KhaingNiwin

"ချစ်ခြင်းမေတ္တာဆိုတာ Luxury ပါပဲ"

🔳 အခုခေတ်မှာ ချစ်ခြင်းမေတ္တာဆိုတာ လူတွေအတွက် Luxury တစ်ခုလို၊ ရှားပါးပစ္စည်းတစ်ခုလို ဖြစ်နေပါပြီ။ ဒါဟာ ဘာကြောင့်လဲ။

📌 ပထမဆုံး အချက်က Time ပါ။

လူတိုင်းလိုလို အချိန်မရှိကြတော့ပါဘူး။ အလုပ်တွေ များလွန်းတယ်။ ဝင်ငွေအတွက် ရုန်းကန်နေရတယ်။ မနက်စောစော ထွက်၊ ညနောက်ကျမှ ပြန်နဲ့ တော်တော်များများက ရုပ်ပိုင်းဆိုင်ရာ လိုအပ်ချက်တွေအတွက်တောင် အချိန်မလုံလောက်တော့ပါဘူး။

ကမ္ဘာကြီးဟာ လျင်မြန်စွာ ပြောင်းလဲနေပါတယ်။ နည်းပညာတွေ တိုးတက်လာတာနဲ့အမျှ စက်ယန္တရားတွေက လူတွေရဲ့ အလုပ်ချိန်ကို ပိုမိုများပြားလာစေပါတယ်။ World Economic Forum ရဲ့ အစီရင်ခံစာအရ အမေရိကန်နိုင်ငံမှာ တစ်ပတ်ကို ပျမ်းမျှ အလုပ်ချိန် ၄၇ နာရီကနေ ၅၅ နာရီအထိ တိုးလာတယ်လို့ ဆိုပါတယ်။

ဒီလို အလုပ်ချိန် များလာတာနဲ့အမျှ လူတွေမှာ တစ်ယောက်နဲ့တစ်ယောက် အပြန်အလှန် အချိန်ပေးဖို့ ခက်ခဲလာပါတယ်။ မိသားစုနဲ့အတူ စားပွဲဝိုင်းမှာ ထိုင်စားဖို့တောင် အချိန်မရှိတော့သလို၊ သူငယ်ချင်းတွေနဲ့ ဆုံဖို့၊ အိမ်နီးချင်းတွေနဲ့ စကားပြောဖို့ အချိန်တွေ မရှိတော့ပါဘူး။

ပြောရရင် အချိန်ဆိုတာ ချစ်ခြင်းမေတ္တာအတွက် Luxury တစ်ခုလို ဖြစ်လာပါပြီ။ အချိန်ပေးနိုင်တဲ့သူတွေပဲ ချစ်ခြင်းမေတ္တာဆိုတဲ့ Luxury ကို ခံစားနိုင်ကြတော့တယ်။

📌 ဒုတိယအချက်က Energy ပါ။

American Psychological Association ရဲ့ သုတေသနတစ်ခုအရ လူတွေရဲ့ နေ့စဉ်သုံး စွမ်းအင်ဟာ ၄၀% လောက်က အလုပ်နဲ့ ပတ်သက်တဲ့ စိတ်ဖိစီးမှုတွေအတွက် ကုန်ဆုံးသွားတယ်လို့ ဆိုပါတယ်။ ကျန်တဲ့ ၆၀% ထဲကမှ တစ်ဝက်လောက်က ရုပ်ပိုင်းဆိုင်ရာ လိုအပ်ချက်တွေအတွက် သုံးစွဲရပါတယ်။

ကိုယ်ချစ်တဲ့သူတွေ၊ ခင်တဲ့သူတွေနဲ့ တွေ့ဖို့အချိန်ရတော့မယ်ဆိုရင်တောင် လူတွေမှာ စွမ်းအင် ကုန်ခမ်းနေပါပြီ။

လက်ကျန် စွမ်းအင်နည်းနည်းလေးနဲ့ တစ်ယောက်ကို တစ်ယောက် နားလည်အောင် နားထောင်ပေးဖို့၊ စာနာထောက်ထားဖို့၊ မေတ္တာထားဖို့ဆိုတာ တော်တော်လေး ခက်ခဲလာပါပြီ။

ဒါ့အပြင် နည်းပညာတွေရဲ့ လွှမ်းမိုးမှုကြောင့် လူတွေရဲ့ စွမ်းအင်တွေဟာ ဆိုရှယ်မီဒီယာတွေပေါ်မှာ၊ ဂိမ်းတွေပေါ်မှာ၊ ဖုန်းသုံးတာတွေပေါ်မှာ အများကြီး ကုန်ဆုံးနေပါတယ်။ ဒီလိုနဲ့ အစစ်အမှန် ချစ်ခြင်းမေတ္တာ၊ စာနာမှု၊ နွေးထွေးမှုတွေအတွက် စွမ်းအင်တွေ မကျန်တော့ပါဘူး။

📌 တတိယအချက်က Priority ပါ။

လူတွေရဲ့ ဦးစားပေးမှုတွေက ပြောင်းလဲလာပါပြီ။ အိမ်၊ ကား၊ ရာထူး၊ စီးပွားရေး၊ ဂုဏ်ပုဒ် စတဲ့ ရုပ်ဝတ္ထုပိုင်းဆိုင်ရာတွေကို ပိုအလေးထားလာကြတယ်။

တစ်ယောက်နဲ့တစ်ယောက် အချိန်ပေးဖို့၊ နားလည်မှုတည်ဆောက်ဖို့၊ ယုံကြည်မှုတွေ တည်ဆောက်ဖို့က နောက်ဆုံးမှ စဉ်းစားရမယ့် အရာတွေ ဖြစ်လာပါပြီ။

ယခုလိုအချိန်ကာလမျိုးမှာ လူအများစုရဲ့ ဦးစားပေးတွေ ဘယ်လိုပြောင်းလဲလာသလဲဆိုတာကို သုံးသပ်ကြည့်ရရင်..

၁။ ငွေကြေး/စီးပွားရေး တည်ငြိမ်မှု
၂။ ကျန်းမာရေး
၃။ အလုပ်အကိုင် တည်မြဲမှု
၄။ မိသားစု ဘေးကင်းလုံခြုံရေး
၅။ လူမှုဆက်ဆံရေး

Stanford University က ထုတ်ပြန်တဲ့ Social Connection Index အရ လူတွေရဲ့ နံပါတ်တစ် ဦးစားပေးက ငွေကြေးဖြစ်ပြီး၊ လူမှုဆက်ဆံရေးက နံပါတ် ၅ နေရာမှာပဲ ရှိတယ်လို့ ဆိုပါတယ်။

ချစ်ခြင်းမေတ္တာ၊ ကြင်နာမှု၊ နားလည်မှု၊ ယုံကြည်မှုတွေဟာ နောက်တန်း ရောက်သွားပါပြီ။ Luxury တွေလို ဖြစ်သွားပါပြီ။

🔳 အဲဒီလိုအကြောင်းတွေကြောင့် ချစ်ခြင်းမေတ္တာဆိုတာ လွယ်လွယ်နဲ့မရတဲ့ Luxury တစ်ခုပါ။ ဒီ Luxury က တော်တော်လေး ထူးခြားပါတယ်။ ငွေရှိတိုင်းလည်း ဝယ်လို့မရဘူး။ အချိန်ပေးမှ ရပါတယ်။ စွမ်းအင်သုံးမှ ရပါတယ်။ ဦးစားပေးမှ ရပါတယ်။

ချစ်ခြင်းမေတ္တာတစ်ခုကို တည်မြဲဖို့အတွက် အင်မတန်အားစိုက်ထုတ်ရတဲ့အတွက် တန်ဖိုးရှိတဲ့အရာ၊ ရှားပါးတဲ့အရာလို့ ဆိုရမှာပါ။ လွယ်လွယ်ရမနေဘူး။ ပေါများမနေဘူး။ တန်ဖိုးမဲ့မနေဘူး။

တစ်ချိန်တည်းမှာပဲ ဒီ Luxury က တခြား Luxury တွေနဲ့ မတူတာက လူတွေကို တကယ်ပျော်ရွှင်စေတယ်။ စိတ်ချမ်းသာစေတယ်။ ဘဝကို အဓိပ္ပါယ်ရှိစေတယ်။ ခွန်အားတွေ ရှိစေတယ်။

ဒါကြောင့် တစ်ယောက်နဲ့ တစ်ယောက် အချိန်ပေးကြပါ။ နားထောင်ပေးကြပါ။ နားလည်ပေးကြပါ။ အာရုံစိုက်ပေးကြပါ။ တန်ဖိုးထားကြပါ။ ဘာလို့လဲဆိုတော့ လူသားအားလုံးဟာ ချစ်ခြင်းမေတ္တာဆိုတဲ့ Luxury ကို မဖြစ်မနေ လိုအပ်နေကြလို့ပါပဲ။

#ဉာဏ

January 6, 2025

ဆရာမဉာဏ၏စာအုပ်များကို City Mart စင်တာများနဲ့ အမြို့မြို့အနယ်နယ် စာအုပ်ဆိုင်များမှာ ဝယ်ယူရရှိနိုင်ပါတယ်။ Online က မှာယူလိုပါလျှင် Page Messenger ကနေ လာရောက်မှာယူနိုင်ပါတယ်။

ကျွန်မတို့​တွေဘယ်လို ရှင်သန်မှုမျိုးနဲ့ပဲ
ဖြတ်သန်းခဲ့ပါစေနောက်ဆုံးမှာတော့
လူတိုင်းဟာ အချိန်တစ်ခုဆီ

တိတ်တဆိတ် ရောက်သွားကြရတာပဲ ။

အချိန်ရဲ့ အဆုံးတစ်နေရာကိုရောက်တဲ့အခါ
လူတိုင်းဟာ လက်ဗလာနဲ့ပဲ
ထွက်ခွာသွားကြရတယ်။

ဘယ်လို ကောင်းမွန်စွာ ရှင်သန်ခဲ့သလဲ၊
ဘယ်လောက် စိတ်အေးချမ်းမှုနဲ့
နေထိုင်ခဲ့သလဲဆိုတာက ဘဝအတွက်
အရေးကြီးဆုံးပါ။

လူ့ဘဝမှာ ရင်ဆိုင်ရ အခက်ဆုံးက...
စကားတွေ ဆက်မပြော‌ဖြစ်တော့ဘဲ တစ်ဖြည်းဖြည်း ဝေးကွာသွားကြတာမျိုးပါ။

အရင်က အရမ်းခင်ခဲ့တဲ့သူတွေ၊ အခုတော့ သူစိမ်းတွေလို ဖြစ်သွားတာဟာ ဝမ်းနည်းဖို့ကောင်းပေမဲ့ ဒါဟာ ရှောင်လွှဲလို့မရတဲ့ အမှန်တရားပါ။

ရထားတစ်စင်းတည်း အတူစီးလာပေမဲ့ ဆင်းရမယ့် ဘူတာချင်း မတူကြတော့တာပေါ့။

တစ်ကယ်တော့ ဒီခရီးလမ်းက ဝေးကွားမှုတွေမှာ ဘယ်သူ့မှာမှ အပြစ်မရှိပါဘူး။ လူတိုင်းက ကိုယ့်ခရီးနဲ့ကိုယ်၊ ကိုယ့်ဝန်ထုတ်ဝန်ပိုးနဲ့ကိုယ် ရှေ့ဆက်နေကြရင်း... အသံတိတ် နှုတ်ဆက်မိသွားကြတာပါ။

တစ်ယောက်ကိုတစ်ယောက် မေ့ပစ်လိုက်ကြတာမဟုတ်ဘဲ သတိရဖို့အတွက် အကြောင်းပြချက် မရှိတော့တာမျိုး၊ရန်ဖြစ်ပြီး ဝေးသွားတာမျိုး မဟုတ်ဘဲ "နေသားတကျ" နဲ့ ဝေးသွားကြတာမျိုးပေါ့။

ဒါကြောင့် "လူဆိုတာ... လာတုန်းကလည်း တစ်ယောက်တည်း၊ သွားတော့လည်း တစ်ယောက်တည်း" လို့ပြောကြတာပေါ့။

ခဏတာ ဆုံဆည်းခွင့်ရတဲ့ ခရီးဖော်တွေအပေါ် တွယ်တာခဲ့မိသမျှ...
အဆုံးမှာတော့ အနိစ္စသဘောအတိုင်း လက်လွှတ်ရတာ..

ရန်ဖြစ်တာလည်းမဟုတ်၊စိတ်ဆိုးတာလည်းမဟုတ်ဘဲ နေသားတကျနဲ့ ဝေးသွားကြတာ..

ဒါဟာလည်း
ကိုယ်မဖန်တီးတဲ့...ဘဝရဲ့ မမြဲခြင်းတရားတစ်ခုပဲမဟုတ်လား။
စာသားလေးသဘောကျလို့ပြန်လည်မျှဝေ
(5.6.26)

အသက်ကြီးလေ...
စိတ်လှလေ ဖြစ်စေဖို့

အသက်အရွယ်ရလာတဲ့အခါ ပြင်ပအလှတရားကို ထိန်းသိမ်းဖို့ထက်... အတွင်းစိတ်လေး ငြိမ်းအေးနေဖို့က ပိုပြီး ဆွဲဆောင်မှုရှိလှပါတယ်။
အသက်ကြီးလေလေ၊ ပိုပြီး ကြည့်ကောင်းတဲ့ ရင့်ကျက်အလှကို ပိုင်ဆိုင်နိုင်ဖို့ဆိုရင်

(၁)အာဃာတတွေကို ရှင်းထုတ်ပါ ။
အတိတ်က နာကျင်စရာတွေကို တနုံ့နုံ့တွေးပြီး စိတ်အဆိပ်သင့်မခံပါနဲ့တော့။ ခွင့်လွှတ်လိုက်ခြင်းက ကိုယ့်မျက်နှာလေးကို ပိုပြီး အေးချမ်းစေပါတယ်။

(၂)မျှော်လင့်ချက်တွေကို လျှော့ချပါ။
“ငါကတော့ ဘယ်လိုကောင်းခဲ့တာ..." ဆိုတဲ့ တောင်းဆိုချက်တွေ နည်းလေလေ၊ စိတ်ဆင်းရဲရတာ နည်းလေလေပါပဲ။ ကိုယ့်ကိုယ်ကိုယ်ပဲ အမှီပြုပြီး ပျော်အောင်နေပါ။

(၃)ဝေဖန်မှုတွေကို ဝေးဝေးရှောင်ပါ ။
ဘေးလူတွေရဲ့ ကိစ္စ၊ အတင်းအဖျင်းတွေထဲမှာ စွမ်းအင်တွေ ကုန်ခမ်းမခံပါနဲ့။ သူတစ်ပါးအပြစ်ကို လိုက်ရှာမယ့်အစား ကိုယ့်စိတ်အိမ်လေး သန့်ရှင်းဖို့ပဲ အာရုံစိုက်ပါ။

(၄)ရောင့်ရဲခြင်းကို မွေးမြူပါ ။
မနက်ခင်း ကော်ဖီတစ်ခွက်၊ အေးချမ်းတဲ့ လေပြေလေးတစ်ခု စတဲ့ သေးငယ်တဲ့အရာလေးတွေအပေါ် ကျေးဇူးတင်တတ်ပါစေ။ တင်းတိမ်တတ်သူရဲ့ အလှဟာ ဘယ်တော့မှ မရိုးအီသွားပါဘူး။

ရင့်ကျက်တဲ့ အလှတရားဆိုတာ... ရုပ်ပိုင်းဆိုင်ရာ ပြောင်းလဲမှုတွေကို သဘာဝအတိုင်း လက်ခံနိုင်ပြီး၊ အတွင်းစိတ်ကိုတော့ ပိုပြီး သန့်ရှင်း၊ ပေါ့ပါး၊ အေးချမ်းအောင် ထားနိုင်ခြင်းပဲ ဖြစ်ပါတယ်။
ပြင်ပအလှတွေထက်... ပိုပြီး တည်ငြိမ်ပြီး ဆွဲဆောင်မှုရှိတဲ့ အတွင်းစိတ်အလှကိုပဲ သတိလေးနဲ့ ပျိုးထောင်သွားလိုက်ပါ။


#အချိန်ရဲ့တန်ဖိုး #ပြန်လည်မျှ

အသက်အရွယ်ကြီးလာတာနဲ့အမျှ အကျင့်စရိုက်က ပိုရိုးရှင်းလာတယ်၊

စိတ်ငြိမ်တာကို ပိုကြိုက်လာတယ်ဆိုတာကိုတော့ ဝန်ခံပါတယ်။ မဆက်သွယ်တာ ကြာပြီဖြစ်တဲ့ လူတွေကိုလည်း မဆက်သွယ်ဖြစ်တော့ဘူး။ သူသူငါငါ ငါငါ ပင်ပန်းနေကြ၊ဘဝကို ဖြတ်သန်းနေကြတော့ ဆက်စပ်ဆက်ဆံမှုလည်း မရှိတော့ဘူး။ အရင်က ကိုယ်နဲ့ ခင်မင်ပြီးအခုကျမှ ဘာလို့စိမ်းသွားတာလဲ အခုမှ ဆိုပြီးလိုက်မတွေးတော့ဘူး။ အရင်က စကားတွေအများကြီး ပြောခဲ့ပြီး ရုတ်တရက် ဘာလို့ စကားမပြောရတာလဲဆိုပြီး လိုက်မခံစားတော့ဘူး ။ တခြားသူကို နားလည်ဖို့ မကြိုးစားမိတော့သလို နားလည်ခံရဖို့ကိုလည်း မမျှော်လင့်တော့ဘူး။ မကြိုက်မနှစ်သက်တဲ့ လူ၊ ကိစ္စရပ်တွေနဲ့ ကြုံလာတဲ့အခါ စကားအပိုတွေ ပြောရမှာ ဝန်လေးလာတော့တယ်။ အတွေးရဲ့ ဆိတ်ငြိမ်ရာ၊စိတ်ရဲ့ ငြိမ်းချမ်းရာ၊ ခန္ဓာကိုယ်ရဲ့ ကျန်းမာရာကိုပဲ ရှာချင်နေခဲ့တော့တယ်။

ကိုယ့်တန်ဖိုး ကိုယ်သိလာတဲ့အချိန်မှာ တန်ဖိုးမရှိဘူးလို့ ထင်ရတဲ့ အရာတွေ လူတွေကို စွန့်လွှတ်တတ်လာတယ်။

#မေတ္တာဖြင့်