Nîhad beauty

من عمل اليوم 🤍 بصحت زبونتي نتوياج ♥️
مرحبا بكم ⁦⁦☺️

اهلين حبياتي ♥️ عندي بزاف محطيتلكمش صور خدمتي مرحبا بيكم

بصحتك زبوناتي الوفيات ♥️ مرحبا بيكم لبنات 🌼
حبيت نمدلكم بعض نصائح للتقليل من شعر الابط
1 ماتستعملوش الجوطابل يدير اسوداد للمنطقة وينوض الشعر تع الجلد
2 استعملوا التقشير قهوة +سكر + زيت زيتون على الأقل مرة في كل أسبوع
3 من الاحسن لبنات نحو بالواكس لانو يقلل نمو الشعر ويخفو
Nîhad beauty 💆

لبنات بزاف منكم سقساوني على روتين العناية بالبشرة والجسم والمناطق الحساسة ليوم جبتلكم بعض المنتجات لي أنا ستعملتهم وخرجوا عليا ويمدو نتيجة بزاف شابة ♥️☺️ لي مفهمتش حاجة تسقسي فليكمونتار ونجاوبكم ♥️

صحى عيدكم حبيباتي كل عام وانتم بالف خير ينعاد علينا وعليكم بالصحة والعافية يارب وربي يتقبل منا ومنكم صالح الاعمال ♥️✨
Nîhad beauty 🤍

لبنات بزاف منكم طلبو مني نحط ليماسك لي تقدري تخديمهم وحدك فالدار ويعطو نتيجة ☺️ طاڨو صحاباتكم يدو لفايدة ومتنساونيش دعوة الخير حبيباتي ♥️
1 ماسك إزالة تصبغات الوجه والشمس : صفار بيضة + مغرف صغيرة نيسكافي + مغرف عصير الليمون وحطيهم على وجهك وديري فوقهم بابي (منديل ورقي ) وخلي حتا ينشف ونحيه
2 ماسك شد البشرة والتقليل من التجاعيد : بياض بيضة + مغرف فرينة وخلطيهم وابليكيهم خليهم ينشفو مليح وابداي قشري فيه ومبعد اغسلي
3 ماسك تبييض وتصفية الوجه : نص كاس ارز مع كاس ماء وخليهم 24 ساعة فالفريجيداغ ومبعد صفيه وديريه في قرعة ورشي وجهك اي وقت ☺️
4 ماسك إزالة اصفرار الاسنان او الكالكار : في باطة ديري معجون اسنان لي تستعمليه + معرف صغيرة بيكاربونات + رشة عصير ليمون وخلطيهم استعمليهم 2 مرات
5 ماسك ازالة تشققات الاقدام ( الرجلين ) : ديري غالية ( بودرة إزالة الشعر ) مع الماء وخلطيهم حتا يولو كريمة وحطيهم على رجلك في بلاصة تشققات وغطي رجليك بساشي مدة 15 دقيقة ومبعد اغسلي وكيسيهم وديري زيت جونسون ورديلي لخبر 🤍
6 خلطة فتح الشهية : قيمة 50 دينار (خمسالاف ) زريعة الكتان مع 50 دينار جلجلان _ جلجلان حمصيه واطحنيه وزريعة الكتان اغسليها واطحنيها وخلطيهم مع بعض وديري مغرف كبيرة كبيرة في باطة ياغوغت صباح وكي تجي رايحة ترقدي سمانة ورديلي لخبر ☺️
7 ماسك تقوية الشعر وملأ الفراغات وفي نفس الوقت كيراتين طبيعي : زريعة الكتان (على حساب طول شعرك ) ديريها تغلي مع الماء كي تغلي صفيها وزيديلها مغرف كبيرة مايزينة وخلطيهم وحطيهم على شعرك وغطيه مدة 2 سوايع واغسليه ♥️
هادو بعض الوصفات راني حطيتهم طاڨو صحاباتكم ونقلكم صحى عيدكم مسبقا ♥️ ولي مفهمتش حاجة ولا احتاجت عفسة تبعتلي ونجاوبها ومرحبا بيكم حبيباتي اي وقت ☺️🤍
Nîhad beauty 💅🧖

صحى فطوركم لبنات وربي يتقبل منا ومنكم صالح الاعمال 🌙🤍
راني بديت نحكم في لورونديفو لي بغات تحكم واكيد منسيتكمش بالبرومونسيو تع لعيد كالعادة ♥️
نتوياج دوبو لي راح يكون فيه تقشير - نزع الرؤوس السوداء والبيضاء - ماسك الذهب - ماسك النيلة الزرقاء - مع ماسك التبييض ☺️ بلا ماننساو مساج خفيف لفروة الرأس 💆 وهادو كامل غير ب 100 الف لكي سيدتي ♥️
تلقاط 25 الف
نزع الوجه بالخيط 15 الف
النزع بالواكس 30 الف مع الرقبة 35 الف
نزع الجسم بلاسيغ كامل ب 300 الف
نزع الابطين 25 الف
اغتانمو فرصة التخفيضات ومرحبا بيكم كامل ☺️ وطاڨو صحاباتكم ايامات العيد نحطلكم ليماسك تخدموهم وحدكم فالدار ♥️
Nîhad beauty
العنوان : لاري رحاية متليلي

••إليگي سيدتي روتين العناية بالبشرة تبعيني تشوفي 😉:

الروتين اليومي للعنايه بالبشرة لازم يتضمن :
1 - التنظيف اليومي : تستعملي جال نيتوايون المناسب لنوع بشرتك ...يكون ف الصباح و ف الليل سيرتو كي تحطي ماكياج .
وخاصة بالنسبه للبشرة الدهنيه والمختلطة💟
2 - المسح بالتونر : باش تتخلصي من الشوائب و من بواقي الغسول ويتغلقو المسام تاعك .. التونر البيتي لي هوا ماء الورد ممتاز ومناسب لكل انواع البشرة يعني ميش لازم تونر غالي ماء الورد يكفي+ طبيعي 100%.
3 - الترطيب اليومي : من اهم الخطوات وخصوصا بالنسبة للبشرة الجافة ، بالنسبة للبشرة الدهنية والمختلطة ننصحكم تبعدو عن الترطيب بالزيوت ولا أي حاجة فيها نسبة كبيرة من الزيوت.
4 - استخدام واقي الشمس : مام هوا يكون على حساب نوع البشرة تاعك تستعمليه كي تكوني خارجة ولا كي تكون شمس . درجة الحماية تاعو من 50 ل 100% ، اذا كان %50 يتجدد كل ساعتين و اذا 100% يتجدد كل اربع ساعات.
5 - الاعتناء بمنطقة العين : تستعملي كوتون ديسك وماء الورد ، ابري تستعملي اي منتوج كزيت التين ولا اي نوع تاع سيروم يكون مليح باش تتخلصي من الهالات السوداء وتجاعيد ما حول العين .
6 - التقشير الاسبوعي : او التنظيف العميق للبشرة، تقدري ديري خلطات معروفين تابليكيهم على وجهك ،ولا تشري ليماسك لي يتباعو على برا ساهلة.ودوك نحطلك مجموعة تاع ليماسك والخلطات المنزلية فكروني.
و هادي هيا الخطوات لي لازم تبعيها سيدتي بشكل يومي باش تكون عندك بشرة شابة💕.
ومتنسايش شرب الماء قدر المستطاع لي هوا اهم عنصر طبيعي للترطيب⁦❤️⁩
Nîhad beauty 🖇️

مرحبا بيكم لبناات متوفر تنضيف عميق للبشرة + نزع شعر بالواكس أو الخيط بسعر مناسب ♥️
بما انو الجو تغير والبشرة تعبت وتحتاج تنظيف ب استمرار 💆🏻💆🏻 تهلااي ف روحك حببتي تستاهلي تكوني الاجمل 😍🥰
احصلي على بشره نقيه وخاليه من الشوائب مع جلسات تنظيف بشرة والتي تشمل :
جلسة تنظيف البشرة تشمل :
١- تعقيم البشرة وتبخير الجلد لفتح المسام وتقشريها
٢- سحب رؤوس السوداء والبيضاء بالآلة

٣- تنظيف جريبات قيحية لإزالة حب الشباب
٤- مساج الوجه : ( تدليك ) حيث يعمل هذا التدليك على تخليص المسام من الدهون والأتربة المترسبة بها.. أي أنه بمثابة تنظيف عميق للبشرة ، وتنشيط الدورة الدموية
مرحبا بيكم 🤎