kar's Fresh Mind

🥣 വീട്ടിൽ തന്നെ തയ്യാറാക്കാം പോഷകസമ്പന്നമായ കർക്കടക കഞ്ഞി! 🌧️🌿
മഴക്കാലത്ത് ശരീരത്തിന്റെ പ്രതിരോധശേഷി വർദ്ധിപ്പിക്കാനും ഉന്മേഷം നിലനിർത്താനും ആയുർവേദം നിർദ്ദേശിക്കുന്ന ഒന്നാണ് കർക്കടക കഞ്ഞി. ഇത് ദിവസത്തിൽ രാവിലെയോ രാത്രിയിലോ കഴിക്കാം (7, 14, അല്ലെങ്കിൽ 21 ദിവസത്തെ കോഴ്സായി കഴിക്കുന്നത് ഉചിതമാണ്).
ഇതാ എളുപ്പത്തിൽ തയ്യാറാക്കാൻ ഒരു റെസിപ്പി 👇
📝 ആവശ്യമായ ചേരുവകൾ:
* ഞവര്യരി – 100 ഗ്രാം
* ചെറുപയർ – 15 ഗ്രാം
* കുറുന്തോട്ടി വേര് ചൂർണം – 10 ഗ്രാം
* ഉലുവ – 10 ഗ്രാം
* ജീരകം – 10 ഗ്രാം
* അയമോദകം – 5 ഗ്രാം
* ആശാളി – 10 ഗ്രാം
* ചുക്ക് – 3 ഗ്രാം
* തിപ്പലി – 3 ഗ്രാം
* കുരുമുളക് – 3 ഗ്രാം
* തേങ്ങാപ്പാൽ – കാൽമുറി തേങ്ങയുടേത്
* നെയ്യ്, ഇന്തുപ്പ്, ചെറിയ ഉള്ളി – ആവശ്യത്തിന്
👩‍🍳 തയ്യാറാക്കുന്ന വിധം:
1️⃣ കുറുന്തോട്ടി കഷായം: 200 ml വെള്ളത്തിൽ 10 ഗ്രാം കുറുന്തോട്ടി വേര് ചൂർണം ചേർത്ത് നന്നായി തിളപ്പിക്കുക.
2️⃣ അരിയും ധാന്യങ്ങളും: ഇതിലേക്ക് 100 ഗ്രാം ഞവര്യരിയും, കുതിർത്ത ചെറുപയറും ഉലുവയും ചേർക്കുക.
3️⃣ ഔഷധങ്ങൾ ചേർക്കാം: ആവശ്യത്തിന് വെള്ളം ഒഴിച്ച് തിളച്ചുവരുമ്പോൾ ആശാളി, ജീരകം എന്നിവ ചേർത്ത് വേവിക്കുക. അതിനുശേഷം പൊടിച്ച ചുക്ക്, തിപ്പലി, കുരുമുളക് എന്നിവ ചേർക്കുക.
4️⃣ തേങ്ങാപ്പാൽ: അരി നന്നായി വെന്തുകഴിഞ്ഞാൽ തേങ്ങാപ്പാൽ ചേർത്ത് കുറുകുന്നതുവരെ ഇളക്കുക.
5️⃣ താളിക്കൽ: അടുപ്പിൽ നിന്നും ഇറക്കിവെച്ച് ആവശ്യത്തിന് ഇന്തുപ്പും നെയ്യും ചേർക്കുക. നെയ്യിൽ ചെറിയ ഉള്ളി മൂപ്പിച്ചു കഞ്ഞിയിൽ താളിച്ചു ചേർക്കാവുന്നതുമാണ്.
ആരോഗ്യകരമായ ഈ മഴക്കാലത്ത് കുടുംബത്തിനായി കർക്കടക കഞ്ഞി വീട്ടിൽ തന്നെ ഉണ്ടാക്കി നോക്കൂ! ❤️

🏆

അഭിമാനവും സന്തോഷവും വാനോളം തോന്നിയ മലയാളത്തിൻ്റെ നേട്ടങ്ങൾ.
നീണ്ട കാത്തിരിപ്പിന് ശേഷം മലയാളികൾക്ക് ലഭിച്ച വലിയ അംഗീകാരം!
മമ്മൂട്ടി - നിത്യവിസ്മയം

**പഠനശേഷം ഈ ഒരു കാര്യം ചെയ്താൽ ഓർമ്മശക്തി വർദ്ധിക്കുമോ? 🤔 പുതിയ പഠനങ്ങൾ പറയുന്നത് നോക്കൂ!**

പഠിച്ചത് മറന്നുപോകുന്നു എന്നതാണോ നിങ്ങളുടെ പ്രധാന പ്രശ്നം? എങ്കിൽ ഇതൊന്ന് പരീക്ഷിച്ചുനോക്കൂ! 🏃‍♀️📚

പഠനത്തിന് ശേഷം വ്യായാമം ചെയ്യുന്നത് (exercise after study) ഓർമ്മശക്തി മെച്ചപ്പെടുത്താൻ സഹായിക്കുമെന്ന് അയോവ യൂണിവേഴ്സിറ്റിയിലെ ഗവേഷകർ കണ്ടെത്തിയിരിക്കുന്നു. 🧠✨

**എന്താണ് ഇതിന് പിന്നിലെ ശാസ്ത്രം?**

തലച്ചോറിൽ വിവരങ്ങൾ ശേഖരിച്ചു വെക്കുന്ന പ്രക്രിയയെ (hippocampus ripple activity) വ്യായാമം സഹായിക്കുന്നു. പഠിച്ച ഉടനെ വ്യായാമം ചെയ്യുന്നതിനേക്കാൾ, ഏതാനും മണിക്കൂറുകൾക്ക് ശേഷം ചെയ്യുന്നതാണ് കൂടുതൽ ഫലപ്രദം എന്നും ഈ പഠനം പറയുന്നു. 🚴‍♂️💡

അപ്പൊ ഇനി പഠിച്ചതിന് ശേഷം ഒരു ചെറിയ വാക്കിംഗോ വർക്കൗട്ടോ ആവാം അല്ലെ? 💪

നിങ്ങളുടെ അഭിപ്രായങ്ങൾ കമന്റിൽ അറിയിക്കൂ! 👇



കടപ്പാട്
മനോരമ ആരോഗ്യം

ഫോൺ നോക്കി കഴിച്ചാൽ 📱📱

ചോദ്യം: മകൻ ഭക്ഷണം കഴിക്കുന്നത് മൊബൈൽ കണ്ടാണ്. കഴിച്ചശേഷം വൈകാതെ വിശക്കുന്നു എന്നു പറയും. കഴിച്ച കാര്യം ഓർമയില്ലാത്ത പോലെയാണ് സംസാരം?

ഉത്തരം: എനിക്ക് ഈ സാഹചര്യത്തിൽ ഓർമ വരുന്ന ഒരു സംഭവമുണ്ട്- പണ്ട് ഞങ്ങളുടെ ഒരു പ്രൊഫസർ ഹൃദ്രോഗം വരാതിരിക്കാൻ എണ്ണപ്പലഹാരം കഴിക്കരുത് എന്ന് പറയുമായിരുന്നു. ഇതു പറഞ്ഞു തീർക്കുന്നതിന്റെ ഇടയിൽ രണ്ടോ മൂന്നോ വട കഴിക്കും. അദ്ദേഹത്തിന് സ്വയം നിയന്ത്രിക്കാൻ പറ്റുന്നില്ലായിരുന്നു. അഡിക്ഷൻ അങ്ങനെയാണ്; എപ്പോൾ വേണമെങ്കിലും കൂടാം, കുറയാം.

മുതിർന്നവരെ കണ്ടാണ് കുട്ടികൾ പഠിക്കുക. ഫോൺ കണ്ടു ഭക്ഷണം കഴിച്ചാൽ എന്താണ് കഴിക്കുന്നതെന്നോ രുചിയെന്താണെന്നോ അറിയില്ല. കഴിവതും വീട്ടിലെല്ലാവരും കൂടി ഒരുമിച്ചിരുന്നു കഴിക്കുക.

കടപ്പാട്
ഡോ. എം. കെ. സി നായർ
മനോരമ ആരോഗ്യം

#ആരോഗ്യം #ഭക്ഷണശീലം #കുടുംബം #കുട്ടികളുടെആരോഗ്യം #മലയാളംപോസ്റ്റ് #നല്ലശീലങ്ങൾ