Vetina

3 اخطاء درتهم في بداياتي في التجارة الإلكترونية …❌

لوكان كنت نعرف هاذ ثلاث اخطاء من قبل لكان وفرت نفس و وقت و مال و جهد اكثر 😮‍💨

في بداياتي درت بزاف اخطاء صح لكن هاذو ثلاثة هوما الأخطر بالنسبة ليا راح نشاركهم معاكم لعلكم تستفادوا

❌ الغلطة 1: نبدل المنتجات كل مرة
(كل مرة نشوف ترند نروح نجري نديرو و هنا حتى واحد ما نجح)

❌ الغلطة 2: نصرف دراهم على الإعلانات بلا فهم
(نحط دراهم وخلاص… بلا استراتيجية)

❌ الغلطة 3: نهمل الصفحة
(لا تصميم، لا ثقة… والزبون يهرب من صفحة كيما هكا لانه ما يلقاش راحته فيها )

الأخطاء هاذي حاولوا تتجنبوها قدر المستطاع و حاولوا تفهموا انه نجاحكم مربوط بخطة تسويقية و نظام معين لازم تخدموا عليه 🌹

إذا حابين تتفادوا الأخطاء هاذي تابعوا الصفحة 👀 و غدوة نحكليكم على اول منتج خدمته 😅😂 و فشل و اول منتج خدمته و نجح 😁👀

تقدر تبدأ التجارة الإلكترونية من الصفر… بصح مش أي واحد ينجح ❌

هنا نقدر نقولك انه الفرق بين الإنسان لي نجح و الإنسان لي فشل ماشي ضربة حظ ! الفرق في الطريقة لي خدم بيها كل واحد فيهم

أنا مثلا بديت فيها في يوم ما و كنت حاسبة الأمر سهل بيع و روح تروح ! بصح لالا فشلت و خسرت في بداياتي و اكثر من مرة و السبب كان اني ما عرفتش نخدم طريق سلس نمشي عليه، بصح بعد التعثرات هاذي تعلمت كيفاش نخدم بطريقة صحيحة و كيفاه و وقتاه نقدر نقول على اي منتج هذا هو لي لازم نخيره

اليوم حبيت نفتح الصفحة هاذي باش نشارك معاكم تجاربي و نشارك المعلومات لي تعلمتها و ان شاء الله نقدر نعاون اي انسان حاب يبدا من الصفر و لما لا يوصل لوين حاب

راح يكونو منشورات بزاف تستفادوا منهم بداية من خطوات البداية إلى اختيار المنتج إلى نصائح حقيقية من التجربة وصولا إلى الأخطاء لي لازم تتجنبها متاجر إلكتروني مبتدئ

صفحتنا راح تكون بوابتكم باذن الله و راح يكون فيها آراء بزاف تجار إلكترونيين نجحوا باش تستفادوا منهم

نتمنى منكم فقط أنكم تتفاعلوا مع المنشورات باش نبداو على بركة الله خاصة انه الصيف راه جاي كل وحدة لازم كي يلحق العام الدراسي الجديد لازم يكون عندها مشروعها الخاص 🌺