်နွှဲနေတဲ့အပြင် LGBTQIA+ ညီအကိုမောင်နှမများအချင်းချင်းအပေါ်ထားရှိတဲ့ သွေးစည်းညီညွတ်မှု၊ ဂရုစိုက်မှုနဲ့ အခက်အခဲများကိုရင်ဆိုင်နိုင်စွမ်းများကိုလည်း ဂုဏ်ပြုနေကြခြင်းဖြစ်ပါတယ်။

LGBTQIA+ မိသားစုဝင် ညီအကိုမောင်နှမများ မလွတ်လပ်သရွေ့ Pride ဟာ မပြည့်စုံပါ။ ✊🌈
LGBTIQA+ မိတ်ဆွေများ အမြန်ဆုံးလွတ်မြောက်ပါစေ။ ✊🌈

✊ ဖမ်းဆီးခံ LGBTQIA+ များကို အမြန်ဆုံး ပြန်လွှတ်ပါ။
🕯️မြင့်မြတ်စွာကျဆုံးခဲ့သော LGBTIQA+ ညီအကိုမောင်နှမများကို သတိတရဂုဏ်ပြုအောက်မေ့ကြပါစို့။

(English Version)

🌈 See our campaign participants raising their voices for the immediate release of LGBTQIA+ political detainees in Myanmar and remembering q***r lives lost in the struggle for freedom and democracy.

This Pride, we celebrate not only who we are, but also our resistance, solidarity, and care for one another. Pride is incomplete while our q***r siblings remain behind bars.
We want our q***r family members free RIGHT NOW!

✊ Free LGBTQIA+ Political Detainees
🕯️ Remember Our Fallen Q***rs