Best friend

အခက်အခဲက မိတ်ဆွေစစ်ကို ရှာပေးနိုင်တယ်

တခါက တောအုပ်လေးတစ်ခုမှာ တောဆိတ်လေးတစ်ကောင်ရှိသတဲ့။ အဲ့ဒီတောဆိတ်လေးမှာ မိတ်ဆွေအပေါင်းအသင်းတွေ အများကြီးရှိပါတယ်။ သူဟာ မိတ်ဆွေအပေါင်းအသင်းတွေကို ယုံကြည်အားကိုးတတ်သလို မိတ်ဆွေအပေါင်းအသင်းများတာကိုလည်း ဂုဏ်ယူနေတတ်သူပါ။

တစ်ခုသော ညနေခင်းလေးမှာ ရာသီဥတုကလည်း သာသာယာယာနဲ့ဆိုတော့ တောဆိတ်လေးဟာ တောင်ကုန်းပေါ်မှာ ပြေးလွှား ဆော့ကစားနေပါတယ်။

အဲ့ဒီအချိန်မှာပဲ ဘယ်အချိန်ကတည်းက ချောင်းနေမှန်း မသိတဲ့ ဝံပုလွေ တစ်ကောင်ဟာ ချုံတောထဲကနေ ရုတ်တရက် ခုန်ထွက်လာပြီး တောဆိတ်ကို ကို.က်စားဖို့ ခုန်အုပ် တိုက်ခိုက်လိုက်ပါတယ်။

တောဆိတ်ဟာ ကြော,က်ကြော,က်လန့်လန့်နဲ့ ပြေးလွှားရင်း အော်ဟစ်အကူအညီ တောင်းပါတော့တယ်။ သူ့မှာ မိတ်ဆွေအပေါင်းအသင်းတွေ အလွန်ပေါများတယ်ဆိုတော့ တစ်ကောင်ကောင်တော့ အသံကြားတာနဲ့ လာကူညီလိမ့်မယ်လို့ ထင်နေရှာပါတယ်။

တောဆိတ်လေးရဲ့ အော်ဟစ်အကူအညီတောင်းသံ ကြားတော့ တောထဲမှာ မြက်စားနေတဲ့ နွားက ထွက်လာပါတယ်။ ၀ံပုလွေ ကိုတွေ့တော့ တချိုးတည်း ထွက်ပြေးသွားပါတယ်။

ဒါနဲ့ ကုန်းပေါ်မှာရှိတဲ့ မြင်းက လှမ်းကြည့်လိုက်တယ်။ ဝံပုလွေမှန်း သိလိုက်တာနဲ့ ရှောင်ထွက်သွားတယ်။တော၀က်က လမ်းကြုံလို့ တွေ့လိုက်တယ်။ ချက်ချင်းပဲ ကုန်းအောက်ကို ပြေးဆင်းသွားတယ်။

ယုန်လည်း တောဆိတ်ရဲ့ အော်သံကြားလိုက်တယ်။ ချက်ချင်းဆိုသလိုပဲ အသားကုန် ဝေးရာကို ထွက်ပြေးသွားတယ်။

ကုန်းအောက်မှာ ရှိတဲ့ ခွေးက တောဆိတ်ရဲ့"ကယ်ကြပါဦး" ဆိုတဲ့ အသံကို ကြားတာနဲ့ ကုန်းပေါ်ကို ပြေးတက်လာပြီး ဝံပုလွေရဲ့ လည်ချောင်းကို အသားကုန် ခုန်ကို,က်လိုက်တယ်။

၀ံပုလွေလည်း ထွက်ပြေးသွားပါတော့တယ်။ တောဆိတ်ဟာ ခွေးရဲ့ ကယ်တင်မှုကြောင့် အန္တာရာယ်ကနေ လွတ်မြောက်သွားပါတယ်။ ဒါနဲ့ ဆိတ်ဟာ အိမ်ကို ပြန်ရောက်သွားတဲ့အခါ သူရဲ့ သတင်းကို ကြားတော့ မေးကြမြန်းကြနဲ့ စည်ကားနေပါတယ်။

နွားကပြောတယ်.... “ ငါ့ကိုဘာလို့ မပြောပြတာလဲ၊ ငါ့ဂျိုနဲ့ ခ.တ်လိုက်ရင် ဒီဝံပုလွေ ဘာဖြစ်သွားမယ် ညာဖြစ်သွားမယ်ပေါ့"လို့ ပြောတယ်။

မြင်းကလည်း အားကျမခံ ပြောပါတယ်.... “ ငါ အနားမှာ မရှိလို့ပေါ့။ ငါ့ရဲ့ နောက်ချေနဲ့ စုံကန်လိုက်ရင်တော့ အဲ့ဒီ ဝံပုလွေ ဘယ်ရောက်မှန်းမသိ ဖြစ်သွားမယ်"

တော၀က်ကလည်း ပြောပြန်တယ်.... “ ငါ မရှိလို့ပေါ့၊ ငါ့အစွယ်အကြောင်း ကောင်းကောင်း သိသွားစေရမယ်။

ယုန်က ပြောတယ်.... “ ငါ့ကို ဘာလို့ မပြောတာလဲ၊ အနည်းဆုံးတော့ ငါအပြေးမြန်တော့ မင်းကိုကယ်ဖို့ အမြန် သတင်းပို့လို့ရတာပေါ့ ” တဲ့။ တောဆိတ်ရဲ့ အပေါင်းအသင်းတွေက အမျိုးမျိုးပြောကြတာပေါ့။

အဲ့ဒီမှာ တစ်ခုသတိထားမိတာက အဲဒီစကားဝိုင်းထဲမှာ ခွေးက ဘာမှ ဝင်မပြောပါဘူး။

မိတ်ဆွေစစ်လည်း ဒီလိုပဲ ဖြစ်မယ်လို့ ထင်ပါတယ်။ ကိုယ့်အနားမှာ နေ့တိုင်းဝိုင်းရံနေတဲ့ လူများဟာ အခက်အခဲ တကယ်ကြုံတဲ့အခါကြရင် ကူညီတဲ့လူများ ဟုတ်ချင်မှ ဟုတ်မှာပါ။

တကယ့်မိတ်ဆွေစစ်ဆိုတာက အပြောနဲ့ မလုပ်တတ်ဘူး တကယ့်ကို အလုပ်နဲ့ပဲ သက်​ေ,သပြတတ်ကြသူတွေပါ။ အပိုလည်း မပြောတတ်သလို သူကူညီလိုက်တဲ့ကိစ္စကိုလည်း အခြားသူတွေရှေ့မှာ ထုတ်မကြွားတတ်ကြပါဘူး။

အပေါင်းအသင်း မိတ်ဆွေတွေများဖို့ မလိုဘူး။ မိတ်ဆွေစစ်ရှိဖို့ပဲ လိုပါတယ်။ မိတ်ဆွေစစ်ကို လိုချင်လျှင် ကိုယ်ကိုယ်တိုင်ကလည်း မိတ်ဆွေကောင်း ပီသအောင် ကျင့်ကြံကြိုးစားရပါလိမ့်မယ်။

with respect - crd - မူရင်းရေးသားသူ

အထင်လွဲခံရပြီး
ဘာမှ ပြန်မပြောခြင်းဟာ
သဘောထား ကြီးမှု တစ်မျိုးပါ
အဖြစ်အပျက် အမှန်ဆိုတာ
အချိန်က စကားပြောသွားပါလိမ့်မယ်
စိတ်ထိခိုက်သွားပြီး
ဘာမှ ပြန်မပြောခြင်းဟာ
စိတ်ရင်းကောင်းမှုတမျိုးပါ

မေတ္တာ ရဲ့ အအေး အနွေး ဟာ
အချိန်ကသာ သက်သေပြ သွားပါလိမ့်မယ်
အစော်ကား ခံလိုက်ရပြီး
ဘာမှ ပြန်မပြောခြင်းဟာ ခွင့်လွှတ်ခြင်း တမျိုးပါ
အကျင့် ကောင်းတယ် မကောင်းဘူး ဆိုတာ
အချိန်က ရှင်းလင်း ပေးသွားပါလိမ့်မယ်
ဘာကိစ္စ အတွက်ပဲ ဖြစ်ဖြစ်
စိတ်လောပြီး မငြင်းဆိုပါနှင့်
ဘာအကြောင်းအရာကိုမှ
စိတ်လောပြီး မရှင်းပြပါနှင့်
နားလည်ပြီးသား သူအတွက်
ရှင်းပြဖို့ မလိုအပ် သလို......
နားမလည်ချင်တဲ့ သူအတွက်
ရှင်းပြလည်း အပို ဖြစ်နေတတ်တယ်
စကားပြောတတ်ဖို့
နှစ်,နှစ် ပဲ သင်လိုက်ရပေမဲ့
ပါးစပ် ပိတ်တတ်ဖို့
သင့်တစ်တသက်တာ ကြိုးစား ကြည့်လိုက်ပါဦး

ဝမ်းနဲစရာ ကောင်းတာက
အခုထက်ထိ ပါးစပ်က
လွှတ်ခနဲ ဖြစ်လို့ကောင်းတုန်း ဘဝ
အမြင့်ဆိုတာ...
ပညာ ဘယ်လောက်တတ်တယ်
ဗဟုသုတ
ဘယ်လောက် ရှိတယ်ဆိုတာနဲ့ မသက်ဆိုင်ပါ
ဒေါင်ကျကျ ပြားကျကျ
အပြုံး မပျက်တဲ့
မဟာ သဘောထား မျိုးကို
ဆိုလိုပါတယ်

စိတ်သဘောထား ကြီးတယ်ဆိုလဲ
သင် လူဘယ်လောက်များများ သိတယ်
ဘယ်လောက်များများ ခင်မင် တာနဲ့လဲ
မသက်ဆိုင်ပါ....
သင်လူ ဘယ်လောက်များများ ကို
လက်ခံခွင့်လွှတ်နိုင်တာနဲ့ ပိုမိုသက်ဆိုင်ပါတယ်

လောက နိယာမအရ...
အနစ်နာခံတဲ့လူဟာ
နောက်ဆုံးမှာ တကယ်မနစ်နာသလို
ငြင်းခုံမှုမှာ အရှုံးပေးတဲ့ သူဟာလဲ
နောက်ဆုံး တကယ် မရှုံးပါဘူး
ကိုယ့်ကိုကိုယ် ဆုံးမဖို့ ရေးလိုက်ပါတယ်။

"ရေစက်ကုန်သွားတဲ့ သူတွေအတွက် ဘာအသံမှ မထွက်ပါနဲ့...တိတ်တဆိတ်နဲ့ နေသားကျအောင်သာ ကြိုးစားပါ။" 🤐🧘

ဘဝခရီးလမ်းမှာ လူတချို့က ကိုယ်နဲ့အတူ လမ်းချင်းတူကြတာတွေရှိမယ်။
တချို့ကတော့ တခဏလောက်သာ ရောက်လာတာသာ ဖြစ်နိုင်တယ်။
တချို့ကျတော့လည်း အလွန်နီးစပ်ခွင့်ကို ရခဲ့ပေမဲ့ တစ်ချိန်ချိန်မှာတော့ ခွဲသွားရကြရတယ်။
အခြားသူတွေရောက်လာခြင်း၊ ထွက်သွားခြင်းက လူ့ဘဝကြီးရဲ့ သဘာဝလှိုင်းတစ်ခုသာပါ။
အဓိကက— ဘယ်သူထွက်သွားသွား ကိုယ့်ရဲ့ အလင်းမီးရောင်ကိုတော့ မပျောက်ရအောင် အာရုံစိုက်ရမှာပါ။

1️⃣ ဘဝရဲ့ ခရီးလမ်းဆိုတာ နောက်ဆုံးကျရင်လဲ တစ်ယောက်ထဲပဲ လျှောက်ကြရမှာပါပဲ။

ဘဝဆိုတဲ့ ခရီးတစ်လျှောက်မှာ လေတွေ၊ ၊ မိုးတွေ၊ နေတွေကလည်း အမြဲပြောင်းလဲနေမယ်။🌤️
တချို့လူတွေနဲ့ ခရီးတစ်ခုလုံးကို အဆုံးထိအတူ လမ်းလျှောက်မယ်လို့ထင်ရပေမဲ့…
တစ်ချိန်တစ်ခု ရောက်လာရင် လမ်းခွဲရတဲ့ အချိန်ကို အသေအချာကြီး ရောက်လာပါလိမ့်မယ်။
ချစ်သူလည်းဖြစ်နိုင်တယ်၊ မိတ်ဆွေလည်းဖြစ်နိုင်တယ်၊ မိသားစုလည်း ဖြစ်နိုင်ပါတယ်။
ဘယ်သူကမှ ကိုယ့်ဘဝ တစ်လျှောက်လုံးအထိ အတူလိုက်ပါပေးဖို့ တာဝန်မရှိကြပါဘူး။

2️⃣ ခဏနေရင်းနဲ့ ခွဲသွားသူများလည်း ရှိလာလိမ့်မယ်။

တချို့ကိုတော့ ခရီးအစပိုင်းမှာသာ ခဏလောက်သာ တွေ့ကြုံခွင့် ရကြတာပါ။
တချို့ကျတော့ ခရီးလမ်းတဝက်အထိ အတူလိုက်လာနိုင်သေးတယ်။
တချို့ကျတော့လည်း အလွန်နီးစပ်ခွင့် ရှိခဲ့ပေမဲ့ အဆုံးသတ်မှာ ခွဲသွားကြရတယ်။ 💔
အကြောင်းအမျိုးမျိုးကြောင့် ခွဲသွားရတာက လူတိုင်းအတွက် မလွယ်ကူကြပေမဲ့လည်း…
တစ်ချိန်တစ်ခုခုမှာတော့ ဒါကိုမဖြစ်မနေ လက်ခံရမဲ့အချိန်ဆိုတာ ရှိလာကြမှာပါ။

3️⃣ သူတို့က ရောက်လာတာလဲ လျင်မြန်သလို… ပျောက်သွားတာတိတ်ဆိတ်ကြတယ်။

တချို့လူတွေက ကိုယ့်ဘဝထဲကို လျင်လျင်မြန်မြန်ကြီး ဝင်ရောက်လာတယ်။
ပြီးတော့ အကြောင်းမပြပဲနဲ့ တိတ်တဆိတ် ကွယ်ပျောက်သွားကြပြန်တယ်။ ⏳
တစ်ခါတုန်းကတော့ ကိုယ့်ဘဝမှာ အဓိပ္ပာယ်အများကြီး ရှိခဲ့သူတစ်ဦးကလည်း…
အခုအခြေအနေမှာ အပြန်အလှန် ဘယ်သူ့ကိုမှ မလိုအပ်တော့တာမျိုး ရှိလာကြတယ်။

4️⃣ သူတို့မရှိတာနဲ့ပဲ မတိုးတက်လို့တော့ မရဘူးပေါ့။

ဘဝဟာ ဘယ်သူရှိရှိ/မရှိရှိ လူတိုင်းရဲ့အိပ်မက်တွေကတော့ ရပ်တံ့မသွားနိုင်ပါဘူး။ 🚀
ဘာပဲကြုံကြုံ ကိုယ်ရဲ့အကျင့်ကောင်းကိုတော့ ဆက်လက်ထိန်းထားနိုင်ရမယ်။
ဘယ်သူကြောင့်၊ ဘယ်ဝါကြောင့်ဆိုတာထက် ကိုယ့်ခရီးကို မနှောင့် နှေးပါစေနဲ့။
သူတို့မရှိရင်လည်း ကိုယ့်ဘဝကို ဆက်လက်တည်ဆောက်နိုင်အောင် ကြိုးစားရမယ်။
အဓိကကတော့ ကိုယ့်တန်ဖိုးနဲ့ ဂုဏ်သိက္ခာကို မပျက်စီးစေဖို့ပါပဲ။

5️⃣ ကိုယ့်ကိုယ်ကို တန်ဖိုးထားဖို့ ဘယ်တော့မှ မမေ့ပါနဲ့။

လူ့တန်ဖိုးရှိတာက ဘယ်သူမှလာထားလို့မရတဲ့၊ ကိုယ့်ကိုယ်ကို တန်ဖိုးထားခြင်းပါ။ 🌸
ကိုယ့်ကိုယ်ကို ချစ်ခြင်း၊ ဂရုစိုက်ခြင်း၊ ညှာတာခြင်း၊ စာနာခြင်းပါ။
ကိုယ့်ကိုယ်ကို လေးစားခြင်းပါ။ ကိုယ့်ကိုယ်ကို ဂုဏ်ယူခြင်းပါပဲ။
တခြားသူက ကိုယ့်ကို မမှတ်မိတော့ရင်လည်း…
ကိုယ့်ကိုယ်ကိုကတော့ ကိုယ့်ရဲတန်ဖိုးကို အမြဲတမ်း ထိန်းထားနိုင်ရပါမယ်။

6️⃣ ချန်ထားပစ်ချရဲတာက အကျိုးကြီးတယ်ဆိုတာ အချိန်ကသက်သေပြပါလိမ့်မယ်။

ကိုယ့်အပေါ်မှာ မကောင်းခဲ့သူတွေကိုလည်း စိတ်ပြတ်ပြတ်နဲ့ ချန်ပစ်ခဲ့ပါ။ 🕊️
ဘယ်သူ့ကိုမှ မမုန်းတီးနဲ့၊ မနာကျည်းနဲ့၊ စိတ်ပြတ်ပြတ်နဲ့သာ ချန်ပစ်လိုက်ပါ။
အဲဒါမှာ ကိုယ့်စိတ်ကို ပိုလွယ်ကူလွတ်လပ် ပေါ့ပါးစေပါလိမ့်မယ်။
ဒါကတခြားသူအတွက်တော့ မဟုတ်ပါဘူး— ကိုယ့်အတွက်သာပါ။
စိတ်လွတ်မြောက်သွားတာနဲ့အတူတူ ငြိမ်းချမ်းမှုကလည်း သူ့အလိုလို ပေါ်လာပါလိမ့်မယ်။
သူများအကြောင်းထက် ကိုယ့်စိတ်အကြောင်းကိုသာ ပိုဂရုစိုက်ဖို့ ပြောပြချင်ပါတယ်။

7️⃣ လွတ်မြောက်ပြီးရင် ဘယ်လောက် ပေါ့ပါးသွားလဲဆိုတာ နားလည်လာမယ်။

စိတ်တစ်ခုလုံးဟာ လေဟာနယ်ထဲမှာ လွတ်မြောက်ပေါ့ပါးသွားတဲ့ အချိန်မျိုးမှာ…
ကိုယ့်ရဲ့အတွင်းစိတ်က ပိုသန်မာလာပါလိမ့်မယ်။ 💪
ကိုယ်ကသူမရှိရင် မဖြစ်နိုင်မယ်ထင်ခဲ့သူက…
သူမရှိတဲ့အချိန် ရောက်လာရင် ကိုယ်ပိုင်တန်ဖိုးစစ်စစ်ကို သိလာလိမ့်မယ်။
ကိုယ့်ရဲ့တန်ဖိုးအစစ်ကို ကိုယ်တိုင်ကသာ သတ်မှတ်ကြရတာဖြစ်ပါတယ်။

8️⃣ အနာဂတ်အသစ်အတွက် ယုံကြည်မှုကို သေကာမှလျော့ပါ။

နောက်တစ်ခါ ဘဝထဲကို ထပ်ဝင်လာမယ့်သူက…
ကိုယ့်ကိုပိုနားလည်နိုင်မဲ့သူ၊ ပိုထောက်ပံ့နိုင်မယ့်သူ၊ ပိုတန်ဖိုးထား ပေးနိုင်သူပါ။ 🌈
မဖြစ်သင့်တာတစ်ခုကို ဆုံးရှုံးလိုက်ရတာနဲ့ပဲ…
ကိုယ့်ရဲ့ ပိုကောင်းတဲ့ လှိုင်းအသစ်တွေက အသစ်ကပြီး စတင်နေပြီလို့ သတိထားပါ။
အနာဂတ်က မကြာခင်မှာ ပိုမိုတောက်ပ ကောင်းမွန်လာလိမ့်လို့ ယုံကြည်ထားပါ။

9️⃣ မတူညီတဲ့လူနဲ့ မတူညီတဲ့လမ်းကို ရေရှည်မတူသွားလို့ မရဘူး။

မတူသွားလို့ မရမဲ့အတူတူတော့ စောစောစီး လမ်းခွဲလိုက်တာက ပိုကောင်းပါတယ်။
လူတိုင်းက အယောက်စီတိုင်းက စိတ်သဘော မတူညီနိုင်ပါဘူး။ 🛤️
ခရီးလမ်းကလည်း လမ်းကြောင်းချင်း မတူညီနိုင်ပါဘူး။
တချို့က အစပိုင်းမှာ တူသယောင်ယောင် လိုက်လာနိုင်ပေမဲ့…
နောက်ပိုင်းကျရင် အကြောင်းပြချက် တစ်ခုခုနဲ့ ခွဲသွားကြမှာပါ။
အဓိကကတော့ ဘယ်သူခွဲခွဲ/မခွဲခွဲ ကိုယ့်အနေနဲ့ မရပ်တံ့ပဲ ဆက်သွားနိုင်ဖို့လိုတယ်။

🔟 စိတ်ငြိမ်းချမ်းမှုကသာ အမြင့်ဆုံးအနိုင်ရခြင်းပါ။

“ရေစက်ကုန်သွားသူ” တွေကို စိတ်ပြတ်ပြတ်နဲ့ လွှတ်ပေးလိုက်ပါ။ 🌺
မလွှတ်နိုင်ရင် ကိုယ့်စိတ်ဟာ မွန်းကြပ်ဖိစီးခံရလိမ့်မယ်။
သူ့ကိုလွှတ်ပေးလိုက်နိုင်ရင် ကိုယ်တိုင်က တကယ်လွတ်မြောက်သွားပါလိမ့်မယ်။
ဒါ့ကြောင့် တိတ်တဆိတ်နဲ့ နေသားကျအောင်သာ ကြိုးစားလိုက်စမ်းပါ။
အဲဒါက ကိုယ့်ရဲ့ အကြီးမားဆုံး အနိုင်ရယူမှုပါပဲ။

သူတို့ကို အတွေးထဲကနေလည်း အပြီးတိုင် နှုတ်ဆက်လိုက်ပါ။
Online Platform ပေါ်ကနေလဲ Good Bye နှုတ်ဆက်လိုက်ပါ။
လူချင်းတွေဖို့ဝေးလို့ သူ့အရိပ်ရှိနိုင်တဲ့ ပတ်ဝန်းကျင်ကိုတောင် အရိပ်မနင်းပါနဲ့။
အဲဒါက ကိုယ့်ရဲ့ အကြီးဆုံးအနိုင်၊ စိတ်ငြိမ်းချမ်းမှုကို ရစေနိုင်မယ်။

မှာချင်တာက - ✍️
မင်းက ငွေရှိနေရင်၊ ဂုဏ်ရှိနေရင်၊ နာမည်ရှိနေရင် မင်းအနားကို လူတွေအများကြီး လာကြလိမ့်မယ်။
မင်းဘာကောင်မှမဟုက်ရင်တော့ မင်းဆီမှာ ဘာမှမရှိနိုင်တော့ဘူး။
မင်းကသူတို့ကို ပြန်ဆက်သွယ်မိရင်တော့ (သုံးကြိမ်တိတိ) နာကျင်ရလိမ့်မယ်။

ပထမနာကျင်မှုက သိမ်ငယ်စိတ်ကြောင့် နာကျင်ရတာ၊ ဒုတိယနာကျင်မှုက ဆက်သွယ်မိလို့ အဖက်ပြန်လုပ်မခံရလို့ နာကျင်ရတာ၊ တတိယနာကျင်မှုက ဆက်သွယ်မိလိုက်လို့ သိက္ခာတရားတွေ စုတ်ပြတ်သက်သွားပြီး ပြန်တွေးမိတိုင်း ကိုယ့်ကိုယ်ကို ရှက်မိတာ။

ချစ်ခြင်းများစွာဖြင့်။
Prof: Dr.Sai Naw Jar
"တစ်နေ့ကျရင် အရာရာဟာ နေသားကျသွားမှာပါ။"
Thursday. May. 28. 2026

အတောင်မရှိတော့တဲ့
အင်းဆက်တွေလိုပါပဲ
ပျံသန်းရမယ့် အချိန်မှာ
လမ်းတွေလျှောက်နေရတယ်။

#ခင်အောင်မြင့်

ငါအိမ်မှာနေတုန်းက
ငါ့ခြေထောက်တွေဟာ အိမ်ရဲ့အဝေးကို
အမြဲတမ်း ရောက်ချင်ခဲ့တယ်။

အိမ်ရဲ့အဝေးကို တကယ်ရောက်သွားတော့
ငါ့ခြေထောက်ဟာ အိမ်ဆီကို
ထွက်ပြေးချင်နေတော့တာပဲ။

နောက်ဆုံးတော့ အိမ်ဟာ အိမ်ပါပဲ။

နွေးထွေးမှုနှင့် ကြင်နာမှုတွေကို
လိုအပ်တဲ့အချိန်တိုင်း မငြိုမငြင်ဘဲ ရမြဲရနေတဲ့
နေရာတစ်ခုပါပဲ။

ကျနော်အိမ်ကို လွမ်းတယ်။
အတိအကျပြောရရင် အမေရှိနေတဲ့ အမေ့အိမ်လေးကို
ကျနော် လွမ်းတယ်။



Pic - May Juno