Recap Videos

တစ်ချက်ပြုံးပြရုံနဲ့ အသက်ဝိညာဉ်ကို နှုတ်ယူသွားမယ့်... သွေးပျက်စရာ အပြုံးကျိန်စာ

စိတ်ရောဂါကု ဆရာဝန်တစ်ယောက်ဖြစ်တဲ့ ဒေါက်တာ ရိုစ် ကော်တာဟာ အရေးပေါ် စိတ်ရောဂါကုသရေးဌာနမှာ တာဝန်ကျနေသူပါ။ အရေးပေါ်ဌာနဖြစ်တဲ့အတွက် နေ့စဉ်နဲ့အမျှ စိတ်ဖောက်ပြန်နေတဲ့ လူနာပေါင်းစုံကို ရင်ဆိုင်နေရပါတယ်။ ဒါပေမဲ့ တစ်နေ့မှာတော့ တုန်လှုပ်ခြောက်လှန့်စရာတွေ သယ်ဆောင်လာမယ့် ကောင်မလေးတစ်ယောက် ရောက်ရှိလာခဲ့ပါတယ်။ အဲဒီလူနာဟာ ဒေါက်တာရိုစ်ရဲ့ ရှေ့မှာတင်ပဲ အသည်းယားစရာ အပြုံးကြီးနဲ့ ကြည့်ပြီး မိမိကိုယ်ကိုယ် ရက်ရက်စက်စက် အဆုံးစီရင်သွားခဲ့ပါတယ်။အဲဒီနောက်ပိုင်းမှာတော့ ဒေါက်တာရိုစ်ကိုယ်တိုင်လည်း မမြင်ရတဲ့ ထိတ်လန့်စရာ အခြောက်အလှန့်တွေ၊ သွေးပျက်စရာ မြင်ကွင်းတွေကို တစ်ယောက်တည်း စတင်မြင်တွေ့လာရပါတော့တယ်။ အဲဒီလူနာ သေဆုံးသွားတာဟာ သွေးရိုးသားရိုး မဟုတ်ဘဲ နတ်ဆိုးကျိန်စာတစ်ခုခုကြောင့်ဆိုတာ ရိပ်မိသွားတဲ့ ဒေါက်တာရိုစ်တစ်ယောက် လိုက်လံစုံစမ်းရင်း ကြောက်စရာ့အမှန်တရားတွေကို ဖော်ထုတ်ရပါတော့တယ်။

ဇာတ်ကားလင့် ကောမန့်မှာကြည့်ပါ။

◆ ━━━━━━━ ▣✦▣ ━━━━━━━━ ◆

ကလပ်က အဖော်ချွတ်မယ်လေးကို မိဘကွယ်ရာ ခိုးလက်ထပ်လိုက်တဲ့ သူဌေးသား

ကလပ်တစ်ခုမှာ အဖော်ချွတ်မယ် (Stripper) အဖြစ် အလုပ်လုပ်နေတဲ့ ကောင်မလေး "အန်နီ"။ တစ်ညတော့ သူမဆီကို ရုရှားသူဌေးသားလေး "အီဗန်" ဖောက်သည်အဖြစ် ရောက်လာခဲ့ပါတယ်။အန်နီက အလုပ်သဘောအရ အီဗန်ကို သေချာလေး ပြုစုဂရုစိုက်ပေးခဲ့ရာကနေ အီဗန်တစ်ယောက် အန်နီ့အပေါ် လုံးဝစွဲလန်းသွားခဲ့ပါတယ်။ ဒါကြောင့် အီဗန်က သူ့အနားမှာ ရည်းစားအဖြစ် အဖော်ပြုပေးဖို့ ငွေကြေးအမြောက်အမြားနဲ့ ကမ်းလှမ်းခဲ့ပြီး သူတို့နှစ်ဦး တစ်ပတ်တာလုံး အတူတူ ပျော်ပါးဖြတ်သန်းခဲ့ကြပါတယ်။အန်နီရဲ့ အပြုအစုတွေကြားထဲကနေ ရုန်းမထွက်နိုင်တော့တဲ့ သူဌေးသားလေး အီဗန်ဟာ နောက်ဆုံးမှာတော့ သူ့ရဲ့ အထက်တန်းလွှာ မိဘအသိုင်းအဝိုင်း သိရင် လုံးဝလက်ခံမှာမဟုတ်တဲ့ ပြည်တန်ဆာမလေး အန်နီကို မိဘတွေကွယ်ရာမှာ လျှို့ဝှက်လက်ထပ် လိုက်ပါတော့တယ်။ဘဝချင်းခြားနားလွန်းတဲ့ သူဌေးသားနဲ့ အဖော်ချွတ်မယ်လေးတို့ရဲ့ အချစ်ဇာတ်လမ်း... မိဘတွေ သိသွားတဲ့အခါ ဘာတွေဆက်ဖြစ်မလဲ..." ဆိုတာကို ရိုမန့်တစ်ဆန်းဆန် ရင်ခုန်စိတ်လှုပ်ရှားစွာ ကြည့်ရှုရမယ့် ဇာတ်ကားကောင်းပဲ ဖြစ်ပါတယ်ရှင်။

ဇာတ်ကားလင့် ကောမန့်မှာကြည့်ပါ။

◆ ━━━━━━━ ▣✦▣ ━━━━━━━━ ◆

ကိုယ်ပိုင်အိမ်လေး ဝယ်မိကာမှ..အောက်ထပ်က လူသ-တ်သမားနဲ့ တိုးခဲ့တဲ့ညီမနှစ်ယောက်

ကိုယ်ပိုင်တိုက်ခန်းလေး ဝယ်ပြီးနောက် အမည်မသိ ဆူညံသံတွေ ကြားရပြီး ညီမဖြစ်သူ "ဂျူဟီး" တစ်ယောက် အဆက်အသွယ် ပြတ်တောက်ပျောက်ဆုံးသွားခဲ့ပါတယ်။အစ်မဖြစ်သူ "ဂျူယောင်း" နဲ့ ဂျူဟီးရဲ့ချစ်သူတို့ တိုက်ခန်းဆီပြန်လာပြီး လိုက်ရှာကြတဲ့အခါ... ဆူညံသံတွေကြောင့် စိတ်တိုနေတဲ့ အောက်ထပ်အိမ်နီးနားချင်းက သူတို့ကို "သတ်ပစ်မယ်" လို့ပါ ထပ်မံခြိမ်းခြောက်လာပါတော့တယ်။ပဟေဠိဆူညံသံတွေရဲ့ အရင်းအမြစ်နဲ့ ပျောက်ဆုံးနေတဲ့ ညီမဖြစ်သူကို အသည်းထိတ်စရာ ရှာဖွေရမယ့် ကိုရီးယား Mystery Thriller ကားကောင်းပဲ ဖြစ်ပါတယ်ရှင်။

ဇာတ်ကားလင့် ကောမန့်မှာကြည့်ပါ။

◆ ━━━━━━━ ▣✦▣ ━━━━━━━━ ◆

အိမ်နဲ့စက်ရုံမှာပါအပြိုင်ခြောက်ကြမယ့်သရဲများ

သရဲကား မကြိုက်ဘူးဆိုတဲ့ လူတွေတောင် ထိုင်ရာကမထတမ်း စွဲစွဲမြဲမြဲ ကြည့်မိသွားစေမယ့်အင်ဒိုနီးရှား Horror ဇာတ်ကားကောင်း ဖြစ်ပါတယ်။အဖေပစ်ပယ်၊ အမေမုန်းပြီး အကြွေးပိနေတဲ့ "အယ်ဝင်နာ" တို့ သားအမိ... နေတဲ့အိမ်ကလည်း သရဲအခြောက်ကြမ်းလွန်းလို့ ကလေးပါ ဆေးရုံတင်လိုက်ရပါတယ်။ဒီလို အသက်ရှူကျပ်နေချိန်မှာ ဖခင်ရဲ့သူငယ်ချင်းက ကူညီမယ်ဆိုပြီး ဖုန်းလိုင်းမမိတဲ့ တောတွင်းစက်ရုံဟောင်းကြီးဆီ ခေါ်သွားခဲ့ပေမဲ့... အဲဒီမှာ အိမ်ထက် နှစ်ဆပိုဆိုးတဲ့ သွေးပျက်စရာ နတ်ဆိုးတွေနဲ့ ထပ်မံရင်ဆိုင်ရမယ့် သရဲကားမကြိုက်သူတောင် စွဲမယ့် အင်ဒို Horror ကားကောင်းဖြစ်ပါတယ်ရှင်။

ဇာတ်ကားလင့် ကောမန့်မှာကြည့်ပါ။

◆ ━━━━━━━ ▣✦▣ ━━━━━━━━ ◆

ပြာပုံဘဝ သုညကနေ... ဂေါ်ဇီလာကြောင့် အနုတ်ကမ္ဘာဆိုက်သွားတဲ့ ဂျပန်ပြည်

ဂျပန်နဲ့ အမေရိကန်မှာတင် ရုံဝင်ငွေ ၇၅ သန်းကျော် အထိ စံချိန်တင် အောင်မြင်မှုရရှိထားတဲ့အပြင်၊ အော်စကာဆုပါ ဆွတ်ခူးနိုင်ခဲ့တဲ့ ဂန္ဓဝင် Monster ရုပ်ရှင်ကြီး။ဒုတိယကမ္ဘာစစ်အပြီး လေကြောင်းတိုက်ခိုက်မှုတွေကြောင့် ပြာပုံဘဝ ရောက်လုနီးပါး နာလံထူဖို့ ကြိုးစားနေရတဲ့ ဂျပန်နိုင်ငံ... စစ်ရှုံးလို့ အရာရာ "သုည (Zero)" ဘဝ ရောက်နေချိန်မှာမှ မဟာဖျက်ဆီးရေးနတ်ဆိုး ဂေါ်ဇီလာကြီးက မူလစတင်ရာ အိုဒိုကျွန်းကနေ တစ်ကျော့ပြန် ပေါ်ထွက်လာပြီး ထပ်မံတိုက်ခိုက်ပါတော့တယ်။ အဲဒီလို သုညဘဝကနေ အနုတ် (Minus One) အဆင့်အထိ ကပ်ဆိုးဆိုက်သွားရတဲ့ အခြေအနေကို အစွဲပြုပြီး Minus One လို့ အမည်ပေးထားတာပါ။စစ်ပြီးစ လက်နက်တွေ အကုန်အသိမ်းခံထားရလို့ ရှိစုမဲ့စု အင်အားလေးနဲ့သာ ရင်ဆိုင်ရချိန်... လေယာဉ်နောက်မြီးတောင်ပံလေး တပ်နိုင်တာကိုပဲ တအံ့တဩဖြစ်ရတဲ့ စက်ပြင်ဆရာတွေနဲ့ ခုန်ထွက်ခလုတ် (Ejection Seat) ဆိုတာ ဘာမှန်းမသိရှာတဲ့ ပိုင်းလော့တွေ စုပေါင်းပြီး မိခင်နိုင်ငံတော်ကြီးကို ကာကွယ်ဖို့ ဂေါ်ဇီလာကြီးကို ဘယ်လိုအသက်ပေး တိုက်ခိုက်ကြမလဲ...။ CGI စနစ်သုံးထားပေမဲ့ ကလေးဘဝက မြင်ခဲ့ရတဲ့ ဂန္ဓဝင်အရုပ်စတိုင်အတိုင်း ရိုးရာမပျက် ဖန်တီးထားလို့ ဂေါ်ဇီလာပရိသတ်တွေ အလွမ်းပြေ ရင်ခုန်တုန်လှုပ်စွာ ကြည့်ရှုရမယ့် လက်ရာမြောက် ရုပ်ရှင်ကားကြီး ဖြစ်ပါတယ်ရှင်။

ဇာတ်ကားလင့် ကောမန့်မှာကြည့်ပါ။

◆ ━━━━━━━ ▣✦▣ ━━━━━━━━ ◆

သမီးမျက်လုံး လင်းဖို့အရေး... သွေးဆာတဲ့တောနက်ကြီးထဲ အသက်ပေးလိုက်ရတဲ့ မိခင်

သမီးလေး "ဂန်ဒစ်" တစ်ယောက် မျက်လုံးအလင်းရောင် ပြန်ရဖို့အတွက်ဆိုရင် ဘယ်လိုအန္တရာယ်မျိုးကိုမဆို ရင်ဆိုင်ဖို့ အသင့်ရှိနေတဲ့ မိခင်ဖြစ်သူ "ဆီတာ"...။မျက်လုံးခွဲစိတ်စရိတ် အမြန်ရချင်တာကြောင့် ညဉ့်နက်သန်းခေါင် လူသူမကပ်ရဲတဲ့၊ လူစားတယ်လို့ နာမည်ကြီးတဲ့ "အလတ်စ်ရိုဘန်" တောနက်ကြီးကို ဈေးနှစ်ဆပေးပြီး အတင်းဖြတ်မောင်းခိုင်းခဲ့ပါတယ်။ ဒါပေမဲ့ ဆုတောင်းမပြည့်ခင်မှာပဲ ကျိန်စာသင့်တောအုပ်ကြီးရဲ့ အလယ်ခေါင်မှကားပျက်ပြီးသားအမိနှစ်ယောက်အမှောင်ထုထပိတ်မိသွားတဲ့အခါ...။တောစောင့်နတ်ဆိုးတွေနဲ့ အောက်လမ်းစုန်းကဝေတွေရဲ့ ရက်ရက်စက်စက် အမဲလိုက်ခြင်းကို ခံရမယ့် သားအမိနှစ်ယောက်... သမီးလေးရဲ့ အလင်းရောင်အတွက် မိခင်တစ်ယောက်ရဲ့ အသက်နဲ့လဲတဲ့ မေတ္တာတရားနဲ့အတူ အသည်းထိတ်စရာ ကောင်းလောက်အောင် တုန်လှုပ်ချောက်ချားရမယ့် အင်ဒိုနီးရှား Horror ကားကောင်းကြီး ဖြစ်ပါတယ်ရှင်။

ဇာတ်ကားလင့် ကောမန့်မှာကြည့်ပါ။

◆ ━━━━━━━ ▣✦▣ ━━━━━━━━ ◆

သမီးကို အုပ်စုဖွဲ့ မုဒိမ်းကျင့် သ-တ်သူတွေကို... တစစီပြန်သတ်မဲ့ မသန်စွမ်းဖခင်

မသန်စွမ်းတဲ့ ဖခင်ဖြစ်သူနဲ့ သမီးဖြစ်သူ "ဂျာရာ" တို့ သမီးလေး အထက်တန်းကျောင်းတက်ဖို့အတွက် ဆိုးလ်မြို့ကြီးကို အားကိုးတကြီးနဲ့ ပြောင်းရွှေ့လာခဲ့ကြပါတယ်။ဒါပေမဲ့ မြို့ကြီးပြကြီးရဲ့ အထက်တန်းကျောင်းမှာ ဆင်းရဲနွမ်းပါးတဲ့ ကျောင်းသူလေး "ဂျာရာ" တစ်ယောက် အာဏာရှိ သူဌေးသားသမီး ကျောင်းသားတွေရဲ့ မတရား နှိပ်စက်အနိုင်ကျင့်တာကို အလူးအလဲ ခံခဲ့ရတဲ့အခါ...။ အားကိုးစရာဆိုလို့ ခန္ဓာကိုယ် မသန်စွမ်းတဲ့ ဖခင်တစ်ယောက်ပဲရှိတဲ့ သမီးလေးတစ်ယောက် ဒီရက်စက်တဲ့ လောကကြီးကို ဘယ်လို မျက်ရည်စက်တွေနဲ့ ရင်ဆိုင်သွားမလဲ။တစ်ဖက်မှာလည်း သမီးလေး မတရားခံရတာကို မြင်တွေ့ရတဲ့အခါ... ခန္ဓာကိုယ်သာ မသန်စွမ်းပေမဲ့ သမီးအတွက်ဆိုရင်တော့ တောင်တစ်လုံးလို ကြံ့ကြံ့ခံပြီး အသက်နဲ့လဲကာ ကာကွယ်ပေးမယ့် ဖခင်တစ်ယောက်ရဲ့ ကြီးမြတ်တဲ့ သန်စွမ်းမှုကို ရင်နင့်အောင် ကြည့်ရှုရမယ့် စိတ်မကောင်းစရာ ကိုရီးယား Drama-Thriller ကားကောင်းကြီး ဖြစ်ပါတယ်ရှင်။

ဇာတ်ကားလင့် ကောမန့်မှာကြည့်ပါ။

◆ ━━━━━━━ ▣✦▣ ━━━━━━━━ ◆

မယားငယ် အဖြစ် အသိမ်းခံရမယ့် ဘဝကို... ဓားစာခံမလုပ်ဘဲ တော်လှန်မယ့် မင်းသမီး

၇ ရာစု အာရေးဗီးယားကျွန်းဆွယ်ကို အခြေခံထားပြီး မျိုးနွယ်စုတွေကြားမှာ အာဏာလုပွဲတွေ၊ သွေးချောင်းစီးစစ်ပွဲတွေ အမြဲဖြစ်ပွားနေတဲ့ သမိုင်းနောက်ခံ အက်ရှင်ဒရမ်မာ ဇာတ်ကားကြီး ဖြစ်ပါတယ်။အဲဒီခေတ်က အင်အားကြီးပြီး ရက်စက်ကြမ်းကြုတ်လှတဲ့ ဧကရာဇ် ကစ်စရာ (Kisra) ဟာ ရဲရင့်ပြတ်သားပြီး ဂုဏ်သိက္ခာကြီးမားတဲ့ မင်းသမီးလေး ဟင်ဒ် (Hind) ကို မယားငယ်အဖြစ် အတင်းအဓမ္မ သိမ်းပိုက်ဖို့ ကြိုးစားပါတော့တယ်။ဖိနှိပ်ချုပ်ချယ်မှုတွေ၊ စစ်မီးလျှံတွေကြားထဲမှာ ဧကရာဇ်ရဲ့ အာဏာစက်ကို မင်းသမီးလေး ဟင်ဒ်တစ်ယောက် ဘယ်လို ရဲရဲဝံ့ဝံ့ အံတုတော်လှန်သွားမလဲဆိုတာ သမိုင်းဝင်တိုက်ပွဲအလှည့်အပြောင်းတွေနဲ့အတူ စိတ်လှုပ်ရှားဖွယ် ကြည့်ရှုရမယ့် ကားကောင်းကြီး ဖြစ်ပါတယ်ရှင်။

ဇာတ်ကားလင့် ကောမန့်မှာကြည့်ပါ။

◆ ━━━━━━━ ▣✦▣ ━━━━━━━━ ◆

ရေထဲကနေ လူခေါ်တတ်တဲ့... အသေဆိုး သရဲမ

လူသူအပျောက်အများဆုံးနဲ့ ကာလာဟလတွေ ထူပြောလှတဲ့ ဆားလ်မို့ဂျီ ရေလှောင်ကန်ရဲ့ လမ်းမြင်ကွင်းမြေပုံ (Street View) မှာ ထူးဆန်းတဲ့ ကြက်သီးထဖွယ်ပုံရိပ်တစ်ခု ပေါ်လာပြီးနောက်... ရှေ့ကသွားရောက်ရိုက်ကူးတဲ့သူလည်း ထူးဆန်းစွာ ပျောက်ဆုံးသွားခဲ့ပါတယ်။ဒါကိုမှ အလုပ်တာဝန်အရ ဆားလ်မို့ဂျီ ရေလှောင်ကန်ဆီ မဖြစ်မနေ ထပ်မံသွားရောက် ရိုက်ကူးရမယ့် ပီဒီ ဟန်ဆူအင်းတို့ ရိုက်ကူးရေးအဖွဲ့တစ်စု...။ မှောင်မည်းနက်ရှိုင်းတဲ့ ရေအောက်ထဲကနေ လူကို ဖမ်းစားတတ်တဲ့ ကြောက်မက်ဖွယ် ရေသရဲရဲ့ ကျော့ကွင်းထဲ ခြေချမိသွားတဲ့အခါ... သူတို့အားလုံး ရိုက်ကူးရေးကို အောင်မြင်စွာ ပြီးဆုံးပြီး အသက်ရှင်လျက် ပြန်လည်လွတ်မြောက်လာနိုင်ပါ့မလားဆိုတာ ထိတ်လန့်တကြား ကြည့်ရှုရမယ့် Mystery-Horror ကားကောင်းကြီး ဖြစ်ပါတယ်ရှင်။

ဇာတ်ကားလင့် ကောမန့်မှာကြည့်ပါ။

◆ ━━━━━━━ ▣✦▣ ━━━━━━━━ ◆