Sisa Beuty

❤عام سعيد لبنات ❤❤❤

❤❤لبنات واش رايكم في لمكياج ❤❤❤

❤مكياج نتاع ليوم 😍😍😍
ملاحظة:هذي بنوتة صغيرة 😘😘😘

شوفو #حسناواتي 👸 هذا موضوع جد مهم باش ما تقولوش بخلتكم كل ما تحتاجيه لشعرك من #سبايغ ديجا كنت حكيت عليهم في دروس مفصلة
و الموضوع هادا ميلونج و نصائح و باه نقصو عليك مصاريف الحفافة تبعي معايا مليح
🌾 نبداو ب ليميلونج
🌹اولا /لي ميلوج لوريات
🌹02+06=عسلي غامق
🌹15+02=مارون شكولا
🌹16+06=غوج كلار
🌹01+16=اوبرجين
🌹11+21=ماورن كلار
🌹28+01= داكن جدا
🌹28+21=بني قهوة
🌹08+04=احمر كرزي فاتح
🌹10+07=اسقرداكن
🌹37+32=اشقر فاتح
🌹20+19=اشقر رمادي فاتح
🌹20+23=ميال فونسي
🌹03+04=احمر نحاسي
🌹18+17=اشقر لامع
🌹9+19=بني فاتح خريفي لوريات /9.8+0.1 اندريا
🌹8.5+1.4=بني شكولا غامق اندريا
🌹19+12=اشقر ذهبي
🌹06+09=كستنائي
🌹9+27=بني فاتح
🌹19+7=اشقر فاتح
🌹23+34=بني بندقي متوسط
🌹18+9=بني غزالي
🌹34+12+9=لتغطية الشيب في لوريات
🌹5+6=مايل للاخضر
🌹11+21/23+25=ديريهم فوق ليماش
🌹2+6=تفاسي بيه
🌹21+22+اوكسيدون 40v=العسلي الفاتح
🌹21+22+اوكسيدون 30v=العسلي المتوسط
🌹9+اوكسيدون 30v=الون النحاسي(كراميل)
🌹34+9=البرونزي الفاتح رمادي
🌹5+11+شوية9=ديريهم فوق الديكاباج
🌹نصف7+نصف3=maron
🌹نصف5+نصف12=maron d'or
🌹نصف7+10كاملة=blond clair cendré
🌹نصف6+نصف9=chatin
🌹نصف7+نصف10=eblond clair
🌹11كاملة+5 شوية=blond cendré
🌹نصف20+18نصف=noiset
🌹نصف7+نصف5=chatin focé
🌾تابع لدرس تع ليماش والنصائح😍😍
االنصائح لي لازم تبعيها باه تحافظي على شعرك من التقصف والجفاف والتقطيع .
🌺اولا : تشري البلوندور شيك او أي ماركة بزيادة باه ما تبقايش حاصلة و مكانش كيما ماركة تاع لخارج اذا عندك مون يجبهالك و اوكسيدو 30 او 40 قرعة كبيرة كريم كوكوني ولا ابخي شومبوا دايما باه تخلطيه مع البلوندور ولوكسيدوزيت الجوز أو الارقان دايما عندك دايما لانو أهم شيء في الحفاظ على شعرك .
🌺ثاني : لما تفكري بليماش او ديكاباج لازم قبل العملية ب 4 أيام تعمري شعرك بزيت جوز الهند او ارقان كل يوم تزيدي شوي وقبل ما تبداي في ليماش تاعك اغسلي شعرك وشيحيه بسيشوار باه يكون ساهل للسحب .
🌺ثالثا : لازم تخلطي كمية معتبرة ماشي ناقصة باه ما تحصليش وتتجنبي لون اورونج .
🌺رابعا : خرجي الشعر من البوني وبعد ما تكملي امشطيه بالبينياكير باه لاغاسين تتجبد وما توليش اورونج .
🌺خامسا : لما تستعملي الخليط تاعك والي هوا بلوندور اوكسيدو و ابخي لازم تعرفي المقادير .
#المقادير هي :-
مغرف كريم كوكوني ولا بلسم+ مغرفة بلوندور + زوج مغارف اوكسيدو
ونتي ضاعفي حسب الحاجة
🌺سادسا : لما تستعملي الخليط وتغطي شعرك بساشي أو بوني بلاستيك أو المنيوم كل ربع ساعة افتحي وزيديه من الخليط باه يتعمر ويعاونو اللون يطلع بسرعة .
🌺سابعا : المدة تكون 45 دقيقة لو طلع برتقالي زيديه وانتظري 15 دقيقة وبعدها اغسلي .
بالنسبة للي صابغة اسود غرابي أو أحمر أو باذينجاني او موف ما يخرجوش ليماش أبدا أما اللون البني توقعي ليماش برتقالي فليغاسين .
🌺 #بعد ما تغسليهم تحبي أي لون ليماش استعملي قبل ما تنحي البوني باه يكون لون ليماش ولاغاسين بعاد على بعض أو كان حابة توحدي اللون تنحي البوني وتصبغي شعرك كامل .
*الصبغة فوق ليماش فقط ما تزيديش عن 7 دقايق .
*الصبغة فوق شعرك كامل مع ليماش 7 دقايق باه نتجنبو اللون الاحمر في لاغاسين .
عمري شعرك بزيت الارقان او اللوز المر ومغرفة زبدة حرة باتي بيهم ليلتين وبعد اغسلي وسشوري اشري سيروم استعمليه لتسهيل التسريحة باه ما تقطعيش شعرك وكل سمانة قبل ما تدوشي خلطي بيضة وزيت جوز الهند في شعرك قبل الدوش بساعات واغسلي بصحتكم .
🌿نصائح
🌸الي صابغا نوار كوربو وغوج ،من مدة. ستة اشهر ماكالاه تجرب تصبغ ،شعرها لازم خدما وراني رح نشرحهم في درسي #ديكاباج و #السبايغ الى لقيت تفاعل طبعا😏
🌸الاعتناء بالشعر مدة شهر قبل صبغة بماسك ( صفار بيضة + زيت زيتون + عسل ) مرتين في الاسبوع
🌸نمشط شعري جيدا واذا امكن نسشورو احسن وممنوع تعمريه زيت
🌸اقبل وصع البوني نرش تالك على الشعر و نزيد.ساشية هادا من اسرار المهنة😉
🌸وضع البوني ويكون متساوي على الرأس
🌸نبدأ باخراج الشعر من فتحات البوني من الاسفل ونصعد ( تخرجي خصلة رقيقة ،اذا كنتي حابتهم خفاف وثقب خرجي ووثقب لا ،واذا كنتي حابتهم شارجي خرجي زوج خصلات وكل البوني )
🌸تجبدي شعرك من فتحات البوني جيدا يعني الجذور وتمشطي مرة اخرى
🌸 تحضري المزيج (( لكل ملعقة بودرة ،ثلاث ملاعق اوكسيدون .+ ملعة او اثنان زيت المائدة + سيروم الشعر ونخلط جيدا ونضع الخليط على الشعر (( نقسم الشعر اربع ونحط على الجذور ونجي حابطة بالفرشاة ولم الشعر ونغطيه بالساشي ،ممنوع الالمنيون (( هو السبب في حرق الشعر )) (( بوزلزف يطيب ))
🌸 اذا كنتي في الدار ديري العملية الصباح واقضي شغلك خلي اللون يخرج وحدو بلا حرارة واذا كنتي مستعجلة كل ربع ساعة سخني بالسيشوار
🌸 ممنوع ممنوع ممنوع تمشطي الشعر بالمشط وهو فيه البرودوي ،(( سبب تقطع الشعر )) حركي بيدك خفيف وقلبي باصابعك خصلات الشعر باه يتوزع البرودوي بالتساوي
🌸 باه تعرفي اللون طلع او لا اجبدي خصلة واسحبي منها البرودوي وشوفي مالازمش تكون صفراء ،لازم لون الصوف تاع الكبش ،ههه ايه لازم ،باسكو كي تتغسل يتغير اللون )
🌸شلي شعرك بالماء الدافىء وراغي بالشامبو سيلفر وما طوليش بيه وحد 5 او 6 دقائق مساج للشعر وممنوع استعمال المشط نقول ونعاود ،اسباب تقطع الشعر ،بعدشلي من الشامبو و ديري بلسم ونشفي وهو مازال في البوني عمريه بالزبدة او السيروم ونحي بشوية البوني نشفي مليح وزيدي طبقة تاع زبدة اومرغرين او سيروم
🌸 ممنوع ممنوع تسشوريه في داك اليوم الي درتي فيه ليماش .يومين اوثلاثة وانتي تعمري فيه بالزبدة والسيروم يشبع الشعر وتحميه ،بعدها اغسليه بالشامبو الخاص باليماش والماسك الخاص باليماش وديري السيروم ومن بعد ماينشف تماما سشوريه ،ما تسشوريهش وهو مشمخ (( ممنوع الشعر يتساقص لانو المسام مازالو مفتوحين نشفيه بالسيشوار بيدك ومن بعد سشوري بالابروس ،وممنوع تحطي لابروس على السيشوار والشعر بعدي ديما السيشوار على لابروس 5 سم
🌾تفتيح لون الشعر
🌼نخلط4 صفار بيض +1 م ك شامبو +1 م ك بلوندوغ+2 م ك اوكسيدوت لوريات+1 م ك زيت زيتون و تحطيها على شعرك من 3-4 سا و اغسلي شعرك و جفيفيه و متنسايش تدهني شعرك بالسيروم
ملاحظة درجة التفتيح حسب لون شعرك الاصلي
هادا ملخص و تفصيل في نفس الوقت شوي تفاعل راني نتعب باه نجيبلكم صوالح تستفادو منها وأنا منبخلكمش

ان شاء الله تتفاعلو الصفحة جديدة مابغاتش تنشر طارت وانتم غير تشوفو المنشور و تفوتو😭(منقول لإستفادة 😘)

😘البسيط دائما جمييييل💖💖💖