Arzew Hijama & Acupuncture Le Renaissance

حكاية اليوم من العيادة 😂
جاتني مريضتي فطوم لي من زمان تجيني، وجابت بنتها باش نديرلها جلسة.
دخلت فطوم وقالتلي: « مدام، عندك نرتاح بزاف… عندك طاقة إيجابية. »
قلت لها: « مرحبا بيك ❤️ اقعدي و لا تكسلي حتى نكمل لبنتك. »
وبدأت نخدم مع بنتها…
بعد شوية نطل عليها… راقدة! 😴😂
نخدم، نهدر مع بنتها، نكمل الجلسة… وهي في عالم آخر!
كي كملت، فاقَت وقالتلي وهي تضحك: « مدام، والله غير ارتحت! »
قلت لها: « بصح نتي ما درنالك حتى جلسّة! 😂 »
قالت: « ماشي مشكل… المهم جيت وارتحت! » 😂❤️
وهنا نقولكم: كاين ناس يجو للعيادة باش يديرو جلسة… وكاين ناس يجو غير باش يشحنو البطارية! 🔋😂
وأنتوما، تحسو بهاد الطاقة الايجابية و الراحة كي تجو لعندي للعيادة؟
fans

حكاية اليوم

اليوم حبيت نحكيلكم هاذ الحكاية بالفرنسية، باش نشرحلكم الموضوع مليح ونخلي المصطلحات العلمية مفهومة للجميع.

Aujourd’hui, une patiente est venue me voir et, pendant la consultation, elle me dit :

« Madame Rebib, j’ai le SOPK… On m’a dit que j’avais des kystes sur les ovaires. »

Je lui ai répondu :

— « Attendez… êtes-vous sûre de savoir ce que signifie réellement SOPK ? »

Elle me regarde, un peu surprise :

— « Syndrome des ovaires polykystiques… donc j’ai des kystes, non ? »

Et c’est justement là que l’histoire devient intéressante…

Le SOPK a été décrit pour la première fois en 1935.

Pendant toutes ces années, on a utilisé le terme « ovaires polykystiques », ce qui pouvait laisser penser que les ovaires étaient remplis de kystes.

Mais ce que l’on observe souvent à l’échographie, ce ne sont pas des kystes au sens classique du terme.

Ce sont principalement de nombreux petits follicules : de petites structures normales de l’ovaire qui contiennent des ovocytes, c’est-à-dire les cellules qui pourront devenir des ovules.

Et aujourd’hui, en 2026, le nom est en train de changer.

On parle désormais de PMOS : syndrome métabolique ovarien polyendocrinien.

Pourquoi ce changement ?

Parce qu’on comprend de mieux en mieux que le problème ne concerne pas uniquement les ovaires.

Il peut également être lié aux hormones, à l’ovulation, au métabolisme, à la glycémie et à l’insuline, au poids chez certaines femmes, au sommeil et à d’autres aspects de la santé.

Alors forcément, une question m’est venue à l’esprit :

Comment avons-nous pu garder pendant près de 90 ans un nom qui donne l’impression que le problème principal est simplement constitué de « kystes » dans les ovaires ?

Attention : je ne dis pas que c’était une arnaque organisée, ni que les médecins cherchaient volontairement à maintenir les femmes malades.

Mais je pense qu’il est important de remettre certaines idées en question et de continuer à faire évoluer notre compréhension des maladies.

Et c’est justement ce que j’explique souvent à mes patientes :

On ne soigne pas uniquement une image sur une échographie.

On cherche à comprendre la femme dans sa globalité : son cycle, sa digestion, son sommeil, son alimentation, son stress, son énergie, son métabolisme…

Parce que le corps fonctionne comme un ensemble.

Et parfois, pour comprendre un problème, il faut arrêter de regarder uniquement l’endroit où le problème se manifeste et chercher ce qui se passe derrière.

Et vous, saviez-vous que le nom du SOPK évolue et qu’on parle désormais de PMOS ?

حكاية اليوم: «بعد هاذ كامل الأسئلة… التاكسي غالي!»
مرة بعثتلي سيدة من خارج الجزائر باش تحجز موعد للحجامة.
ومن أول ميساج بدأت الأسئلة :
كيفاش تكون الحجامة؟ علاش نديروها؟ واش ندير قبل؟ واش ندير بعدها؟ شحال الوقت؟ شحال السعر؟ وهل تناسب حالتي؟…
ووصلنا حتى نحكيو على حالتها بالتفصيل، وأنا نجاوبها على كل سؤال بكل صبر، خاطر ما نحبش نجاوب بـ«copier-coller» ولا نخلي الـIA تجاوب بلا ما نفهم الحالة
نحب الشخص اللي قدامي يكون فاهم ومطمئن قبل ما يحجز.
بعد هاذ interrogatoire de la hijama 😂، اتفقنا على كل شيء:
📅 النهار
⏰ الساعة
💰 والسعر… سعر الحصة العادية، ماشي VIP!
المشكل أن النهار اللي اختارتو كان نهار عطلة، وأنا أصلاً ما كنتش مبرمجة نخدم فيه.
قلت: ماشي مشكل، نخصص نهاري على جالها.
وجاء النهار…
أنا واجدة، مستعدة، والوقت مخصص ليها.
📞 تتصل بيا:
«مدام، ما لقيتش تاكسي.»
قلت لها:
«شوفي Yassir ولا أي وسيلة نقل توصلك.»
قالتلي بكل صراحة:
«بصح التاكسي يخرجلي أغلى من الحصة!» 😂
وهنا قلت بيني وبين روحي:
«يا لطيف! بعد هاذ كامل الأسئلة على الحجامة… وفي الأخير اللي وقف الـrendez-vous هو التاكسي!»
والأكثر من هذا، أنها كانت حجزت معايا من قبل، وأنا على أساس الموعد نظمت نهاري ورفضت ارتباطات أخرى.
طبعاً، كل واحد وظروفو نحترمهم ، وممكن فعلاً تصرا للإنسان ظروف ما كانتش في الحسبان.
لكن كاين حاجة صغيرة حبيت نوصلها:
🌿 كي تحجزي rendez-vous، حاولي تكوني متأكدة بلي تقدري تحضري.
لأن الـrendez-vous ماشي غير نهار وساعة في الأجندة…
هو وقت نخصصهولك، وأحياناً نبدل حتى برنامجي ونهار عطلتي باش نكون موجودة.
الحصة عادية… بصح الوقت اللي نخصصهولك ماشي عادي.
والمرة الجاية قبل ما نبدأو الـinterrogatoire de la hijama…
نسقسي سؤال واحد برك: «عندك تاكسي؟» 😂😂

كل يوم حكاية من العيادة — 1 أكتوبر

اليوم حبيت نحكي على كل امرأة. ❤️
المرأة اللي تخدم…
المرأة اللي تربي ولادها…
المرأة اللي تهتم بالناس كامل وتنسى روحها…
وإذا مرضت، تبقى أم، بنت، أخت، زوجة، صديقة… وإنسانة عندها أحلام وحياة.
نكونو واضحين:
الحجامة و الابر الصينية ما تعوّضش الفحص الطبي ولا الماموغرافي ولا الفحوصات اللازمة.
إذا لاحظتي تغيير جديد في الثدي، ما تخليش الخوف يمنعك من الاستشارة.
الفحص ما يعنيش بالضرورة وجود سرطان، بصح الاستشارة تخليك تعرفي الحقيقة. ❤️
وفي Octobre Rose، ما نحبوش غير نهدرو على المرض…
نحبوا نهدرو على الوعي، الكشف المبكر، العلاج، والدعم.
ربي يشافي كل امرأة مريضة، ويقوي كل عائلة واقفة معاها. 🤲🏻
كل قصة مختلفة… وكل رحلة تستاهل الدعم.

حكاية اليوم 😊
"مدام ربيب… رجليا باردين ووجهي راه يحرق!"
جاتني وحدة للعيادة، وقالتلي:
— «مدام ربيب، راني ما فهمتش روحي… رجليا ديما باردين، بصح وجهي مرات يحرقني!»
قلت لها: — «كيفاش؟ احكيلي واش تحسي بالضبط؟»
قالتلي: — «نكون عاديّة، وفجأة نحس السخانة طالعة من صدري… لظهري… ومن بعد لوجهي. نولي نحمر ونعرق… وبعد شوية تروح.»
ومن هنا بديت نسقسيها…
على النوم، الهضم، الشهية، العطش، التوتر، الطاقة، التعرق… وحتى بعض الأمور الشخصية والعائلية.
ومبعد شفت لسانها 👅
وهنا غالبًا المريض يبدا يستغرب 😄
يقول في بالو: «واش راح تعرف من لساني؟»
لكن اللسان في الطب الصيني يعطينا معلومات مهمة على حالة الجسم، ونشوفو فيه اللون، الشكل، الانتفاخ، العلامات، والترسب الموجود عليه… ونربط هاذ الملاحظات مع الأعراض والنبض والأسئلة اللي طرحناها.
وأنا بصراحة، أكثر حاجة تفرحني هي كي نكمل التشخيص ونقول للمريضة بعض التفاصيل…
تسكت شوية وتقوللي:
«أكيد! صح… هذا بالضبط اللي راه صاريلي!» 😄
وأحيانًا تكون مندهشة وتقول: «بصح كيفاش عرفتي؟ أنا ما قلتلكش هاذ الشي!»
وهنا نقولها:
«من اللسان وحدو ما نقدرش نعرف كل شيء… بصح اللسان، مع الأسئلة وباقي العلامات، يعاونوني نبني الصورة كاملة.»
مثلاً، كي تكون الأطراف باردة وفي نفس الوقت كاينة سخانة طالعة للوجه، ما نقولوش مباشرة: «عندك كذا».
لازم نفهمو علاش الجسم راه يعطي هاذ الصورة، ونشوفو واش كاين من علامات أخرى.
وفي الطب الصيني، هاذ النوع من الأعراض ممكن يوجّهنا للتفكير في اختلال في توازن الـ Yin والـ Yang وحركة الـ Qi، لكن التشخيص يعتمد على مجموع العلامات، ماشي على عرض واحد.
لهذا كي نسقسيكم بزاف قبل الجلسة، ماشي فضول… كل سؤال عندو سبب.
واللسان؟
حتى هو يحكي لنا جزء من القصة.

اليوم نبدلو الأدوار 😄👇
كي تروحو عند مختص، تحبّو يسقسيكم بزاف قبل الجلسة؟
نعم ولا لا؟

حكاية صراتلي في القطار…
نهار كنت راجعة من الجزائر لوهران في القطار، صراتلي حاجة ما كنتش متوقعتها كامل…
كانت معانا وحدة المرا، وفجأة بدات تجيها أزمة ربو قوية، وولات تصفار و ما تقدرش تتنفس مليح. 😥
في القطار ما كان لا طبيب، لا ممرض، لا معدات الاستعجالات الاولية
كانو غير les agents de sécurité، بصح كانوا و يحاولو يساعدوها بكل ما يقدرو. 🤲للشهادة ساعدوها بكل امكانياتهم،ماء،عطر.....الخ
الحمد لله، كنت دايرة معايا la trousse des aiguilles.
استعملت لها بعض النقاط:
Poumon 11 (LU11)Shaoshang
نقطة مهمة في الطب الصيني مرتبطة بالـرءة وتستعمل تقليدياً في الحالات الحادة اللي يكون فيها ضيق أو اضطراب في التنفس.
Du 26 (GV26)Renzhong
في حالات فقدان الوعي أو الحالات الحادة، وهدفها فالطب الصيني هواتنشيط
MC6 (PC6)Neiguan
نقطة مهمة في تنظيم طاقة القلب و الرءة وتستعمل كذلك تقليدياً في حالات القلق، ضيق الصدر والغثيان.
وبعدها، بفضل الله، شوية بشوية بدات تهدا والتنفس تاعها بدا يرجع أكثر انتظاماً.
الحمد لله 🤲
أنا نعاون بالمعرفة والوسائل اللي عندي، أما الشافي فهو الله.
وهذي الحكاية خلاتني نفكر بلي مرات الإنسان يخرج من دارو في رحلة عادية، وما يعرفش بلي ممكن في لحظة يلقى روحو سبب في مساعدة إنسان آخر. ❤️. #حجامة #ربو #ازمة

🌿حكاية اليوم
أغلبية الناس كي يعيطولي باش ياخذو RDV، أول حاجة يقولوهالي:
« غير نتي اللي تسلكيني…
وأنا في هذي اللحظة نولي بين زوج حوايج…
من جهة نفرح بالثقة تاعكم ❤️
ومن جهة نقول: يا ربي ما تحطوش كامل المسؤولية فوق راسي!
خاطر كل واحد وحالتو، وكل جسم كيفاش يتفاعل…
وأنا ديما نقول:
أنا نعالج، نحاول نعاون ونخدم على الحالة بضمير…
أما الشافي هو الله سبحانه وتعالى 🤲❤️
وبصح صراحة… هذي الجملة نسمعها بزاف! 😄
« غير نتي اللي تسلكيني… » 😂
وش رايكم؟ نزيدلكم حكاية أخرى من حكايات العيادة؟
☎️0540444696
#حجامة

Une paire de lunettes a été oubliée aujourd’hui au cabinet.
merci de me contacter en privé pour les récupérer.