Shorouk Ashraf MUA

بتروحوا لمين يسمعكم لما تكونو مش كويسين؟؟

أنا من كتر ما بفكر في بكرة، وفي اللي ناقصني، وفي إمتى الحاجات اللي نفسي فيها هتحصل… بقيت أقول لنفسي: خلاص، كفاية تفكير في بكرة، أنا لازم أعيش يومي وأحمد ربنا على اللي في إيدي.

لأن لما الواحد يقعد مع نفسه بجد ويفكر في كمية النعم اللي عنده، هيلاقيها كتير أوي… أكتر من إنه يعدها أصلًا.

أنا دايمًا بقول: الحمد لله على نعمة البيت، الحمد لله على نعمة السكينة، الحمد لله إني قاعدة في إيجار بس قادرة أدفع إيجاري، الحمد لله إني قادرة أجيب لبنتي اللي هي محتاجاه، الحمد لله إن اهلي جنبي وهما سندي الوحيد بعد ربنا

آه، في حاجات كتير ناقصاني، وحاجات نفسي فيها ولسه ما حصلتش… بس أنا مؤمنة إن ربنا بيرزقنا في التوقيت المناسب، وفي الوقت اللي هو كاتبه لينا.

فبقيت أقول: طب ما أعيش النهارده وأسيب بكرة على ربنا؟
ما يمكن الحاجة اللي أنا مستعجلة عليها دي، ربنا مأخرها عشان يديهالي في وقت أحسن بكتير؟

أنا حاسة إن ربنا شايل لي حاجة كبيرة أوي… بس لسه وقتها مجاش.

فالحمد لله على اللي عندي، والحمد لله على اللي ناقصني، والحمد لله على اللي جاي… وربنا يرزقنا كل حاجة في وقتها الصح. 🤍

صباح الخير ♥️
مينفعش نفضل واقفين في إشاره مرور عمرها ماهتبقي خضرا

الرجالة نوعين… حسب هو مقدّرك إزاي.

في راجل هيشوفك ملكة وشريكة حياة، وراجل تاني هيشوفك مجرد احتياج يحقق بيه اللي هو عايزه.

الراجل اللي شايفك ملكة، بيكون وجودك في حياته له قيمة حقيقية…
يشاركك حياته، وقراراته، وبيته، ويخطط معاكي لبكرة.
يختلف معاكي ويصالحك، يزعل ويرجع، يسافر معاكي، ويشاركك تفاصيل الحياة الحلوة والمُتعبة… لأنك بالنسبة له شريكة مش مجرد شخص موجود وقت ما يحتاجه.

أما اللي شايفك مجرد احتياج… فهتلاقي العلاقة كلها ماشية على حسب مصلحته.
كلام حلو وقت ما يحتاج، اهتمام وقت ما يحب، ووعود كتير من غير خطوة حقيقية.

وعشان كده يا حبيبتي، متسأليش بس:
“هو بيحبني قد إيه؟”

اسألي السؤال الأهم:
“هو شايفني إيه في حياته؟ وعايز مني إيه؟

مفيش مرحله عيشتها بتمني ارجعلها تاني أنا لحد دلوقت شايفه اني لسه معشتش حياتي اللي مستنيها ❤️‍🩹