Muhammad Tariq

تم مجھے گلے لگاؤ کہ مجھے آرام آئے، اِن وحشت زدہ خیالوں سے جو میرے ذہن میں مایوسی کے نوحے پھونک رہے ہیں۔

تم مجھے گلے لگاؤ کہ الجھنوں کا شکار میرا آوارہ جسم راحتوں کی مسافتوں کو محسوس کر سکے اور گامزن رہے محبت کی جانب۔

تم مجھے گلے لگاؤ کہ آسمان میں ہلچل ہو، بادلوں سے نور برسے، قوسِ قزح کے رنگ چھلکیں اور زمین معطر ہو جائے۔

اور تم مجھے گلے لگاؤ کہ مجھ میں بےجان پڑے ہوئے لفظوں میں جان آئے اور میں محبت کی نظمیں لکھوں۔۔۔ کہ محبت کی نظموں میں کمی آ رہی ہے۔ ♥️