MedNews mn

“МЭДРЭЛИЙН МЭС ЗАСЛЫН 7 ХОНОГ” ҮРГЭЛЖИЛЖ БАЙНА

Монгол Улсад мэдрэлийн мэс заслын алба үүсэж хөгжсөний 60 жилийн ойг тохиолдуулан Улсын Гуравдугаар Төв Эмнэлгээс “Мэдрэлийн мэс заслын 7 хоног” арга хэмжээг зохион байгуулж байна.

Энэ хугацаанд мэдрэлийн мэс заслын тусламж, үйлчилгээний үндсэн чиглэлүүдийн талаар эмч, мэргэжилтнүүд олон нийтэд мэдээлэл хүргэж, мэдрэлийн мэс заслын оношилгоо, эмчилгээний талаар зөвлөгөө, мэдээлэл өгөх юм.

Хөтөлбөрийн хүрээнд:

* 09 дүгээр сарын 28 – Тархины хавдрын мэс засал
* 09 дүгээр сарын 29 – Нейрофункциональ мэс засал
* 09 дүгээр сарын 30 – Хүүхдийн мэдрэлийн мэс засал
* 10 дугаар сарын 01 – Нуруу, нугасны мэс засал
* 10 дугаар сарын 02 – Тархины судасны мэс засал
* 10 дугаар сарын 05 – “Дэвшилтэт технологи – аюулгүй мэс заслын үндэс болох нь” сэдэвт өдөрлөг

Мөн 2026 оны 09 дүгээр сарын 28-наас 10 дугаар сарын 05-ныг хүртэл Улсын Гуравдугаар Төв Эмнэлгийн 1 дүгээр давхар, Амбулаторийн №241 тоотод нээлттэй үзлэг, оношилгоо зохион байгуулна.

Иргэд та бүхнийг “Мэдрэлийн мэс заслын 7 хоног” арга хэмжээнд хүрэлцэн ирж, мэдрэлийн мэс заслын тусламж, үйлчилгээний талаар мэргэжлийн эмч, мэргэжилтнүүдээс мэдээлэл, зөвлөгөө авахыг урьж байна.

Монгол Улсад хүүхдийн мэс заслын алба үүсэж, хөгжсөний 70 жилийн ой тохиож байна. Ойн хүрээнд “Эрүүл ирээдүйн төлөө” Хүүхэд, нярайн мэс заслын тусламжийг сайжруулах үндэсний форум зохион байгуулагдлаа.
Форумд Монгол Улсын Ерөнхий сайд Н.Учрал, Эрүүл мэндийн сайд Э.Батшугар , УИХ-ын гишүүн Т.Мөнхсайхан , МУ-ын Ерөнхийлөгчийн Эрүүл мэнд, нийгмийн бодлогын зөвлөх Б.Бадамцэцэг болон хүүхдийн мэс заслын салбарын үе үеийн эмч, эрдэмтэн судлаач, сувилагч, эмнэлгийн мэргэжилтнүүд оролцлоо.

УИХ-ын гишүүн Т.Мөнхсайхан:
Улс орны хөгжлийн үндсэн тулгуур багана бол эрүүл биетэй, саруул ухаантай хүүхдүүд билээ. Хүүхдийн мэс заслын алба өнгөрсөн жилүүдэд олон шат ахиж, тусламж үйлчилгээгээ олон улсын хэмжээнд хүргэж байна. Хүүхдийн мэс заслын албанд бие сэтгэл, хүч хөдөлмөрөө зориулан ажиллаж буй эмч, сувилагч, эмзүйч, асрагч, рентген техникч болон нийт эмнэлгийн ажилтнууддаа чин сэтгэлээсээ талархаж байна

Ерөнхий сайд Н.Учрал: Эрүүл мэндийн салбарын шинэчлэлийг бид хэдэн эмнэлэг барьж, хэдэн тоног төхөөрөмж авснаар бус хэдэн хүүхдийн өвчнийг эрт илрүүлж, амь насыг аварч чадсанаар нь хэмжинэ. Үрсэд амьдрал бэлэглэж, гэр бүлүүдэд итгэл нэмсэн Хүүхдийн мэс заслын албаныхандаа 70 жилийн ойн баярын мэнд хүргэе. Хүүхдийн мэс заслын албыг цаашид хөгжүүлэхэд Монгол Улсын Засгийн газар дэмжин ажиллах болно