Skin Needs

الجمله دي بنسمعها كل يووووك بمعني كلمه كل يوم 🙈
بالذات الناس اللي بتحجز ديرمابن ولما اشوف البشره تحت العدسات الاقي بثور ودهون بتستنجد بحد يطلعها 🫣
وتصمم برضه انها مش محتاجه تعمل تنضيف بشره 🙆🏻‍♀️
صدقيني انا خايفه عليكي مش أكتر 🙈🥺
وعوزاكي تفرحي ببشرتك بس ب انسب طريقه لنوع بشرتك 🥰

⁨ مش كل تصبغات سببها الشمس أو نقص عنايه بالبشرة .. أحيانًا بيكون السبب من داخل الجسم، ومقاومة الإنسولين من أشهر الأسباب اللي ممكن تظهر على شكل اسمرار في الرقبة أو تحت الإبطين او عند الايد و علاج السبب الداخلي هو الخطوة الأهم علشان نلاقي نتيجة حقيقية دايمه مش مؤقته …

و مقاومة الإنسولين مش معناها إن عندك سكر، لكن دي حالة بيكون فيها الجسم أقل استجابة للإنسولين، وده ممكن يسبب الحاجات دي 👇🏼

* زيادة الوزن أو صعوبة نزول الوزن .. خصوصًا في منطقة البطن
* الجوع بسرعة والرغبة الشديدة في الحلويات والكربوهيدرات
* الخمول أو الاحساس بانك محتاجه تنامي بعد اي اكل
* اسمرار الرقبة أو تحت الإبطين أو بين الفخذين
* ظهور زوائد جلدية صغيرة (Skin Tags) في الرقبة أو تحت الإبطين
* ارتفاع الدهون الثلاثية أو انخفاض الكوليسترول الجيد (HDL) في التحاليل
* عند بعض البنات : اضطرابات البريود أو أعراض مرتبطة بتكيس المبايض

وبالنسبة للبشرة، ممكن تلاحظي:

* اسمرار في بعض المناطق زي ما قولتلك فوق
* زيادة الحبوب أو الدهون عند بعض الأشخاص (بشكل غير طبيعي)
* بطء تحسن بعض المشكلات الجلدية رغم الالتزام بالروتين

وعلشان كده اي حد عنده مقاومه انسولين بنصحه يبدأ العلاج وبعدين نفتح اي تصبغات خصوصا تصبغات الاندرارم سواء بكريمات او بالتقشير لانه يا اما مش هيجيب اي نتيجه او هتبقي نتيجه ضعيفه جدا !! 🤦🏻‍♀️

لو عندك أكتر من عرض من دول استشيري دكتورك فورا من فضلك وابدأي العلاج تجنبا لمشاكل اضطرابات سكر الدم اللي اكيد انتِ في غني عنها ! 🙏🏻

“الاهتمام بالنفس مش مرتبط بسن، ولا زواج، ولا شغل، ولا مناسبة.
هو استثمار في راحتك النفسية وثقتك بنفسك وجودة حياتك كل يوم 🤍