Waeed Aljbaee

اعتقد من لما اخترعوا مصطلح نكد وهرمونات البنات، بطّلت تتاخذ مشاعرهم وأحزانهم عمحمل الجد.

من لما اخترعوا مصطلح دراما كوين، صار الكل يفضّل الكتمان عن البوح، وكلنا بنعرف أضرار هالشي نفسيا.

من لما اخترعوا هالمصطلح و انتشر بطل حدا يقدر يعبر عن حاله بأريحية!

من لما صار المثقف مفزلك، بطل عنا رغبة حتى نتثقف، وصرنا نسعى للتفاهة كتميّز

مابعرف إذا هيك تفاصيل حدا ملاحظها متلي، أو هي فعلاً عم بتأثر.. لكن يلي شايفته إنه ترابط المجتمع والأحباب بين بعض كل ما زاله بانحدار..
تقريباً عم نتحول للروبوتات اللي بدنا نصنعها

▪︎تعبيرك عن مشاعرك وأفكارك وأحزانك جزء من إنسانيتك، ما تخلي حدا ينسّيك هالشي.
ونفسيا تعبيرك عنهم هو القوة وإخفائهم هو الضعف..
عطول ضلّك جنب اللي يقدّر هالشي، ويفهمه.💜☘