Dr. Hesham Nawar - Trauma Therapy

أغلى "استقالة" هتمضيها في حياتك وتشتري بيها سلامك النفسي، إنك تستقيل من ماراثون "إثبات الذات".. وتنسحب بقلب ميت وتعلن للدنيا إنك "بره المنافسة"!
إنك توصل لـ "الشبع النفسي" اللي يخليك مستغني، مش محتاج تحرق بنزينك عشان تثبت إنك أغنى، أو أحلى، أو حتى أسعد من فلان أو علان.. وماتبقاش مسعور على لّمة الناس الكدابة حواليك.
السر ده بيغسل روحك ويخلي قعدتك تتشرى بالدهب.. واللي مابيلحقش النعمة دي بدري، بيخلص رصيد عمره يلهث في "سباق ملوش قيمة" آخره أمراض نفسية وهدة حيل! 🤍

كن بسيطا مهما ارتفع شأنك فالبساطة للملوك فجميل الروح ملفت و لو كان بين الحشود

في نوع من “المعالجين” منتشر اليومين دول…

يحضر ورشتين…
يحفظ كلمتين عن الطاقة…
يفتح صفحة ويحط في البايو “Healer – Trauma Expert – Life Transformer”
ويطلع في أي لايف يقول كلمتين عن “حب نفسك” و”سامح طفلك الداخلي”
ويفتكر إنه كده بقى بيعالج تروما.

المشكلة مش إنه لسه مبتدئ…
كلنا ابتدينا.

المشكلة في غياب الفهم الحقيقي للسيستم النفسي.

يعني إيه؟

يعني تفهم:
• يعني إيه Nervous System Regulation
• يعني إيه Trauma Response
• يعني إيه Attachment Pattern
• يعني إيه Cognitive Distortion
• يعني إيه Dissociation
• يعني إيه Trigger Mapping
• يعني إيه Integration

مش تبقى بتفك صدمة…
وانت مش فاهم الجهاز العصبي بيعمل إيه.

العلاج مش حضور قوي.
مش كاريزما.
مش كلام مؤثر.
ومش عدد متابعين.

العلاج مسؤولية.

وأكتر حاجة بتفززني؟
إن ناس كتير فاكرة إن:
“أنا بعرف أسمع كويس” = أنا هعرف أعالج.

لا لا لا لا وألف لا.

التعافي محتاج:
تفكير منهجي
تفكير سريري
وعي بالمخاطر
قدرة على احتواء الانهيار
ومعرفة إمتى تحوّل الحالة لمتخصص

غير كده؟
أنت مش بتعالج…
أنت بتلعب في جهاز عصبي حد تاني.

والالعب هنا مش خسارة فلوس…
دي خسارة أمان.

لو ناوي تدخل المجال…
اتدرب بجد.
افهم قبل ما تتكلم.
وابني عقلية معالج… مش عقلية نجم لايف.

وبلاش فهلوة…
الجهاز العصبي مش كازينو.