MLA Amit Gorkhe Fans

माहितीस्तव प्रसारित..

(टीम- आमदार अमित गोरखे कर्तव्यपथ जनसंपर्क कार्यालय)

📍पिंपरी-चिंचवड | 🗓️१८ जून २०२५ | 🕜दु. १.२० वा.
🔸 पिंपरी-चिंचवडच्या विकासाच्या दिशेने एक भव्य पाऊल!
आज दिनांक १८ जून २०२५ रोजी माननीय मुख्यमंत्री श्री. देवेंद्र फडणवीस यांच्या शुभहस्ते पिंपरी-चिंचवड महानगरपालिकेच्या विविध महत्त्वपूर्ण विकास प्रकल्पांचे उद्घाटन, लोकार्पण व भूमिपूजन पार पडले. यामध्ये अमृत-१ योजनेअंतर्गत जलशुद्धीकरण प्रकल्प, नवीन पूल व रॅम्प, गिर्यारोहणासाठी क्लायम्बिंग वॉल, अग्निशमन केंद्र, शाळा, रुग्णालय सुविधांचे प्रकल्प, वाहतूक नियमनासाठी 'ट्राफिक बडी', तसेच ज्येष्ठ नागरिकांसाठी ‘ज्येष्ठानुबंध’ ॲप यांचा समावेश होता.
संत तुकाराम व संत नामदेव महाराज यांच्या ऐतिहासिक भेटीचे समूह शिल्प व संतसृष्टीचा लोकार्पण सोहळा हा सांस्कृतिक समृद्धीचा अत्युच्च क्षण ठरला.
मुख्यमंत्री श्री. फडणवीस यांनी पिंपरी-चिंचवडच्या भविष्यातील नियोजनबद्ध विकासाचे स्पष्ट दिशादर्शन यानिमित्ताने केले.
या ऐतिहासिक प्रसंगी खासदार श्रीरंग बारणे, आमदार महेश लांडगे, आमदार शंकर जगताप, आमदार उमा खापरे, प्रा.सदानंद मोरे व इतर मान्यवरांची उपस्थिती लाभली.

Devendra Fadnavis Shrirang Appa Barne Mahesh Landge Shankar Jagtap Uma Khapre

सुप्रीम कोर्टाच्या आदेशानुसार महाराष्ट्रात आरक्षण उपवर्गीकरण तात्काळ लागू करावे, या मागणीसाठी सकल मातंग समाजाच्या वतीने मुंबईतील आझाद मैदानावर भव्य जनआक्रोश मोर्चाचे आयोजन करण्यात आले. राज्यात सामाजिक, शैक्षणिक आणि आर्थिक स्तरावर मागास राहिलेल्या मांग, मातंग व इतर घटक समाजाला आरक्षणाचे वर्गीकरण करून न्याय मिळावा, यासाठी हजारोंच्या संख्येने नागरिकांनी या आंदोलनात सहभाग घेतला. या मोर्चात सत्ताधारी पक्षाचे आमदार, विविध सामाजिक, राजकीय आणि शैक्षणिक संघटनांचे पदाधिकारी मोठ्या संख्येने सहभागी झाले होते.

सर्वोच्च न्यायालयाने आरक्षणाच्या वर्गीकरणासंदर्भात दिलेल्या निर्णयानंतर तेलंगणा आणि कर्नाटक या राज्यांनी याची अंमलबजावणी सुरू केली असताना, महाराष्ट्रात मात्र अद्याप कोणतीही हालचाल झालेली नाही. यामुळे सरकारला जाग आणण्यासाठी हा जनआक्रोश मोर्चा काढण्यात आला. यावेळी आमदार अमित गोरखे यांनी “मातंग समाज पहिल्यापासून महायुतीसोबत राहिलेला आहे,” असे स्पष्ट केले.

या वेळी महसूलमंत्री चंद्रशेखर बावनकुळे यांनी “मातंग समाजाच्या आरक्षण उपवर्गीकरणाच्या मागणीसंदर्भात येत्या १५ दिवसांत मुख्यमंत्री देवेंद्र फडणवीस यांच्या उपस्थितीत बैठक घेण्यात येईल. महसूल मंत्री आणि प्रदेशाध्यक्ष म्हणून मी याची संपूर्ण जबाबदारी घेतो,” असे ठाम आश्वासन दिले.

या आंदोलनात सकल मातंग समाजातर्फे विविध मागण्या मांडण्यात आल्या. त्यामध्ये आरक्षणाचे वर्गीकरण करून मातंग आणि त्यातील उपजातींना शिक्षण, नोकरी आदी क्षेत्रात आरक्षणाची तरतूद करणे, वैद्यकीय व तंत्रशिक्षण यांसारख्या व्यावसायिक अभ्यासक्रमांमध्ये वर्गीकरणानुसार प्रवेश व सवलती देणे, आंध्र प्रदेशातील मादिगा समाजाच्या विकासासाठी राबविण्यात येणारे मॉडेल स्वीकारणे आणि अनुसूचित जातीसाठी राखीव निधीच्या सुरक्षेसाठी तेलंगणाच्या धर्तीवर स्वतंत्र कायदा करण्याच्या मागण्या समाविष्ट होत्या.

या मोर्चात आमदार अमित गोरखे, आमदार सुनील कांबळे, आमदार जितेश अंतापुरकर, आमदार हेमंत ओगले, माजी मंत्री रमेश बागवे, लक्ष्मण ढोबळे, दिलीप कांबळे, माजी आमदार अविनाश घाटे, ससाणे, सुधाकर भालेराव, गुंडिले, थोरात, राजू आवळे, माजी जिल्हा परिषद अध्यक्ष आनंद गुंडले, श्री. विष्णूभाऊ कसबे, ॲड. राम चव्हाण, श्री. मारुती वाडेकर, श्री. सुधार धूपे, श्री. पंडित सूर्यवंशी, श्री. मुखेडकर आदी मान्यवर व समाजनेते उपस्थित होते.

सकल मातंग समाज महाराष्ट्र राज्याच्या वतीने साद घातल्यानंतर एक लाखांहून अधिक समाजबांधवांची उपस्थिती आझाद मैदानात दिसून आली.

Devendra Fadnavis Ajit Pawar Eknath Shinde - एकनाथ संभाजी शिंदे MLA Sunil Kamble Jitesh Raosaheb Antapurkar

#जनआक्रोशआंदोलन
#उपवर्गीकरण #जनआक्रोशआंदोलन #20मेआंदोलन #समाजहक्क #आरक्षणासाठीलढा

भाजपा आमदार अमित गोरखे यांचे स्वीय सहाय्यक सुशांत भिसे यांच्या पत्नी तनिषा भिसे या प्रसूती वेदनेने व्याकूळ असताना प्रसुतीसाठी दीनानाथ मंगेशकर रुग्णालयामध्ये दाखल होण्यासाठी गेल्या.
मात्र रुग्णालय प्रशासनाने दहा लाख रुपये अनामत रक्कम भरण्याची मागणी केली. अनिशा भिसे यांच्यासोबत असणाऱ्या नातेवाईकांनी आम्ही अडीच लाख रुपये आत्ता भरतो आणि उर्वरित पैसे लगेच भरले जातील असे सांगितले मात्र प्रशासन ऐकायला तयार नव्हतं. काही वेळानंतर पती सुशांत भिसे हे आमदार अमित गोरखे यांचे स्वीय सहाय्यक असल्याने त्यांनी मंत्रालयातून संबंधित रुग्णालय प्रशासनाला फोन केला. मात्र तरीही मंगेशकर रुग्णालयाचे प्रशासन हलायला तयार नव्हते.
अशा परिस्थितीत तनिषा भिसे यांना दुसऱ्या रुग्णालयात तातडीने हलवले गेले. त्यातच त्यांनी दोन जुळ्या बाळांना जन्म दिला. मात्र त्यांचा करुण अंत झाला.
दीनानाथ मंगेशकर रुग्णालयाच्या प्रशासनाने कदाचित थोडासा मानवीय दृष्टिकोन दाखवला असता तर आज तनिषा भिसे आपल्या जुळ्या बाळांना मातृत्व देण्यासाठी हयात राहिल्या असत्या.
सत्ताधारी आमदारांच्या निकटवर्तीयांची ही अवस्था असेल तर आर्थिकदृष्ट्या दुर्बल घटकातील लोकांचे जगणे किड्या मुंग्यांपेक्षाही बदतर होत आहे ज्याची कल्पनाच न केलेली बरी..
्वस्त_होत_आहे!