Kalu putic fun

Please be follow me..

የዓለምን ሰላም የነሱት የኒውክሌር ጦር መሳሪያዎች አስገራሚ እና አስፈሪ እውነታዎች

አሜሪካ እና ሩሲያ በዓለማችን ላይ የኒውክሌር ጦር መሳሪያን በብዛት በመታጠቅ ቀዳሚዎቹ ሀገራት ናቸው።

እነዚህ ሁለት ኃያላን ሀገራት ብቻቸውን በምድራችን ላይ የሚገኙትን አብዛኞቹን የኒውክሌር ቦምቦች በይዞታቸው ስር ያደረጉ ሲሆን ሩሲያ በቁጥር ቀዳሚነቱን ስትይዝ አሜሪካ ደግሞ በቅርብ ርቀት ትከተላለች።

ለግንዛቤ ያህል ሩሲያ እና አሜሪካ እያንዳንዳቸው ከ5,000 በላይ የኒውክሌር አረሮች ሲኖሯቸው ቻይና ከ600 በላይ እንዲሁም ፈረንሳይ እና ብሪታንያ እያንዳንዳቸው ከ200 በላይ የጦር አምባር እንዳላቸው መረጃዎች ያመለክታሉ።

በአሁኑ ወቅት የኒውክሌር ጦር መሳሪያ እንዳላቸው የሚታወቁት ዘጠኝ ሀገራት ብቻ ሲሆኑ እነሱም አሜሪካ፣ ሩሲያ፣ ቻይና፣ ፈረንሳይ፣ ብሪታንያ፣ ህንድ፣ ፓኪስታን፣ ሰሜን ኮሪያ እና ይፋ ባታደርግም እስራኤል ናቸው።

የሚገርመው ግን በአፍሪካ አህጉር ውስጥ ምንም አይነት የኒውክሌር ጦር መሳሪያ የታጠቀ ሀገር አለመኖሩ ነው።

በታሪክ የኒውክሌር ቦምብን በሰው ልጆች ላይ የተጠቀመች ብቸኛዋ ሀገር አሜሪካ ስትሆን ይህም በሁለተኛው የዓለም ጦርነት ማጠናቀቂያ ላይ በጃፓን ሂሮሺማ እና ናጋሳኪ ከተሞች ላይ የተፈጸመ ነበር።

በወቅቱ በሂሮሺማ ብቻ በአንድ ቀን ውስጥ እስከ 80,000 የሚደርሱ ሰዎች ለህልፈት ተዳርገዋል።

እስካሁን በዓለማችን ከተፈተኑት የኒውክሌር መሳሪያዎች መካከል እጅግ ግዙፉ እና አውዳሚው በሶቪየት ህብረት የተሰራው "ሳር ቦምባ" የተሰኘው ነው።

ይህ ቦምብ በሂሮሺማ ላይ ከተጣለው ቦምብ በ3,000 እጥፍ የበለጠ አውዳሚ አቅም ያለው እንደነበር ይነገራል። እነዚህ አስፈሪ መሳሪያዎች በሁለት ዋና ዋና መንገዶች የሚዘጋጁ ሲሆን የመጀመሪያው አተምን በመሰንጠቅ የሚፈጠር "አቶሚክ ቦምብ" ሲሆን ሁለተኛው እና እጅግ ኃይለኛው ደግሞ አተሞችን እርስ በርስ በማጣመር የሚፈጠር "ሃይድሮጂን ቦምብ" ነው።

ምንም እንኳን የኒውክሌር ጦር መሳሪያዎች ለዓለም ህልውና ስጋት ቢሆኑም ኃያላን ሀገራት እርስ በርስ በቀጥታ ጦርነት ውስጥ እንዳይገቡ በማድረግ ረገድ ትልቅ ሚና እንደሚጫወቱ ይነገራል።

ይህም "የጋራ ጥፋት ፍርሃት" ሀገራት ግጭት ውስጥ ከመግባታቸው በፊት ደጋግመው እንዲያስቡ ያደርጋቸዋል። አዳዲስ ሀገራት ይህንን መሳሪያ ለመታጠቅ የሚፈልጉትም ለሀገራዊ ደህንነታቸው ዋስትና እንደሚሰጥ በማመናቸው ነው።

የዛሬ ደሞ ይለያል!!!