Tha zin oo

" ရှင်သန်ရင်းနဲ့ သန်မာလာရတယ် " ဆိုတဲ့စကားမှာ အင်အားရစရာတွေ အများကြီးပါရှိနေပါတယ် ။ ဒီစကားစုလေးမှာ ကိုယ့်ရဲ့ ဘဝခရီးလမ်းမှာဖြတ်သန်း ကျော်ဖြတ်နိုင်ခဲ့ပြီးမှ ရရှိလာတဲ့ အောင်မြင်မှုတွေ ၊ ရှုံးနိမ့်မှုတွေ၊ နာကျင်မှုတွေမှာ တစ်ယောက်တည်း ဘယ်လိုတောင် တောင့်ခံနိုင်ခဲ့သလဲဆိုတာတွေ ပါဝင်နေတတ်ပါတယ်။

ဒီခရီးတစ်လျှောက်ကို လာရာလမ်းတွေမှာ ဖြတ်လမ်းမရှိသလို ဘေးလူရဲ့ အကူညီထက် ကိုယ်ကိုယ်တိုင် အများကြီးကြိုးစားအားထုတ်ခဲ့ရတာပိုများပါလိမ့်မယ်။ ဘေးလူတွေထက် ကိုယ်ကိုယ်တိုင်ကသာလျှင် ပြဿာနာတွေကို ဖြေရှင်းပြေလည်စေနိုင်တဲ့ တစ်ခုတည်းသော သော့ချက်ဖြစ်တာကိုလဲ တွေ့ရပါလိမ့်မယ်။

ခလုတ်တိုက်လိုက် လဲကျလိုက် ၊ ပြဿနာပေါင်းများစွာကြုံရလိုက်နဲ့ ခြေကုန်လက်ပန်းကျပြီး ဘေးကပ်ထိုင်နေရင်းနဲ့မှ ကိုယ်ကသာ ပြိုလဲနေပေမယ့် ကျန်တဲ့သူတွေကတော့ သူ့ခရီးသူဆက်သွားနေတာကို ကွက်ကွက်ကွင်းကွင်း တွေ့ရပါလိမ့်မယ်။

အားတင်းပြန်ရပ်ပြီး လမ်းပေါ်တက် ဆက်လျှောက်တဲ့အခါမှ ဘေးနားက ခရီးဖေါ်တွေနဲ့ ထပ်မံဆုံတွေ့ရပါလိမ့်မယ်။ စကားစမြည်လေးပြော လမ်းသွားရင်းအပျင်းပြေဖို့ သက်သက်နဲ့ ကိုယ့်ဘေးနားရောက်လာကြသူတွေ ရှိတာကို တွေ့ရလိမ့်မယ်။

ကိုယ်မောလာရင် ဘေးမှာ ကူစောင့်ရင်း ဆက်သွားမယ့်သူရှိသလို ကိုယ့်ကို ချန်ရစ်ပြီး ရှေ့ဆက်သွားမယ်သူဆိုတာလဲ ကြုံလာရမှာပါပဲ ။ ကိုယ်လဲကျသွားလို့ ဆွဲထူပေးမယ့်သူရှိသလို ၊ ကျော်ခွသွားပြီး သူ့လမ်းသူဆက်သွားတဲဲ့သူလည်း ရှိဦးမှာပါပဲ ။

ဒါပေမဲ့ ကိုယ်ပြန်ပြီး ထရပ်လိုက်နိုင်လိုက်တဲ့ အချိန်တိုင်းက ကိုယ့်အတွက် သန်မာမှုကိုအဆင့်မြှင့်တင်ပေးလိုက်သလိုပါပဲ ။ ဘယ်သူကမှ ကိုယ့်အစား နာကျင်မှုကို ဝင်ခံပေးမှာ မဟုတ်သလို၊ ဘယ်သူကမှ ကိုယ့်နဲ့ တစ်လမ်းတည်းအမြဲအတူ အဖေါ်ပြုသွားပေးမှာ မဟုတ်ပါဘူးဆိုတာ လက်ခံသွားနိုင်သွားပါလိမ့်မယ်။

ရှင်သန်နေရင်းနဲ့ သန်မာလာရတယ်ဆိုတာက ကိုယ့်ကိုယ်ကို ပျိုးထောင်လုပ်ယူရတဲ့ လေ့ကျင့်မှုလေး တစ်ခုပါပဲ။မှားယွင်းတဲ့ ရွေးချယ်မှုတွေကြောင့် ရလာတဲ့ ဆုံးရှုံးမှုတွေထဲကနေ ဆင်ခြင်တတ်ဖို့ ၊ စိတ်ပျက်အားငယ်မှုတွေကြားကနေ ပြန်လည်နိုးထဖို့ ကိုယ့်ကိုယ်ကို သတိပေးပြီး သင်ယူတာပါပဲ။

ခက်ခဲတယ်ဆိုတဲ့ အရာတွေက ကိုယ်မဖြေရှင်းရသေးလို့သာ မကျော်ဖြတ်နိုင်တာ ဖြစ်သလို ဖြေရှင်းကြည့်လိုက်မှသာလျှင် နောက်ထပ် မတူညီတဲ့ပုံစံတွေနဲ့ ရောက်လာတဲ့ အခက်ခဲတွေ ပြဿနာတွေကို အသာအယာ ကျော်ဖြတ်သွားနိုင်မှာပါ။

သူများတွေကတော့ သာယာအဆင်ပြေ အကုန်ချောမွေ့တယ်လို့ ထင်ရတာတွေက သူတို့တွေရဲ့ နောက်ကွယ်မှာ တိတ်တိတ်လေး ပေးဆပ်ဖြေရှင်းထားရတဲ့ ရလဒ်တွေလည်း ဖြစ်နေတတ်တယ်ဆိုတာ မမေ့ပါနဲ့။

ဘဝကြီးကို ကြံ့ကြံ့ခိုင် ရပ်တည်တတ်ဖို့၊ လောကဓံကို ခံနိုင်ရည်ရှိဖို့ဆိုတာ မရိုးနိုင်တဲ့ မီးလျှံမီးတောက်တွေရဲ့ လောင်မြိုက်မှုတွေကြားထဲမှာတောင် ကိုယ့်ကိုယ်ကို စိတ်အေးလက်အေးရှေ့နိုင်ဖို့ ထိန်းသိမ်းနိုင်ဖို့လိုပါတယ်။

မှောင်မိုက်တဲ့ကာလကို ရောက်နေခဲ့ရင်လဲ ကိုယ်ပိုင် အလင်းရောင်ကို ကိုယ်ကိုယ်တိုင် သေချာရှာဖွေပြီး လင်းအောင်ကြံဆနိုင်ဖို့က အရမ်းအရေးကြီးပါတယ်။ ဒါတွေကို ဘယ်သူကမှ မလုပ်ပေးနိုင်ပါဘူး။ ကိုယ်ကိုယ်တိုင်ကပဲ စွမ်းဆောင်ဖန်းတီးနေရမှာပါ ။

မာရင်ရင် ࿐🌼

I miss my home.
I misd my family.
I miss my village.
I miss my friend.
I miss my family life.👴👩🏻👩🏼👱🏼‍♀️👵.

Keep going Don't wastes you time😊

I can do it😊