Tin’s Diary

သူများတွေလို နေ့စဉ်ဆွမ်းတန်းကို ဆွမ်းလောင်းချင်ပေမယ့် အကြောင်းအကျိုး မသင့်လို့မလောင်းရပါဘူး ။

ဘုရားစင်ဆွမ်းတော်လဲ ပျက်ကွက် တဲ့အချိန်က များများပါပဲ ။

သို့ပေမယ့်

အိမ်တွင်းအလှူခံ ပုဂ္ဂိုလ် ကြီးများကိုတော့ စွမ်းသလောက်ချက်ပြုတ်ကျွေးမွေးရပါတယ် ။

20.3.26
Tin’s Diary

လူတွေကို စိတ်ဆိုးရတာ ၊ စိတ်တိုင်းမကျရတာ အရမ်းပင်ပန်းပြီးအလုပ်ပျက်လွန်းလို့ စိတ်ဆိုးတာ တွေ မလုပ်ဖြစ်တော့ဘူး ။

စိတ်ဆိုးလာရင် ၊ စိတ်တိုင်းမကျလာရင် ဥပက္ခာပဲ ပြုလိုက်တော့တယ် ။

ကိုယ့်ကိုယ် အကောင်းဆုံးတွေ လုပ်ပေးဖို့ပဲ အာရုံစိုက်တော့တယ် ။

20.3.26
Tin’s Diary

ချက်တဲ့ ရက် မတူတဲ့ ဟင်း နှစ်မျိုး 🍀

စိတ်တွေက ကြိုပြီးနောင်တရနေသလို ဖြစ်နေတာ ။

ဒါပေမယ့် ဒါတွေက ကံတွေ ၊ ရေစက်တွေပဲ

ဖြစ်ရမယ့်အချိန်
ရှိနေရမယ့်အချိန်တွေမှာ ရှိနေ ၊ ဖြစ်နေရတာဟာ အတိတ်ဘဝဘဝက ပြုလုပ်ခဲ့တဲ့ ရေစက်နဲ့ ကံတွေပဲ ။

ဘဝကို ပျော်အောင်ထက် အေးချမ်းအောင်နေဖို့ အဓိက ကျတယ် ။

18.3.26
Tin’s Diary

အလုပ်မပြီးပဲ အစွမ်းကုန်မောနေသလို ခံစားရတယ် ။

အချိန်မလောက်နိုင်အောင်ပဲ ။

ဝိတ်လဲ ပြန်လျော့နေတယ် ( နိုင်သလောက်ပေါ့ ) ။ ညနေစာ မစားဖြစ်တာတော့ 9.3.26 ကစတယ် ။

11.3.26
Tin’s Diary

စာရေး ဆရာမ နိုင်းနိုင်းစနေကတော့ ..

“အတွင်းစိတ်ကလာတဲ့ ပျော်ရွှင်မှုရယ် ...
ခိုးယူလို့မရတဲ့ ကျန်းမာရေးကလွဲပြီး
ဘဝတစ်သက်တာမှာ ...
ကြွားဝါဖို့ ဘာမှ တန်ဖိုးရှိမနေပါဘူး...။” …..

မှန်လိုက်တာနော်

10.3.26
Tin’s Diary

ခရမ်းချဉ်သီးပန်ထွေဖျော် ၊ ကြက်ဥ ဆူးပုတ်ကြော် ၊ ကျောက်ဖရုံသီး ဟင်းရည် 🍀

ဟင်းချက်ရင်းတွေးမိတာလေး ချရေးလိုက်အုံးမယ်ကွယ် ။

သားသမီးမွေးလာရင် ဆုတံဆိတ်တွေ ရဖို့ထက် ဘဝကို ဘယ်လိုရင်ဆိုင်သင့်ကြောင်းတွေပဲ သင်ပေးသင့်တယ်ဆိုတာပဲ သင်ပေးသင့်တယ် ။

10.3.26
Tin’s Diary

တနေကုန် အေးချမ်းနေရောပဲ 🥰

ဘာလို့လဲလို့ အဖြေထုတ်ကြည့်တဲ့အခါ ဘယ်သူ့ဆီကမှ ဘာမှ မမျှော်လင့်တော့လို့ ။

9.3.26
Tin’s Diary

ဒီနေ့ စဉ်းစားမိတယ် ။

လူတွေဆီကနေ တခုခုကိုမျှော်လင့်နေရင် ဘဝ က မပျော်ရွှင် ၊ မအေးချမ်းပါလားဆိုတာ ကွင်းကွင်းကွက်ကွက်မြင်သွားတယ်။

7.3.26
Tin’s Diary

ချဉ်ပေါင်ကြော်

ကိုယ့်စိတ်ကြိုက် ကြော်ထားတာ 🍀

Tin’s Diary
6.3.26

#ချဉ်ပေါင်ကြော်

ကရမက် 🧚🏽‍♂️

25.2.26
Tin’s Diary

၃ ရက်ခွဲလောက် အသိအမှတ်မပြုခံရတဲ့စိတ်ပြသနာကို ရင်ဆိုင်ပြီးနောက်ပိုင်း ပြန်လည်ကောင်းမွန်လာပါတယ် ။ ကိုယ့်ကို ပိုမိုကောင်းမွန်အောင်နေဖို့ပဲဆိုတာ အဖြေရလိုက်ပါတယ် ။ 🍀

ကိုယ့်ကို ချီးကျူးမိတာ တခုက ဘုရားရှိခိုးမပျက်ခဲ့ဘူးဆိုတာပါပဲ 🥰

ဘာလို့လဲဆိုတော့ အရင်က တခုခုဖြစ်ရင် ဘုရားရှိခိုးပျက်ပါတယ် ။ ခု တိုးတက်လာပြီပြောရမယ် 😻

25.2.26
Tin’s Evelyn

အဆင်မပြေတာ ၃ ရက်ရှိပါပြီ ။
ဖြေမဆည်နိုင်အောင်ငိုမိပါတယ် ။
ငါ့ဘာငါ တစ်ယောက်ထဲ ဘယ်လိုပျော်အောင်နေမလဲ
အေးချမ်းအောင် ဘယ်လိုနေမလဲ … အဲ့ဒီမေးခွန်း ကိုယ့်ကိုယ်မေးကြည့်ပါတယ် ။

ကိုယ်လဲ ဖြေနည်းမတွေ့သေးဘူး 🍀

24.2.26
Tin’s Diary