Mine's Twinkle - Poe

ထိုင်းနိုင်ငံ ဘန်ကောက်မှာ ပြစ်မှုကင်းရှင်းကြောင်းရဲစခန်းထောက်ခံစာဘယ်လိုထုတ်ကြမလဲ

ပေါ်မလာတော်တော်ကြာပြီးတဲ့နောက် ဘန်ကောက်မှာ ရဲစခန်းထောက်ခံစာ ဘယ်လိုသွားထုတ်လို့ရလဲဆိုတာလေး လိုတဲ့သူတွေအတွက် အကူအညီနဖြစ်စေဖို့ share ပေးချင်လို့ 📝
နေရာကို comment မှာ location ချပေးထားပါတယ် BTS နဲ့သွားချင်တဲ့သူများ အစိမ်းလိုင်း Siam မှာဆင်းပြီး Siam center (Siam Paragon မျက်နှာချင်းဆိုင်) ဘက်က exit မှာဆင်းပြီး ၁၀မိနစ်လောက်လမ်းလျှောက်လို့ရမယ်
Criminal Record Division က Building 6 မှာရှိတယ် gate 6 ကဝင်ရတယ်

အထဲမှာလုပ်ရမယ့်အဆင့် ၅ ဆင့်ရှိပါတယ် ကောင်တာတွေမှာ နံပါတ် 1, 2, 3 စသဖြင့်တပ်ထားလို့ ဘယ်ပြီးဘယ်သွားရမယ် သိရလွယ်ပါလိမ့်မယ် မသေချာရင်လဲ ပိုး တွေ့ခဲ့သမျှဝန်ထမ်းတွေကတော့ အကုန်ဖော်ရွေကြလို့ ဒါပြီးရင် ငါဘာဆက်လုပ်ရမလဲ မေးရင် ဖြေပေးကြပါလိမ့်မယ်

ယူသွားရမှာတွေက
- Passport မူရင်း၊
- passport ရှေ့စာမျက်နှာ (bio page) ကော်ပီ ၁စောင်နဲ့
- တခြားဆိုင်ရာ အလုပ် သို့မဟုတ် ကျောင်းက ထောက်ခံစာ

လုပ်ရမှာတွေက
1. ရုံးထဲဝင်ဝင်ချင်း ညာဘက်မှာ နံပါတ် 1 Information Document Check ဆိုတဲ့ကောင်တာရှိတယ် အဲ့မှာတန်းစီ အပေါ်မှာပြောထားတဲ့ “ယူသွားရမှာတွေ” ကိုယ့်အလှည့်ကျပြ။ သူတို့စစ်ပြီးရင် စာရွက်တွေ တွဲပြီးပြန်ပေးလိမ့်မယ်
2. နောက် ကောင်တာ 2 မှာ ၁ကရတဲ့စာရွက်တင်ပြီး နာမည်ခေါ်တာစောင့်နေပါ၊ အလှည့်ကျရင် ကိုယ့်ရဲ့အချက်အလက်တွေဖြည့်ရတဲ့စာရွက်ထုတ်ပေးပါလိမ့်မယ် အဲ့စာရွက်မှာပါတဲ့ ကိုယ့်ရဲ့နာမည်နဲ့ passport နံပါတ်ကိုစစ် မှန်တယ်ဆိုရင် အဖေအမေနဲ့ အိမ်ထောင်ရှိရင် အိမ်ထောင်ဖက် နာမည်တွေဖြည့်၊ လက်မှတ်ထိုး၊ ရရင် ကိုယ်တိုင်လာထုတ်မှာလား သူတို့ပို့ပေးရမှာလားစသဖြင့်မေးထားတာမှာ အမှန်ခြစ်လေးခြစ်ပေး
3. နောက် ကောင်တာ 3 မှာ စောနကစာရွက်တွေအကုန်ပြ ဘတ် ၁၀၀ တောင်းလိမ့်မယ် ပြီးရင် အပြာရောင် receipt လေးထုတ်ပေးလိမ့်မယ် သိမ်းထားပါ
4. နောက် ကောင်တာ 4 မှာက နောက်တစ်ဆင့် 5 လို့ရေးထားတဲ့အခန်းထဲဝင်ဖို့ Q ယူရတာ immigration ရုံးတွေမှာလိုပဲ ဘယ်နံပါတ်က ဘယ်ထိုင်ခုံနံပါတ်ကိုသွားဆိုတာမျိုး board လေးမှာပြလိမ့်မယ် (ဥပမာ 601, table 2)
5. အလှည့်ကျရင် သွားရမယ့် ခုံအမှတ်ကိုသွား officer (ရဲအရာရှိ) တွေက တစ်ယောက်ထိုင်စားပွဲလေးတွေနဲ့ထိုင်နေတာ ကိုယ်က ဘေးမှာရပ်ရတယ်။ hand sanitizer နဲ့လက်ဆေးခိုင်းလိမ့်မယ် လက်ဗွေနှိပ်ဖို့။ ပြီးရင် ကောင်တာ ၂မှာကိုယ်ဖြည့်ထားတဲ့စာရွက်ထဲက အဖေအမေနာမည်နဲ့ ကိုယ့်အချက်အလက်တွေကို သူတို့ system ထဲရိုက်ထည့်လိမ့်မယ် ပြီးရင် စာလုံးပေါင်းစစ်ခိုင်းတယ် (လက်ရေးမသဲကွဲရင်ပေါ့) သူတို့မှားရိုက်မိမစိုးလို့။ နောက် ဘယ်ညာ လက်လေးချောင်း၊ ဘယ်ညာ လက်မနဲ့ ဘယ်ညာ လက်၁၀ချောင်းတစ်ချောင်းချင်းစီကို ကိုယ့်လက်ကိုသူတို့ကိုင်ပြီး လက်ဗွေတွေသေချာယူလိမ့်မယ်
6. နောက်ဆုံးအဆင့်က 8 ဆိုတဲ့ကောင်တာမှာ ကောင်တာ 5 ကရလာတဲ့ စာရွက်တွေပေးလိုက်ရင် ထောက်ခံစာထုတ်ရမယ့်နေ့စွဲပါတဲ့ appointment စာရွက်လေးရယ် စောနက ဘတ်၁၀၀ပေးထားကြောင်း အပြာရောင်ပြေစာရယ် ပေါင်း၂ရွက် ပြန်ပေးလိမ့်မယ်
ဒါဆို အဲ့နေ့မှာပြန်သွားထုတ်လို့ရပါပြီ ခုသွားခုထုတ်မရလို့ ဒီပြစ်မှုကင်းရှင်းကြောင်းထောက်ခံစာယူမယ်ဆို ကိုယ်လိုမယ့်အချိန်နဲ့ညှိပြီး ကြိုသွားယူဖို့ အကြံပေးပါတယ်နော် ပြီးတော့သူက ၃နာရီဆိုပိတ်ပါတယ်တဲ့

ဘယ်လိုသွားရကြောင်း ပုံတွေမှာတော့တတ်နိုင်သလောက်လမ်းညွှန်ပေးထားပါတယ် အထဲမှာတော့ မရိုက်ရဲလို့ပုံမရိုက်ခဲ့ဘူးရှင့် တော်ကြာ သွားရှင်းတာကို ပိုရှုပ်သွားမစိုးလို့ 🤭

ကိုယ့်အတွေ့အကြုံပေါ်မူတည်ပြီးပဲရေးထားတာမို့ သိချင်တာရှိလို့ အောက်က်မှာ comment နဲ့မေးထားရင် လိုင်းတက်တဲ့အချိန်ကျ သိသလောက်ထပ်ဖြေပေးပါ့မယ်😉

📣🚨ရက် ၉၀ အကြောင်းကြား (90 days report) တင်တဲ့နေရာပြောင်းသွားတာသိပြီးကြပြီလား
Government Complex မှာအရင်က visa ကိစ္စနဲ့ ရက် ၉၀ တုံးက တစ်ထပ်တည်း တစ်ခန်းထဲမှာပါ
ခု 14 ရက် July 2025 ကစပြီး နေရာသစ်ကိုရွှေ့သွားပါပြီ
Government Complex မှာပါပဲ အရင်နေရာရဲ့ နောက်တစ်ထပ်မှာပါ အရင်နေရာက ဝင်ပေါက်ကဝင်ဝင်ခြင်းအလွှာ (2nd floor) မှာပါ ခုပြောင်းသွားတာက အဲ့ရဲ့နောက်အပေါ်ထပ် (3rd floor) မှာပါ
ရှာရလွယ်အောင် ပုံလေးတွေမှာသေချာလေးလမ်းညွှန်ထားပါတယ် အဆင်ပြေကြပါစေရှင်

awwww 🥺

မြန်မာပြည်ကို ရောက်နေတဲ့ ဗီယက်နမ်ကယ်ဆယ်ရေးအဖွဲ့ စျေးဝယ်နေချိန်မှာ အန်တီကြီးတစ်ဦးက ကယ်ဆယ်ရေးအဖွဲ့ ဝယ်ယူနေတဲ့ အသီးအနှံ့တွေအတွက် ပိုက်ဆံဝင်ရှင်းပေးဖို့ ကြိုးစားခဲ့ပြီး တတ်နိုင်သလောက် ကျေးဇူးဆပ်ချင်လို့ပါလို့ မျက်ရည်တွေကြားက မေတ္တာရပ်ခံခဲ့ပါတယ်။

ဗီယက်နမ်အဖွဲ့ရဲ့ တာဝန်ရှိသူက အန်တီကြီးရဲ့ အပြုအမှုအတွက် စိတ်ထိခိုက်သွားဟန်ရှိကာ အသိအမှတ်ပြုကြောင်းနဲ့ အဲ့လို ပိုက်ဆံဝင်ရှင်းပေးတာကိုတော့ လက်မခံဘဲ ဗီယက်နမ်အစိုးရက ဒီခရီးစဉ်အတွက် အလုံအလောက် ထောက်ပံ့ပေးထားပါတယ်ဆိုကာ သူတို့အတွက်နဲ့ ဝန်ထုတ်ဝန်ပိုးမဖြစ်ပါနဲ့ဆိုကာ ငြင်းဆန်ခဲ့ပါတယ်။

နောက်ဆုံးမှာ ဗီယက်နမ်တာဝန်ရှိသူက "ဗီယက်နမ် - မြန်မာ ငါတို့က မိသားစု၊ ငါတို့က အကောင်းဆုံး သူငယ်ချင်းတွေ " လို့ အန်တီကြီးကို နှစ်သိမ့်ခဲ့ပြီး ဒီဖြစ်ရပ်ဟာ ဗီယက်နမ်မီဒီယာတွေမှာ အတော်လေး ပျံ့နှံ့နေကာ မြန်မာပြည် ငလျင်ဘေးကနေ အမြန်ဆုံး ရုန်းထနိုင်ဖို့ ဆုတောင်းပေးနေကြပါတယ်။

#မြန်မာ #ဗီယက်နမ် #ငလျင်

Bangkok မြို့တွင်းနေ အမျိုးတို့ရေ လောလောဆယ်အတွက် ငလျင်ကြောင့် တိုက်အက်တာတွေ အိမ်ရှင်/ကွန်ဒိုကဂရုမစိုက်ရင်ရယ် နောက်ပြီးလမ်းပျက်စီးတာ၊ ဓာတ်အားပြတ်တောက်တာ၊ အမှိုက်ကိစ္စဘာညာကအစ အဆင်မပြေတာရှိရင်
၁. ပထမပုံက QR ကို scan ပြီး
၂. ဒုတိယပုံကပေါ်လာတဲ့ Description မှာ ဘာဖြစ်လဲရေး
၃. kindly attach image ဆိုတဲ့နေရာမှာ ပုံတွဲပြီးသာ
၄. Submit ကိုနှိပ် ပို့လိုက်တော့
ဘယ်ကပို့လိုက်တာလဲဆိုတာ နေရာအတိအကျနဲ့ ဘန်ကောက်မြို့တော်အုပ်ချုပ်ရေး Bangkok Metropolitan Administration (BMA) ကို တိုက်ရိုက်ရောက်သွားလိမ့်မယ်နော်

ဘန်ကောက်မြို့တွင်းနေထိုင်သူ နိုင်ငံခြားသားတွေအတွက် နေပျော်စရာမြို့တော်ဖြစ်အောင် Traffy Fondue ကို English version ထပ်ထုတ်လိုက်တာပါတဲ့