Coffee & Scrubs

اوعي تقع في الفخ ده 📌

انك تكون شخصية صدامية

في التمريض…
مش كل معركة لازم تدخلها،
ومش كل رد لازم ترد عليه.

في ناس بتكون شاطرة جدًا في شغلها،
بس بسبب أسلوبها الصدامي بتخسر نفسها واحدة واحدة.

أي حد داخل المستشفى داخل خناقات طول الوقت:
* مع دكاترة
* مع تمريض
* مع أهالي
* مع الإدارة

غالبًا بيتعب نفسيًا قبل أي حد حواليه.

ومع الوقت تلاقي:

* سمعته بقت صعبة
* محدش حابب يشتغل معاه
* فرصه بتقل
* والتوتر مأثر على شغله وتركيزه

الأخطر إن بعض الناس فاكرة إن العصبية والصدام = قوة شخصية.

مع إن الحقيقة العكس تمامًا.

القوة الحقيقية إنك تعرف:
* إمتى تتكلم
* وإمتى تعدّي
* وإزاي تحافظ على حقك من غير ما تخسر الناس حواليك

خصوصًا في التمريض…
الشغل قائم على Teamwork أكتر ما الناس متخيلة.

ممكن مهارتك تكون ممتازة،
بس أسلوبك يخسرك Career كامل. ⚠️

#تمريض
#ممرض

في أولى تمريض…

ناس كتير بتفتكر إن الـ Team Leader مجرد شخص بيسجل الحضور والغياب 🧐

لكن الحقيقة إن الدور ده أول تدريب حقيقي على القيادة والمسؤولية المهنية 💡

الـ Team Leader الشاطر بيكون:
• منظم
• هادي تحت الضغط
• يعرف يوصل المعلومة
• يحل المشاكل بدون دراما
• يساعد الفريق يشتغل بشكل أحسن

وفي التمريض تحديدًا، المهارات دي مش رفاهية…
دي نفس المهارات اللي هتحتاجها بعد التخرج في الشغل الحقيقي داخل المستشفى 🏥

القيادة مش منصب…
القيادة طريقة تعامل.

وممكن جدًا بداية شخصيتك المهنية تبدأ من دور صغير في سنة أولى ✨

#تمريض




#التمريض



#رعايتي

رجلك ممكن تقولك إن في مشكلة في جسمك… قبل ما أنت تحس! ⚠️🦶
في علامات بتظهر في القدمين ناس كتير بتطنشها وتقول: “إجهاد عادي” أو “هتروح لوحدها”…
بس الحقيقة إن بعض العلامات دي ممكن تكون مؤشر لمشكلة محتاجة متابعة.

الصورة دي فيها 8 علامات مهمة من قدمك ماينفعش تتجاهلها 👇

1️⃣ القدم الباردة
لو رجلك دايمًا باردة حتى في الجو العادي، ده ممكن يكون له علاقة بضعف الدورة الدموية، أو قصور الغدة الدرقية، أو الأنيميا، أو مرض السكري.
طبعًا مش كل برودة معناها مرض، لكن لو الموضوع متكرر ومعاه تنميل أو تغير لون الجلد، لازم تكشف.

2️⃣ تشقق الكعبين
تشقق الكعب مش بس مشكلة شكل، أحيانًا بيكون بسبب جفاف شديد، أو نقص بعض الفيتامينات والمعادن، أو مشاكل جلدية، أو اضطرابات في الغدة الدرقية.
ولو التشققات عميقة ومؤلمة أو بتنزف، لازم تتعالج عشان ما تتحولش لجرح أو التهاب.

3️⃣ ألم مستمر في القدم
الألم اللي بيكمل أيام أو بيتكرر مش طبيعي.
ممكن يكون بسبب التهاب في المفاصل، النقرس، الروماتيزم، التهاب اللفافة الأخمصية، أو حتى كسر إجهادي من التمرين أو المشي الكتير.
المهم إن الألم المستمر محتاج تقييم، مش مسكنات وخلاص.

4️⃣ بقع داكنة أو خطوط تحت الأظافر
دي من العلامات اللي لازم ناخد بالنا منها جدًا.
ممكن تكون بسبب خبطة بسيطة، أو مشاكل في الدورة الدموية، أو السكر، لكن لو في خط غامق أو بقعة ظهرت فجأة ومش بتتحسن أو بتكبر، لازم فحص طبي.

5️⃣ تورم القدمين والكاحلين
التورم ممكن يحصل بعد وقفة طويلة أو مجهود، لكن لو متكرر أو شديد أو في رجل أكتر من التانية، ممكن يكون مرتبط بمشاكل في الكلى، الكبد، القلب، أو ضعف الأوردة والدورة الدموية.
لو التورم معاه ضيق نفس أو ألم في الصدر، ده طارئ ولازم تتحرك فورًا.

6️⃣ تنميل أو وخز
الإحساس بالتنميل أو الشكشكة في القدم ممكن يكون له علاقة بالأعصاب الطرفية، وده بيظهر أحيانًا مع مرض السكري، نقص فيتامين B12، أو مشاكل في الأعصاب.
لو التنميل مستمر أو بيزيد، ماينفعش يتساب.

7️⃣ إحساس بحرقة في القدمين
الحرقان في القدمين ممكن يكون بسبب اعتلال الأعصاب، نقص فيتامينات ب، مشاكل في الكلى، أو السكر غير المنتظم.
ولو الحرقان بيزيد بالليل أو معاه تنميل، لازم تعمل فحص وتحاليل مناسبة.

8️⃣ قرح جلدية لا تلتئم
أي جرح في القدم مايلتئمش بسرعة، خصوصًا عند مريض السكر، لازم يتاخد بجدية جدًا.
لأن ضعف الدورة الدموية أو ارتفاع السكر ممكن يخلي الجروح تتأخر وتتعقد لو اتسابِت.

✅ نصائح مهمة للحفاظ على صحة القدمين:

👟 البس حذاء مريح ومناسب لمقاس قدمك
خصوصًا لو بتتمرن أو بتمشي كتير.

🧼 اغسل قدمك ونشف بين الأصابع كويس
الرطوبة بين الأصابع ممكن تزود فرص الفطريات والالتهابات.

💧 رطّب جلد القدمين باستمرار
خصوصًا الكعبين، لكن بلاش تحط كريم بين الأصابع لو المنطقة بتعرق كتير.

🔍 افحص قدمك يوميًا
خصوصًا لو عندك سكر، شوف هل في جروح؟ تغير لون؟ تشققات؟ تورم؟ تنميل؟

🩸 تابع مستوى السكر لو عندك سكر أو مقاومة إنسولين
لأن السكر غير المنتظم ممكن يأثر على الأعصاب والدورة الدموية.

🥗 كل أكل متوازن
البروتين، الخضار، الفيتامينات، والمعادن مهمين لصحة الجلد، الأعصاب، والعضلات.

🚶‍♂️ اتحرك يوميًا
المشي والحركة بيساعدوا على تنشيط الدورة الدموية وتقليل الخمول.

⚠️ إمتى لازم تستشير طبيب فورًا؟
لو عندك جرح في القدم مش بيلتئم
لو في تورم مفاجئ أو شديد
لو في تنميل أو حرقان مستمر
لو في ألم شديد أو ألم بيزيد
لو لون القدم اتغير للأزرق أو الأسود
لو عندك سكر وظهر أي جرح أو التهاب
لو في خط غامق تحت الظفر وبيكبر أو ظهر من غير سبب واضح

الخلاصة:
القدمين مش مجرد جزء بنمشي عليه…
دي ممكن تكون مرآة لصحة الدورة الدموية، الأعصاب، السكر، والكلى.

اسمع لجسمك، وما تستهونش بأي علامة متكررة أو غريبة.
الكشف المبكر دايمًا أسهل وأفضل من العلاج المتأخر ❤️

احفظ البوست وابعته لحد محتاج ياخد باله من صحة رجله.

#السكر #النقرس #تغذية #صحة #رعايتي

الزهايمر:

ليس كل نسيان يعني الزهايمر، حيث أن الزهايمر هو تلف يصيب أجزاء التفكير والذاكرة والكلام في المخ وهو أخطر بكثير من النسيان.
الزهايمر ليس مرحلة طبيعية من مراحل الشيخوخة، لكن احتمال الإصابة به يتزايد مع تقدم العمر.
مرض الزهايمر من أكثر أنواع الخرف شيوعًا حيث يصيب النساء بنسبة أعلى من الرجال.
على الرغم من أن الزهايمر هو مرض لا شفاء منه، إلا إن هنالك علاجات قد تحسن جودة حياة مَن يعانون منه.
يمر المصاب بعدة مراحل ولا تظهر الأعراض دفعةً واحدة، ويستمر بالتقدم بسرعة مختلفة من شخص لآخر.
تعريف المرض:

هو ضمور في خلايا المخ السليمة ينتج عنه تراجع مستمر في الذاكرة وفي القدرات العقلية والذهنية، وهو السبب الأكثر شيوعًا للخرف، والذي يؤذي المهارات العقلية والاجتماعية مما يؤدي إلى إعاقة الأداء اليومي في الحياة العادية ويزداد تدهورًا بمرور الوقت.

المراحل:

1- المرحلة المبكرة: (الأعراض غير واضحة):

صعوبة اختيار الكلمة المناسبة أو الاسم أثناء الكلام.
صعوبة حفظ أسماء الأشخاص الجدد.
صعوبة أداء المهام الاجتماعية والمهنية.
نسيان ما قرأه قبل فترة قصيرة.
ضياع الأغراض الثمينة ووضعها في غير أماكنها المناسبة.
صعوبة التخطيط والتنظيم.
2- المرحلة المتوسطة: (تبدأ الأعراض بالوضوح)

صعوبة تذكر الأحداث المهمة والتاريخ الشخصي.
تقلبات المزاج والميل إلى العزلة.
صعوبة تذكر عنوان المنزل أو رقم الهاتف الشخصي أو الجامعة التي تخرج منها.
الارتباك بخصوص التاريخ، يوم الأسبوع، الموسم أو المكان.
الحاجة إلى المساعدة في اختيار الثياب المناسبة.
البعض يواجه صعوبة في التحكم بعمليات الإخراج.
تغير نظام النوم.
تزداد خطورة الضياع في الطرق.
تغيرات في الشخصية، مثل: الشك المَرَضي، وتكرار بعض التصرفات (مثل هز اليدين أو تمزيق المناديل).
3- المرحلة المتأخرة:

الحاجة إلى العناية والمراقبة طوال الوقت.
ضعف الوعي بالأمور التي تحدث حوله.
مواجهة مشاكل في القدرات الجسدية، مثل: المشي والجلوس إلى أن يصل إلى صعوبة البلع.
صعوبة التواصل مع الآخرين.
يكون عرضة للإصابة بالأمراض المعدية، مثل: التهاب الرئة (النيمونيا).
تظهر لدى مرضى الزهايمر تغيرات في الشخصية مثل:

المزاج المتقلب.
انعدام الثقة بالآخرين.
العناد المتزايد.
الانطواء الاجتماعي.
الاكتئاب.
الخوف.
العدوانية.

هل تحتاج رعاية طبية منزلية؟
تواصل معنا تجدنا
What’s up 011 11394064

مواعيد نوم و صحيان تجيب تهتك في خلايا المخ..😎😁

#لبيك ربي وإن لم اكنّ بينَ عبادك داعياً👐👐
#لبيك ربي وإن لم اكنّ بينَ الحجيج ساعياً👐👐
#لبيك ربي وإن لم اكنّ بينَ الزحام ملبياً👐👐
#لبيك ربي وإن لم اكنّ بينَ صفوفهم مصلياً👐👐
#لبيك ربي وإن لم اكنّ بينَ جموعهم عفوك طالباً👐👐
#لبيك اللهم لبيك...لبيك لا شريك لك لبيك...😍💝
إن الحمد والنعمة لك والملك...لا شريك لك..😍💖
💝💗💖
والسنة اللي جاية نكون علي عرفات يارب 💝💝