Amna hair care

مافي غنى عن مرطب الشعر 👀💚

لكن لو مرطبك خلص أو ما متوفر عندك حالياً.. ممكن تعملي بخاخ موية مع كمية بسيطة من الجلسرين النباتي لحدي ما تجيبي المرطب.

رشي منو على الشعر لما تحسيهو بدأ ينشف وركزي أكتر على الأطراف.

بس انتبهي… الجلسرين ما نكبو بالبركة 😭😂
كمية بسيطة كفاية لأنو زيادتو ممكن تخلي الشعر لزج أو تزيد الهيشان حسب الجو وشعرك.

وبعدها ممكن تستخدمي شوية زيت أو كركار عشان يساعد يحافظ على الترطيب.

يعني حل مؤقت ينقذك من الجفاف… لحدي ما المرطب الأساسي يصل سمح 😭💚

ولو ما عندك مرطب ممكن تستخدمي مرطب آمنة للشعر 💚

مرطب مائي، مناسب لترطيب طول الشعر والأطراف، بيساعد على النعومة وتقليل الجفاف والتكسر ويخلي الشعر أسهل في التسريح

وطبعاااا لو عاوزة شعرك يبقى طوييييل ونااااااعم وصحي تابعي الصفحة 💃

يوم غسيل شعر بنتك بيكون ماااشي زي العسل… لحدي ما نصل مرحلة التسريح ⚠️
الشعر اتغسل ونضف، بنوتتنا مبسوطة، وإنتي مبسوطة…
أها جيبي المشط 😐
هنا تبدأ الأحداث🫠
تشابك، شد، و كل شوية ماما برااااحة😭
لو استخدمتي ماسك البامية حتسهلي عليك وعلى بنتك الحكاية دي كلها 😭💚

الشعر بكون مرطب وأنعم وأقل تشابك، والمشط بمشي فيهو أسهل و كل ما التسريح كان أسهل بنقلل فرصة إنو الشعر يتكسر أثناء التسريح.

و ماسك البامية ياماما بخلي الشعر انعم ومررطب وصحيي وبخلي ليك المرحلة دي تمر بسلام وامان 😂💚

وطبعاااا لو عاوزة شعرك يبقى طوييييل ونااااااعم وصحي اكييييييد تابعي الصفحة 💃👏🏼

لو مهتمة بشعرك، عندك حل من اتنين:
يا طاقية ستان… يا كيس مخدة ستان👀

لأنك ممكن تعملي روتين ترطيب مرتب، تسرحي شعرك وتنومي مبسوطة…

وبعد 8 ساعات من التقلب والاحتكاك بالمخدة ح يزيد الهيشان والتشابك والتكسر😐

وهنا بيجي دور بطلنا الستان💪💛

✨ بقلل الاحتكاك بين الشعر والمخدة أثناء النوم.
✨ بقلل التشابك والهيشان فالتسريح بكون أسهل.
✨ بساعد تحافظي على الكيرلز والتسريحة لفترة أطول.
✨ بقلل التكسر الناتج عن الاحتكاك وده مهم لو هدفك تحافظي على طول شعرك.
✨ بحافظ على ترطيب شعرك لفترة أطول، لأنو الستان ما بيمتص الرطوبة من الشعر بسهولة زي بعض الأقمشة.

لكن الستان ذاتو ما برطب الشعر ⚠️
يعني رطبي شعرك أول واعملي روتينك، وبعدها الستان يساعدك تحافظي عليهو أثناء النوم سمح؟

ولو ما بتحبي تنومي بـ طاقية الستان؟ خلي كيس المخدة ذاتو ستان وانتهينا🫠

ولو عاوزة شعرك يبقا طوييييل ونااااااعم وصحي اكييييييد تابعي الصفحة 💃😍

موية الرز بتطول الشعر فعلًا… ولا نحن صدقناها عشان الرز موجود في كل بيت؟

خلونا أول حاجة نعرف موية الرز فيها شنو أصلاً 👀

موية الرز فيها أحماض أمينية، فيتامينات ومعادن، ومادة اسمها الإينوزيتول.. (عارفاك ما قريتيها 😐) وعشان كدا اشتهرت شديد في روتينات الشعر.

طيب بتفيد شعرك في شنو؟👇🏽

🌾 بتساعد في تقليل التكسر والتقصف:
لأنها بتساعد في تقليل الاحتكاك بين الشعرات، وده مهم خصوصًا للشعر البتشابك وبتكسر أثناء التسريح.

🌾 بتساعد في النعومة واللمعان:
ممكن تخلي الشعر أنعم وأسهل في فك التشابك والتسريح.

🌾 بتساعدك تحافظي على طول شعرك:
لأن كل ما التكسر قل، بتخسري طول أقل من الأطراف.

لكن في حاجة مهمة جدا موية الرز ما بديل للترطيب⚠️
يعني لو شعرك ناشف، ما تعتمدي عليها وتنسي كريم الترطيب وروتينك المرطب.

وبرضو ما تكتري منها لمجرد إنها طبيعية 😭
لو لاحظتي إنو شعرك بقى خشن أو ناشف بعدها، وقفيها أو قللي استخدامها.. لأنو ما كل حاجة نفعت مع غيرك لازم تناسب شعرك😐

أها نجي للسؤال الأساسي 😂👇🏽
هل فعلاً بتطول الشعر وتسرع نموه من الجذور؟
دي أشهر حاجة اتقالت عن موية الرز، لكن لحد الآن الدليل العلمي ما كفاية عشان نقول إنها فعلاً بتسرع نمو الشعر.

يعني ح تستفيدي اكييييد منها للنعومة، تقليل التشابك والتكسر والمحافظة على الطول…

وطبعاااا لو عاوزة شعرك يبقى طوييييل ونااااااعم وصحي تابعي الصفحة 👏🏼😘

دايماً بتخسري من طول شعرك… لأنك مهتمة بالجذور وناسية الأطراف😭
الزيوت الطبيعية البتطلع من الفروة ما بتوصل للأطراف بسهولة، خصوصاً في الشعر الكيرلي والمجعد.
وفوق ده كلو، الأطراف هي أقدم جزء في الشعرة…
يعني أخدت نصيبها وزيادة من الغسيل والتسريح والحرارة والاحتكاك 😭
عشان كدا هي أسرع جزء ممكن ينشف ويتشابك ويتكسر لو ما اهتميتي بيهو.. و يخسرك الطول البطلع 🙂

وعشان كدا لما نقول ليكم ركزوا على ترطيب الأطراف، الموضوع ما دلع😐

بعد الغسيل، وزعي كريم الترطيب على طول الشعر وركزي أكتر على الأطراف.
وبين الغسلات راقبيها… لو بدأت تنشف، جددي ليها الترطيب بدل تنتظري لحدي ما تبقى ناشفة ومتشابكة و متقصفة.

وقللي الحاجات البتستهلكها زيادة زي الحرارة الكتيرة، الاحتكاك، التسريح العنيف، وتخليها مكشوفة طول الوقت.

لأنو ممكن شعرك يكون بيطول من الجذور كويس جداً… لكن الأطراف بتتكسر باستمرار.

وبعد شهور تقيسي شعرك وتقولي:
«أنا شعري ما بطول 😐»

وهو بطول والله😭😂
بس البطلع من فوق… إنتِ قاعدة تخسري جزء منو تحت.

لو هدفك الطول، ما تركزي بس على كيف أخلي شعري ينمو؟
ركزي كمان على: كيف أحافظ على الطول البطلع؟ سمح؟💚

ولو عاوزة شعرك يبقا طوييييل ونااااااعم وصحي تابعي الصفحة 👏🏼💛

طريقة عمل ماسك البامية في اي بيت⬇️

الطريقة دي قريبة من الفكرة البنعمل بيها ماسك البامية بتاعنا، لكن مبسطة جداً وبمكونات غالباً موجودة في أي بيت سوداني.

محتاجة بس:
🌱 بامية
💧 موية
🥣 حمام كريم

الطريقة:
اغسلي البامية وقطعيها قطع صغيرة، وحطيها في موية على النار.

أول ما تبدأ تغلي، اطفي النار.. خليها شوية لحدي ما تطلع المادة اللزجة، وبعدها صفيها كويس وخدي الجل👏🏼

ضيفي ليهو شوية حمام كريم واخلطي كويس.
وبس 😍🌱

دي أبسط طريقة ممكن تجربي بيها ماسك البامية في البيت، وبرضو ممكن تستفيدي منها في ترطيب الشعر وتسهيل فك التشابك.

طبعًا دي ما نفس التركيبة البنعملها نحن..
لأنو تركيبتنا فيها مكونات ونسب مختلفة، لكن لو عاوزة تجربي البامية في البيت بمكونات بسيطة، دي طريقة سهلة وممكنة💚

ومحبات كتيرة شديد❤️
ولو عاوزة شعرك يبقا طوييييل ونااااااعم وصحي تابعي الصفحة 💋 👏🏼

الفازلين لشعر الأطفال… ترطيب ممتاز ولا نحن بس اتعودنا عليهو؟ 👀

شعر بنوتتنا ناشف؟ فازلين..
عاوزين نسرحو؟ فازلين..
متشابك؟ زودي فازلين شوية 😭😂

بس يا أمهات… شعر الأطفال برضو محتاج ترطيب 😐

الفازلين ما بضيف موية للشعرة ولا بيرطبها من الصفر، هو بيساعد يقلل فقدان الرطوبة الموجودة أصلا..

يعني لو شعر بنتك ناشف، ما نغطي الجفاف بالفازلين ونقول كدا تمام 😭😂
الأهم يكون عندها ترطيب مناسب لشعرها، خصوصاً بعد الغسيل، وبعدها لو استخدمتي الفازلين يكون للمساعدة في الحفاظ على الترطيب.

لأنو شعر الأطفال ما محتاج فازلين وبس…
محتاج عناية وترطيب زي شعرنا برضو 👏🏼💚

و لو عاوزة شعرك يبقى طوييييل ونااااااعم وصحي اكييييد تابعي الصفحة👏🏼😍

شعرك ظبطناه… أها الحبوب الفي وشك دي نعمل معاها شنو؟😭
خصوصاً البنات البشرتهم دهنية وقصتهم مع الحبوب ما بتنتهي… حبة تمشي التانية تكون حاجزة دورها من بدري 😐
وعشان كدا الليلة عندنا ليكم توصية 💜
جـــودان عندهم منتجات للعناية بالبشرة الدهنية والمعرضة للحبوب، بروتين امن يساعد في تقليل الدهون الزائدة والحبوب والعناية بالآثار البتخليها وراها.

وبما إنكم وثقتوا في آمنة في شعركم 💚
نحن بنوصيكم بجودان لبشرتكم 💜

والأحلى عاملين مسابقة، والفائزة حتاخد روتين كامل من جودان مجاااان 💃🏽💜

تابعوا صفحتهم وشوفوا منتجاتهم وتفاصيل المسابقة ولو بشرتك دهنية والحبوب عاملة معاك إقامة دائمة 😭
اطلبي منهم روتينك و تعالي ورينا النتيجة😍

الشعر عند آمنة…
والبشرة خلوها على جودان💚💜

لو منتجات شعرك بقت أكتر من هدومك… وبرضو ما عندك روتين واضح 🫠

مرة ماسك شفتي واحدة بتشكرو…مرة زيت قالت ليك عليهو صاحبتك…
وعلبة في الدولاب إنتي ذاتك ناسية اشتريتيها ليه 😭

يا بنات العناية بالشعر ما بكترة المنتجات…
المهم كل منتج عندو شغل واضح في الروتين 👀💚

وعشان كدا روتين آمنة مرتب لينا الموضوع:
🌶️ ماسك الفلفل: للعناية بالفروة والجذور.

🌿 ماسك البامية: لترطيب وتليين الشعر وتقليل التشابك والتكسر المرتبط بالجفاف.

💚 الكريم المرطب: بعد الغسيل لترطيب الأطوال والأطراف.

✨ الكركار: بعد الترطيب عشان يساعد في الحفاظ على الرطوبة.

💧 زيت الجوجوبا: للنعومة واللمعان والعناية بالشعر.

🌱 الجلسرين النباتي: تقدري تعملي بيهو بخاخ بسيط لتجديد ترطيب الأطراف بين الغسلات.

يعني بدل كل أسبوع تسألي أجيب شنو تاني لشعري؟ 😭

ابدئي بالسؤال الأهم أنا عندي روتين أصلا ولا عندي مجموعة علب؟
منتجات آمنة موجودة قدامك في الصورة وأسعارها واضحة 💚

للطلب والاستفسار تواصلي معانا ⬇️
012 506 5160

بنات القضارف البفتشوا وصفة سحرية تطول شعرهم… تعالوا هنا 👀
الوصفة السحرية ما عندنا 😭
لأنو أصلًا مافي حاجة اسمها تعملي حاجة الليلة وتصحي الصباح شعرك زاد شبر😐

لكن عندنا الحاجة الأهم: روتين تعتني بيهو بشعرك وتستمري عليه 💚
والخبر الحلو إنو منتجات آمنة بقت عندكم هسي في القضارف 💃🏽💚

🌿 ماسك البامية للترطيب وتليين الشعر وتقليل التشابك والتكسر المرتبط بالجفاف.
🌶️ ماسك الفلفل للعناية بالفروة والجذور.
💚 كريم الترطيب للأطوال والأطراف، عشان الترطيب ما ينتهي أول ما تطلعي من الحمام
✨ دهن الكركار بعد الترطيب، يساعدك تحافظي على الرطوبة وما يفقدها الشعر بسرعة.

يعني من الفروة لحدي الأطراف، تقدري ترتبي روتينك من منتجات آمنة حسب احتياج شعرك 👏🏼💚

📍 ومتوفرة هسي في القضارف – عمارة الفرات، الطابق الأرضي
أول دكان على يدك اليمين – باريس غاليري.

بس في خبر صغير لازم نقولو ليكم من هسي 👀⚠️
متبقي من المنتجات كمية قلييييلة 😭

فالعاوزة تبدأ روتينها…
دي تحديداً ما فقرة خلاص بمشي بكرة🙃