Mako's Culinary

კლასიკური ბისკვიტი (10 კვერცხით)

ინგრედიენტები:

კვერცხი — 10 ცალი

შაქარი — 300 გ

ფქვილი — 300 გ

ვანილი — სურვილისამებრ

მარილი — ერთი მწიკვი

👩‍🍳 მომზადება:

1.
კვერცხები გატეხეთ დიდ ჯამში. დაამატეთ შაქარი და ვანილი.

2.
მიქსერით ათქვიფეთ მაღალ სიჩქარეზე 7–10 წუთის განმავლობაში, სანამ მასა გახდება ღია ფერის, ფუმფულა და მოცულობაში მინიმუმ 2–3-ჯერ გაიზრდება.

3.
ფქვილი გაცერით. დაამატეთ მასას ნაწილ-ნაწილ და ფრთხილად აურიეთ სილიკონის ნიჩბით ან კოვზით ქვემოდან ზემოთ მოძრაობით, რომ ჰაერი არ დაკარგოს.

4.
საცხობ ფორმას წაუსვით კარაქი ან დააფარეთ პერგამენტის ქაღალდი. ჩაასხით ცომი და ზედაპირი გაასწორეთ.

5.
გამოაცხვეთ წინასწარ გახურებულ ღუმელში 170–180°C-ზე 40–45 წუთის განმავლობაში.
პირველი 30 წუთი ღუმელი არ გააღოთ!

6.
ხის ჩხირით შეამოწმეთ — თუ მშრალი გამოვა, ბისკვიტი მზადაა.

7.
გამოიღეთ ღუმლიდან, გააცივეთ ფორმაში 10 წუთი, შემდეგ კი გადმოიღეთ და ბოლომდე გააგრილეთ.

🍰 კლასიკური კრემი

ინგრედიენტები:

რძე – 500 მლ

კვერცხი – 2 ცალი

შაქარი – 150 გ

ფქვილი ან სიმინდის სახამებელი – 3 ს.კ

ვანილი – გემოვნებით

კარაქი – 50 გ

მომზადება:

1. კვერცხები და შაქარი კარგად ათქვიფე, სანამ გათეთრდება.

2. დაუმატე ფქვილი (ან სახამებელი) და კარგად აური, რომ გუნდები არ დარჩეს.

3. რძე ცალკე გააცხელე (არ აადუღო) და ნელ-ნელა ჩაასხი კვერცხის მასაში, თან ურიე.

4. მიღებული მასა დააბრუნე დაბალ ცეცხლზე და განუწყვეტლივ ურიე, სანამ არ გასქელდება.

5. გადმოდგმის შემდეგ დაამატე ვანილი და კარაქი, კარგად აური.

6. გააციე — კრემი მზად არის ტორტისთვის 🎂

მოგესალმებით❤️
დღეს მინდა გაგიზიაროთ უადვილესი და უგემრიელესი, საოცრად ფაფუკი ორცხობილების რეცეპტი.

მოსამზადებლად დაგჭირდებათ:
• 2 ცალი კვერცხი
• მწიკვი მარილი
• 1 ჭიქა შაქარი (6 სუფრის კოვზი ან 200გ)
• გამაფხვიერებელი
• 1 ცალი ვანილი
• 1 ჭიქა ზეთი ან მარგარინი (მე ორივე გამოვიყენე და ცომი ძალიან ფხვიერი და ნაზი გამოვიდა)ფქვილი რამდენსაც შეიზელს მე 450 გ გამოვიყენე თვითონაც მიხვდებით თვალის ზომით
მომზადება: კვერცხი და შაქარი ავურიოთ ერთგვაროვანი მასის მისაღებად დავამატოთ ზეთი ან გამდნარი მარგარინი ან კარაქი 100 150 გრამი შემდეგ შევურიოთ გამაფხვიერებელი და ფქვილი.
შიგთავსისთვის შეგიძლიათ გამოიყენოთ ქიშმიში ან თქვენთვის სასურველი დანამატი.
ცომს მისცემთ თქვენთვის სასურველ ფორმას და გამოაცხობთ 180 გრადუსზე, ოქროსფერ შეფერილობამდე.

მარტივი, სწრაფი და საოცრად გემრიელი ორცხობილები 🥰

მოგესალმებით მაკოს კულინარიული სამყაროდან ! 👩‍🍳

მინდა გითხრათ, ძალიან მიყვარს სამზარეულო და მსურს, გაგიზიაროთ გემრიელი რეცეპტები, ჩემებური იდეები და ყოველდღიური კულინარიული სიახლეები 💛👩‍🍳

თუ გიყვართ კულინარია და გსურთ, ახალი, მარტივი და გემრიელი რეცეპტები, გამოიწერეთ ჩემი გვერდი და შემომიერთდით..

თქვენი მხარდაჭერა ჩემთვის ძალიან მნიშვნელოვანია!