re new your soul

انتظروني غدا الساعه الخامسه مساء ببرنامج

من تقديم الدكتورة

على قناة ..

اعداد الدكتور Ehabhefnyel Safy ....

هنتكلم عن الصحه والنفسيه وارتباطها بالاسره ومشاكل الاخوات وكيف علاجها

كل عام وانتم بخير
وعيد سعيد

رسالة لكل بنت:
لو لقيتي إنك بتخسري نفسك عشان تكسبِيه… اهربي
لو لقيتي الحنية بتتلبس قناع تحكم… اهربي
لو لقيتي إنك مش ست في عينه، لكن مشروع سيطرة… اهربي

لإن الرجولة مش صوته العالي، ولا غيرته، ولا الفلوس اللي بيصرفها
الرجولة… في حضن يطمنك، في كلمة تحسسك بالأمان، في احترام ما يتغيرش مع الظروف

⸻

ورسالة لكل أم:
لو بتربي ابنك يفتكر إن مراته خدامة
وإن الرجولة قسوة
وإن الست لازم تتكسر عشان تِطاع
فما تستغربيش لما يطلق
ويفتكر كل ست “ناشز”… وكل بيت “مش مستقر”
وهو أصلاً عمره ما كان راجل بمعنى الرجولة

في نوع من الرجالة… حبه استنزاف
مش حب، مش حنية، مش رجولة
هو سيطرة، رغبة في الامتلاك، في إنه يثبت إنه فوق دايمًا… حتى لو على حسابك

العلاقة بتبدأ بنعومة… زي أول وعد
كلام حلو، واهتمام شكله حب
بس في الحقيقة؟
هو مش بيحبك
هو بيحب إحساسه إنه امتلكك
إنك بقيتي جزء من ممتلكاته… مش من قلبه

كل ما تتقربي، هو يبعد
كل ما تدي، يطلب أكتر
وكل ما تصبري، يشوف صبرك ضعف
لحد ما تلاقي نفسك بتتآكلي
من احترامك لنفسك… ومن أنوثتك اللي بتتكسَر على بابه كل يوم

هو مش عايز ست
هو عايز مراية… تعكسله رجولته، وتخليه دايمًا الصح
عنده نقص فادح
مش عارف هو راجل بيحب
ولا طفل بيعاند، ولا خصم لازم يكسب الجولة

كل حاجة فيه معمولة عشان يثبت إن الست كائن ناقص
وإنه مهما ظلمك… هو ليه مبرراته
وإنتي… مجرد تفصيلة في قصة بطولته

بيشتغل؟
آه… عشان يقولك “أنا اللي بصرف”
بيتكلم؟
آه… عشان يقلل من كلامك
بيحب؟
آه… بس حبه مش سند
حبه شروط، أوامر، وقهر

بيغير؟
آه… مش عليكي
بيغير منك، من نجاحك، من شغلك، من أهلك
من كل حاجة بتحسي فيها إنك قوية من غيره

ولما تتكلمي؟
يبصلك ويقولك “انتي نكدية”
ولما تسكتي؟
يبصلك ويقولك “انتي متغيرة”
وفي كل الحالات… إنتي الغلطانة!

يتحكم فيك…
ويكسر جناحاتك
ويخليكِ دايمًا في خانة اللي لازم تبرر
لازم تشرح
لازم تصبر
لحد ما تلاقي نفسك نسيتي انتي كنتي مين أصلاً!

وفي الآخر؟
يسيبك… ويقولك: “انتي اتغيرتي”

وإنتي؟
مش اتغيرتي… إنتي خلصتي
خلصتي من التنازلات، من التمثيل، من العياط اللي محدش شافه
خلصتي من محاولة ترميم قلب انكسر مية مرة
وبدأيتي تفهمي إنك كنتي بتحبي خيال… مش راجل

منقول

اغلب الحالات الي بتجيلي حقيقي معندهاش حاجه هي بس نتيجه شخصيات سامه في حياتها عملتلها عدم توازن في نفسيتها خلتها مش عرفه تفكر ولا تتصرف

ارجوكم تبعدو الشخصيات السامه لانها بتتغذي علي سلامتنا النفسيه والعقليه

كونو دوما في صحه نفسيه
كونو دوما في نفسيه سعيده

دمتم بخير

حسيت قبل كده انك مش قادر تضحك ولا تكلم بس خايف تظهر ده
طب حسيت قبل كده انك مش قادر تقوم بواجباتك اليوميه بس لازم تقوم تعملها ولما تعملها بتحس بالارهاق اكنك جريت في مارثون حول العالم
طب حسيت انك مش قادر تقوم من السرير ولا تقابل حد ولا تكلم مع حد بس خايف تظهر ده
والسؤال الي بيجي في بالك هو ده طبيبعي
هو ده عادي
احب اقلك لا مش عادي
ده جزء من اعراض الاكتئاب المبتسم (smiling depression)

تعالي بقي اقلك علي اعراضه

الشعور بالحزن،
واليأس، والإحباط.

الإحساس بالذنب وانعدام القيمة.

فقدان الاستمتاع بالأنشطة المحببة.

الميل إلى التفكير في المواقف السلبية.

نوبات من التهيج والغضب.

تراجع القدرة على التركيز ومواجهة صعوبة في اتخاذ القرارات.

الشعور بالوحدة.

التفكير في الانتحار.

انت بتسئل نفسك ليه سموه كده؟

هجوبك واقلك لانك بتبقي خايف تظهر مشاعرك وأحاسيسك الي مخبيها جواك مش قادر تستحمل لوم الناس ليك او نقضهم فبتظهرلهم علي انك كويس وتمام وبتضحك كمان بس للاسف ده من بره بس

خليك مبتسم من برا ومن جوه مفيش اغلي منك عند نفسك

# الاكتئاب المبتسم
#صحه نفسيه

يسعدنا تواصلكم والرد علي استفساركم

د/ فيروز ابو عارف

في نوع كده من الزعل اسمه "الزعل الراقي".
زعل صامت غير قابل للبوح، ساكت، مش بيشتكي، مش بيعيط، بس باين في العيون...
الدموع مش عايزة تنزل، والكلام مش نافع يتقال،
ده الزعل اللي عمره ما بيعدي، ولا السنين بتغيره... الزعل من مواقف وحاجات ماينفعش تتقال،
من مشاعر اتحبست جوانا، ومن خذلان اتكرر لحد ما بقى طبيعي.
الزعل الراقي ده، مايتحملوش غير الناس النبيلة... أصحاب القلوب الكبيرة، اللي بيخافوا يوجعوا حد،
اللي ساكتين علشان ما يضايقوش الناس، واللي بيفضلوا يشيلوا وجعهم لوحدهم...
دول أرقى الناس، رغم الزعل، لسه قلوبهم مليانة خير وحب وسِتر.
ربنا يداوي كل قلب موجوع، ويدي كل واحد فينا الصبر الجميل اللي بيليق بالناس الطيبين.
منقول


كونو بخير لانفسكم

ما هو الاحتراق النفسي ؟
هو مصطلح طبي يطلق على مجموعة المشكلات النفسية التي تواجه الأشخاص مثل الإجهاد والإرهاق، مما يسبب ضعفاً عاماً، احساس داخلي بانك فعلا بتحترق بالفعل من الداخل من أجل من حولك
فتبذل أقصى ما في وسعك لشهور، وبعدها تجده يفعل أقل الأشياء بصعوبة، حيث أن الإرهاق والضغوط الحياتية المختلفة سواء في العمل أو في العلاقات الشخصية، والوقوع تحت تأثير الإجهاد النفسي والعاطفي والجسدي والنفسي، يُفقد الإنسان الاهتمام والدافع للعمل ، والشعور الدائم باليأس والإصابة بحالة من التبلد واللامبالاة، إضافة إلى فقدان القدرة علي العطاء.
وعندما يرهق الشخص نفسه ويحترق من أجل إرضاء الآخرين على حساب راحته النفسية، تجده فجأة وبدون مقدمات يبذل مجهوداً لفعل أقل الأشياء الروتينية التي كان يقوم بها، ففي هذه الحالة هو مصاب بمتلازمة الاحتراق الذاتي أو في طريقه للإصابة بالموت المهني.

شعورك مع الاحتراق النفسي

الإجهاد الشديد واحساسك بن ابسط الاشياء من واجباتك صعبه

السلوك الساخر.يعني مش فارقه معاك.

السلوك غير العقلاني. بتتصرف تصرافات وانت مش فاهم انت اتصرفتها ليه

تقلّبات المزاج وغياب المشاعر الإيجابية. مره زعلان مره مبسوط
الأرق. نفسك تنام بس مش عارف

الأفكار السلبيّة. اي افكار سلبيه بتفكر فيها سواء صحيحه او لا

عدم وجود الحافز. مفيش حاجه مهمه

المرض المستمرّ والمتكرّر.
علطول حاسس انك تعبان بس مفيش مرض عضوي

خفقان القلب، آلام في الصدر
بتحس ان قلبك بينبض بسرعه كانه هيخرج من ضلوعك
ووجع في الصدر كانها اعراض ذبحه صدريه

احب اقول ان كل الاعراض دي لان الحاله النفسيه بتدي انذار عن طريق الاعضاء بتقلك كفايه

لا تحرق الخيط داخل الشمعه

سعداء بالرد علي استفساراتكم
د / فيروز ابو عارف

بتجيلنا حالات كتير، بنشوف فيها المرضى لفّوا على تخصصات مختلفة، وعملوا تحاليل وأشعات، وخرجوا بتشخيص: "كل حاجة سليمة"
لكن الحقيقة إن "في حاجة مش سليمة"... بس مش في الجسم، في النفس.

ده اسمه: Psychosomatic Symptoms
يعني أعراض جسدية سببها نفسي، مش عضوي.

المريض بيحس بالألم فعلاً، والتعب حقيقي و قوي، لكن مصدره الدماغ، مش الجهاز المصاب.

الأعراض دي مش تمثيل... ومش وهم... ومش "دلع"
دي اضطرابات موثقة في الطب النفسي، وممكن تعذّب الإنسان سنين لو متشخّصتش صح.

من الأعراض النفسوجسمانية:

١. صداع مزمن بدون سبب عضوي
٢. ضيق تنفس رغم سلامة القلب والرئة
٣. ألم في الصدر يشبه الذبحة
٤. وجع في المعدة أو القولون رغم سلامة التحاليل
٥. خفقان قلب بدون سبب قلبي
٦. تنميل أو رعشة في الأطراف
٧. إحساس بالسخونة أو البرودة في الجسم
٨. ألم في المفاصل بدون التهابات
٩. اضطراب في الرؤية بدون مشاكل عضوية
١٠. غثيان مستمر بدون سبب واضح
١١. دوخة بدون سبب عصبي أو اتزان
١٢. إحساس بالاختناق أو "بلعة واقفة في الزور"
١٣. إحساس دائم بالإرهاق الجسدي
١٤. اضطراب الدورة الشهرية بدون خلل هرموني
١٥. وجع في الظهر أو الرقبة رغم سلامة الفقرات
١٦. آلام جسدية متفرقة تتنقل بين الأعضاء
١٧. اضطرابات في الجهاز الهضمي بدون قرح أو التهابات
١٨. رعشة خفيفة مستمرة بدون مرض عصبي
١٩. تأخر التئام الجروح رغم سلامة الجسم
٢٠. حكة أو هرش مزمن بدون سبب جلدي

كل دي أعراض ممكن تكون "رسائل من العقل الباطن"... النفس بتحاول تتكلم من خلال الجسم.

المشكلة مش في الأعراض، المشكلة إن الناس بتلف على أطباء كتير، ويتقالهم:
"ما عندكش حاجة!"
وده يزود الإحساس باليأس، أو يوصل لتشخيصات خاطئة، أو حتى استخدام أدوية مش لازمة.

الحل؟ مش مسكنات... الحل عند الطبيب النفسي.
بعد تقييم دقيق، وتشخيص علمي، وتحديد خطة علاج نفسي مناسبة، كتير من الأعراض دي بتتحسن أو تختفي.

معاكم في اس استفسار
وجلسات مجانيه يوميا من ٩الي ١٠مساء
علي رقم
٠١٥٥٥٥١٦٩٦٦
د فيروز ابو عارف

اتحاد المعالجين النفسيين العرب
تم فتح باب تلقى طلبات العضوية الآن
لطلب العضوية و معرفة شروط الانضمام للاتحاد
راسلنا على واتساب
0201229406541

🌟 إزاي أتعامل مع شخصية سامة مضطر إني أشوفها يوميًا زي (الأب، الأم، الزوج، المدير،…)

أولاً لازم نبقي عارفين إن الشخص السام هو شخص مش بيتعامل بالمنطق فا مش هينفع معاه الاقناع

تاني حاجة الشخص السام هو شخص عنده مشاكل داخلية كبيرة مش مدركها فبالتالي مش بيعترف بيها
زي لما نشوف أب وأم بيتعاملو مع أولادهم بطريقة سامة ومنبقاش فاهمين ازاي ده مش بيتعارض مع حبهم ليهم!

طيب مين هو الشخص السام ؟
الشخص السام هو الي بيجذب منك التعاطف طول الوقت
بيحتاج تكون شبه توقعاته و إلا هيقلل منك ويشك فيك
هيختار التسلط للتعامل معاك ديماً
هيحاول يفرض رأيه عليك بطرق كتير
هيحسسك ديماً أنك مش إنسان جيد
هيختار اللوم لما تحكيله عن مشكلة ليك
هيتوقع ليك الفشل لو هتبدأ شيء جديد
هيفرض عليك تلبيه احتياجاته
ممكن يأذيك لو فكرت تخرج من دايرته

✨ ازاي نتعامل مع شخص سام مضطرين نتعامل معاه؟

- ما تحكيش عن مشاكلك قدامه لأنه هيضخمها ليك او هيلومك عليها أو هيحاول يحسسك أنه فاهم أكتر منك
- حاول انك تتحكم في مسار الحديث بمعني أن لما الحديث يتوجه للوم و شكوي أو مقارنة أنهي الحديث وغير الموضوع أو عبر عن رغبتك في التوقف عن الكلام
- حط نيه داخلية إنك مش هتتأثر بالشخص ده
-لو هو بيحكيلك مشكلة و بيوجهلك طاقه سلبية حاول ما تقومش بالاصغاء يعني ما تسمعش بمشاعرك و كل حاجة فيك حاول تفكر في حاجات تانية بعيد عن كلامه

✨ طريقة الحائط ✨

طريقة فعالة جداً في التعامل مش الاشخاص اللي ما بنقدرش نتجنب التعامل معاهم الطريقة دي بتخلي الشخص السام يفقد اهتمامه بيك مع الوقت لو اتدربت عليها واستخدمتها

أول وأهم حاجة هي إختيار السكوت (الشخص السام بيتغذي علي أنه يشدك للدرما والتفاعل معاه بشكل حاد)
في الوقت ده انت تقدر تجرده من سلاحه باختيارك للسكوت والسيطرة علي نفسك

ما تبصش في عينه مباشرة ولو مضطر خلي نظراتك عند مناطق تانية زي كتفه أو جبهته لأن النظر ف عينه في الوقت ده هيحفز عندك الحاجة للرد أو الغضب

جاوب علي اسئلته إجابات روتينية جداً وقصيرة وسيطر علي لغة جسدك

ما تستخدمش معاه التبرير أو الدفاع عن نفسك ولو حاول إهانتك خلي ردك زي (ده رأيك، مش هلومك على طريقة تفكيرك)

مع الوقت الشخص السام هيفقد شغفه بالاحتكاك بيك وهيدور علي حد تاني يشبعله احتياجه في التعاطف أو تقبل الدراما منه
ماتلومش نفسك علي استبعاد الشخص السام من مشاريعك أو حياتك الخاصه لإن طبيعي يكون ليك شخصيتك المستقلة ودرجة نضجك وأفكارك اللي ما ينفعش حد يكون له تأثير سلبي عليها 🤍
ترجمتي من الانجليزيه
منقول #
هل توافق!