Boushra Bio

الجماعة ملاحظة فقط طلبيات كلهم واجدين لكن مكتب توصيل راني قلتلكم في الانتخابات مخدمش و في 5 جويلية تان مخدمش غدوة نشوف نظن يخدم نحط طلبياتكم في مكتب وقبل ما نحطهم نعيطلكم للاحتياط يمكن كاش واحد فيكم يحب يلغي الطلبية مشي مشكل 😇
غدا بإذن الله 🤍

عندها وحد عام و شوي حكيت على خطر غلق الرأس(التنسيم) الشقيقة بطريقة غريبة بالحلال 🤦‍♀️ ايا كل واحد واش قالي واحد عادي واحد هما مختصين واحد يقولي شكون نتي وبلا بلا بلا ياك هما ديما يقولولك شكون نتي باش تمدي رايك ايا ضرك في 2026 بعد عدة شكاوي راهي ترند والأطباء كامل حذرو منها يعني بالمنطق واحد داير قطعة قماش ساير داير على مخك وحلال ويزير هذي تشوفو فيها علاج صحي انا مشي اختصاص تاعي بصح بالمنطق فقط و فهمت بلي خطر على راسي مع اني نعاني من الشقيقة فما بالك تقرا وتبحث 😑 الله المستعان ردو بالكم نتاشرت بزاف في الآونة الأخيرة هذي العملية تع غلق الرأس و الاطباء حذرو منها

شحال كرهت مواقع تواصل الاجتماعي 🤢 حالفة نفتح حانوت اذا قدرني الله ونغلق كل شي من كثرة لي صح صح كرهتهم كارثة والله

كنت مشغولة مع خدمة ياختي واش تحكي واش تخلي ..
تحكي على قضية تع وسيم !
مراركة حاشاكم 🐒راهم دايرين في بالهم بلي صح ترامب صاحب محمد سادس اقسم بالله راهم حاسبين جدها هكذا 😑 ياخاه مع من كنت ندابز في تعليقات صدقوني كنت نستنزف في مخي و جهدي فقط ، انك جي زائر وتضرب طفل امريكي من اصول جزائرية فقط في بلادو تاني هذي ما يديرها غير بابوني ! مرنكة تروح تشجع بالون تلقى روحك في حبس ب 25 سنة تحمسو تحمسو اقذر ما شافت عيني والله .

صباح الخير ❤️
مكانش توصيل حتى بعد الانتخابات ان شاءالله
شركة توصيل متخدمش ، الاحد ان شاءالله نرجع نبعثلكم طلبياتكم

خلو هواتفكم مفتوحة طلبياتكم كامل راحو الخميس واليوم و كاين شوي رايحين غدوة ، خلاصتلي المواد الأولية للأسف 🤍متنساوش نبعث مرة في الاسبوع الخميس فقط ✨️
و اليوم ارقدو متسناوش الماتش 😑🤌🏻

انا هي لي عندي 4 سنين كاتبة في Biographie تاعي على حساباتي natation
حتى دابزت مع واحد ضرك على اسبانيا كيفاش عنص/رية مع المسلمين من بعد قالي natation وانا قتلو واش بيها السباحة تاني حرام حرمتوها واقيل قتلو ياك الرسول صلى الله عليه وسلم وصانا عليها ايا ورحت بكل ثقة 🙂
من بعد زاد جا وحداخر وقالي الاخت تكتب هكذا مشي هكذا انا لتم فمي تعوق خاطرش مفهمتش علاه قالي هكذا ايا دخلت للكونت تاعي و لقيت الكارثة ربع سنين وانا كاتبتها Nation ايه ايه والله ربع سنين ولا مرة شفتها المشكل نعرف نكتبها وعلاه كتبتها هكذا والله معلابالي ختي 😂😂😂😂 ااااواه التسرع هذا راح يدخلني في حيط 😑
المهم الجزائري خلطلو في عينيه ومتخلطلوش في الفرنسية عليها فرنسا قعدت عندنا 132 سنة مشي في باطل مزيا هذي غير لغة لوكان حاجة وحدخرا يشكو بجدي 😒

بعد واش صرا في شهر هذا الواحد تعب كيفاش يمد رايو في مشاكل بلادو لكن قلت نختصرها في منشور لأنو الحوادث كثيرة والجاهل لا يناقش اصلا ولانوا المستوى مش نفسو انا والجاهل والناتج من الحوار عامة ليس بالمستوى المطلوب كان نفسي نشرح وجهة نظري مليح بصح الجهد المبذول في ايصال الفكرة لن يساوي العائد من شرحها لهذا السكوت عن الجاهل بحد ذاته جواب ... لكن ، لكن لابأس ان نحاولو للمرة المليار في إيصال الفكرة عل وعسى الجاهل يفهم ويصلح من نفسه 🤷‍♀️
كل هذه الجر/ائم نتيجة تبريراتكم للمجر/مين نعم ...
القا/تل : معلابالناش الحكاية ، القانون يسمع من زوج ، جابها بليس
مغت/صب بالغة : هي غواتو، استرو روحكم ، عادي وحدة كا/فرة
مغت/صب قصر : هو تان شوف كيفاش داير بيض شواربو حمر طري فرويتي باينة حلاتلو لابروف مدافعش على روحو
مغت/صب اطفال : باش تتعلمو تسترو بناتكم من صغر ، باينة كشما دارلو باباه وجابها بليس غواه الله غالب الله غفور رحيم
سارق : دولة سبابنا
العا/هرة : دارهم بيها الظروف مسكينة
العا/هر : رجال مفيهمش العيب العيب في المراة
الخا/طف للانثى : باينة هي راحت معاه، وهي واش خرجها ، باينة صاحبها
الخا/طف لذكر : مسكين ميستاهلش ، حسبيا الله ونعم الوكيل ، غد/رو لقاه عاقل
وللمتح/رش و السكير والمزطول والحقار و و و و و و القائمة طويلة
اي واحد يغلط تلقاولو تبرير اي واحد ، وهي في الحقيقة نورمالمو اي واحد يغلط يخلص ونعالجو الظروف حنا لالا نبررو حتى تحلالو المذنب ويبقى يعاود كمثال بسيط هذاك عادل كي غلط للمرة الأولى صحابو فنانين كامل وقفو معاه وحتى شعب كاين لي وقف معاه اول ما خرج من حبس عاود نفس الغلطة وافضع منها ومباشرة بعد خروجو من السجن علاه في ميزكم؟ لانو في مرة الاولة بررتولو هو عجبو الحال ايا عاود كرر نفس الغلط بصح هذي المرة مكانش لي وقف معاه وطفرت غير فيه اذن توقفو على محاسبة الناس بالعاطفة تعكم وحبسو علينا تبريرات لانو اليوم على ناس غدوة عليك المنطق يقول اي واحد يغلط يخلص بغض النظر على جنسو واش هو ، أخطر مخلوق على الأرض هو الإنسان ودليل في تعليقات غير تحكي عليهم شوكة تنقزهم يدخلو يسبوك 😐