Second chance

لو لسة ما جربتي الماسك دا، ممكن تكوني فايتة على نفسك واحد من أحلى أسرار العناية بالبشرة👀

الماسك دا مشهور وسط البنات لأنه بساعد في تحسين شكل البشرة وتقليل مظهر الآثار والبهتان والسواد حول الفم مع الاستمرار والعناية والترطيب.

ومكوناتو بسيطة وموجودة في أي بيت .

المكونات:
بن أو نسكافيه
لبن بودرة أو زبادي
جيلاتين ةلو ما متوفر ممكن صفار بيض

قومي جهزي المكونات وجربيها مرة أو مرتين في الأسبوع، ومع الاستمرار والعناية ح تلاحظي الفرق بنفسك.💗

الرؤوس السوداء مخلياكِ تفقدي ثقتك في بشرتك؟
أغلب البنات بفتكرن إن الحل لازم يكون منتج غالي أو روتين معقد، لكن الحقيقة إن المشكلة غالباً بتبدأ من المسام المسدودة والعناية غير المنتظمة.
لو بتعاني من الرؤوس السوداء، في وصفات طبيعية بسيطة ممكن تساعد ضمن روتين العناية:
الجيلاتين والحليب: بتتكون طبقة بتساعد على إزالة بعض الشوائب من سطح البشرة.
الليمون والسكر: تقشير لطيف بيساعد على التخلص من الجلد الميت المتراكم.
العسل والقرفة: من الخلطات المشهورة للعناية بالبشرة وتنظيفها.
لكن السر الحقيقي ما في الوصفة نفسها، السر في الاستمرار.
قبل أي وصفة، نظفي بشرتك كويس، اعملي بخار للوجه لبضع دقائق، وبعدها استخدمي الوصفة المناسبة ليك، وما تنسي الترطيب بعد الانتهاء.
كتير من البنات بيوقفن بعد أول مرة لأنهن ما شافن نتيجة فورية، لكن البشرة النضيفة والصافية هي نتيجة عناية مستمرة وعادات صحيحة يوم بعد يوم.
قولي لينا.. شنو أكتر حاجة مزعجاك في الرؤوس السوداء؟ كثرتها؟ ولا رجوعها بعد فترة؟ 👇🏻

مستغربة ليه بشرتك اسمرت فجأة؟ رغم إنك م غيرتي أي حاجة في روتينك؟

المشكلة ممكن ما تكون في بشرتك... المشكلة في الشمس!

في الجو دا وضربات الشمس الحاصلة دي، لو ما عندك روتين حماية يومي، طبيعي تلاحظي اسمرار، بهتان، جفاف، وحبوب كمان.

عشان كدا روتينك في الصيف مفروض يكون بسيط لكن أساسي:

- غسول مناسب لبشرتك صباحاً ومساءً.
- كريم ترطيب عشان يحافظ على حاجز البشرة.
- صن بلوك يومياً حتى لو ماشة مشوار قريب.
- سيروم فيتامين C يساعد على النضارة وتوحيد لون البشرة.
- تقشير لطيف مرة أو مرتين في الأسبوع للتخلص من الجلد الميت.
- شرب موية بكميات كافية.

كتير بصرفو قروش على منتجات كتيرة، لكن بنسو أهم خطوة وهي الحماية من الشمس.

اتذكري:
علاج الاسمرار أصعب من الوقاية منو.

قولي لينا في التعليقات:
شنو أكتر خطوة بتنسي تعمليها في روتينك اليومي؟

لو قلنا ليك في مكون طبيعي واحد ممكن يفرق في شكل بشرتك أكتر مما متخيلة؟

جل الصبار من أكتر المكونات البتحبها البشرة، ودا ما من فراغ.

بيرطب البشرة بعمق بدون ما يخليها دهنية، وبساعد على تهدئة الاحمرار والتهيج، وكمان بيدي إحساس بالانتعاش خاصة في الأيام الحارة.

ومن فوائده كمان إنو بساعد البشرة تظهر بشكل أنعم وأكتر نضارة وحيوية، عشان كدا بقى من المكونات الأساسية في روتين العناية عند كتير من البنات.

لو بشرتك محتاجة ترطيب، تهدئة، وإشراقة طبيعية، جل الصبار ممكن يكون من أفضل الإضافات لي روتينك.

قولي لينا، جربتي جل الصبار قبل كدا؟ وكيف كانت تجربتك؟

مستحيل تتوقعي إنو المكونات البسيطة دي ممكن تعمل سكراب وماسك في نفس الوقت!
الليلة حنعمل سكراب الكركدي الطبيعي.
المكونات: 1 ملعقة كركدي مطحون 1 ملعقة سكر 1 ملعقة عسل 1 ملعقة لبن بودرة 1 ملعقة صغيرة نشا شوية موية أو ماء ورد
الطريقة:
اطحني الكركدي كويس، بعد داك اخلطي مع السكر وضيفي باقي المكونات.
نزلي الموية بالتدريج لحدي ما يبقى القوام كريمي.
طريقة الاستخدام:
شيلي جزء من الخليط ودلكي بشرتك بلطف لمدة دقيقتين كسكراب، وبعدها ختي باقي الخليط كقناع لمدة 10 إلى 15 دقيقة.
الفوائد:
الكركدي بساعد على النضارة والإشراقة، السكر للتقشير، العسل للترطيب، اللبن البودرة للتنعيم، والنشا بساعد في توحيد مظهر البشرة.

تابعينا لمزيد من وصفات العناية بالبشرة الطبيعية♡

عارفة ليه أغلب وصفات العناية ما بتجيب نتيجة؟
لأنو السر ما في الوصفة ذاتها... السر في الاستمرار.
عشان كدا تابعي الوصفات والنصائح البنزلها باستمرار، ومع الوقت ح تلاحظي الفرق بنفسك.
واليوم ما عندنا وصفة سحرية ولا خلطات ...
عندنا أهم خطوة في العناية بالبشرة والجسم:
الترطيب.
اشربي كمية كافيه من الموية. رطبي بشرتك يومياً. ما تنسي جسمك محتاج عناية زي وشك بالضبط.
الحاجات البسيطة البنعملها كل يوم هي البتصنع الفرق الكبير بعد فترة.
ولو عايزة توصلي لبشرة صحية ونضرة بخطوات بسيطة وسهلة، تابعي الصفحه عشان ما يفوتك أي روتين أو وصفة بننزلها♡

عندك تصبغات، بهتان في البشرة، أو حبوب خفيفة… التونر ده ح يفرق في شكل بشرتك بشكل واضح.

وصفتنا لليوم

تونر المعجزة المنزلي للتصبغات والنضارة

المكونات وطريقة التحضير:

لبان ذكر منقوع ليلة كاملة
أول حاجة نغسله كويس
بعدين نضيف عليه موية سخنة ونغطيه ونخليه من الليل للصباح
الصباح نصفيه بعد ما يبرد
نضيف ليهو نشا أو مسحوق رز ونخلط لحدي ما يندمج تمام.

طريقة الاستخدام:

نستخدمه كتونر على بشرة نظيفة
وبعده مباشرة نرطب بأي مرطب مناسب للبشرة

بساعد على الترطيب العميق وبخلي البشرة أنعم

بساعد في تقليل الحبوب بفضل خصائصه المضادة للبكتيريا

بوحّد لون البشرة ويخفف التصبغات والبقع الداكنة
بدي البشرة نضارة وشكل صحي.

ضروري بعده نستخدم مرطب عشان نحافظ على ترطيب البشرة

تابعينا لوصفات أقوى للعناية بالبشرة♡