Htet Thiri - Beauty Vlogs

Korea နိုင်ငံရှိ Visa အမျိုးအစားများ🇰🇷
````````````````````````````````````````````````````
🔶D-2 Visa
(Master Degree/Major Degree ကျောင်း Visa)
🔸မိသားစုခေါ်ယူခွင့်ရှိသည်။
🔸D-2ဗီဇာဖြင့်သွားသူများသည် အချိန်ပိုင်းအလုပ်သာလုပ်ခွင့်ရှိပြီး အမြဲတမ်းဝန်ထမ်းလုပ်ခွင့် မရှိပါ။
🔸မိမိလုပ်မည့်အလုပ်အား လဝကသို့သတင်းပေးပို့ရမည်ဖြစ်ပြီး လဝကမှခွင့်ပြုထားသည့် လုပ်ငန်းများတွင်သာ လုပ်ကိုင်ခွင့်ရှိသည်။ ကျောင်းလခပေးသွင်းထားသည့် ကျောင်းတက်ကာလအတွင်း တစ်နှစ်တစ်ခါသက်တမ်းတိုးနေထိုင်ခွင့်ရှိသည်။

🔶D-4 Visa
(Language program ကျောင်း Visa )
🔸မိသားစုခေါ်ယူခွင့်မရှိပါ။
🔸D-4ဗီဇာဖြင့်သွားသူများသည် အချိန်ပိုင်းအလုပ်သာလုပ်ခွင့်ရှိပြီး အမြဲတမ်းဝန်ထမ်း လုပ်ခွင့်မရှိပါ။
🔸မိမိလုပ်မည့်အလုပ်အား လဝကသို့သတင်းပေးပို့ရမည်ဖြစ်ကာ လဝကမှခွင့်ပြုထားသည့် လုပ်ငန်းများသာလုပ်ကိုင်ခွင့်ရှိပါသည်။
🔸ကျောင်းလခပေးသွင်းထားသည့် ကျောင်းတက်ကာလအတွင်း တစ်နှစ်တစ်ခါသက်တမ်းတိုးနေထိုင်ခွင့်ရှိပါသည်။

🔶D-10 Visa
(Master ဖြင့်ကျောင်းပြီးသူများအလုပ်ရှာခွင့်ဗီဇာ)
🔸မိသားစုခေါ်ယူခွင့်ရှိသည်။
🔸အလုပ်ရှာခွင့် 6လ 4ခါစုစုပေါင်းကာလ2နှစ်သက်တမ်းရှိမည်။
🔸အချိန်ပိုင်းအလုပ်လုပ်ခွင့်ရှိပြီးအမြဲတမ်းအလုပ်ရရှိပါက လဝကသို့အကြောင်းကြား၍ ခွင့်ပြုချက်ရရှိပါကE-7 Visa တစ်နှစ်ရရှိမည်။
🔸အလုပ်မရရှိပါက D-10 Visa 2နှစ်ပြည့်လျှင် အမိမြေသို့ပြန်ရမည်။

🔶E-7 Visa
(ကျွမ်းကျင်လုပ်သား Visa)
🔸မိသားစုခေါ်ယူခွင့်ရှိသည်။
🔸မိသားစုပါခေါ်ယူမည်ဆိုပါက မိသားစုမှ F-3 visaလျှောက်ထားရမည်။
🔸Koreaနိုင်ငံရှိ University တစ်ခုခုမှ Master ဘွဲ့ရရှိရန်လိုအပ်ပြီး တစ်နှစ်တစ်ခါ Visa သက်တမ်းတိုးရန်လိုအပ်ပါသည်။
🔸အလုပ်ထွက်လျှင် D-10visaပြန်ဖြစ်ပါသည်။
🔸E-7 Visa 3နှစ်ပြည့်လျှင်F-2-7visaဖြင့်3နှစ်သက်တမ်းတိုးခွင့်ရှိပါသည်။
🔸E-7 visaဖြင့်အချိန်ပိုင်းစာသင်လျှင်လဝကသို့သတင်းပေးပို့ရပြီးသတင်းမပို့ပါက ဒဏ်ကြေး 10သိန်းနှင့် အထက်ပေးဆောင်ရမည်။

🔶F-2-7 Visa
🔸(နေထိုင်ခွင့်/ကိုယ်ရေးအချက်/အမှတ်ပေးစနစ်Visa)
🔸မိသားစုခေါ်ယူခွင့်ရှိသည်။
🔸E-7 သုံးနှစ်ပြည့်လျှင် လုပ်သက် ဝင်ငွေ နေထိုင်မှုသက်တမ်း ဘွဲ့စသည့်အချက်အလက်များအပေါ်အမှတ်ပေးစနစ်ဖြင့်ပြောင်းပေးသည့် visaဖြစ်သည်။🔸လဝကကိုသတင်းမပို့ပဲစာသင်နိုင်ပြီး အပိုဝင်ငွေ အလုပ်များကို လွပ်လပ်စွာလုပ်ကိုင်ခွင့်ရှိသည်။

🔶F-5 Visa
(ရာသက်ပန် နေထိုင်နိုင်ခွင့် Visa)
🔸ရာသက်ပန်လျှောက်ထားလိုပါလျှင် လျှောက်ထားသူသည် F-2-4/ F-2-7/ F-6Visa များဖြင့်တောင်ကိုရီးယားနိုင်ငံတွင် 3နှစ်နေထိုင်ပြီးပါကလျှောက်ထားခွင့်ရှိပါသည်။
🔸နေထိုင်ခွင့်ကာလ အလုပ်ကန့်သတ်ချက်မရှိပါ

🔶F-6 Visa
(Korea လူမျိုးနှင့် လက်ထပ်ထားသူများ လျှောက်ထားခွင့်Visa)
🔸ကနဦး 1နှစ်မှ နောက်ပိုင်း2နှစ်/3နှစ် နေထိုင်ခွင့်ပေးကာ ရာသက်ပန်နေထိုင်ခွင့် ဆက်လက်လျှောက်ထားနိုင်ပါသည်။

🔶F-2-4 Visa
(ရီဖျူဂျီ ဗီဇာ)
🔸မိသားစုခေါ်ယူခွင့်ရှိသည်။
🔸မိသားစုခေါ်ယူလိုလျှင် မိသားစုမှ F-1-16 Visa လျှောက်ထားရမည်။
🔸ဒုက္ခသည်ဖြစ်ကြောင်း ခိုင်လုံသည့် သက်သေအထောက်အထားများဖြင့် လျှောက်ထားနိုင်ပြီး စီစစ်ကာလ6လမှ 1နှစ်အထိကြာနိုင်ပါသည်။
🔸ကိုယ်ပိုင်လုပ်ငန်းများကို လွပ်လပ်စွာလုပ်ကိုင်နိုင်ပြီး Korea အစိုးရ၏ ပြည်ဝင်ထောက်ပံ့စရိတ်များ ကနဦးထောက်ပံ့မှုများ သင်တန်းများကလေးမွေးဖွားစရိတ် စသည့်ခံစားခွင့်များရရှိမည်။

အမှတ်ပေးစနစ်ပုံစံများ☑️
Korea ဘာသာစကားနှင့် အသက်မွေးဝမ်းကြောင်းပြုသူများအတွက် အဓိကလိုအပ်သည်မှာ 🔸Koreaဘာသာစကားအရည်အချင်း(한국어 능력시험 )အမှတ်ဖြစ်ပါသည်။
🔸Visaလျှောက်ထားရန်နှင့် စာလေ့လာရန်အတွက်သာဆိုလျှင်တော့ 사회통합프로그램(KIIP)ကို ဝင်ရောက်တက်သင့်ပါသည်။
🔶🔸သက်တမ်းများကတော့-
한국어 능력시험သက်တမ်း=2နှစ်
사회통합 프로그램 (KIIP) =နှစ်အကန့်သတ်မရှိ

http://www.socient.go.kr linkတွင် membership ဝင်ပြီးမှ level test ဝင်ရောက်ဖြေဆိုခွင့်ရှိမည်ဖြစ်သည်။
အမှတ်များအား လဝကမှ အဆင့်သတ်မှတ်ပေးမည်ဖြစ်သည်။

𝙆𝙊𝙍𝙀𝘼-한국 page
September 21,2023

#𝙆𝙊𝙍𝙀𝘼-한국 #ကိုရီးယား #ဗီဇာအမျိုးအစား