MiraL bioesthétique

السلام عليكم ❤️ حكاية صرات لول بارح بحكم عملي يجوني ناس من ولايات مختلفة، ماشي غير من ورقلةقبل يومين، جاتني وحدة من تامنراست و كنت هبطت لورقلة وما كانش أصلاً مبرمج عندي يوم عمل في مكتب ورقلة فقط لأجل زبونة اخرى جايتني في ذاك النهار من ايليزي و قالتلي ما عنديش يوم آخر نقدر نجي فيه ، كانو كاين ناس آخرين عندهم مواعيد. كان نهار غاشي بزاف وهي جاية من تامنراست. عيطتلي في نهاية يوم العمل وقالتلي بلي راهي وصلت. هي كانت حجزت الموعد من قبل، لكن تأخرت وما جاتش في الوقت المحدد، وبما أن وقت عملي كان خلاص، حسبت أنها ما جاتش أو ألغت الموعد. لكن كي عيطتلي ما قدرتش نخليها هكذا بحكم المسافة لي قطعتها و أنها جات خصيصا لي . رجعت للمركز ، باش نشوف حالتها ونسمعلها ونشخصلها دخلت وهي مستانسة بزاف وبدات تشكر فيا بزاف، وكانت فرحانة على خاطر أخيراً قدرت تجي وتشوفني. حكتلي على الحالة اللي جات على جالها، خاصة الخطوط الحمراء اللي ظهرتلها في جسمها، واللي قالتلي بلي جات نتيجة استعمال أدوية للتسمين في بعض المناطق، لكن للأسف جسمها دار معاها رد فعل عكسي. والحمد لله، بدينا نخدمولها على حالتها ودارت عدة جلسات وفي أكثر من مجال. ومتائج كانت بدات تبان المبدئية فوريا، وكنت نشوف الفرحة في وجهها وهي تحكيلي على حالتها وعلى علاش اختارت تجيني بالذات. سقسيتها إذا كان كاين سبب مستعجل خلاها تجي في ذاك النهار، ولا كان عندها ظرف خاص خلاها تقطع كل هذي المسافة. قالتلي: «لا، أنا أصلاً من مدة وأنا نعيطلك ونسقسيك: وقتاش راكي جاية لورقلة؟ أنا حابة نجي عندك من تامنراست.» . تقريباً نسبة كبيرة من الناس اللي يجوني راهُم جايين من خارج الولاية، وهذا بالنسبة ليا نقطة فخر كبيرة بزاف. ❤️ ونقولها من قلبي: يعطيكم الصحة كامل، وين ما كنتو، على الثقة اللي تحطوها فيا. المهم، وسط الجلسات كنا نحكيو ونضحكو ونتبادلو الهدرة، وهي تحكيلي على حياتها. وعرفت منها أنها أصلاً ماشي جزائرية، وعندها أصول من مالي والسعودية وليبيا، وعاشت في ليبيا، ومؤخراً فقط ولات مقيمة في الجزائر، تحديداً في تامنراست. حتى التواصل بيناتنا كان شوية صعيب 😂، بصراحة كنت نفهم منها عشرة لا. المهم، كملت عدة جلسات، وفي الأخير جات اللحظة اللي ما كنتش متوقعتها. كي خلصنا، تفاجأت بلي ما كانش عندها المبلغ كامل. خلصتلي الجزء الأكبر من المبلغ، وبقات عليها تقريباً مليون وتسعمية ألف، يعني حوالي زوج ملايين. قالتلي: «نرجع غدوة، نجيبلك الباقي ونكملو.» وفي هذي الحالات، أنا مؤخراً وليت نحاول نكون أكثر حذراً، حتى وليت نطلب بطاقة التعريف. لكن بصراحة، حتى هذي الطريقة ما ولاتش تنفع بزاف، خاطر صراتلي حالات من قبل، ناس تخلي عندي بطاقة تعريف ومبالغ كبيرة، وفي الأخير ما يرجعوش، وحتى كي نسقسي عليهم ما نلقاش نتيجة. ومع ذلك… النية تغلبني. والثقة تغلبني. قلت في قلبي: عادي، ترجع غدوة وتكمل الباقي. وأمنتها. لكن المفاجأة كانت في الغدوة… ما رجعتش. عيطتلها، الهاتف ما كانش يصوني. عاودت حاولت… والو. وفي الأخير اكتشفت بلي دارتلي رونفوا، للأسف. وهنا فهمت بلي الثقة اللي عطيتها لها، هي ما كانتش في محلها…
وش تقترحو عليا الحل مع هكذا حالات 😔😔😔

#الليزر #ورقلة #الجزائر