Kawaii Skin Cosmetics

من رمال الصحراء… إلى طقوس جمالنا اليوم 💙
النيلة ليست مجرد لون، ولا مجرد وصفة…
هي حكاية نساء، تناقلن أسرار العناية جيلاً بعد جيل.
واليوم، نحمل هذا الإرث بحب… ونقدّمه لكِ بكل عناية.
💙 Nila Rituals — Kawaii Skin»

مكانش شكون يقلك الطريقة الصحيحة لاستعمال النيلة…

صح؟ كيفاش نستعملها مالا؟ 🤔

المشكل وين راه؟
غالبًا ماشي في النيلة نفسها… وإنما في طريقة استعمالها.

كاين أخطاء شائعة: كمية كبيرة، خلطات عشوائية، تخليها مدة طويلة، أو استعمالها ياسر مرات على أمل أن النتيجة تكون أسرع.

وهنا الغلطة…ماشي كل ما كثرتي منها النتيجة تكون خير.

الطريقة البسيطة لاستعمال النيلة:

🔹 أدي كمية صغيرة تكفي للمنطقة لي حابتها.
🔹 اخلطيها مع مكوّن مناسب ولطيف( نشاء او ياؤورت طبيعي ،ماء ورد،جل الصبار..) حتى تحصلي على قوام سهل التطبيق، بدون ما يكون سائل ياسر أو ثقيل ياسر.
🔹 طبقي طبقة خفيفة ومتجانسة على بشرة نظيفة.
🔹 خليها للمدة المحددة في طريقة استعمال المنتج، وما تخليش الخلطة ساعات طويلة لمجرد أنك تحسابي أنه النتيجة راح تكون أقوى.
🔹 اغسليها بلطف ورطبي البشرة بعدها.
🔹 بالنسبة للتكرار: الاعتدال أهم من الإفراط، واتبعي تعليمات المنتج .

⚠️ والأهم: ديري اختبار على مساحة صغيرة من الجلد أولًا، خاصة إذا كانت بشرتك حساسة، ووقفي الاستعمال إذا ظهر تهيج أو انزعاج.

💡 نصيحة ما يعرفوهاش الكثير:
قبل ما تحكمي على أي منتج بالنيلة، ثبتي طريقة استعمالك.
ما تبدليش الخلطة كل مرة، وما تزيديش الكمية لأنك حابة نتيجة أسرع.
العناية المنتظمة واللطيفة أفضل من المبالغة.

ولهذا بالضبط، نيلة kawaii skin ركزنا على تقديم النيلة بطريقة عملية ومناسبة للاستعمال في روتين العناية.

[نيلتنا نيلة أصلية ،نطحنوها على ايدنا لضمان عدم خلطها بأي شي،وفرناهالكم بودرة ،وخدمنالكم بيها المقشر والصابون.]

وأنتِ؟
كنتِ تستعملي النيلة بهذه الطريقة، ولا عندك طريقة أخرى؟ 👇

غبت عليكم شوية هاذ الأيام… 🤍

والسبب هاذ المرة ما كانش سبب واحد…

كان الدخول المدرسي، بهداك الجري والتخلاط تاعو 😅
تحضير، كرارس كتب، تنظيم الوقت، وروتين جديد مع أطفالي…

وبين فرحة البداية، شوية توتر، ياسر "ماما وين راهو كذا ..؟! 😂
لقيت روحي تلهيت عليهم وعلى تفاصيل هاذ الفترة اللي نعيشوها كل عام، بصح كل مرة نحسها مختلفة.

وفي وسط هاذ الشي كامل، كنت زادة منشغلة بحاجة تخصني وتخص Kawaii Skin. 🌸

دخلت في تكوين أونلاين متخصص في تطوير التركيبات ومستحضرات التجميل.

ويمكن واحد يسقسي:

"بعد 9 سنين في المجال، مازال تتعلمي؟" إيه… وما نظنش راح نحبس. 🤍

لأن كل ما نتعلم أكثر، كل ما نكتشف بلي المجال هذا أوسع مما كنت نتصور.

بعد حوالي 9 سنوات من صناعة الصابون والعناية الطبيعية، مازلت نحب نفهم أكثر، نبحث أكثر، ونسقسي أكثر على التركيبات والمواد وكيف نقدر نطور المنتجات تاعي.

9 سنوات من الخبرة ما خلاتنيش نقول: اكتفيت.
بالعكس، خلاتني نؤمن أكثر أن التعلم ما عندوش نهاية. 🤍 ويمكن هذي الحاجة هي اللي نحبها في هاذ الرحلة…اني مازلت نتعلم وأنا أم، وأنا صاحبة مشروع، وأنا المرأة اللي بدات Kawaii Skin من سنوات ومازالت تحاول كل يوم تكون أحسن من البارح.

وراء المنتجات اللي تشوفوها كاينة حياة كاملة…
أطفال، دار، مسؤوليات، شغل، وتعلم…
ومحاولات مستمرة باش نلقى التوازن بينهم كامل. 🤍

هاذ الأيام كنت غايبة عليكم شوية،
بصح كنت في الحقيقة نعيش ونتعلم ونخدم على حاجات جديدة.

واليوم رجعتلكم… وتوحشتكم.

وقولولي:
كيفاش فات عليكم الدخول المدرسي هاذ العام؟ 😂🤍

شفت لبارح منشور تاع وحدة دخلت للكوسميتيك تشري منتجات
جابت مقشر و سيروم و مرطب شفاه و مرطب وجه و سيروم سقامولها قريب 500 الف 🤦🏻🤦🏻
و رجعت نصهم فلاكاس و شرات النص برك 💔💔

يعني رجعت تشري منتجات معمرة مواد كيميائية و بأسعار خيالية و النتيجة مكاش !!!

هادي جامي تصرا و انا هنا ❌❌

علابيها ملبارح و أنا نخمم حتى لحقت و درتلكم بوكس الأحلام 🤩

فيه كامل واش تحتاجي لوجهك و المفاجأة:
ب...... فقط ✅✅✅
انعم ب ....... دج فقط 🏅

البوكس فيه :

❤️مرطب الشفاه : بشمع النحل و زبدة الكاكاو الخام و معطر بالزيت العطري تاع الكرز

💙 مقشر النيلة الزرقاء: تستعمليه كمقشر و ماسك و صابون في نفس الوقت و ينحي آثار الشمس و التصبغات
و يصلح للوجه و الجسم

🧡 سيروم الفيتامين سي و حمض الفيروليك
يحمي البشرة من الشيخوخة و مضاد أكسدة قوي ، يجدد الكولاجين و خلايا البشرة و ينحي البقع و آثار الحبوب

💙صابونة النيلة الزرقاء مصنوعة بزبدة الشيا و زيت الزيتون و جوز الهند و عدة زيوت
تنظف البشرة بلا ما تنشفها و تمدلها تفتيح و نضارة

و نعاودلكم البوكس هذا ب....... برك ‼️‼️

يا درا شكون لي تخمن سعر البوكس ؟
لي تخمن سعر البوكس صح عندها توصيل مجاني لهذا البوكس في تبسة + هدية إضافية معاه🎊

شحال السعر يا ترى 🤔

نستنى اجوبتكم فالتعليقات و بصحة الفائزة 🏅

لا تتخلى عن أحلامك..فالبدايات تختبر قدرتك 💪🏻..شاركينا أصعب موقف مر بيك وبعد مافات رجعتي أقوى

عندي مدة ماهبطتش ماحوستوش عليا ..صحاا..صحاا🥲
المحل غدوة ان شاء الله مفتوح لي عندها كوموند تتواصل معايا في الخاص باه نعطيكم الوقت بالضبط

Pov:
زبوناتي كي يرد عليهم الرد الآلي بالذكاء الاصطناعي 😂😂

سر لالة سعدية هو سر من أسرار الجدات توارثناها واحنا طورناه باه يعطيك النتيجة المطلوبة 🥇🥇