https://www.facebook.com/113774840173642/

Mamin

Q: What is the address?

اسوان الشارع الجديد

Contact information, map and directions, contact form, opening hours, services, ratings, photos, videos and announcements from Mamin, Beauty, cosmetic & personal care, اسوان الشارع الجديد, Aswan.

10/02/2020

😎أحماض الفواكه بين
الفائدة التجميلية والتجارة المفترية😎

🧐أحماض الفواكه أو الألفا هيدروكسى اسيدز AHA هو ترند شهير من أشهر الترندات التجميلية حاليا وقبل حاليا كمان وهى بالفعل من المود الفعالة القوية التأثير المفيدة بشروط معينة وضارة جدا بسبهللة معينة
🧐إسم المادة (أحماض الفواكه ) مأخوذ من أصل المواد الطبيعى وهى بالفعل تتواجد فى عدد كبير من الفاكهة ..من اشهرها
🍋حمض الستريك فى الموالح
🍎حمض الماليك فى التفاح
🐄حمض اللاكتيك فى اللبن
🌾حمض الجليكوليك فى قصب السكر
🍇حمض الطرطريك فى العنب و الرمان

😎بس قبل ما اتكلم عن أى حاجة لازم تفهمى إنه وإن كان مصدر هذه الأحماض فى الأساس طبيعيا إلا أن كل الموجود حاليا والمستخدم فى كريمات اشهر البراندات ما هى إلا مواد فعالة تخليقة ناتجة من تفاعلات كيميائية معملية بحتة
😂مش هيعصروا لحضرتك الليمون علشان يستخدموه فى الكريمات ولا هيستخدموا اللبن الرايب فى اللوشنات

🧐وفرق جبار بين أن تكون المادة الفعالة فى أحضان مصدرها الأصلى بين إخواتها من المواد الفعالة وبين أن تكون منفصلة تصنيعية لوحدها ..ودة موضوع يطول شرحه ويحتاج لقعدة طويلة ...قد لا يتفق فيها معى كثير من رواد المجال

😎هل لأحماض الفواكه فوايد فعلية فى منتجات التجميل ؟
🔹️بالطبع أحماض الفواكه لها فوايد جلدية قوية ولكن بشرطين أساسيين :
👈أن تكون بالتراكيز المعتمدة لمنتج التجميل ...ودى تتراوح بين 5% إلى 10% وبعض الأبحاث تشرطها بتركيز 8% فى منتج التجميل
👈أن تكون التركيبة معمولة صح بحيث يكون حمض الفاكهة نشط غير خامل ودة لا يتم إلا فى وسط حامضى معين لو زاد عنه يسبب مشاكل فى البشرة ولو قل عنه يسبب عدم فاعلية للمنتج

🔸️ولذا فمش كل منتج يحتوى على حمض فاكهة هو منتج مفيد فالفايدة تتناسب مع زبط التركيبة وربطها ...فرب تركيبة مليانة اسماء لأحماض الفواكه لافائدة فيها أصلا ...ودة يحكم عليها معمليا

😎ما هى فوايد أحماض الفاكهة ؟
أحماض الفاكهة تشتغل على البشرة بطريقتين :
👈تقشير خارجى ودة بيدى نضارة سطحية
👈زيادة معدل نمو الخلايا الشابة الحديثة فى الجزء السفلى من البشرة وهو ما يعرف علميا باسم CELLS TURNOVER ACCELERATION
🔸️ودة اللى بيخلى أحماض الفواكه تدى نضارة واضحة بعد استخدامها بفترة
🔹️يعنى تقشيرسطحى يزيل الخلايا الجافة الميتة وتسريع صعود الخلايا الشابة من العمق لفوق ...طبعا كل دة يترافق مع زيادة كولاجينية واضحة ربما سببها حامضية المنج المنخفضة

🔹️علشان التقشير بيستخدمها البعض فى علاج حب الشباب علشان فتح الحباية المغلقة باذابة قشرتها
🔸️علشان التقشير بتستخدم برضو فى تفتيح البشرة فى حالات البقع والاثار وتراكم الصبغية
🔹️علشان التقشير بتستخدم فى علاج الكالو والكعوب المشققة بعيد عند وكل جزء شديد الجفاف من البشرة
🔸️علشان تسريع الخلايا بتستخدم للنضارة
🔹️علشان الكولاجين بتستخدم فى التجاعيد

😎هل أحماض الفواكه خطيرة ؟
☠إبتداءا لازم تحذرى أى منتج تجميلى يحتوى على أحماض الفواكه من مصدر غير موثوق لإنك متعرفيش هوة حاطط تركيز كم لأن البيه مش هيعرفك وممكن يكون حاطط تركيز عالى جدا من عدد من أحماض الفواكه على سبيل إنه يغيرلك جلد وشك كله طبعا فمتوقع أنك هتبرقى ..مع إن دة ممكن يكون مدمر

☠ما تستخدميش أى منتج يحتوى على أحماض الفواكه بتركيز أعلى من 10% من نفسك وما تشتريش منتج تركيز أعلى من كدة خاصة لو كان حمض الجليكوليك...ما يضحكشى عليكى حد ...النت مليان نصب بخصوص أحماض الفواكه وشفت حالات متدمرة حرفيا كيعان وركب وتحت باط وبطن ...احذرى ..واسألى ولاتثقى فى تاجر همه كله يلبسك المنتج ثم يختفى

☠ما تستخدميش أى منتج يحتوى على أحماض الفواكه على بشرة حساسة ابدا ...متجربيش فى نفسك أو تقلدى كايداهم أو أم الخير ...كايداهم بشرتها زى لوح الأبلكاش مش هتفرق معاها بينما أنت بشرتك زى حتة الستان ..هتتشلفطى

☠ما تستخدميش حمض الجليكوليك إلا بحذر شديد حتى بالتراكيز المنخفضة...مادة تسبب تحسس شمسى عالى وقد ينتهى بك الأمر لبشرة حساسة جدة التهابية ببشاعة

😨حمض اللاكتيك هو آمن صور أحماض الفواكه ...خفيف ولطشيف وبن حلال وطيب ياختى ...لاتسمعيله صوت ولا تشوفيله مشاكل ...أحبه فى المنتجات الخاصة بالتجاعيد والبشرة وهو موجود فى كريم التجاعيد من الحج mamin

☠لاتستخدمى أحماض الفواكه فى غسول بشرة فيها حبوب ...جريمة حقيقية يقع فيه حتى المتخصصون ...البشرة اللى فيها حبوب تحتاج لمعاملة لطشيفة وخفيفة بغسول غاية فى اللطف والرقة و الحنية ...أى غسول تلاقى فيه حاجات من اللاكتيك أو الجليكوليك أو الساليسيليك ...إبعدى عنه لأنه هيبهدل بشرتك ...وإن زعموا غير ذلك

😎ما هو التقشير الكيميائى ؟
🔸️التقشير الكيميائى هو تقشير يستخدم فيه غالبا أحماض الفواكه بتراكيز عالية جدا قد تصل إلى 70% ودة لاتقدمى عليه إلا بعد استخارة واستشارة فكم من باكية منه وكم من نادمة عليه ...ويكون بشروط :

👈فى عيادة دكتور فاهم ممارس عارف هوة بيعمل إيه مش بيجرب فيكى
👈لبشرة تتحمل ...مش كل اللى يقولك تعالى اقشرك تجرى تقشرى عنده ..هية برتقانة ...بشرتك أثمن ما فيك فحافظى عليها
👈تبدئى بتراكيز أقل ثم أكثر ما تصدميش البشرة بأبو سبعين فى المية هيبهدلك
👈تبدئى بجلسات قصيرة ...دقيقتين وبعدين تزودى
♥️كل دة فى العيادة ...مش عند أم جيهان ...أم جيهان هتشلفط عيلتك كلها وبعدين تيجى تعيطلنا وتقل شوفولى حل

👈هل أحماض الفواكه كمنتجات آمنة للحامل والرضع ؟
🔸️بعض المدارس تقول آه وبعضها تقول لأ ...وجهة نظرى حرص ولا تخون ...ابعدى عن كل منتج فيه أحماض فواكه على الأقل أول ثلاثة شهر
🔹️كتقشير يكون الخطر أقوى والإحتيط أكتر ...مش هنغامر يا ست هانم علشان شوية نمش ...لما ينزل سبع البرمبة نعمل اللى عاوزينه وكدة كدة الراجل هيطفش

😎طب هل فى بدايل فعالة لأحماض الفواكه طبيعية ؟
♥️من المفاجآت العلمية الجميلة إن خلاصة تمر الهند يحتوى على باقة رائعة من أحماض الفواكه زى الطرطريك والستريك والماليك واللاكتيك جمال ربانى رائع ...أربع أحماض فواكه جميلة فى منتج طبيعى وبتراكيز ممتازة خلت البى إتش بتاع المنتج مفاجأة ليا الحقيقة
👈قمت باستخلاص تمر الهند بالشكل العلمى الصحيح ...ودة بيتم بالماء و الكحول علشان ناخد كل المواد الفعالة اللى فيه القابلة للذوبان فى الماء والغير قابلة للذوبان ...وبعد كدة بنتخلص من الكحول نهائيا عن طريق استخدام التفريغ ...vacum يعنى فتحصل على خلاصة ممتازة
👈قمت بقياس البى اتش بتاع الخلاصة فوجدته 3.8 ودة ممتاز لنشاط الاحماض الموجودة فى الخلاصة
👈الجميل اللى أذهلنى إنى قارنت خلاصة تمر الهند بمحلول الفاهيدروكسى اسيد صناعى زى اللاكتيك له نفس البى اتش فوجدت فرق جامد فى تأثيره على التهابية البشرة و التحسس ...دة يدلنا إن أحماض الفواكه مدعومة بمضادات التهاب طبيعية قوية فى الخلاصة
دة اللى خلانى أدخله فى بعض الغسولات ...وخلانى هعمل منه ماسك مقشر طبيعى للبشرة هيتوفر فى منتجات mamin

♥️من المنتجات اللى تحتوى على أحماض الفواكه ايضا ...الزبادى ...يعنى ممكن يا عم نعمل ماسك زبادى ؟
👈فى بحث واحد تم إجراؤه ..يدلنا على أن ماسك الزبادى قد يفيد فى ترطيب البشرة ...لمحتواه من اللاكتيك ...بس طبعا اللى أجرى البحث قال إنه محتاج لأبحاث أخرى تدعم البحث دة ...عموما مش هيضر
👈 طب ممكن يكون مع العسل ؟ لا أنصح بذلك ...العسل دة حاجة لوحده كدة
👈يمكنك خلطه بعصير تمر الهند المركز ...والاستمتاع بباقة جميلة من أحماض الفواكه الطبيعية

دمت جميلة ظاهرا وباطنا
♥️C.S.I
مش مجرد منتج
not just a product

09/02/2020

Want your business to be the top-listed Beauty Salon in Aswan?
Click here to claim your Sponsored Listing.

Website

facebook.com

Address

اسوان الشارع الجديد
Aswan

Mamin

Share

Category

Website

Address