Jaster Welfare Community

گلیات کے گاؤں جستر نملی میرا سے تعلق رکھنے والے سردار وحید احمد صاحب پی ایس ٹو ڈی جی ایف آئی اے (PS to DG FIA) کے اہم عہدے سے اپنی پیشہ ورانہ ذمہ داریوں کو نہایت کامیابی اور نیک نامی کے ساتھ مکمل کر کے سبکدوش ہو گئے ہیں۔
آپ نے نہ صرف FIA بلکہ NAB جیسے کلیدی اداروں میں بھی طویل عرصہ اپنی خدمات سرانجام دیں اور ہر جگہ فرض شناسی، دیانتداری اور انسانیت کی اعلیٰ مثالیں قائم کیں۔ وحید صاحب کا شمار ان افسران میں ہوتا ہے جو اپنی پیشہ ورانہ مہارت کے ساتھ ساتھ اپنی نفیس شخصیت، ملنسار رویے اور ہر چھوٹے بڑے سے عزت و احترام کے ساتھ پیش آنے کی وجہ سے پہچانے جاتے ہیں۔
دعا ہے کہ اللّٰہ پاک سردار وحید احمد صاحب کو صحت و تندرستی والی لمبی زندگی عطا فرمائے اور ان کی ریٹائرمنٹ کے بعد کا یہ سفر خوشیوں اور سکون سے بھرپور ہو۔ (آمین)

جستر ویلفیئر کمیونٹی

الحمدللہ جستر ویلفیئر کمیونٹی نے ڈونرز کے تعاون سے مفتی زوہیب ارشد صاحب کو یہ ذمہ داری سونپی ہے کہ وہ گورنمنٹ پرائمری اسکول جسترمیں روزانہ صبح کے وقت قراءت کا پیریڈ لیں گے، تاکہ طلباء و طالبات دنیوی تعلیم کے ساتھ ساتھ دینی تعلیم بھی حاصل کر سکیں۔

اسی کے ساتھ شام 3 سے 5 بجے تک جامع مسجدجستر میں بھی درس کا آغاز ہو چکا ہے۔
آپ تمام حضرات سے اپیل ہے کہ اپنے بچوں کو روزانہ کی بنیاد پر مسجد بھیجیں تاکہ وہ دینی تعلیم حاصل کر سکیں۔